ວັນອັງຄານ ທີ 22 ຕຸລາ 2019

ເບິ່ງດວງປີ 2019 ແບບເຈາະເລິກຮອບດ້ານ 12 ລາສີ

ເບິ່ງດວງປີ 2019 ແບບເຈາະເລິກຮອບດ້ານ 12 ລາສີ
S! Muan

ສະໜັບສະໜູນເນື້ອຫາ

ກວດເບິ່ງດວງປີ 2019 ຂອງທັງ 12​ ລາສີ ແບບເຈາະເລິກຮອບດ້ານ ທັງດ້ານເລື່ອງວຽກງານ, ການເງິນ, ຄວາມຮັກ ແລະ ສຸຂະພາບ ໃຜທີ່ຈະດວງດີມາແຮງ ຫຼື ໃຜທີ່ຈະຕ້ອງລະມັດລະວັງເລື່ອງໃດເປັນພິເສດ ສາມາດກວດເບິ່ງໄດ້ແລ້ວທີ່ນີ້.

 

ລາສີເມດ (14 ເມສາ - 12 ພຶດສະພາ)

ວຽກງານ: ມີການປ່ຽນແປງຢ່າງເຫັນໄດ້ຊັດເຈນ ພຽງແຕ່ການປ່ຽນແປງໃນໄລຍະທຳອິດນັ້ນອາດຈະສົ່ງຜົນໃຫ້ທ່ານມີຄວາມວຸ້ນວາຍໃຈພໍສົມຄວນ ບໍ່ວ່າຈະເປັນເລື່ອງຄວາມຂັດແຍ່ງ ຫຼື ການປັບປ່ຽນສະພາບແວດລ້ອມໃນການເຮັດວຽກ ໂດຍສະເພາະໃນຊ່ວງຕົ້ນປີ ຄົນທີ່ເກີດລາສີເມດ ຈະຕ້ອງໄດ້ອົດທົນເພື່ອທີ່ຈະຜ່ານຜ່າອຸປະສັກໄປໃຫ້ໄດ້,​ ແຕ່ເມື່ອກາຍ ເດືອນມີນາ ໄປແລ້ວ ກໍ່ຈະເລີ່ມມີຂ່າວດີຕ່າງໆເຂົ້າມາ. ດັ່ງນັ້ນ, ໃຜທີ່ກຳລັງວາງແຜນຢາກປ່ຽນວຽກໃນປີນີ້ ຈັງຫວະດວງແມ່ນຂ້ອນຂ້າງໂດດເດັ່ນ ມີການປ່ຽນແປງຢ່າງແນ່ນອນ.

ການເງິນ: ມີໂອກາດໝູນເງິນຫຼາຍພໍສົມຄວນ ແຕ່ໂຊກລາບທີ່ເດັ່ນທີ່ສຸດຂອງ ລາສີເມດ ນັ້ນ ຈະເປັນໂຊກທີ່ກ່ຽວຂ້ອງກັບ ອະສັງຫາລິມະສັບ, ຜູ້ໃດທີ່ຕັ້ງໃຈຢາກຈະຊື້-ຂາຍດິນ ຫຼື ວາງແຜນປຸກເຮືອນຫຼັງໃໝ່ ຈະມີຂ່າວດີເຂົ້າມາ, ເຖິງແມ່ນວ່າຈະເປັນປີທີ່ຕ້ອງໝູນເງິນຫຼາຍຂຶ້ນ ແຕ່ກໍ່ຈະເຮັດໃຫ້ທ່ານມີທັງກຳໄລ ແລະ ລາຍຮັບຢູ່ໃນເກນທີ່ດີຫຼາຍຂຶ້ນ.

ຄວາມຮັກ: ປ່ຽນແປງໄປໃນທາງທີ່ດີຫຼາຍ, ໃຜທີ່ກຳລັງຢູ່ໃນຊ່ວງຂອງການເລີ່ມຕົ້ນຊີວິດ ໂອກາດທີ່ຄວາມຮັກຈະມີຄວາມສຸກ ໄດ້ແຕ່ງງານມີຄອບຄົວກໍ່ມີສິດຈະເກີດຂຶ້ນໄດ້ ແລະ ເປັນຂ່າວດີສຳລັບຄົນທີ່ຢາກມີລູກ ໃນປີນີ້ດວງມີຄວາມສົມພົງ ເຮັດໃຫ້ມີສະມາຊິກໃໝ່ໄດ້ບໍ່ຍາກ. ການຂະຫຍາຍທີ່ຢູ່ອາໄສ ຫຼື ປຸກເຮືອນຫຼັງໃໝ່ ຖືວ່າຈະເປັນຈຸດເລີ່ມຕົ້ນທີ່ດີສຳລັບຊີວິດຄອບຄົວຂອງທ່ານ.

ສຸຂະພາບ:​ ເລື່ອງສຸຂະພາບແມ່ນຍັງຕ້ອງໄດ້ລະວັງ ເພາະໃນປີນີ້ເປັນປີທີ່ຕ້ອງເດີນທາງຫຼາຍສົມຄວນ,​ ອາດຈະຕ້ອງເດີນທາງໄປສະຖານທີ່ແປກໆ ທີ່ບໍ່ຄຸ້ນເຄີຍ ຫຼື ບາງຄົນອາດຈະຕ້ອງເດີນທາງຕອນກາງຄືນ. ດັ່ງນັ້ນ ຕ້ອງໄດ້ໃຊ້ຄວາມລະມັດລະວັງ ຖ້າຂັບລົດເອງກໍ່ຄວນກວດສອບພາຫະນະຂອງທ່ານໃຫ້ດີກ່ອນອອກເດີນທາງ, ໃຜທີ່ຕ້ອງເດີນທາງໄປສະຖານທີ່ແປກໆ ຕ້ອງມີສະຕິ ແລະ ຮອບຄອບໃຫ້ຫຼາຍຂຶ້ນ.

 

 

ລາສີພຶດສົບ (15 ພຶດສະພາ - 12 ມິຖຸນາ)

ວຽກງານ: ມີຄວາມກ້າວໜ້າເກີດຂຶ້ນ ພຽງແຕ່ຊ່ວງໂຊກຂອງທ່ານຈະຢູ່ຊ່ວງກາງປີ ຈະເປັນຊ່ວງທີ່ມີຄວາມຊັດເຈນໃນດ້ານການເຮັດວຽກ, ດັ່ງນັ້ນ ຊ່ວງກ່ອນໜ້ານັ້ນ ອາດຈະເປັນຊ່ວງທີ່ທ່ານຕ້ອງສຶກສາ ຫາຂໍ້ມູນ ກຽມຕົວໃຫ້ຫຼາຍຂຶ້ນ, ໂດຍສະເພາະແມ່ນໃນຊ່ວງເຄິ່ງປີທຳອິດຈະເປັນຊ່ວງທີ່ດວງດາວຂ້ອນຂ້າງແຮງ, ແຕ່ເມື່ອຜ່ານໄປຮອດຊ່ວງກາງປີ ທ່ານຈະມີຄົນເຂົ້າມາຊ່ວຍເຫຼືອແນະນຳ ມີຜູ້ໃຫຍ່ໃຫ້ການສະໜັບສະໜູນ ຫຼື ເກີດມີຄວາມກ້າວໜ້າໃນດ້ານວຽກງານຫຼາຍຂຶ້ນ.

ການເງິນ: ເປັນລາສີທີ່ມີເລື່ອງການໝູນເງິນຫຼາຍທີ່ສຸດໃນບັນດາ 12 ລາສີ, ເປັນລາສີທີ່ຈະຫາເງິນໄດ້ຫຼາຍ, ຈັງຫວະຂອງດວງດາວຈະສົ່ງຜົນໃຫ້ເລື່ອງການເງິນຂອງທ່ານມີລາຍຮັບຂ້ອນຂ້າງຫຼາຍ, ປີນີ້ເປັນປີແຫ່ງການຍັບຂະຫຍາຍ ທ່ານຈຶ່ງຕ້ອງໄດ້ເຮັດທຸລະກິດຫຼາຍຢ່າງ ຫຼື ໄດ້ເງິນມາແລ້ວກໍ່ເອົາໄປລົງທຶນ ຈຶ່ງເຮັດໃຫ້ຕ້ອງໄດ້ໝູນເງິນຫຼາຍເປັນພິເສດ

ຄວາມຮັກ: ໃນປີນີ້ ໃຜທີ່ຕັ້ງໃຈຢາກຈະເລີ່ມຕົ້ນຄວາມຮັກຄັ້ງໃໝ່ ຖືເປັນໂອກາດອັນດີຂອງທ່ານ, ແຕ່ດ້ວຍເຫດທີ່ດວງດາວແຫ່ງການປ່ຽນແປງຂ້ອນຂ້າງແຮງ, ບາງຄົນເລີ່ມມີການປ່ຽນແປງຕັ້ງແຕ່ຕົ້ນປີ ຫຼື ອາດຈະເປັນຊ່ວງປະມານກາງປີ, ຈັງຫວະຂອງດວງດາວນັ້ນ ຈະສົ່ງຜົນໃຫ້ບັນຫາ ແລະ ອຸປະສັກໃນຊີວິດຂອງທ່ານໝົດໄປ, ທ່ານຈະໄດ້ພົບກັບສິ່ງໃໝ່ທີ່ດີຂຶ້ນ ປີນີ້ຈຶ່ງເປັນປີທີ່ມີໂອກາດອັນດີໃນດ້ານຄວາມຮັກ.

ສຸຂະພາບ: ມີເກນຈະເຈັບປ່ວຍ ແລະ ບໍ່ສະບາຍໄດ້ງ່າຍ ເນື່ອງຈາກວຽກງານທີ່ຫຼາຍ ມີເວລາພັກຜ່ອນບໍ່ພຽງພໍ ແລະ ຕ້ອງລະວັງເລື່ອງການກິນອາຫານ ແລະ ການຄວບຄຸມນໍ້າໜັກໃຫ້ດີ.

 

 

 

ລາສີເມຖຸນ (15 ມິຖຸນາ - 16 ກໍລະກົດ)

ວຽກງານ: ເປັນປີແຫ່ງຄວາມໂດດເດັ່ນ ແລະ ກ້າວໜ້າ ໂດຍສະເພາະວຽກງານວິຊາສະເພາະ ເພາະດວງຂອງທ່ານໃນຊ່ວງຕົ້ນປີ ເປັນຊ່ວງທີ່ໄດ້ຮັບຄວາມຊ່ວຍເຫຼືອທີ່ດີໃນການເຮັດວຽກ ບໍ່ວ່າຈະເປັນການຕິດຕໍ່ພົວພັນ ຫຼື ການໄດ້ຮັບຄວາມເມດຕາຈາກຜູ້ໃຫຍ່, ມີເກນຈະໄດ້ປ່ຽນວຽກ ປ່ຽນລະບົບວຽກ ຫຼື ປ່ຽນແປງສະພາບແວດລ້ອມຂອງການເຮັດວຽກ.

ການເງິນ: ຖືວ່າຢູ່ໃນຊ່ວງຈັງຫວະທີ່ດີ, ດວງດາວສົ່ງຜົນໃຫ້ເກີດການຍັບຍ້າຍປັບປ່ຽນ ມີຄວາມຮັ່ງມີຫຼາຍຂຶ້ນຈາກການໄດ້ລາຍຮັບເສີມທີ່ຈະຫຼັ່ງໄຫຼເຂົ້າມາ ແຕ່ສ່ວນລາຍຈ່າຍນັ້ນກໍ່ຈະເກີດຂຶ້ນໜັກໜາພໍສົມຄວນ. ປີນີ້ເປັນປີແຫ່ງການເດີນທາງ ເຮັດໃຫ້ເສຍຄ່າໃຊ້ຈ່າຍໃນການເດີນທາງຫຼາຍ ເຖິງແມ່ນວ່າຈະຫາເງິນໄດ້ຫຼາຍກໍ່ອາດຈະໝົດໄປກັບເລື່ອງອື່ນໆໄດ້ຫຼາຍເຊັ່ນກັນ.

ຄວາມຮັກ: ມີຈຸດປ່ຽນຄັ້ງສຳຄັນ ມີໂອກາດທີ່ຈະສະຫຼະໂສດ ແຕ່ອາດຈະເປັນການສະຫຼະໂສດແບບກະທັນຫັນ. ການເລີ່ມຕົ້ນຄວາມຮັກຂອງທ່ານອາດຈະເປັນຮັກຕັ້ງແຕ່ຄັ້ງທຳອິດທີ່ພົບ, ສິ່ງໃດທີ່ບໍ່ດີຈະອອກໄປຈາກຊີວິດ, ທ່ານຈະໄດ້ພົບກັບສິ່ງໃໝ່ທີ່ດີກວ່າ ເຂົ້າມາແທນ. ແຕ່ຝາກເຕືອນສຳລັບຄົນທີ່ມີຄູ່ແລ້ວ ອາດມີເກນເກີດບັນຫາກ່ຽວກັບເລື່ອງຂອງມືທີສາມໄດ້.

ສຸຂະພາບ: ໃນເລື່ອງສຸຂະພາບ ຫຼື ອຸບັດເຫດນັ້ນຖືເປັນເລື່ອງທີ່ສຳຄັນ ເພາະລາສີຂອງທ່ານມີເກນຈະເຈັບປ່ວຍ ບໍ່ສະບາຍ.​ ໃນປີນີ້ທ່ານອາດຈະພົບກັບຄວາມວຸ້ນວາຍຕ່າງໆໃນຊີວິດຫຼາຍ ເມື່ອສຸຂະພາບຈິດໃຈບໍ່ດີ ສຸຂະພາບຮ່າງກາຍທີ່ບໍ່ດີກໍ່ຈະນຳມາ, ພະຍາດທີ່ໜ້າເປັນຫ່ວງແມ່ນພະຍາດປະຈຳຕົວຂອງທ່ານເອງ ຕ້ອງໄດ້ເບິ່ງແຍງໃຫ້ຫຼາຍເປັນພິເສດ. 

 

 

 

ລາສີກໍລະກົດ (17 ກໍລະກົດ - 16 ສິງຫາ)

ວຽກງານ: ຫຼັງຈາກທີ່ທ່ານພົບພໍ້ກັບມໍລະສຸມຊີວິດ ມີບັນຫາຄວາມຂັດແຍ່ງ ຈົນເຖິງເກີດມີຄວາມຕິດຂັດໃນຫຼາຍໆເລື່ອງຜ່ານມາ, ຕອນນີ້ດວງຂອງທ່ານຢູ່ໃນເກນທີ່ເລີ່ມປ່ຽນແປງໄປໃນທິດທາງທີ່ດີຂຶ້ນ, ທ່ານຈະເລີ່ມມີໂອກາດໃນການເຮັດວຽກໃໝ່ໆ ໃນຊ່ວງທຳອິດອາດຈະມີການຕິດຂັດເລັກນ້ອຍ ໂດຍສະເພາະໃນຊ່ວງຕົ້ນປີ, ແຕ່ເມື່ອໄປຮອດກາງປີຫຼາຍຢ່າງຈະດີຂຶ້ນ ສົ່ງຜົນໃຫ້ການລົງທຶນ ຫຼື ການເລີ່ມຕົ້ນໃໝ່ມີຄວາມສຳເລັດ ແລະ ຄວາມກ້າວໜ້າທີ່ດີຂຶ້ນ.

ການເງິນ: ການເງິນແມ່ນຈະຢູ່ໃນຈຸດທີ່ດີຂຶ້ນກວ່າເກົ່າຫຼາຍ, ໃຜທີ່ມີບັນຫາ ໂດຍສະເພາະໃນເລື່ອງໜີ້ສິນ ສິ່ງທີ່ຍັງຄ້າງຄາທາງດ້ານການເງິນນັ້ນ ກໍ່ຈະມີໂອກາດ, ມີຂ່າວດີ, ມີຄົນຍື່ນມືເຂົ້າມາຊ່ວຍ ຫຼື ມີການປ່ຽນແປງທີ່ດີ, ບາງຄົນອາດຈະມີລາຍຮັບເສີມຫຼາຍຂຶ້ນ.

ຄວາມຮັກ: ຢູ່ໃນຈຸດທີ່ດີຂຶ້ນ, ສິ່ງໃດທີ່ເປັນບັນຫາຈະເລີ່ມອອກໄປຈາກຊີວິດທ່ານ. ດັ່ງນັ້ນ ໃນປີນີ້ມີຈະມີການປ່ຽນແປງເລື່ອງຄວາມຮັກຫຼາຍ ຂໍໃຫ້ໝັ້ນໃຈວ່າການປ່ຽນແປງນັ້ນ ຈະສົ່ງຜົນດີຕໍ່ຕົວທ່ານຢ່າງແນ່ນອນ, ສຳລັບຄົນໂສດ ຄົນທີ່ຈະເຂົ້າມາຫາອາດຈະມີອາຍຸຫຼາຍກວ່າພໍສົມຄວນ ຫຼື ມີຄວາມແຕກຕ່າງໃນເລື່ອງຂອງເຊື້ອຊາດ ແລະ ສາດສະໜາ. ຄົນທີ່ມີຄອບຄົວ ມີໂອກາດວາງແຜນເລື່ອງການມີລູກໃນປີນີ້ ອາດຈະມີຂ່າວດີເຊັ່ນດຽວກັນ.

ສຸຂະພາບ: ບໍ່ມີຫຍັງໃຫ້ເປັນຫ່ວງ ແຕ່ຂໍໃຫ້ຢ່າປະໝາດ, ສຳລັບໃຜທີ່ມີອາການເຈັບປ່ວຍໃນປີຜ່ານມາ ປີນີ້ຈະເປັນປີທີ່ທຸກຢ່າງດີຂຶ້ນ, ມີການປ່ຽນແປງເລື່ອງພະຍາດບາດເຍົາ.

 

 

ລາສີສິງ (17 ສິງຫາ - 16 ກັນຍາ)

ວຽກງານ: ລາສີສິງ ເປັນລາສີທີ່ພົບກັບບັນຫາຫຼາຍຢ່າງໃນຊ່ວງຜ່ານມາ ບໍ່ວ່າຈະເປັນການປ່ຽນເພື່ອນຮ່ວມງານ ເຈົ້ານາຍ ຫຼື ພົບກັບຄວາມບໍ່ໝັ້ນຄົງ ບໍ່ໝັ້ນໃຈໃນວຽກທີ່ເຮັດຢູ່, ແຕ່ດວງຂອງທ່ານໃນຊ່ວງນີ້ແມ່ນຢູ່ໃນເກນທີ່ດີ ສິ່ງຕ່າງໆໃນປີນີ້ຈະສ້າງຄວາມເຊື່ອໝັ້ນໃນການເຮັດວຽກໃຫ້ທ່ານຫຼາຍຂຶ້ນ.

ການເງິນ: ຢູ່ໃນເກນທີ່ດີ ຈະມີຂ່າວດີເລື່ອງໂຊກລາບ, ທ່ານອາດຈະໄດ້ເງິນຄຳແບບບໍ່ໄດ້ຕັ້ງໃຈ ຫຼື ເງິນທີ່ລໍຖ້າມາດົນ ຫຼື ຄ້າງຕັ້ງແຕ່ປີທີ່ຜ່ານມາ, ອາດຈະໄດ້ຮັບການໃຊ້ໜີ້ໃນປີນີ້ ຫຼື ມີການໝູນເງິນທີ່ດີຂຶ້ນ ຖືວ່າເປັນຂ່າວດີສຳລັບທ່ານ.

ຄວາມຮັກ: ຊ່ວງສອງປີຜ່ານມາທ່ານອາດຈະພົບກັບຄວາມວຸ້ນວາຍ ແລະ ຜິດຫວັງ ແຕ່ຕອນນີ້ດວງຂອງທ່ານເລີ່ມປ່ຽນແປງໄປໃນທາງທີ່ດີຂຶ້ນ, ດັ່ງນັ້ນ ຊ່ວງນີ້ເປັນໂອກາດທີ່ທ່ານຈະໄດ້ເລີ່ມຕົ້ນຄວາມຮັກໃໝ່ໆ. ຄົນໂສດຈະໄດ້ສົມຫວັງ ສ່ວນຄົນທີ່ມີຄອບຄົວແລ້ວຖ້າວາງແຜນເລື່ອງການມີລູກ ກໍ່ຈະໄດ້ຮັບຂ່າວດີ.

ສຸຂະພາບ: ບໍ່ມີຫຍັງໃຫ້ເປັນຫ່ວງ ແຕ່ກໍ່ບໍ່ຄວນປະໝາດ, ມີໂອກາດ ຫຼື ມີໂຊກໃນເລື່ອງສຸຂະພາບທີ່ດີຂຶ້ນ.

 

 

 

ລາສີກັນ (17 ກັນຍາ - 17 ຕຸລາ)

ວຽກງານ: ສິ່ງທີ່ຊັດເຈນທີ່ສຸດຄືເລື່ອງຂອງການປ່ຽນວຽກ, ປີນີ້ດວງການປ່ຽນແປງເລື່ອງການເຮັດວຽກແມ່ນມາແຮງຫຼາຍ, ໃຜທີ່ຢາກປ່ຽນວຽກຈະໄດ້ສົມຫວັງແນ່ນອນ, ແຕ່ສຳລັບໃຜທີ່ຍັງບໍ່ຢາກປ່ຽນວຽກ ກໍ່ຕ້ອງລະວັງ ເພາະດວງແຫ່ງການປ່ຽນແປງນັ້ນອາດຈະບັງຄັບໃຫ້ທ່ານຕ້ອງໄດ້ປ່ຽນ ດັ່ງນັ້ນຕ້ອງໄດ້ລະວັງ.

ການເງິນ: ການເງິນດີ ເພາະນອກຈາກທ່ານຈະສາມາດສະສາງບັນຫາ ຫຼື ຄວາມວຸ້ນວາຍທາງດ້ານການເງິນທີ່ເກີດຂຶ້ນໃນປີຜ່ານມາ, ທ່ານຈະມີໂອກາດໃນເລື່ອງການເງິນ ໄດ້ໂຊກລາບໃໝ່ໆເຂົ້າມາ, ມີໂອກາດຈະໄດ້ຮັບຊັບ ມີເງິນຄຳເຂົ້າມາຢ່າງແນ່ນອນ.

ຄວາມຮັກ: ຄວາມຮັກມີຄວາມຊັດເຈນຫຼາຍຂຶ້ນ, ທ່ານຈະໄດ້ຮັບກຳລັງໃຈທີ່ດີຈາກຄອບຄົວ, ສຳລັບໃຜທີ່ຢາກຂະຫຍາຍ ຫຼື ກຳລັງປຸກບ້ານໃໝ່ ຈະວຸ້ນວາຍຈະໜ້ອຍລົງ, ສຳລັບຄົນໂສດ ແນະນຳວ່າຫາກມີຕົວຊ່ວຍເຊັ່ນພໍ່ສື່ແມ່ສື່ ໂດຍສະເພາະຜູ້ໃຫຍ່ທີ່ຊ່ວຍແນະນຳຈະມີໂອກາດສົມຫວັງໃນເລື່ອງຄວາມຮັກຫຼາຍຂຶ້ນ.

ສຸຂະພາບ: ໂດຍລວມແລ້ວສຸຂະພາບຂອງທ່ານບໍ່ມີບັນຫາ ຫຼື ບໍ່ມີຫຍັງໃຫ້ເປັນຫ່ວງຫຼາຍ ແຕ່ອາດຈະເປັນເລື່ອງກ່ຽວກັບຄົນໃນຄອບຄົວ ຫຼື ຄົນໃກ້ຊິດ ດັ່ງນັ້ນຕ້ອງໄດ້ເອົາໃຈໃສ່ເບິ່ງແຍງຄົນໃກ້ຊິດເປັນພິເສດ.

 

 

ລາສີຕຸນ (18 ຕຸລາ - 16 ພະຈິກ)

ວຽກງານ: ຈະມີໂອກາດໃນໜ້າທີ່ວຽກງານ, ມີຄວາມສຳເລັດ ແລະ ຄວາມກ້າວໜ້າຫຼາຍຂຶ້ນ, ວຽກ ຫຼື ທຸລະກິດທີ່ກຳລັງດຳເນີນຢູ່ຈະສຳເລັດເປັນຮູບເປັນຫ່າງ, ສິ່ງໃດທີ່ເຄີຍມີບັນຫາ ຫຼື ຄວາມຂັດແຍ່ງ ຈະມີການປ່ຽນແປງໄປໃນທາງທີ່ດີຂຶ້ນ. ຄົນທີ່ເກີດລາສີຕຸນ ຈະມີຄວາມລົງຕົວໃນເລື່ອງວຽກງານເປັນພິເສດ

ການເງິນ: ມີໂອກາດໃນເລື່ອງຂອງຄວາມລໍ້າລວຍ, ມີດວງດ້ານການເງິນທີ່ດີ ຫຼື ມີໂຊກລາບຫຼັ່ງໄຫຼເຂົ້າມາຢ່າງຕໍ່ເນື່ອງ, ເປັນຊ່ວງທີ່ມີໂອກາດໃນການປົດໜີ້ ຫຼື ໂອກາດໃນເລື່ອງຂອງລາຍຮັບພິເສດທີ່ເພີ່ມຂຶ້ນມາຢ່າງຕໍ່ເນື່ອງ.

ຄວາມຮັກ: ຢູ່ໃນເກນທີ່ລົງຕົວ, ສຳລັບຄົນທີ່ພົບກັນຕັ້ງແຕ່ປີຜ່ານມາ ໃນປີນີ້ເປັນການສານຕໍ່ຄວາມສຳພັນ ໃຫ້ພັດທະນາໄປອີກຂັ້ນໜຶ່ງ ແລະ ດວງຄູ່ຄອງຈະຊ່ວຍສົ່ງເສີມໜ້າທີ່ວຽກງານ ຫຼື ເລື່ອງທຸລະກິດໃຫ້ທ່ານໄດ້ຫຼາຍຂຶ້ນເປັນພິເສດ. 

ສຸຂະພາບ: ບໍ່ໄດ້ຢູ່ຈຸດທີ່ໜ້າເປັນຫ່ວງແຕ່ຢ່າງໃດ, ມີໂອກາດທີ່ດີທີ່ຈະເຮັດໃຫ້ບັນຫາ ຫຼື ຄວາມເຈັບປ່ວຍ ບໍ່ສະບາຍ ພະຍາດທີ່ເປັນຊໍ້າເຮື້ອຢູ່ໃນຈຸດທີ່ດີຂຶ້ນ.

 

 

ລາສີພິຈິກ (17 ພະຈິກ - 15 ທັນວາ)

ວຽກງານ: ຖືວ່າເປັນຊ່ວງທີ່ດີ ໃນດ້ານວຽກງານມີການປ່ຽນແປງໄປໃນທິດທາງທີ່ດີ, ໃຜທີ່ຢາກປ່ຽນວຽກ ຫຼື ຍ້າຍວຽກຕອນນີ້ກໍ່ເປັນຈັງຫວະທີ່ດີ, ດວງເລື່ອງຂອງການຍ້າຍວຽກນັ້ນຈະມີມາຕັ້ງແຕ່ເດືອນທຳອິດຂອງປີ ແລະ ອີກຮອບໜຶ່ງແມ່ນຊ່ວງປະມານກາງປີ, ທ່ານອາດຈະມີຄຳຖາມວ່າ ຈະຍ້າຍດີ ຫຼື ບໍ່ ຖ້າຢູ່ໃນຊ່ວງດວງດາວທີ່ດີຈະສົ່ງຜົນເຮັດໃຫ້ການຕັດສິນໃຈປ່ຽນແປງໄປໃນທາງທີ່ດີເຊັ່ນດຽວກັນ.

ການເງິນ: ມີໂອກາດລໍ້າລວຍຫຼາຍຂຶ້ນ, ຖານະຄວາມໝັ້ນຄົງ ຫຼື ການຫາເງິນຈະໄດ້ຫຼາຍຂຶ້ນ ແຕ່ຂໍບອກກ່ອນວ່າບໍ່ແມ່ນເລື່ອງຂອງໂຊກລາບ, ທ່ານມີໂອກາດເຮັດວຽກຮູບແບບໃໝ່ ເຊິ່ງສິ່ງນີ້ຈະເຮັດໃຫ້ໄດ້ເງິນກ້ອນ ຫຼື ມີລາຍຮັບເພີ່ມຕື່ມເຂົ້າມາຫຼາຍຂຶ້ນເຊັ່ນດຽວກັນ.

ຄວາມຮັກ:​ ມີໂອກາດໃນເລື່ອງຄວາມຮັກຄັ້ງໃໝ່, ໃຜທີ່ກຳລັງໂສດ ການທີ່ຈະໄດ້ພົບຄົນທີ່ແມ່ນ ຄົນທີ່ຖືກໃຈ ມີເຂົ້າມາໃຫ້ລຸ້ນກັນຢ່າງແນ່ນອນ, ຖືວ່າເປັນປີທີ່ມີໂອກາດອັນດີໃນເລື່ອງການສະຫຼະໂສດ ຫຼື ຄົນທີ່ມີຄູ່ ມີແຟນຢູ່ແລ້ວ ອາດມີການວາງແຜນໝັ້ນໝາຍແຕ່ງດອງ ຫຼື ຄົນທີ່ແຕ່ງງານແລ້ວມີໂອກາດທີ່ຈະມີລູກໄດ້.

ສຸຂະພາບ: ຕ້ອງໄດ້ເບິ່ງແຍງໃນເລື່ອງຂອງອາຫານການກິນ ແລະ ນໍ້າໜັກໃຫ້ຫຼາຍຂຶ້ນ ເພາະປີນີ້ເປັນປີທີ່ເຮັດວຽກໜັກ ບາງຄົນຈຶ່ງກິນຕາມໃຈຕົນເອງເກີນໄປ ດັ່ງນັ້ນການອອກກຳລັງກາຍຈຶ່ງເປັນສິ່ງທີ່ຈຳເປັນ.

 

 

 

ລາສີທະນູ (16 ທັນວາ - 14 ມັງກອນ)

ວຽກງານ: ອິດທິພົນຂອງດວງດາວທີ່ເຂົ້າມາເຮັດໃຫ້ທ່ານມີເກນປ່ຽນວຽກ ຫຼື ເລີ່ມເຮັດສິ່ງໃໝ່ໆຫຼາຍຢ່າງ ໂດຍສະເພາະໃນປີນີ້ຈະໄດ້ຮັບອິດທິພົນຈາກດາວລາຫູ ເຊິ່ງໝາຍເຖິງເລື່ອງວຽກທີ່ກ່ຽວຂ້ອງກັບຕ່າງປະເທດ,​ ວຽກເບື້ອງຫຼັງ, ວຽກທີ່ກ່ຽວຂ້ອງກັບການເດີນທາງ, ການຄ້າຂາຍໃນໂລກອອນລາຍຈະມີອິດທິພົນ ແລະ ກ່ຽວຂ້ອງກັບທ່ານເປັນພິເສດ ຖ້າຢາກເຮັດທຸລະກິດຈະເປັນໂອກາດທີ່ດີ ມີຄວາມສຳເລັດ

ການເງິນ:​ ໂດດເດັ່ນໃນເລື່ອງໂຊກລາບ, ມີໂອກາດຈະໄດ້ເງິນໄດ້ໂຊກມາແບບບໍ່ຄາດຄິດ, ຄົນທີ່ຢາກມີຄວາມໝັ້ນຄົງໃນຊີວິດຫຼາຍຂຶ້ນ ເຊັ່ນ ຫາເງິນໄປປຸກເຮືອນ,​ ຊື້ອາພາດເມັນ, ຊື້ຫ້ອງແຖວ, ຂໍສິນເຊື່ອ ຈະມີໂອກາດທີ່ດີເຂົ້າມາ ເປັນຊ່ວງທີ່ມີຫຼາຍສິ່ງດີໆລໍຖ້າທ່ານຢູ່.

ຄວາມຮັກ: ອາດຈະຕ້ອງໄດ້ໃຈເຢັນກ່ອນເລັກໜ້ອຍ, ຂໍເຕືອນຄົນໂສດວ່າ ຕ້ອງໃຊ້ເວລາຄົບຫາເບິ່ງນິໄສກັນໃຫ້ດີໆກ່ອນ ເພາະອາດຈະໄປເຈິຄົນທີ່ມີຄູ່ ຫຼື ມີເຈົ້າຂອງຢູ່ແລ້ວ, ດັ່ງນັ້ນ ຕ້ອງໄດ້ລະວັງໃຫ້ຫຼາຍ. ສຳລັບຄົນມີຄູ່ ຕ້ອງເອົາໃຈໃສ່ກັນ ແລະ ກັນເປັນພິເສດ ເພາະປີນີ້ເປັນປີທີ່ທ່ານເຮັດວຽກໜັກ, ແນະນຳໃຫ້ຫາເວລາວ່າງໄປທ່ຽວກັບແຟນ ຫຼື ໃຊ້ເວລາເຮັດກິດຈະກຳຮ່ວມກັນໃຫ້ຫຼາຍຂຶ້ນ.

ສຸຂະພາບ: ຕ້ອງໄດ້ເຕືອນເປັນພິເສດ ເລື່ອງສຸຂະພາບເປັນເລື່ອງທີ່ທ່ານຕ້ອງໄດ້ເອົາໃຈໃສ່ໃຫ້ຫຼາຍຂຶ້ນ, ອາການເຈັບປ່ວຍບໍ່ສະບາຍ, ພະຍາດຊໍາເຮື້ອ ທີ່ສ້າງບັນຫາສ້າງຄວາມລຳຄານໃຫ້ຈະເກີດຂຶ້ນຕາມມາ, ດັ່ງນັ້ນ ຕ້ອງພະຍາຍາມກິນອາຫານ ແລະ ພັກຜ່ອນໃຫ້ພຽງພໍ ໂດຍສະເພາະຄົນທີ່ເປັນພະຍາດພູມແພ້ ຫຼື ອາການກ້າມຊີ້ນອັກເສບ ຈະສົ່ງຜົນກະທົບຕໍ່ຕົວທ່ານຫຼາຍໃນປີນີ້.

 

 

 

ລາສີມັງກອນ (15 ມັງກອນ - 12 ກຸມພາ)

ວຽກງານ: ເປັນຊ່ວງທີ່ມີການປ່ຽນແປງທີ່ດີ ພຽງແຕ່ຈັງຫວະຂອງດວງດາວຈະແບ່ງອອກເປັນສອງຊ່ວງເວລາ, ຊ່ວງທຳອິດຄືໃນຊ່ວງເຄິ່ງປີທຳອິດ ຈະເປັນຊ່ວງທີ່ມີຄວາມເມື່ອຍແນ່ ແຕ່ຖ້າທຽບກໍ່ຖືວ່າດີກວ່າປີທີ່ຜ່ານມາ ເພາະຄວາມວຸ້ນວາຍ ແລະ ອຸປະສັກຈະຫຼຸດລົງ, ຄວາມເມື່ອຍທີ່ທ່ານຈະຕ້ອງພົບເກີດຈາກເພື່ອນຮ່ວມງານ ເຈົ້ານາຍ ຫຼື ຄວາມເຂົ້າກັນບໍ່ໄດ້ລະຫວ່າງຕົວທ່ານ ແລະ ລະບົບຂອງການເຮັດວຽກ, ແຕ່ເມື່ອຜ່ານໄປຈົນຮອດຊ່ວງເຄິ່ງປີຫຼັງ ຈະມີຕົວຊ່ວຍເຂົ້າມາຫຼາຍຂຶ້ນ ສົ່ງຜົນໃຫ້ອຸປະສັກບັນຫາ ຫຼື ເລື່ອງທີ່ເຄີຍຕິດຂັດໃນການເຮັດວຽກໜ້ອຍລົງ.

ການເງິນ: ເລື່ອງຂອງການເງິນອາດຈະມີຄວາມຫຼ້າຊ້າແນ່ ເພາະຈັງຫວະຂອງດວງດາວນັ້ນສົ່ງຜົນ ເຮັດໃຫ້ເງິນທີ່ທ່ານຄວນຈະໄດ້ຮັບ ບາງເທື່ອອາດຈະໄດ້ຮັບບໍ່ຄົບ ຫຼື ຖ້າມີໃຜທີ່ຮັບປາກໃນເລື່ອງສັນຍາທາງດ້ານການເງິນໃດໜຶ່ງກັບທ່ານໄວ້ ກໍ່ຕ້ອງລະມັດລະວັງເພາະອາດຈະບໍ່ເປັນໄປຕາມກຳນົດ ມີຄວາມຜິດພາດ ມີການປ່ຽນແປງ ເລື່ອນໄປ ຫຼື ຖືກຍົກເລີກກໍ່ໄດ້.

ຄວາມຮັກ: ມີການປ່ຽນແປງໄປໃນທາງທີ່ດີຂຶ້ນ ເພາະລາສີທ່ານເປັນຈັງຫວະທີ່ດາວຮ້າຍຈະຍ້າຍອອກ, ດັ່ງນັ້ນ ຄົນທີ່ບໍ່ດີ ຄົນທີ່ເຂົ້າມາຫຼອກລວງ ມາເອົາປຽບຊີວິດທ່ານກໍ່ຈະອອກໄປເຊັ່ນກັນ ແລະ ທີ່ສຳຄັນຈະມີສິ່ງໃໝ່ທີ່ຈະເຮັດໃຫ້ຊີວິດຮັກຂອງທ່ານນັ້ນມີຄວາມສຸກ ມີຄວາມກ້າວໜ້າຫຼາຍຂຶ້ນອີກດ້ວຍ, ດັ່ງນັ້ນ ສິ່ງສຳຄັນຄື ຖ້າຫາກມີການປ່ຽນແປງເກີດຂຶ້ນກໍ່ຢ່າຟ້າວຕົກໃຈ ຂໍໃຫ້ໝັ້ນໃຈວ່າຈະເປັນການປ່ຽນແປງທີ່ຈະສົ່ງຜົນດີຕໍ່ຊີວິດທ່ານຢ່າງແນ່ນອນ.

ສຸຂະພາບ: ເລື່ອງສຸຂະພາບ ຫຼື ອຸບັດເຫດນັ້ນ ອາດຈະຕ້ອງໄດ້ເຕືອນກັນເລັກນ້ອຍ, ອາດຈະມີເລື່ອງເລັກໆນ້ອຍໆ ແຕ່ບໍ່ໄດ້ຢູ່ໃນຈຸດທີ່ໜັກໜາຫຼາຍ, ໃນເລື່ອງຂອງໂລກໄພໄຂ້ເຈັບນັ້ນອາດຈະເກີດຂຶ້ນໄດ້ໃນບາງຊ່ວງບາງເດືອນເທົ່ານັ້ນ, ເຊື່ອວ່າປີນີ້ເປັນປີທີ່ທ່ານເບິ່ງແຍງໃນເລື່ອງຂອງສຸຂະພາບໄດ້ດີ.

 

 

ລາສີກຸມ (13 ກຸມພາ - 14 ມີນາ)

ວຽກງານ: ມີເກນຈະໄດ້ປ່ຽນວຽກຂ້ອນຂ້າງສູງ ເຊິ່ງການປ່ຽນແປງນັ້ນຂຶ້ນຢູ່ກັບຕົວທ່ານເອງ ເພາະຖ້າເປັນການປ່ຽນແປງທີ່ທ່ານເລືອກເອງ ການປ່ຽນແປງຢ່າງອື່ນທີ່ດວງເລືອກໃຫ້ນັ້ນຈະບໍ່ໜ້າເປັນຫ່ວງປານໃດ, ແຕ່ຖ້າທ່ານບໍ່ໄດ້ກຽມຕົວ ຫຼື ວາງແຜນໄວ້ ໃນປີນີ້ອາດຈະຕ້ອງໄດ້ລະມັດລະວັງເພາະອາດມີການປ່ຽນແປງທີ່ມາແບບກະທັນຫັນ ບໍ່ທັນໄດ້ຕັ້ງຕົວ ຫຼື ເກີດມີການປັບປ່ຽນ ຍົກຍ້າຍໄປຢູ່ບ່ອນທີ່ໄກຂຶ້ນ.

ການເງິນ: ປີນີ້ເປັນປີທີ່ມີໂຊກລາບເຂົ້າມາຫຼາຍ ບາງວຽກທີ່ທ່ານອາດຈະໝົດຫວັງໄປແລ້ວ ຫຼື ຄິດວ່າເຮັດບໍ່ໄດ້ແລ້ວ ແຕ່ຈັງຫວະຂອງດວງດາວນັ້ນເປັນສິ່ງທີ່ບໍ່ຄາດຄິດ ໂຊກລາບທີ່ໄດ້ມາແບບບໍ່ຕັ້ງໃຈກໍ່ອາດຈະເກີດຂຶ້ນໄດ້,​ ດັ່ງນັ້ນ ດວງການເງິນປີນີ້ຖືວ່າໜ້າຈະຍັງສົ່ງຜົນທີ່ດີ, ໃຜທີ່ມີບັນຫາຕິດຂັດໃນເລື່ອງຂອງການເງິນ ທ່ານຈະໝູນເງິນໄດ້ດີຂຶ້ນ, ບັນຫາໜີ້ສິນ ຄວາມວຸ້ນວາຍທັງຫຼາຍຈະຫຼຸດລົງ.

ຄວາມຮັກ: ຍັງຢູ່ໃນຈຸດທີ່ດີ,​ ຄູ່ຄອງຂອງທ່ານຈະສະໜັບສະໜູນທ່ານໃນເລື່ອງຂອງວຽກງານ ຊ່ວຍຫຼຸດຜ່ອນພາລະໃນເລື່ອງວຽກບາງຢ່າງ ຫຼື ຊ່ວຍສ້າງຄວາມໝັ້ນຄົງໃນຄອບຄົວຂອງທ່ານໃນທາງທີ່ດີຂຶ້ນ, ດັ່ງນັ້ນ ໃຜທີ່ມີຄູ່ຄອງຢູ່ແລ້ວຖືວ່າດວງຈະສົ່ງຜົນເຮັດໃຫ້ຄວາມຮັກຄວາມສຳພັນປ່ຽນແປງໄປໃນທິດທາງທີ່ດີຂຶ້ນແນ່ນອນ.

ສຸຂະພາບ: ບໍ່ມີຫຍັງໃຫ້ເປັນຫ່ວງ ຖືວ່າເປັນປີທີ່ສາມາດເບິ່ງແຍງຕົນເອງໄດ້, ສິ່ງທີ່ບໍ່ດີອາດຈະມີເຂົ້າມາເປັນບາງຊ່ວງເທົ່ານັ້ນ, ແຕ່ໂດຍລວມແລ້ວຖືເປັນປີທີ່ທ່ານຍັງເບິ່ງແຍງໃສ່ໃຈສຸຂະພາບ ທັງອອກກຳລັງກາຍ ປັບປ່ຽນການດຳລົງຊີວິດ ຫຼື ກຳລັງວາງແຜນໃນການດູແລສຸຂະພາບຫຼາຍຂຶ້ນ ຖືວ່າເປັນເລື່ອງທີ່ດີແນ່ນອນ.

 

 

ລາສີມີນ (15 ມີນາ - 13 ເມສາ)

ວຽກງານ:​ ປີນີ້ວຽກງານຍັງຖືວ່າຢູ່ໃນຈຸດທີ່ດີ ເຮັດໃຫ້ທ່ານສາມາດເຮັດວຽກໄດ້ຢ່າງຕໍ່ເນື່ອງ, ວຽກຂອງປີນີ້ອາດຈະມີມາໃນລັກສະນະຂອງໂຄງການ ຫຼື ໃຜທີ່ຕັ້ງໃຈຈະເລີ່ມວຽກໃໝ່ ໂອກາດໃນປີນີ້ກໍ່ເປັນຈັງຫວະທີ່ດີ ໂດຍສະເພາະໃນຊ່ວງຕົ້ນປີຈະເກີດມີການປ່ຽນແປງຫຼາຍ.

ການເງິນ: ການເງິນມີຄວາມຄ່ອງຕົວຫຼາຍ ພຽງແຕ່ທ່ານອາດຈະບໍ່ມີດວງໃນເລື່ອງຂອງໂຊກລາບເຊັ່ນ ຖືກເລກ ຫຼື ຖືກລາງວັນ, ລາຍຮັບຂອງທ່ານຈະເປັນລັກສະນະການລົງທຶນລົງແຮງແລ້ວໄດ້ຮັບຜົນຕອບແທນຫຼາຍກວ່າ

ຄວາມຮັກ: ເປັນປີທີ່ດີສຳລັບໃຜທີ່ກຳລັງວາງແຜນເລື່ອງຄູ່ຄອງ, ຄົນທີ່ໂສດ ປີນີ້ຖືວ່າເປັນປີແຫ່ງການສະຫຼະໂສດ ຈະໄດ້ພົບກັບຄູ່ຄອງ ຫຼື ບາງຄົນໃນປີຜ່ານມາອາດພົບກັບຄວາມຮັກທີ່ບໍ່ດີປານໃດ ໃນປີນີ້ສິ່ງທີ່ບໍ່ດີເຫຼົ່ານັ້ນຈະອອກໄປ ມີການເລີ່ມຕົ້ນຄວາມຮັກຄັ້ງໃໝ່ທີ່ດີກວ່າ.

ສຸຂະພາບ: ຖ້າມີບັນຫາເລື່ອງການເຈັບປ່ວຍບໍ່ສະບາຍຢູ່ ກໍ່ຈະມີໂອກາດໃນການຮັກສາ, ໄດ້ໝໍ, ໄດ້ຢາທີ່ຖືກກັບພະຍາດຂອງທ່ານຫຼາຍຂຶ້ນ. ປີນີ້ເປັນປີແຫ່ງການວາງແຜນຊີວິດ, ສ່ວນໃນເລື່ອງຂອງການເດີນທາງກໍ່ບໍ່ໄດ້ມີບັນຫາຫຍັງ ຂໍໃຫ້ທ່ານມີສະຕິ ມີຄວາມຮອບຄອບຄຽງຄູ່ກັນໄປ.

Advertisement Replay Ad
ເບິ່ງດວງລາຍວັນປະຈໍາວັນອັງຄານ ທີ 22 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອັງຄານ ທີ 22 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນຈັນ ທີ 21 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນຈັນ ທີ 21 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອາທິດ ທີ 20 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອາທິດ ທີ 20 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນເສົາ ທີ 19 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນເສົາ ທີ 19 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນສຸກ ທີ 18 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນສຸກ ທີ 18 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນພະຫັດ ທີ 17 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນພະຫັດ ທີ 17 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນພຸດ ທີ 16  ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນພຸດ ທີ 16 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອັງຄານ ທີ 15  ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອັງຄານ ທີ 15 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນຈັນ ທີ 14  ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນຈັນ ທີ 14 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອາທິດ ທີ 13  ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອາທິດ ທີ 13 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນເສົາ ທີ 12 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນເສົາ ທີ 12 ຕຸລາ 2019 ຕາມແຕ່ລະວັນເກີດ

ບູຊາເທບອົງໃດ ໃຫ້ມີໂຊກດ້ານການເງິນ

ບູຊາເທບອົງໃດ ໃຫ້ມີໂຊກດ້ານການເງິນ

ເບິ່ງດວງລາຍວັນປະຈໍາວັນສຸກ ທີ 11 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນສຸກ ທີ 11 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນພະຫັດ ທີ 10 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນພະຫັດ ທີ 10 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນພຸດ ທີ 9 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນພຸດ ທີ 9 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອັງຄານ ທີ 8 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອັງຄານ ທີ 8 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນຈັນ ທີ 7 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນຈັນ ທີ 7 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອາທິດ ທີ 6  ຕຸລາ  2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນອາທິດ ທີ 6 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນເສົາ ທີ 5  ຕຸລາ  2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນເສົາ ທີ 5 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນສຸກ ທີ 4 ຕຸລາ 2019 ຕາມແຕ່ລະວັນເກີດ

ເບິ່ງດວງລາຍວັນປະຈໍາວັນສຸກ ທີ 4 ຕຸລາ 2019 ຕາມແຕ່ລະວັນເກີດ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ