ວັນສຸກ ທີ 23 ສິງຫາ 2019

ກອງທັບ ຊະນະ ປກສ ແຂວງວຽງຈັນ 3-0 ເຊັດ ຄູ່ເປີດສະໜາມ ບານສົ່ງ ທົ່ວ​ປະ​ເທດ 2018

ກອງທັບ ຊະນະ ປກສ ແຂວງວຽງຈັນ 3-0 ເຊັດ ຄູ່ເປີດສະໜາມ ບານສົ່ງ ທົ່ວ​ປະ​ເທດ 2018

ເປີດສາກຂຶ້ນຢ່າງເປັນທາງການແລ້ວ ການ​ແຂ່ງຂັນ​ກິລາ​ບານ​ສົ່ງໃນຮົ່ມ ປະເພດທີມຍິງ-ທີມຊາຍ ທົ່ວ​ປະ​ເທດ ຊີງ​ຂັນ​ປະທານ​ສະຫະພັນ​ບານ​ສົ່ງ​ແຫ່ງ​ຊາດ​ລາວ ຫຼື ສບລ ປະຈຳ​ປີ 2018. ຂະນະທີ່ ຄູ່ເປີດສະໜາມປະເພດທີມຊາຍ ແຊ໋ມເກົ່າ ກະຊວງປ້ອງກັນປະເທດ ຫຼື ກອງທັບ ໂຊຟອມເກັ່ງສົມສັກສີ ໄລ່ເອົາຊະນະ ທີມກອງບັນຊາການປ້ອງກັນຄວາມສະຫງົບ ແຂວງວງຽງຈັນ ໄປແບບສະບາຍມື 3-0 ເຊັດ 25-14, 25-14 ແລະ 25-21 ຄະແນນ.

ພິທີເປີດການແຂ່ງຂັນລາຍການດັ່ງກ່າວ ໄດ້ມີຂຶ້ນເມື່ອວັນທີ 3 ທັນວາ ຜ່ານມາ ທີ່ສະໜາມ ກິລາແຫ່ງຊາດ (ຫຼັກ16) ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມຂອງ ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ແລະ ທ່ານ ຈັນສະໝອນ ຜ່ອງຈັນທາ ປະທານສະຫະພັນບານສົ່ງແຫ່ງຊາດລາວ ພ້ອມດ້ວຍຄະນະບໍລິຫານງານ ສບລ ແລະ ຄະນະນຳແຕ່ລະແຂວງ, ບັນດາສະໂມສອນກິລາບານສົ່ງອ້ອມຂ້າງສູນກາງ, ຄູເຝິກ ແລະ ນັກກິລາ ຕະຫຼອດ ຮອດກອງເຊຍເຂົ້າຮ່ວມຊົມ ແລະ ເຊຍຫຼາຍຮ້ອຍຄົນ.

ໂອກາດນີ້, ທ່ານ ຈັນສະໝອນ ຜ່ອງຈັນທາ ກ່າວວ່າ: ການແຂ່ງຂັນຄັ້ງນີ້ ດຳເນີນ ໃນລະຫວ່າງວັນທີ 3-9 ທັນວາ 2018 ໂດຍໄດ້ຮັບການອຸປະຖຳຫຼັກຈາກ ບໍລິສັດ ເບຍລາວ ຈຳກັດ ລວມມູນຄ່າ 135 ລ້ານກວ່າກີບ ເຊິ່ງມີຈຸດປະສົງເພື່ອເປັນການສ້າງຂະບວນການສະເຫຼີ​ມສະຫຼອງ​ວັນຊາດ​ ທີ 2 ທັນວາ ຄົບຮອບ 43 ປີ, ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 98 ປີ, ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ໃຫ້ມີຂະບວນຟົດຟື້ນມ່ວນຊື່ນ. ອີກດ້ານໜຶ່ງກໍ່ເພື່ອເປັນການພັດທະນາກິລາບານສົ່ງຂອງສປປ ລາວ ເວົ້າລວມ, ເວົ້າສະເພາະແມ່ນໄວໜຸ່ມ ແລະ ແມ່ຍິງໃຫ້ໃຊ້ເວລາຫວ່າງໃຫ້ເປັນປະໂຫຍດ ໂດຍການຫັນມາຫຼິ້ນກິລາສ້າງໃຫ້ສຸຂະພາບແຂງແຮງ ຕ້ານປາກົດການຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມປັດຈຸບັນ. ນອກນີ້ ຍັງເປັນການຄັດເລືອກເອົານັກກິລາທີ່ມີພອນສະຫວັນ ແລະ ມີເງື່ອນໄຂຄົບຖ້ວນສ້າງເປັນທີມຊາດ ໃນອະນາຄົດ. ຄຽງຄູ່ກັນນັ້ນ, ກໍ່ເພື່ອສ້າງຂີດຄວາມສາມາດນັກກິລາໃຫ້ຍົກລະດັບມີຄຸນນະພາບທີ່ດີ ແລະ ສົ່ງເສີມບຸກຄະລາກອນຂອງສະຫະພັນ ກຳມະການຕັດສິນ ແລະ ຄະນະຮັບຜິດຊອບ ຈັດການແຂ່ງຂັນໄດ້ມີທ່າກ້າວທີ່ພົ້ນເດັ່ນໃນລະດັບພາກພື້ນ ແລະ ສາກົນ ໃນຕໍ່ໜ້າ ທັງນີ້, ກໍ່ເພື່ອເປັນການ ຮອງຮັບການແຂ່ງຂັນງານມະຫາກຳກິລາແຫ່ງຊາດ ຄັ້ງທີ 11 ຫຼື ຊຽງຂວາງ ເກມ ຈະຈັດຂຶ້ນໃນທ້າຍປີ 2019.

ທ່ານປະທານ ສບລ ກ່າວຕື່ມອີກວ່າ: ການແຂ່ງຂັນບານສົ່ງໃນຮົ່ມຄັ້ງນີ້ ມີທັງໝົດ 16 ທີມເຂົ້າຮ່ວມ. ໃນນີ້ສະເພາະປະເພດທີມຊາຍ ມີ 10 ທີມ ແບ່ງອອກເປັນ 3 ສາຍ ຄື: ສາຍ ເອ, ສາຍ ບີ ແລະ ສາຍ ຊີ ການແຂ່ງຂັນຄັດເລືອກເອົາທີມທີ 1-2 ແຕ່ລະສາຍ ຜ່ານເຂົ້າຮອບ 8 ທີມສຸດທ້າຍ ແລະ ຄັດເອົາທີ 3 ສອງທີມທີ່ມີຄະແນນດີທີ່ສຸດ ເຂົ້າຮອບຕາມຫຼັງໄປ ສາຍ ເອ ປະກອບມີ ແຊ໋ມເກົ່າ ກະຊວງປ້ອງກັນປະເທດ ຫຼື ກອງທັບ, ທີມມິນິ ຊິກເຊັນ ວີຊີ, ກອງບັນຊາການປ້ອງກັນຄວາມສະຫງົບ ແຂວງວຽງຈັນ; ສາຍ ບີ ລາວເດີນອາກາດ ຫຼື ສະກາຍເວ, ແຂວງອຸດົມໄຊ, ສະໂມສອນແຂວງວຽງຈັນ; ສາຍ ຊີ ເຫຼົ່າຮົບລົດຕັງ-ຍານເກາະ, ຄະນະວິທະຍາສາດທຳມະຊາດ, ສະໂມສອນຟຣີແມນ ແລະ ກອງພົນທະຫານຮາບທີ 5. ສ່ວນປະເພດທີມຍິງ 6 ທີມ ແບ່ງອອກເປັນ 2 ສາຍ ສາຍລະ 3 ທີມ ແຕ່ລະສາຍແຂ່ງຂັນພົບກັນໝົດຄັດເອົາທີ 1-2 ຜ່ານເຂົ້າຮອບ 4 ທີມສຸດທ້າຍ, ໃນນັ້ນ ສາຍ ເອ ມີ ແຊ໋ມເກົ່າ ກອງທັບ, ກອງພົນທະຫານຮາບທີ 5 ແລະ ສະໂມສອນວຽງຈັນ; ສາຍ ບີ ກົມວິທະຍາສາດ-ປະຫວັດສາດການທະຫານ, ກະຊວງປ້ອງກັນຄວາມສະຫງົບ ຫຼຶ ປກສ ແລະ ສະຖາບັນຍຸຕິທຳ. ຂະນະທີ່ລາງວັນຊະນະເລີດການແຂ່ງຂັນລາຍການນີ້ ທີມຍິງ ແລະ ທີມຊາຍ ໄດ້ເທົ່າກັນໝົດ ຄື: ທີ 1 ຈະໄດ້ຮັບຂັນແຊ໋ມ ພ້ອມເງິນສົດ 8 ລ້ານກີບ, ທີ 2 ຈະໄດ້ຮັບລາງວັນເງິນສົດ 5 ລ້ານກີບ, ທີ 3 ຈະໄດ້ຮັບລາງວັນເງິນສົດ 3 ລ້ານກີບ ແລະ ທີ 4 ຈະໄດ້ຮັບລາງວັນເງິນສົດ 1,5 ລ້ານກີບ.

ພາຍຫຼັງພິທີເປີດການແຂ່ງຂັນໄດ້ສຳເລັດລົງ ກໍ່ໄດ້ມີຄູ່ເປີດສະໜາມແຂ່ງຂັນ ປະເພດທີມຊາຍ ລະຫວ່າງ ແຊ໋ມເກົ່າ ກອງທັບ ພົບກັບ ປກສ ແຂວງວຽງຈັນ ຜ່ານການແຂ່ງຂັນຜົນປາກົດວ່າ: ກອງທັບ ປະເດີມສະໜາມໄດ້ຢ່າງສວຍງາມໂຊຟອມເກັ່ງສົມລາຄາແຊ໋ມເກົ່າ ໄລ່ເອົາຊະນະ ປກສ ແຂວງວງຽງຈັນ ໄປແບບສະບາຍມື 3-0 ເຊັດ 25-14, 25-14 ແລະ 25-21 ຄະແນນ ສ່ວນທີມຄະນະວິທະຍາສາດທຳມະຊາດ ເສຍ ກອງພົນທະຫານຮາບທີ 5 3-2 ເຊັດ, ທີມເຫຼົ່າຮົບລົດຕັງ-ຍານເກາະ ຊະນະ ສະໂມສອນ ຟຣີແມນ 3-0 ເຊັດ ແລະ ຄູ່ສຸດທ້າຍ ທີມຍິງ ສາວກົມວິທະຍາສາດ-ປະຫວັດສາດ ຊະນະ ສາວກະຊວງປ້ອງກັນຄວາມສະຫງົບ 3-0 ເຊັດ.

​ໂດຍ ໜຸ່ມໂສດ

Advertisement Replay Ad
ຫ່ານ ຫຼວງອາໄພ ໜຸ່ມນັກໄຕຣກີລາລາວ ຄວ້າແຊ້ມລາຍການ Buriram Duathlon 2019 ທີ່ປະເທດໄທ

ຫ່ານ ຫຼວງອາໄພ ໜຸ່ມນັກໄຕຣກີລາລາວ ຄວ້າແຊ້ມລາຍການ Buriram Duathlon 2019 ທີ່ປະເທດໄທ

ມາສເຕີ 7 ພິກຊະນະແຊັມ ລາວພຣີເມຍລີກ 2019 ເກັບໂອກາດຄວ້າຮອງແຊັມ

ມາສເຕີ 7 ພິກຊະນະແຊັມ ລາວພຣີເມຍລີກ 2019 ເກັບໂອກາດຄວ້າຮອງແຊັມ

ເຮືອນາວາສັກສິດ ຈາກລາວ ຄວ້າແຊ້ມເຮືອ 40 ສີພາຍ ແລະ 55 ສີພາຍ ທີ່ປະເທດໄທ

ເຮືອນາວາສັກສິດ ຈາກລາວ ຄວ້າແຊ້ມເຮືອ 40 ສີພາຍ ແລະ 55 ສີພາຍ ທີ່ປະເທດໄທ

ຢູ-18 ລາວ ພິກເສຍໃຫ້ອິນໂດເນເຊຍ ຕົກຮອບແບ່ງກຸ່ມ 4 ປີຊ້ອນ ໃນບານເຕະຊາຍຊີງແຊ້ມອາຊຽນ

ຢູ-18 ລາວ ພິກເສຍໃຫ້ອິນໂດເນເຊຍ ຕົກຮອບແບ່ງກຸ່ມ 4 ປີຊ້ອນ ໃນບານເຕະຊາຍຊີງແຊ້ມອາຊຽນ

ລາວ ຍາດໄດ້ 6 ຫຼຽນຄຳ ງານບຸນມະໂຫລານກີລາ ທີ່ສປ ຈີນ

ລາວ ຍາດໄດ້ 6 ຫຼຽນຄຳ ງານບຸນມະໂຫລານກີລາ ທີ່ສປ ຈີນ

ນະຄອນຫຼວງ ພ້ອມສົ່ງຄົບທຸກປະເພດກີລາ ຫວັງທວງເຈົ້າຫຼຽນຄຳ ງານກິລາແຫ່ງຊາດ ຄືນຈາກກອງທັບ

ນະຄອນຫຼວງ ພ້ອມສົ່ງຄົບທຸກປະເພດກີລາ ຫວັງທວງເຈົ້າຫຼຽນຄຳ ງານກິລາແຫ່ງຊາດ ຄືນຈາກກອງທັບ

ແຂວງບໍ່​ແກ້ວ ຈະ​ສຸມ​ໃສ່ 5 ປະ​ເພດ​ກິີລາ​ປາ​ຍ​ແຫຼມ ລ່າ 2 ​ຫຼຽນ​ຄຳ ຊຽງ​ຂວາງ ເກມ 2020

ແຂວງບໍ່​ແກ້ວ ຈະ​ສຸມ​ໃສ່ 5 ປະ​ເພດ​ກິີລາ​ປາ​ຍ​ແຫຼມ ລ່າ 2 ​ຫຼຽນ​ຄຳ ຊຽງ​ຂວາງ ເກມ 2020

ສະຫະພັນອີສະປອດລາວ ຖະແຫຼງຂ່າວ ຄັດເລືອກນັກກີລາທີມຊາດຮ່ວມຊີງໄຊ ຊີເກມ 2019 ຢ່າງເປັນທາງການ

ສະຫະພັນອີສະປອດລາວ ຖະແຫຼງຂ່າວ ຄັດເລືອກນັກກີລາທີມຊາດຮ່ວມຊີງໄຊ ຊີເກມ 2019 ຢ່າງເປັນທາງການ

ນ້ອງເບຍ ຄວ້າຫຼຽນຄຳໄປຄອງ ໃນການແຂ່ງຂັນມວຍສາກົນ ຊີງຊະນະເລີດທົ່ວປະເທດ ຄັ້ງທີ 13

ນ້ອງເບຍ ຄວ້າຫຼຽນຄຳໄປຄອງ ໃນການແຂ່ງຂັນມວຍສາກົນ ຊີງຊະນະເລີດທົ່ວປະເທດ ຄັ້ງທີ 13

U-18 ທີມຊາດລາວຊະນະ ຟີລິບປິນ ຫວຸດຫວິດ ຊີງແຊ້ມອາຊຽນ 2019

U-18 ທີມຊາດລາວຊະນະ ຟີລິບປິນ ຫວຸດຫວິດ ຊີງແຊ້ມອາຊຽນ 2019

U-18 ລາວ ເສຍໃຫ້ ມຽນມາ 1-3 ນັດທຳອິດຂອງກຸ່ມ A ຊີງແຊ້ມອາຊຽນ 2019

U-18 ລາວ ເສຍໃຫ້ ມຽນມາ 1-3 ນັດທຳອິດຂອງກຸ່ມ A ຊີງແຊ້ມອາຊຽນ 2019

ວຽງຈັນ ຢູໄນເຕັດ ກຽມແຕ່ງຕັ້ງປະທານຄົນໃໝ່ແທນ “ທ່ານ ນາງ ພິຈິກາ” ເຊິ່ງດີກຣີບໍ່ທຳມະດາ

ວຽງຈັນ ຢູໄນເຕັດ ກຽມແຕ່ງຕັ້ງປະທານຄົນໃໝ່ແທນ “ທ່ານ ນາງ ພິຈິກາ” ເຊິ່ງດີກຣີບໍ່ທຳມະດາ

“ແກ່ນ ເທບທິດາ” ຄວ້າ 2 ຫຼຽນທອງ ລາຍການແລ່ນຄົນພິການ ຍີ່ປຸ່ນໂອເພັນ 2019

“ແກ່ນ ເທບທິດາ” ຄວ້າ 2 ຫຼຽນທອງ ລາຍການແລ່ນຄົນພິການ ຍີ່ປຸ່ນໂອເພັນ 2019

“ໜຶ່ງເມືອງລາວ” ກຽມລົງທົດສອບສີມື 4 ລາຍການໃຫຍ່ ກ່ອນປ້ອງກັນແຊ້ມຫຼຽນຄຳຊີເກມ ທີ່ຟີລິບປິນ

“ໜຶ່ງເມືອງລາວ” ກຽມລົງທົດສອບສີມື 4 ລາຍການໃຫຍ່ ກ່ອນປ້ອງກັນແຊ້ມຫຼຽນຄຳຊີເກມ ທີ່ຟີລິບປິນ

ຂະແໜງການຍ່ອຍກີລາ-ກາຍຍະກໍາ ເນັ້ນຄົ້ນຄວ້າ 5 ບັນຫາ ພ້ອມສະເໜີໃຫ້ສືບຕໍ່ມີຫວຍກິລາ

ຂະແໜງການຍ່ອຍກີລາ-ກາຍຍະກໍາ ເນັ້ນຄົ້ນຄວ້າ 5 ບັນຫາ ພ້ອມສະເໜີໃຫ້ສືບຕໍ່ມີຫວຍກິລາ

ນັກກີລາບານບ້ວງສະຫະລັດຖືກສັ່ງພັກຮ່ວມແຂ່ງຂັນ 2 ປີ ຫຼັງກວດຍ່ຽວຫາສານເສບຕິດ ແລ້ວພົບວ່າ "ຖືພາ"

ນັກກີລາບານບ້ວງສະຫະລັດຖືກສັ່ງພັກຮ່ວມແຂ່ງຂັນ 2 ປີ ຫຼັງກວດຍ່ຽວຫາສານເສບຕິດ ແລ້ວພົບວ່າ "ຖືພາ"

U-14 ດີເຄ ຕົວແທນໜຶ່ງດຽວຈາກລາວ ຖະຫຼົ່ມທີມເຈົ້າພາບ 8-0 ຄວ້າແຊ້ມບານເຕະ China Cup 2019

U-14 ດີເຄ ຕົວແທນໜຶ່ງດຽວຈາກລາວ ຖະຫຼົ່ມທີມເຈົ້າພາບ 8-0 ຄວ້າແຊ້ມບານເຕະ China Cup 2019

ຊ່າງແຕ່ງໜ້າຊື່ດັງ ປ່ຽນ look ໃຫ້ "ລົດແກ້ວ ອິນທະກຸມມານ" ງາມຫຼາຍຈົນເກືອບຈື່ບໍ່ໄດ້

ຊ່າງແຕ່ງໜ້າຊື່ດັງ ປ່ຽນ look ໃຫ້ "ລົດແກ້ວ ອິນທະກຸມມານ" ງາມຫຼາຍຈົນເກືອບຈື່ບໍ່ໄດ້

ຕົກຮອບແນ່ນອນແລ້ວ! U-15 ລາວ ຖືກ ມາເລເຊຍ ຕີສະເໝີທ້າຍເກມ

ຕົກຮອບແນ່ນອນແລ້ວ! U-15 ລາວ ຖືກ ມາເລເຊຍ ຕີສະເໝີທ້າຍເກມ

ທີມຊາດລາວ U-18 ປະກາດ 23 ນັກເຕະ ລຸຍຊີງແຊ້ມອາຊຽນ 2019 ທີ່ໂຮ່ຈິມິນ ຫວຽດນາມ

ທີມຊາດລາວ U-18 ປະກາດ 23 ນັກເຕະ ລຸຍຊີງແຊ້ມອາຊຽນ 2019 ທີ່ໂຮ່ຈິມິນ ຫວຽດນາມ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ