ວັນພຸດ ທີ 20 ພະຈິກ 2019

ເລີ່ມປີ 2019 ລັດເນັ້ນເດັດຂາດ ຫ້າມຕັດເງິນລັດຖະກອນ ທະຫານ-ຕຳຫຼວດ ປະຊາຊົນ ໃຊ້ໃນກິດຈະກຳຂອງພັກ-ລັດ

ເລີ່ມປີ 2019 ລັດເນັ້ນເດັດຂາດ ຫ້າມຕັດເງິນລັດຖະກອນ ທະຫານ-ຕຳຫຼວດ ປະຊາຊົນ ໃຊ້ໃນກິດຈະກຳຂອງພັກ-ລັດ

ກອງປະຊຸມສະໄໝສາມັນປະຈໍາເດືອນທັນວາ 2018 ໄດ້ດໍາເນີນເປັນເວລາສອງວັນເຕັມຄື: ວັນທີ 24-25 ທັນວາ 2018, ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ໂດຍມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານເຂົ້າຮ່ວມຢ່າງພ້ອມພຽງ.

ກອງປະຊຸມຄັ້ງນີ້ໄດ້ພ້ອມກັນສຸມໃສ່ພິຈາລະນາ, ປະກອບຄໍາເຫັນເຂົ້າໃສ່ຫຼາຍເອກະສານສໍາຄັນພ້ອມຊີ້ນຳພາກສ່ວນກ່ຽວຂ້ອງເອົາໃຈໃສ່ຕື່ມ ທຳອິດແມ່ນຕໍ່ກັບບົດລາຍງານກ່ຽວກັບສະພາບພົ້ນເດັ່ນຂອງການເຄື່ອນໄຫວວຽກງານ ການຕ່າງປະເທດຂອງລັດຖະບານ ປະຈຳປີ 2018 ແລະທິດທາງແຜນການສຳລັບປີ 2019, ກອງປະຊຸມໄດ້ຊີ້ນໍາໃຫ້ທຸກພາກສ່ວນທີ່ກ່ຽວຂ້ອງສືບຕໍ່ເອົາໃຈໃສ່ຕິດຕາມສະພາບການປ່ຽນແປງຂອງພາກພື້ນ ແລະ ສາກົນຢ່າງໃກ້ຊິດ.

ບົດລາຍງານການວາງແຜນແລະດໍາເນີນວຽກງານຟື້ນຟູໄພພິບັດໃນຂອບເຂດທົ່ວປະເທດ, ກອງປະຊຸມໄດ້ຊີ້ນໍາໃຫ້ພາກສ່ວນທີ່ກ່ຽວຂ້ອງສືບຕໍ່ເອົາໃຈໃສ່ຮີບຮ້ອນຈັດສັນທີ່ພັກຊົ່ວຄາວໃຫ້ຜູ້ທີ່ໄດ້ຮັບຜົນກະທົບຢູ່ທີ່ເມືອງສະໜາມໄຊໃຫ້ສໍາເລັດຕາມສັນຍາທີ່ໄດ້ຕົກລົງກັນ. ພ້ອມດຽວກັນນີ້, ກໍ່ໃຫ້ດໍາເນີນການອອກແບບທີ່ພັກເຊົາຖາວອນ ແລະ ກໍານົດເນື້ອທີ່ທໍາການຜະລິດໃຫ້ປະຊາຊົນໂດຍໄວ, ມອບໃຫ້ຂະແໜງສາທາລະນະສຸກສືບຕໍ່ເອົາໃຈໃສ່ຕິດຕາມ ແລະ ເບິ່ງແຍງສຸຂະພາບຂອງປະຊາຊົນຜູ້ຖືກຜົນກະທົບ ໂດຍສະເພາະສຸຂະພາບຈິດຂອງປະຊາຊົນ, ມອບໃຫ້ຄະນະສະເພາະກິດແກ້ໄຂໄພພິບັດຂັ້ນສູນກາງ ແລະ ທ້ອງຖິ່ນ ປຶກສາຫາລືກັນເພື່ອແຈ້ງກ່ຽວກັບຄວາມຄືບໜ້າໃນການແກ້ໄຂໄພພິບັດໃນແຕ່ລະໄລຍະຕໍ່ສື່ມວນຊົນທັງເປັນການຕອບຕ້ານຫາງສຽງທັບຖົມໂຈມຕີຂອງຜູ້ບໍ່ຫວັງດີທີ່ຫວັງທໍາລາຍມ້າງເພ ແລະ ສ້າງຄວາມບໍ່ສະຫງົບໃນສັງຄົມສຳຄັນແມ່ນໃຫ້ເອົາໃຈໃສ່ໃນການວາງແຜນຟື້ນຟູໄພພິບັດທັງໄລຍະສັ້ນ ແລະ ໄລຍະຍາວໃຫ້ໄດ້ຮັບຜົນດີ.

ບົດລາຍງານກ່ຽວກັບຜົນການກວດກາ, ຕິດຕາມຊຸກຍູ້ການຈັດຕັ້ງປະຕິບັດຄໍາສັ່ງເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້ໃນຂອບເຂດທົ່ວປະເທດ, ກອງປະຊຸມໄດ້ສັງເກດຕີລາຄາວ່າ: ຜ່ານການຈັດຕັ້ງປະຕິບັດຄໍາສັ່ງດັ່ງກ່າວໄດ້ເຮັດໃຫ້ສະພາບການລັກລອບຂຸດຄົ້ນ ແລະ ເຄື່ອນຍ້າຍໄມ້ຫຼຸດລົງຢ່າງຈະແຈ້ງທຽບໃສ່ເມື່ອກ່ອນ, ເຮັດໃຫ້ການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍໄດ້ຮັບການຈັດຕັ້ງປະຕິບັດເປັນຮູບປະທໍາຫຼາຍຂຶ້ນ, ເຮັດໃຫ້ບົດບາດໃນການນໍາພາຄຸ້ມຄອງຂອງພັກ-ລັດສູງເດັ່ນຂຶ້ນ; ຜູ້ປະກອບການຈໍານວນໜຶ່ງໄດ້ເອົາໃຈໃສ່ປັບປຸງໂຮງງານ, ຍົກລະດັບ ສີມືແຮງງານສາມາດສ້າງຜະລິດຕະພັນສໍາເລັດຮູບທີ່ເປັນການສ້າງມູນຄ່າເພີ່ມສູງຂຶ້ນ; ສາມາດເກັບກໍາໄດ້ຈໍານວນບໍລິມາດໄມ້ທີ່ຍັງຄ້າງຢູ່ໃນສະໜາມ, ໄມ້ທີ່ໄດ້ຊື້-ຂາຍແລ້ວ ແລະ ຍັງບໍ່ໄດ້ຊື້-ຂາຍ, ກວດກາພົບເຫັນການລະເມີດຄໍາສັ່ງ ເລກທີ15/ນຍ, ໄດ້ມີການຢຶດ ແລະ ປັບໃໝ, ປະຕິບັດວິໄນຕໍ່ຜູ້ລະເມີດຢ່າງເຂັ້ມງວດເຮັດໃຫ້ຜູ້ລະເມີດມີຄວາມຢ້ານກົວບໍ່ກ້າກະທໍາຜິດຊໍ້າອີກ.

ອັນສໍາຄັນບາງແຂວງເລີ່ມມີການສ້າງເມືອງຕົວແບບໃນການຈັດຕັ້ງປະຕິບັດຄໍາສັ່ງເລກທີ 15/ນຍ ແລະປົກປັກຮັກສາປ່າໄມ້ ຄື: ເມືອງທ່າປາງທອງ, ແຂວງສະຫວັນນະເຂດ ໂດຍເລີ່ມຈາກການຈັດຕັ້ງປະຕິບັດກົດໝາຍ ແລະ ລະບຽບການໃນການຄຸ້ມຄອງປ່າໄມ້ແຕ່ລະປະເພດໃຫ້ເຂັ້ມງວດ, ການຄຸ້ມຄອງໂຮງງານ, ການສົ່ງຜະລິດຕະພັນໄມ້ແລະອື່ນໆເຂົ້າສູ່ລະບຽບກົດໝາຍ. ຄຽງຄູ່ກັບຜົນສໍາເລັດດັ່ງກ່າວນີ້, ຍັງມີຂໍ້ຄົງຄ້າງຫຼາຍດ້ານທີ່ໄດ້ສືບຕໍ່ແກ້ໄຂ.

ຕໍ່ບັນຫາດັ່ງກ່າວ, ກອງປະຊຸມໄດ້ຊີ້ນໍາໃຫ້ພາກສ່ວນທີ່ກ່ຽວຂ້ອງສືບຕໍ່ເອົາໃຈໃສ່ຈັດຕັ້ງປະຕິບັດຄໍາສັ່ງເລກທີ 15/ນຍ ຢ່າງເຂັ່ງຄັດ,ເຂັ້ມງວດແລະເດັດຂາດ, ປັບປຸງຕື່ມບັນດານິຕິກໍາທີ່ກ່ຽວຂ້ອງທີ່ເຫັນວ່າຍັງບໍ່ຄົບຖ້ວນຮັດກຸມ, ຈະແຈ້ງແລະ ມີຄວາມເປັນເອກະພາບໃນການຈັດຕັ້ງປະຕິບັດໃນຂອບເຂດທົ່ວປະເທດ. ພ້ອມດຽວກັນນີ້,ໃຫ້ຢຸດຕິການຊອກຄົ້ນເຄື່ອງປ່າຂອງດົງໃນຂອບເຂດທົ່ວປະເທດ.

ກ່ຽວກັບບົດລາຍງານກ່ຽວກັບການສະຫຼຸບຕີລາຄາການຈັດຕັ້ງປະຕິບັດປີ ທ່ອງທ່ຽວລາວ 2018 ແລະແຜນການເປີດປີທ່ອງທ່ຽວລາວ-ຈີນ 2019, ກອງປະຊຸມໄດ້ຊີ້ນໍາໃຫ້ພາກສ່ວນທີ່ກ່ຽວຂ້ອງນໍາໄປປັບປຸງຕື່ມຕາມການປະກອບຄໍາເຫັນຂອງສະມາຊິກລັດຖະບານ ເປັນຕົ້ນໃນປີ 2019 ຖືເປັນປີທ່ອງທ່ຽວ ລາວ-ຈີນ ໃຫ້ທຸກຂະແໜງການນັບທັງສູນກາງແລະ ທ້ອງຖິ່ນເປັນເຈົ້າການ ແລະ ມີສ່ວນຮ່ວມໃນການສະເຫຼີມສະຫຼອງປີທ່ອງທ່ຽວດັ່ງກ່າວ. ພ້ອມດຽວກັນນັ້ນ, ໃຫ້ເອົາໃຈໃສ່ໃນການແກ້ໄຂສິ່ງອຸດຕັນຕ່າງໆ ທີ່ເປັນອຸປະສັກໃຫ້ແກ່ນັກທ່ອງທ່ຽວ, ສໍາຄັນແມ່ນໃຫ້ເອົາໃຈໃສ່ໃນການປົກປັກຮັກສາຮີດຄອງປະເພນີ ແລະ ສະຖານທີ່ທ່ອງທ່ຽວສໍາຄັນຕ່າງໆໃຫ້ມີຄວາມເປັນລະບຽບຮຽບຮ້ອຍ ແລະ ສະອາດງາມຕາ.

ກ່ຽວກັບບົດລາຍງານກ່ຽວກັບຮ່າງດໍາລັດວ່າດ້ວຍການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປະຈໍາປີ 2019 ຊຶ່ງເປັນປີທີ 4 ຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII (2016-2020) ກໍ່ຄືມິຕິກອງປະຊຸມໃຫຍ່ຄັ້ງທີ X ຂອງພັກໃຫ້ໄດ້ຮັບຜົນສໍາເລັດຕາມທິດທາງ, ຄາດໝາຍແລະ ມີຄວາມເປັນເອກະພາບໃນຂອບເຂດທົ່ວປະເທດ, ກອງປະຊຸມໄດ້ຊີ້ນໍາໃຫ້ພາກສ່ວນທີ່ກ່ຽວຂ້ອງນໍາໄປປັບປຸງຕື່ມຕາມການປະກອບຄໍາຄິດຄໍາເຫັນຂອງສະມາຊິກລັດຖະບານເປັນຕົ້ນ 1). ເອົາໃຈໃສ່ປັບປຸງຮ່າງດໍາລັດດັ່ງກ່າວໃຫ້ເປັນລະບົບໃຫ້ໄປຕາມໂລຈິກ, ເປັນໂຕ່ງໂສ້ ແລະ ເພີ່ມອີກໝວດໜຶ່ງໃຫ້ກໍານົດມາດຕະການແລະກົນໄກການຈັດຕັ້ງປະຕິບັດ; 2). ໃຫ້ຂະແໜງການທີ່ກ່ຽວຂ້ອງເອົາໃຈໃສ່ໃນການສໍາຫຼວດ ແລະ ກະກຽມໃຫ້ແກ່ການສ້າງແຜນພັດທະເສດຖະກິດ-ສັງຄົມ 5 ປີ ຄັ້ງທີ 9; 3). ເອົາໃຈໃສ່ສູ້ຊົນ ໃນປີ 2019 ໃຫ້ບັນລຸຕາມຕົວເລກຄາດໝາຍຕາມມະຕິຂອງກອງປະຊຸມສະພາແຫ່ງຊາດໄດ້ພິຮັບຮອງ; 4). ເອົາໃຈໃສ່ສ້າງແຜນຍຸດທະສາດດ້ານພະລັງງານໃຫ້ສໍາເລັດຕາມແຜນ, ເອົາໃຈໃສ່ສ້າງແຜນການຂະຫຍາຍອຸດສາຫະກໍາການຄ້າໃຫ້ສໍາເລັດ, ປັບປຸງລາຄາໄຟຟ້າເພື່ອນໍາໃຊ້ເຂົ້າໃນການຂະແໜງການອຸດສາຫະກໍາ, ພ້ອມທັງເອົາໃຈໃສ່ໃນການຄຸ້ມຄອງລາ ຄານໍ້າມັນ;

5). ເອົາໃຈໃສ່ລົບລ້າງບັນດາສິ່ງກີດຂວາງທີ່ເປັນອຸປະສັກໃຫ້ແກ່ການທ່ອງທ່ຽວແລະການດຶງດູດການລົງທຶນໃຫ້ຂະແໜງການພິຈາລະນາລົບລ້າງການເກັບຄ່າທໍານຽມຕ່າງໆ; 6). ເອົາໃຈໃສ່ເຄັ່ງຄັດ ແລະ ເຂັ້ມງວດໃນການຈັດເກັບລາຍຮັບ ແລະ ຄຸ້ມຄອງລາຍຈ່າຍໃຫ້ດີ; 7). ເອົາໃຈໃສ່ຈັດລຽງບູລິມະສິດໃນການລົງທຶນຂອງລັດຖະບານໃນປີ 2019; 8). ເອົາໃຈໃສ່ປັບປຸງເຮັດໃຫ້ຕົວຊີ້ວັດການລົງທຶນໃຫ້ຕົວເລກເຫຼືອໜ້ອຍລົງ; ພ້ອມດຽວກັນນັ້ນ, ກອງປະຊຸມຍັງໄດ້ເນັ້ນໜັກເດັດຂາດບໍ່ໃຫ້ບັນດາກະຊວງ, ອົງການ ແລະທ້ອງຖິ່ນລະດົມທຶນດ້ວຍການຕັດເອົາເງິນເດືອນຂອງພະນັກງານລັດຖະກອນ, ທະຫານ-ຕໍາຫຼວດ ແລະ ປະຊາຊົນເພື່ອນໍາໃຊ້ເຂົ້າໃນການສະເຫຼີມວັນບຸນສໍາຄັນຕ່າງໆ ແລະ ເລີ່ມ ປີ 2019 ຕໍ່ໄປຫ້າມບໍ່ໃຫ້ອົງການໃດ ແລະ ທ້ອງຖິ່ນໃດຂອງລັດຈັດການແຜ່, ລະດົມເງິນຈາກສັງຄົມເພື່ອເອົາໄປໃຊ້ໃນກິດຈະກຳຂອງພັກຂອງລັດ ແລະ ການເຮັດບຸນ, ເຮັດທານຕ່າງໆ ຕື່ມອີກ ຖ້າມີການລະເມີດຈະຖືວ່າເປັນການກະທໍາຜິດລະບຽບວິໄນ.

ນອກຈາກເນື້ອໃນດັ່ງກ່າວ, ກອງປະຊຸມໄດ້ເປັນເອກະພາບ ແລະ ຕັດສິນໃຈສູງເພື່ອພ້ອມກັນຈັດຕັ້ງປະຕິບັດວຽກງານຈຸດສຸມຫຼາຍວຽກງານຕື່ມອີກໃນເດືອນມັງກອນ 2019.

Advertisement Replay Ad

ຂໍຂອບໃຈ

ຂໍ້ມູນ : ໜັງສືພິມເສດຖະກິດ-ສັງຄົມ

ຜົນຫວຍງວດປະຈຳວັນທີ 20 ພະຈິກ 2019 ເລກ 1, 2, 3, 4, 5 ໂຕ ແລະ ຫວຍຕຳລາຝັນ 3/40

ຜົນຫວຍງວດປະຈຳວັນທີ 20 ພະຈິກ 2019 ເລກ 1, 2, 3, 4, 5 ໂຕ ແລະ ຫວຍຕຳລາຝັນ 3/40

ແມ່ຄ້າ-ພໍ່ຄ້າອອນລາຍອ່ານດ່ວນ! Facebook ປັບກົດການຄ້າຂາຍໃໝ່ ຫ້າມໂພສຫຼາຍຢ່າງ ບໍ່ດັ່ງນັ້ນເພຈບິນ

ແມ່ຄ້າ-ພໍ່ຄ້າອອນລາຍອ່ານດ່ວນ! Facebook ປັບກົດການຄ້າຂາຍໃໝ່ ຫ້າມໂພສຫຼາຍຢ່າງ ບໍ່ດັ່ງນັ້ນເພຈບິນ

ແລ່ນມາຣາທອນຢູ່ເວລສ໌ ຄຸມເຂັ້ມສິ່ງແວດລ້ອມ ໃຜຖິ້ມກະຕຸກປຼາສະຕິກ ປັບໃຫ້ເສຍໃນທັນທີ

ແລ່ນມາຣາທອນຢູ່ເວລສ໌ ຄຸມເຂັ້ມສິ່ງແວດລ້ອມ ໃຜຖິ້ມກະຕຸກປຼາສະຕິກ ປັບໃຫ້ເສຍໃນທັນທີ

ສານຮົງກົງບໍ່ເຫັນດີ ສັ່ງຫ້າມ "ໂຈຊົວ ຫວ່ອງ" ຮັບລາງວັນທີ່ອັງກິດ ເພາະຢ້ານໜີຄະດີ

ສານຮົງກົງບໍ່ເຫັນດີ ສັ່ງຫ້າມ "ໂຈຊົວ ຫວ່ອງ" ຮັບລາງວັນທີ່ອັງກິດ ເພາະຢ້ານໜີຄະດີ

ປີ 2020 ລາວຈະຜະລິດພະລັງງານໄຟຟ້າໃຫ້ໄດ້ 44,148 ລ້ານກິໂລວັດໂມງ ພ້ອມຂາຍໃຫ້ເພື່ອນບ້ານ

ປີ 2020 ລາວຈະຜະລິດພະລັງງານໄຟຟ້າໃຫ້ໄດ້ 44,148 ລ້ານກິໂລວັດໂມງ ພ້ອມຂາຍໃຫ້ເພື່ອນບ້ານ

ການເກັບລາຍຮັບບໍ່ລວມສູນ ອີກໜຶ່ງສາເຫດຂອງການຮົ່ວໄຫຼຂອງງົບປະມານ

ການເກັບລາຍຮັບບໍ່ລວມສູນ ອີກໜຶ່ງສາເຫດຂອງການຮົ່ວໄຫຼຂອງງົບປະມານ

ເມືອງວັງວຽງເຮັດແທ້ ຈະໃຊ້ມາດຕະການເດັດຂາດ ຫາກພົບຜູ້ປະກອບການຕັ້ງລາຄາອາຫານແພງເກີນ

ເມືອງວັງວຽງເຮັດແທ້ ຈະໃຊ້ມາດຕະການເດັດຂາດ ຫາກພົບຜູ້ປະກອບການຕັ້ງລາຄາອາຫານແພງເກີນ

ລາວໄດ້ຮັບໃບຢັ້ງຢືນ "ທົ່ງໄຫຫິນ" ເປັນມໍລະດົກໂລກ ຢ່າງເປັນທາງການແລ້ວ

ລາວໄດ້ຮັບໃບຢັ້ງຢືນ "ທົ່ງໄຫຫິນ" ເປັນມໍລະດົກໂລກ ຢ່າງເປັນທາງການແລ້ວ

“ມັນຈະຈົບເມື່ອໃດ ແລະ ແບບໃດ?” ເມື່ອໂລກເລີ່ມຕັ້ງຄຳຖາມຫາຂໍ້ຢຸດຕິ “ການປະທ້ວງຮົງກົງ”

“ມັນຈະຈົບເມື່ອໃດ ແລະ ແບບໃດ?” ເມື່ອໂລກເລີ່ມຕັ້ງຄຳຖາມຫາຂໍ້ຢຸດຕິ “ການປະທ້ວງຮົງກົງ”

ປະທານປະເທດ ຕ້ອນຮັບຄະນະຜູ້ແທນຂັ້ນສູງ ຈາກ ສປ ຈີນ

ປະທານປະເທດ ຕ້ອນຮັບຄະນະຜູ້ແທນຂັ້ນສູງ ຈາກ ສປ ຈີນ

ຊົດເຊີຍແລ້ວ ຄອບຄົວທີ່ໄດ້ຮັບຜົນກະທົບຈາກໂຄງການທາງດ່ວນໝາຍເລກ 1​ ຄັ້ງທີ 1

ຊົດເຊີຍແລ້ວ ຄອບຄົວທີ່ໄດ້ຮັບຜົນກະທົບຈາກໂຄງການທາງດ່ວນໝາຍເລກ 1​ ຄັ້ງທີ 1

ຊົດເຊີຍຄອບຄົວທີ່ໄດ້ຮັບຜົນກະທົບຈາ່ກໂຄງການທາງດ່ວນໝາຍເລກ 1

ຊົດເຊີຍຄອບຄົວທີ່ໄດ້ຮັບຜົນກະທົບຈາ່ກໂຄງການທາງດ່ວນໝາຍເລກ 1

ສສຊ ຮັບຮອງເອົາຮ່າງມະຕິກອງປະຊຸມສະພາແຫ່ງຊາດ ກ່ຽວກັບວຽກງານຂອງລັດຖະບານ 3 ສະບັບ

ສສຊ ຮັບຮອງເອົາຮ່າງມະຕິກອງປະຊຸມສະພາແຫ່ງຊາດ ກ່ຽວກັບວຽກງານຂອງລັດຖະບານ 3 ສະບັບ

ລັດຖະມົນຕີ ສສກ ລາຍງານການປະຕິບັດວຽກງານການສຶກສາຂອງລາວ ໃນກອງປະຊຸມໃຫຍ່ UNESCO

ລັດຖະມົນຕີ ສສກ ລາຍງານການປະຕິບັດວຽກງານການສຶກສາຂອງລາວ ໃນກອງປະຊຸມໃຫຍ່ UNESCO

ການຈັດເກັບລາຍຮັບຂອງສູນກາງ ແລະ ທ້ອງຖິ່ນຍັງບໍ່ສອດຄ່ອງ ພົບ ຈັດເກັບບໍ່ລວມສູນ-ມີການເຊື່ອງອຳ

ການຈັດເກັບລາຍຮັບຂອງສູນກາງ ແລະ ທ້ອງຖິ່ນຍັງບໍ່ສອດຄ່ອງ ພົບ ຈັດເກັບບໍ່ລວມສູນ-ມີການເຊື່ອງອຳ

“ບິລ ເກດ” ຜູ້ຮ່ວມກໍ່ຕັ້ງບໍລິສັດໄມໂຄຣຊັອຟ ກັບມາທວງບັນລັງ ບຸກຄົນທີ່ຮັ່ງມີທີ່ສຸດໃນໂລກ

“ບິລ ເກດ” ຜູ້ຮ່ວມກໍ່ຕັ້ງບໍລິສັດໄມໂຄຣຊັອຟ ກັບມາທວງບັນລັງ ບຸກຄົນທີ່ຮັ່ງມີທີ່ສຸດໃນໂລກ

ປຶ້ມປະທານຸກົມພືດເປັນຢາ ຮວມຮວບຮູບພາບ-ຄຳສັບພືດກວ່າ 1,600 ຊະນິດ ໃນ 13 ແຂວງຂອງລາວ

ປຶ້ມປະທານຸກົມພືດເປັນຢາ ຮວມຮວບຮູບພາບ-ຄຳສັບພືດກວ່າ 1,600 ຊະນິດ ໃນ 13 ແຂວງຂອງລາວ

ອີຣານເດືອດ! ລາຄານໍ້າມັນຂຶ້ນ 50% ຜູ້ປະທ້ວງຈັບຕຳຫຼວດເປັນໂຕປະກັນ

ອີຣານເດືອດ! ລາຄານໍ້າມັນຂຶ້ນ 50% ຜູ້ປະທ້ວງຈັບຕຳຫຼວດເປັນໂຕປະກັນ

ນໍ້າທະເລຖ້ວມເວນິສ ອິຕາລີ ຄັ້ງທີ 3 ໃນຮອບອາທິດ ດ້ານນັກທ່ອງທ່ຽວຕ້ອງຂົນເຄື່ອງລຸຍນໍ້າ

ນໍ້າທະເລຖ້ວມເວນິສ ອິຕາລີ ຄັ້ງທີ 3 ໃນຮອບອາທິດ ດ້ານນັກທ່ອງທ່ຽວຕ້ອງຂົນເຄື່ອງລຸຍນໍ້າ

ອັດສະລິຍະ! ເດັກຊາຍຈາກເບລຢຽມຈົບການສຶກສາປະລິນຍາຕີວິສະວະກຳໄຟຟ້າ ດ້ວຍອາຍຸພຽງ 9 ປີ

ອັດສະລິຍະ! ເດັກຊາຍຈາກເບລຢຽມຈົບການສຶກສາປະລິນຍາຕີວິສະວະກຳໄຟຟ້າ ດ້ວຍອາຍຸພຽງ 9 ປີ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ