ວັນເສົາ ທີ 22 ກຸມພາ 2020

"ຫຼັ່ງຂ້າງນອກ" ເປັນວິທີຄຸມກຳເນີດທີ່ໄວ້ໃຈໄດ້ສຳລັບຜູ້ຍິງ ຫຼື ບໍ່?

"ຫຼັ່ງຂ້າງນອກ" ເປັນວິທີຄຸມກຳເນີດທີ່ໄວ້ໃຈໄດ້ສຳລັບຜູ້ຍິງ ຫຼື ບໍ່?

ຫຼັ່ງ​ຂ້າງ​ນອກ​ ມີ​ໂອ​ກາດ​ຈະ​ຖືພາບໍ່​? ຂໍ​ຕອບ​ເລີຍວ່າ​ ‘ມີ​‘. ການ​ຄຸມ​ກຳ​ເນີດ​ດ້ວຍ​ວິທີ​ນີ້​ ບໍ່​ສາມາດ​ປ້ອງ​ກັນ​ການຖືພາ​ໄດ້​ຮ້ອຍເປີເຊັນ​ ແຕ່​ກໍ​ເປັນ​ວິທີ​ການ​ທີ່​ດີກວ່າ​ບໍ່​ໄດ້​ເຮັດ​ຫຍັງ​ເລີຍ. ສະ​ນັ້ນ​ ກ່ອນ​ທີ່​ທ່ານ​ຈະ​ຕັດ​ສິນ​ໃຈ​ທີ່​ຈະ​ໃຊ້​ວິທີ​ນີ້​ໃນ​ການ​ຄຸມ​ກຳ​ເນີດ​ ກໍ​ຄິດ​ໃຫ້​ດີ​ກ່ອນ​ເດີ​ ແລະ​ ນີ້​ຄືລາຍ​ລະອຽດ​ທີ່​ທ່ານ​ຄວນ​ຮູ້​.

ການ​ຄຸມ​ກຳ​ເນີດ​ດ້ວຍ​ວິທີ​ນີ້​ເປັນ​ແນວໃດ?

ວິທີ​ນີ້​ຄື​ການ​ທີ່​ຜູ້​ຊາຍ​ດຶງ​ອະໄວຍະວະ​ເພດ​ອອກຈາກ​ຊ່ອງຄອດ​ ກ່ອນທີ່ຈະ​ມີ​ການ​ຫຼັ່ງ​ອະສຸຈິ.​ ສະ​ນັ້ນ​ ຈຶ່ງ​ອາດ​ມີ​ອະສຸຈິ​ປະລິມານ​ເລັກນ້ອຍຫຼຸດ​ລອດ​ເຂົ້າໄປ​ໄດ້​ ແຕ່​ມັນ​ກໍ​ບໍ່ໄດ້ເຂົ້າ​ໄປ​ງ່າຍໆ​ ຂະໜາດ​ນັ້ນ​ດອກ​.​ ຝ່າຍ​ຊາຍ​ຈຳ​ເປັນ​ຕ້ອງ​ຮູ້​​ຈັງ​ຫວະ​ເວລາ​ເປັນ​ຢ່າງ​ດີ​ວ່າ​ ຄວນ​ຈະ​ດຶງ​ອອກ​ມາ​ຫຼັ່ງ​ຂ້າງ​ນອກ​ຕອນ​ໃດ​. ຖ້າ​ດຶງ​ອອກ​ມາ​ຜິດ​ເວລາ​ ກໍ​ບໍ່​ໄດ້​ຊ່ວຍ​ຫຍັງ​ໄດ້​ເລີຍ. ສະ​ນັ້ນ​ ກໍ​ຄວນ​ຈື່ເຄັດ​ລັບ​ດີ​ໆ​ ພວກ​ນີ້​ໄປ​ໃຊ້​.​

  • ໃຊ້​ສານ​ທຳລາຍ ຫຼື ​ຂ້າ​ເຊື້ອ​ອະສຸຈິ​ຮ່ວມ​ນຳ.
  • ຢ່າ​ໃຊ້​ວິທີ​ນີ້​ໃນ​ມື້ທີ​ຮ່າງກາຍ​ຂອງ​ຝ່າຍ​ຍິງ​ມີ​ຄວາມ​ພ້ອມ​ທີ່​ຈະ​ຕົກ​ໄຂ່.​ ທ່ານ​ຄວນ​ຄິດໄລ່​ຫາ​ມື້​ຕົກ​ໄຂ່​ໃຫ້​ດີ​ ເພື່ອຈະ​ໄດ້​ຮູ້​ວ່າ​ຈະ​ໃຊ້​ການ​ຄຸມ​ກຳ​ເນີດ​ວິທີ​ນີ້​ໃນ​ມື້​ໃດ​ຈຶ່ງ​ຈະປອດໄພ​ທີ່ສຸດ​.
  • ຝ່າຍ​ຊາຍ​ຄວນ​ຈະ​ຍ່ຽວ​ໃຫ້​ຮຽບຮ້ອຍ​ກ່ອນ​ມີ​ເພດ​ສຳພັນ​ ເພື່ອ​ຊ່ວຍ​ກຳຈັດ​ເຊື້ອ​ອະສຸຈິ​ທີ່​ອາດ​​ອອກ​ມາ​ໄວ​ເກີນ​ໄປ​.
  • ເວລາ​ທີ່​ຝ່າຍ​ຊາຍ​ດຶງ​ອອກ​ມາ​ຫຼັງ​ຂ້າງ​ນອກ​ນັ້ນ​ ຕ້ອງ​ແນ່​ໃຈ​ວ່າ​ນ້ຳ​ອະສຸຈິ​ທີ່​ຫຼັ່ງ​ອອກ​ມາ​ນັ້ນ​ບໍ່​ໄດ້​ຢູ່​ແຖວ​ໆ​ຕົ້ນ​ຂາ ຫຼື​ ໜ້າ​ຂາ​ຂອງ​ຝ່າຍ​ຍິງ ເນື່ອງ​ຈາກ​ເຊື້ອ​ອະສຸຈິ​ທີ່​ຢູ່​ເທິງ​ຜິວ​ນັ້ນ​ ອາດ​ມີ​ໂອ​ກາດ​ປົນ​ເປື້ອນ​ເຂົ້າ​ຊ່ອງຄອດ​ໄດ້​.

ການ​ຄຸມ​ກຳ​ເນີດ​ວິທີ​ນີ້​ໃຊ້​ໄດ້​ຜົນ​ສໍ່າໃດ?​

ໃນ​ກໍລະນີ​ນີ້​ ມີ​ຄູ່​ຮັກ​ຢູ່​ປະ​ມານ​ 25% ທີ່​ໃຊ້​ການ​ຄຸມ​ກຳ​ເນີດ​ວິທີ​ນີ້​ ແລ້ວ​ເກີດ​ການຖືພາ​ຂຶ້ນ​ມາ​ ເຊິ່ງ​ຖ້າ​ນຳ​ມາ​ປຽບທຽບ​ກັນ​ແລ້ວ​ ຄູ່​ຮັກ​ທີ່​ໃຊ້​ຖົງ​ຢາງ​ອະນາໄມ​ ມີ​ສິດ​ເກີດ​ຖືພາ​ໄດ້​ 18%. ສ່ວນ​ຄູ່​ຮັກ​ທີ່ປ່ອຍ​ໄປ​ຕາມ​ໂຊກ​ຊະ​ຕາ​ນັ້ນ​ ມີ​ໂອ​ກາດ​ຈະ​ຖືພາ​ໄດ້​ຫຼາຍ​ເຖິງ​ 85%. ສະ​ນັ້ນ​ ຖ້າ​ຄູ່​ຮັກ​ຄູ່​ໃດ​ຍັງ​ບໍ່​ຢາກ​ໃຫ້​ຢາກ​ມີ​ຊີວິດ​ນ້ອຍ​ໆ​ ເກີດ​ມາ​ໃນ​ໄລຍະ​ນີ້​ ກໍ​ບໍ່​ຄວນ​ຄຸມ​ກຳ​ເນີດ​ດ້ວຍ​ວິທີ​ນີ້​ ເພາະ​ມີ​ໂອ​ກາດ​ສູງ​ທີ່​ຈະ​ເກີດ​ຖືພາ​ຂຶ້ນ​ມາ​ໄດ້​.

ວິທີ​ນີ້​ເໝາະ​ກັບ​ທ່ານ ຫຼື​ ບໍ່​?

ການ​ຄຸມ​ກຳ​ເນີດ​ດ້ວຍ​ວິທີ​ນີ້​ ບໍ່​ສາມາດ​ໄວ້​ວາງ​ໃຈ​ໄດ້​ຮ້ອຍເປີເຊັນ​ ຈຶ່ງ​ບໍ່​ໜ້າ​ຈະ​ເປັນ​ວິທີ​ທີ່​ເໝາະ​ກັບ​ໃຜ​ ຖ້າຄົ​ນຜູ້ນັ້ນ​ບໍ່​ຕ້ອງ​ການຖືພາ​ ແຖມ​ຍັງ​ເປັນ​ວິທີ​ທີ່​ສ່ຽງ​ຕໍ່​ການ​ຕິດ​ພະຍາດ​ຕິດ​ຕໍ່​ທາງ​ເພດ​ສຳພັນອີກ​ດ້ວຍ.​ ສະ​ນັ້ນ​ ຖ້າ​ມີ​ໂອ​ກາດ​ສ່ຽງ​ທີ່​ຈະ​ຕິດ​ພະຍາດ​ຈາກ​ຄູ່ນ​ອນ​ຂອງ​ທ່ານ​ ກໍ​ບໍ່​ຄວນ​ໃຊ້​ວິທີ​ນີ້​ ແຕ່​ຖ້າ​ຄູ່​ຮັກ​ຄູ່​ໃດ​ທີ່​ບໍ່​ກັງ​ວົນ​ກັບ​ການຖືພາ​ໂດຍ​ບໍ່​ຕັ້ງ​ໃຈ​ ການ​ຫຼັ່ງ​ຂ້າງ​ນອກ​ກໍ​ນັບ​ເປັນ​ທາງ​ເລືອກ​ທີ່​ດີ​ ເພາະ​ເປັນ​ວິທີ​ທີ່​ສະ​ດວກ​ ແລະ​ ບໍ່​ຕ້ອງ​ເສຍ​ເງິນ​ເສຍຄຳ​ຫຍັງ.​ ນອກ​ຈາກ​ນີ້​ທ່ານ​ຍັງ​ບໍ່​ຕ້ອງ​ໄປ​ພົບ​ທ່ານ​ໝໍ​ ເພື່ອຂໍໃຫ້​ສັ່ງ​ຢາ​ຫຍັງອີກ​ດ້ວຍ.​

ວິທີ​ນີ້​ປ້ອງ​ການ​ການ​ຕິດ​ພະຍາດ​ໄດ້ ຫຼື​ ບໍ່​?

ກໍ​ຢ່າງ​ທີ່​ບອກ​ໄປ​ແລ້ວ​ນັ້ນ​ລະ​ວ່າ​ ເຖິງ​ແມ່ນ​ວິທີ​ຈະ​ຊ່ວຍ​ປ້ອງ​ກັນ​ການຖືພາ​ໄດ້​ໃນ​ລະ​ດັບ​ໜຶ່ງ​ ແຕ່​ບໍ່​ສາມາດ​ປ້ອງ​ກັນ​ການ​ຕິດ​ພະຍາດ​ຕິດ​ຕໍ່​ທາງ​ເພດ​ສຳພັນ​ໄດ້​ເລີຍ. ພະຍາດ​ຕິດ​ຕໍ່​ທາງ​ເພດ​ສຳພັນ​ເຊັ່ນ: ຫູດ ຫຼື​ ເຣີມ​ທີ່​ອະໄວຍະ​ວະ​ເພດ​ ສາມາດ​ແຜ່ກ​ະ​ຈາຍ​ຈາກ​ການ​ສຳ​ຜັດ​ກັນ​ທາງ​ຜິວ​ໜັງ​ໄດ້​. ສະ​ນັ້ນ​ ຖ້າ​ທ່ານ​ກຳ​ລັງ​ຈະ​ມີ​ເພດ​ສຳພັນ​ກັບ​ໃຜ​ ກໍ​ຄວນ​ໃຊ້​ຖົງ​ຢາງ​ອະນາໄມ​ເພື່ອ​ປ້ອງ​ກັນ​ພະຍາດ​ເອົາ​ໄວ້​ກ່ອນ​ດີກວ່າ​.

ຈະ​ໃຊ້​ວິທີ​ນີ້​ໃຫ້​ໄດ້​ຜົນ​ດີທີ່ສຸດ​ໄດ້​ແນວໃດ?​

ວິທີ​ທີ່​ຈະ​ຫຼັ່ງ​ຂ້າງ​ນອກ​ໃຫ້​ໄດ້​ຜົນ​ດີີທີ່ສຸດ​ກໍ​ຄື​ ໃຊ້​ຮ່ວມ​ກັບ​ການ​ຄຸມ​ກຳ​ເນີດ​ດ້ວຍ​ວິທີ​ອື່ນ​ (​ເຊັ່ນ:​ ການ​ໃສ່​ຫ່ວງ​, ຢາ​ຄຸມ​ກຳ​ເນີດ​ ແລະ​ຖົງ​ຢາງ​ອະນາໄມ​). ວິທີ​ນີ້​ເຖິງ​ແມ່ນ​ການ​ຫຼັ່ງ​ຂ້າງ​ນອກ​ຈະ​ເກີດ​ການ​ຜິດ​ພາດ​ ກໍ​ຍັງ​ປ້ອງ​ກັນ​ການຖືພາ​ໄດ້​ຢູ່​ດີ​.

ການ​ໃຊ້​ຖົງ​ຢາງ​ອະນາໄມ​ເປັນ​ວິທີ​ທີ່​ດີ​ສຸດ​ໃນ​ການ​ໃຊ້​ຮ່ວມ​ກັບ​ວິທີ​ຫຼັ່ງ​ຂ້າງ​ນອກ​ ເຊິ່ງ​ວິທີ​ນີ້​ບໍ່​ພຽງ​ແຕ່​ຊ່ວຍ​ປ້ອງ​ກັນ​ການຖືພາ​ໄດ້​ ຖ້າ​ດຶງ​ອອກ​ມາ​ຫຼັ່ງ​ຂ້າງ​ນອກ​ຜິດ​ເວລາ​ ແຕ່​ຍັງ​ເປັນ​ວິທີ​ດຽວ​ທີ່​ຢຸດ​ການ​ແຜ່ກ​ຣະ​ຈາຍ​ຂອງ​ພະຍາດ​ຕິດ​ຕໍ່​ທາງ​ເພດ​ສຳພັນ​ຈາກ​ການ​ມີ​ເພດສຳພັນ​ໄດ້.​ ທ່ານ​ອາດ​ໃຊ້​ຖົງ​ຢາງ​ອະນາໄມ​ໃນ​ການ​ຝຶກ​ຫຼັ່ງ​ຂ້າງ​ນອກ​  ເພື່ອຈະ​ໄດ້​ຮຽນ​ຮູ້​ວ່າ​ ຈະ​ດຶງ​ອອກ​ມາ​ຫຼັ່ງ​ຂ້າງ​ນອກ​ຕອນ​ໃດ​ໄດ້​ຖືກ​ເວລາ​.

ການ​ຈະ​ຫຼັ່ງ​ຂ້າງ​ນອກ​ໃຫ້​ໄດ້​ຜົນ​ດີ​ທີ່ສຸດ​ນັ້ນ​ ທ່ານ​ຈະ​ຕ້ອງ​ເຮັດໃຫ້​ຖືກ​ເວລາ​ທຸກ​ເທື່ອ​ ໂດຍ​ຈະ​ຕ້ອງ​ດຶງ​ອອກ​ມາ​ກ່ອນ​ຈະ​ມີ​ການ​ຫຼັ່ງ​ອະສຸຈິ​ທຸກ​ເທື່ອ​ ແລະ​ຕ້ອງ​ແນ່​ໃຈ​ວ່າ​ນ້ຳ​ອະສຸຈິ​ທີ່​ຫຼັ່ງ​ອອກ​ມາ​ນັ້ນ​ ຢູ່​ຫ່າງ​ຈາກ​ອະໄວຍະວະ​ເພດ​ຂອງ​ຝ່າຍ​ຍິງ.​ ເລື່ອງ​ນີ້​ນັບ​ເປັນ​ເລື່ອງ​ທີ່​ສຳຄັນ​ຫຼາຍ​ ເພາະ​ຖ້າ​ເຊື້ອ​ອະສຸຈິ​ເຂົ້າໄປ​ຢູ່ໃນ​ຊ່ອງຄອດ​ໄດ້​​ພຽງແຕ່ໜ້ອຍ​ດຽວ​ ກໍ​ອາດ​ເຮັດໃຫ້​ມີ​ໂອ​ກາດ​ຈະ​ຖືພາ​ໄດ້​ຄືກັນ​.

ໃຊ້​ຮ່ວມ​ກັບ​ຢາ​ຄຸມ​ສຸກ​ເສີນ​

ໃນ​ກໍລະນີ​ທີ່​ອາດ​ມີ​ຄວາມ​ຜິດ​ພາດ​ເກີດ​ຂຶ້ນ​ຈາກ​ການ​ຄຸມ​ກຳ​ເນີດ​ດ້ວຍ​ວິທີ​ຫຼັ່ງ​ຂ້າງ​ນອກ​ນັ້ນ​ ທ່ານ​ກໍ​ຄວນ​ກຽມ​ຢາ​ຄຸມ​ກຳ​ເນີດ​ສຸກ​ເສີນ​ເອົາ​ໄວ້​ໃຫ້​ພ້ອມ​ນຳ​ ເຜື່ອ​ເອົາ​ໄວ້​ໃນ​ກໍລະນີ​ທີ່​ມີ​ການ​ຫຼັ່ງ​ໃນ​ບໍລິເວນ​ທີ່​ຢູ່​ໃກ້​ອະໄວຍະວະ​ເພດ​ຂອງ​ຝ່າຍຍິງ.​ ຢາ​ຄຸມ​ກຳ​ເນີດ​ສຸກ​ເສີນ​ສາມາດ​ປ້ອງ​ກັນ​ການຖືພາ​ຫຼັງ​ມີ​ເພດ​ສຳພັນ​ແບບ​ບໍ່​ໄດ້​ປ້ອງ​ກັນ​ໄດ້​ 3 ມື້​ ວິທີ​ນີ້​ຈະ​ເຮັດໃຫ້​ທ່ານ​ໝັ້ນໃຈ​ໄດ້​ວ່າ​ຈະ​ບໍ່​ເກີດ​ການຖືພາ​ຂຶ້ນ​ມາ​ຢ່າງ​ແນ່ນອນ​.

ກ່າວ​ໂດຍ​ສະຫຼຸບ​ກໍ​ຄື​ ທ່ານ​ຜູ້ຍິງ​ຄວນ​ຄິດ​ໃຫ້​ດີ​ກ່ອນ​ຕັດ​ສິນ​ໃຈ​ຄຸມ​ກຳ​ເນີດ​ດ້ວຍ​ວິທີ​ນີ້​ ເຊິ່ງ​ການ​ມີ​ເພດ​ສຳພັນ​ທີ່​ດີ​ນັ້ນ​ ບໍ່​ຄວນ​ເຮັດໃຫ້​ໃຜ​ຕ້ອງ​ຮູ້ສຶກ​ວິຕົ​ກກັງວົນ​ກ່ຽວກັບ​ການຖືພາ ຫຼື​ ການ​ຕິດ​ພະຍາດ​. ຜູ້​ຊ່ຽວ​ຊານ​ລະ​ບຸ​ວ່າ​ຜູ້ຍິງ​ທີ່​ໃຊ້​ການ​ຄຸມ​ກຳ​ເນີດ​ດ້ວຍ​ວິທີ​ນີ້​ ມັກ​ບໍ່​ຄ່ອຍ​ມີ​ຄວາມ​ສຸກ​ກັບ​ການ​ມີ​ເພດ​ສຳພັນ​ເທົ່າ​ໃດ​ ເນື່ອງ​ຈາກ​ມັກ​ຕ້ອງ​ກັງວົງ​ວ່າ​ ຝ່າຍຊາຍ​ຈະ​ດຶງ​ອອກ​ມາ​ຊ້າ​ເກີນ​ໄປ ຫຼື​ ບໍ່​ ຈົນ​​ເຮັດໃຫ້​ບໍ່​ມີ​ຄວາມ​ສຸກ​ຈາກ​ການ​ມີ​ເພດ​ສຳພັນ​ໄປ​ນຳ.

Advertisement Replay Ad

ຂໍຂອບໃຈ

ຂໍ້ມູນ : hellokhunmor

ພາບ : Pxhere

ຈຸດຊົມວິວ The Rock Viewpoint ພູຜາມ່ານ ບ່ອນທ່ຽວທີ່ໜ້າໄປເຊັກອິນ ໃນປີ 2020

ຈຸດຊົມວິວ The Rock Viewpoint ພູຜາມ່ານ ບ່ອນທ່ຽວທີ່ໜ້າໄປເຊັກອິນ ໃນປີ 2020

ຜົນວິໄຈພົບ ການດົມກິ່ນກາຍຂອງ “ຄົນຮັກ” ຊ່ວຍໃຫ້ຫຼັບສະບາຍ ແລະ ຫຼັບດີຍິ່ງຂຶ້ນ

ຜົນວິໄຈພົບ ການດົມກິ່ນກາຍຂອງ “ຄົນຮັກ” ຊ່ວຍໃຫ້ຫຼັບສະບາຍ ແລະ ຫຼັບດີຍິ່ງຂຶ້ນ

ຮູ້ຫຼືຍັງ? ຜົນກະທົບຂອງການ “ສູບຢາ” ທີ່ມີຫຼາຍກວ່າການທຳຮ້າຍປອດ

ຮູ້ຫຼືຍັງ? ຜົນກະທົບຂອງການ “ສູບຢາ” ທີ່ມີຫຼາຍກວ່າການທຳຮ້າຍປອດ

ບັນຍາກາດ ແຫ່ຊ້າງເຜືອກເຂົ້າເມືອງ ໃນງານບຸນຊ້າງ ແຂວງໄຊຍະບູລີ

ບັນຍາກາດ ແຫ່ຊ້າງເຜືອກເຂົ້າເມືອງ ໃນງານບຸນຊ້າງ ແຂວງໄຊຍະບູລີ

ເປັນ “ປະຈຳເດືອນ” 2 ຄັ້ງຕໍ່ເດືອນ ຜິດປົກກະຕິຫຼືບໍ່?

ເປັນ “ປະຈຳເດືອນ” 2 ຄັ້ງຕໍ່ເດືອນ ຜິດປົກກະຕິຫຼືບໍ່?

ທ່ຽວຖ້ຳພະເຈົ້າສິງຄຳ ແຂວງອຸດົມໄຊ ສັກກາລະບູຊາພະເຈົ້າສິ່ງສັກສິດ

ທ່ຽວຖ້ຳພະເຈົ້າສິງຄຳ ແຂວງອຸດົມໄຊ ສັກກາລະບູຊາພະເຈົ້າສິ່ງສັກສິດ

ລວມໄອເດຍ ຊົງຜົມສັ້ນ-ພຽງບ່າ ສຳລັບສາວໆ ຕັດແລ້ວຊ່ວຍໃຫ້ໜ້າເດັກລົງ

ລວມໄອເດຍ ຊົງຜົມສັ້ນ-ພຽງບ່າ ສຳລັບສາວໆ ຕັດແລ້ວຊ່ວຍໃຫ້ໜ້າເດັກລົງ

ເມື່ອທ່ານບໍ່ສັດທາໃນ “ຮັກແທ້” ອີກຕໍ່ໄປ

ເມື່ອທ່ານບໍ່ສັດທາໃນ “ຮັກແທ້” ອີກຕໍ່ໄປ

ຮູ້ຫຼືບໍ່? ການ “ກິນເຜັດ” ຫຼາຍເກີນໄປ ສ່ຽງຕໍ່ການເປັນພະຍາດ “ຄວາມຈຳເສື່ອມ”

ຮູ້ຫຼືບໍ່? ການ “ກິນເຜັດ” ຫຼາຍເກີນໄປ ສ່ຽງຕໍ່ການເປັນພະຍາດ “ຄວາມຈຳເສື່ອມ”

ແມ່ຖືພາເສີມດັງໄດ້ບໍ່? ຢາກສັນຍະກຳ ຕອນໃດຈຶ່ງເໝາະສົມ ແລະ ບໍ່ກະທົບລູກ

ແມ່ຖືພາເສີມດັງໄດ້ບໍ່? ຢາກສັນຍະກຳ ຕອນໃດຈຶ່ງເໝາະສົມ ແລະ ບໍ່ກະທົບລູກ

ສາວໆຄວນຮູ້ ເລືອກປະເພດ “ສີທາແກ້ມ” ແນວໃດ ໃຫ້ເຂົ້າກັບສະພາບຜິວ

ສາວໆຄວນຮູ້ ເລືອກປະເພດ “ສີທາແກ້ມ” ແນວໃດ ໃຫ້ເຂົ້າກັບສະພາບຜິວ

“ສັດລ້ຽງ” ຄວນລ້ຽງແນວໃດ ໃຫ້ປອດໄພທັງສັດ ເຈົ້າຂອງ ແລະ ຄົນອ້ອມຂ້າງ

“ສັດລ້ຽງ” ຄວນລ້ຽງແນວໃດ ໃຫ້ປອດໄພທັງສັດ ເຈົ້າຂອງ ແລະ ຄົນອ້ອມຂ້າງ

“ໂມໂນນິວຄລິໂອຊີສ” ພະຍາດຕິດຕໍ່ຜ່ານທາງການ “ຈູບ” ທີ່ໄວໜຸ່ມຄວນລະວັງ

“ໂມໂນນິວຄລິໂອຊີສ” ພະຍາດຕິດຕໍ່ຜ່ານທາງການ “ຈູບ” ທີ່ໄວໜຸ່ມຄວນລະວັງ

13 ພຶດຕິກຳທີ່ “ທຳຮ້າຍຕັບ”

13 ພຶດຕິກຳທີ່ “ທຳຮ້າຍຕັບ”

ຝັນວ່າ “ຂ້າຄົນ” ບອກຫຍັງກ່ຽວກັບສຸຂະພາບຈິດຂອງເຮົາໄດ້ແດ່?

ຝັນວ່າ “ຂ້າຄົນ” ບອກຫຍັງກ່ຽວກັບສຸຂະພາບຈິດຂອງເຮົາໄດ້ແດ່?

How to ແຕ່ງຕາວັນວາເລັນທາຍ! ສີນີ້ງາມທຳມະຊາດ ແລະ ລອດແນ່ນອນ

How to ແຕ່ງຕາວັນວາເລັນທາຍ! ສີນີ້ງາມທຳມະຊາດ ແລະ ລອດແນ່ນອນ

ຂໍ້ດີຂອງການຢູ່ເປັນໂສດ ຂໍບອກເລີຍວ່າ ມັນມີຂໍ້ດີຢູ່ຫຼາຍຢ່າງ

ຂໍ້ດີຂອງການຢູ່ເປັນໂສດ ຂໍບອກເລີຍວ່າ ມັນມີຂໍ້ດີຢູ່ຫຼາຍຢ່າງ

ຂໍ້ຄິດເຕືອນໃຈສຳລັບຄົນອົກຫັກ ເຮັດແນວໃດຈຶ່ງຈະມີຮັກທີ່ດີອີກຄັ້ງ

ຂໍ້ຄິດເຕືອນໃຈສຳລັບຄົນອົກຫັກ ເຮັດແນວໃດຈຶ່ງຈະມີຮັກທີ່ດີອີກຄັ້ງ

ຮູ້ບໍ... ສີດອກກຸຫຼາບມີຄວາມໝາຍຫຍັງແດ່? ແລ້ວແຕກຕ່າງກັນແນວໃດ?

ຮູ້ບໍ... ສີດອກກຸຫຼາບມີຄວາມໝາຍຫຍັງແດ່? ແລ້ວແຕກຕ່າງກັນແນວໃດ?

ໄປເມືອງຮົ່ມ ຢ່າລືມໄປສຳຜັດທຳມະຊາດ "ນ້ຳຕົກຕາດພະແຈແຫຼ້"

ໄປເມືອງຮົ່ມ ຢ່າລືມໄປສຳຜັດທຳມະຊາດ "ນ້ຳຕົກຕາດພະແຈແຫຼ້"

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ