ວັນສຸກ ທີ 23 ສິງຫາ 2019

ພາຊົມ 'RedQ' ສຳນັກງານໃຫຍ່ສາຍການບິນ Airasia ພື້ນທີ່ໂລ່ງກວ້າງຂວາງ ໜ້າເຮັດວຽກແທ້ໆ

ພາຊົມ 'RedQ' ສຳນັກງານໃຫຍ່ສາຍການບິນ Airasia ພື້ນທີ່ໂລ່ງກວ້າງຂວາງ ໜ້າເຮັດວຽກແທ້ໆ
S! Muan

ສະໜັບສະໜູນເນື້ອຫາ

Red Q ເປັນຊື່ເອີ້ນສຳນັກງານໃຫຍ່ລາຄາປະຢັດທີ່ຂຶ້ນຊື່ວ່າດີທີ່ສຸດໃນໂລກ ທີ່ ກົວລາລຳເປີ ປະເທດມາເລເຊຍ ສະຖານທີ່ຂັບເຄື່ອນການດຳເນີນງານຂອງສາຍການບິນທີ່ໝູນໃຊ້ເຕັກໂນໂລຊີ ແລະ ການອອກແບບທີ່ເອື້ອອຳນວຍຕໍ່ການເຮັດວຽກຂອງບັນດາພະນັກງານຂອງ Airasia ໂດຍພື້ນທີ່ເຮັດວຽກມີຄວາມຜ່ອນຄາຍ ເປັນແບບເປີດກວ້າງ ບໍ່ມີປະຕູ ບໍ່ມີກຳແພງກັ້ນ ແລະ ເນັ້ນໃຊ້ແວ່ນໃສ ແນມເຫັນກັນຢ່າງທົ່ວເຖິງ ພ້ອມທັງມີສິ່ງອຳນວຍຄວາມສະດວກຕ່າງໆຄົບຊຸດຕັ້ງແຕ່ຮ້ານອາຫານ ໄປຈົນຮອດຫ້ອງອອກກຳລັງກາຍ ແນມເບິ່ງຜ່ານໆອາດຄິດວ່າເປັນສູນການຄ້າ ເພາະມີການເຄື່ອນໄຫວຂອງຄົນຢູ່ຕະຫຼອດເວລາ. ມື້ນີ້ muan.la ເລີຍຈະນຳເອົາປະສົບການທີ່ໄດ້ໄປຍ່າງຫຼິ້ນໃນດິນແດນແຫ່ງນີ້ມາແບ່ງປັນໃຫ້ໄດ້ຟັງກັນ.

ດ້ານໜ້າຂອງສຳນັກງານ RedQ / ພາບ: ຈັນທະສອນ ອິນສີຊຽງໃໝ່

ສຳນັກງານໃຫຍ່ສາຍການບິນແອເອເຊຍ ຫຼື ທີ່ເອີ້ນກັນແບບຫຍໍ້ໆວ່າ RedQ ຖ້າຢາກຮູ້ວ່າຢູ່ບ່ອນໃດສາມາດເຂົ້າໄປຄົ້ນຫາໃນ Google Maps ແລ້ວພິມຄຳວ່າ Red Q ມັນກໍຈະພາເຮົາບິນໄປຍັງສຳນັກງານໃຫຍ່ສຸດທັນສະໄໝແຫ່ງນີ້ໃນທັນທີ. ແຕ່ຖ້າໃຫ້ເຮົາອະທິບາຍ ສະຖານທີ່ຕັ້ງຂອງມັນກໍຢູ່ບໍ່ໄກຈາກສະໜາມບິນສາກົນກົວລາລຳເປີ 2 (KLIA2) ເຊິ່ງເປັນສະໜາມບິນແຫ່ງໃໝ່. ພື້ນທີ່ໃຊ້ສອຍຂອງສຳນັກງານແຫ່ງນີ້ ມີປະມານ 18,000 ຕາແມັດ ເຊິ່ງກໍຖືວ່າກວ້າງຂວາງຫຼາຍ ຮອງຮັບພະນັກງານໄດ້ຫຼາຍກວ່າ 2,000 ຄົນ.

ໂຖງຊັ້ນໜຶ່ງກາງສຳນັກງານ ໃຊ້ເປັນພື້ນທີ່ພັກ ລົມວຽກ ແລະ ກິນເຂົ້າຂອງພະນັກງານ ແລະ ແຂກ

Red Q ເປັນອາຄານແບບດ່ຽວ ມີທັງໝົດ 6 ຊັ້ນ ໂດຍ 3 ຊັ້ນທຳອິດເປັນບ່ອນຈອດລົດ ແລະ 3 ຊັ້ນເທິງເປັນສ່ວນຂອງຫ້ອງການ. ສຳນັກງານແຫ່ງນີ້ເປີດໃຊ້ມາໄດ້ 2 ປີ ແລ້ວ ຕັ້ງແຕ່ວັນທີ 7 ພະຈິກ 2016 ໂດຍລວມເອົາທັງພາກສ່ວນຂອງຫ້ອງການດຳເນີນງານ ແລະ ຫ້ອງການບໍລິຫານໄວ້ໃນບ່ອນດຽວ ພາຍໃຕ້ແນວຄິດ One Big Happy Family ເຊິ່ງແຕກຕ່າງຈາກຫ້ອງການແບບເກົ່າໆທີ່ເຮົາເຄີຍເຫັນ.

ແຜນຜັງຂອງສຳນັກງານຖືກອອກແບບມາໃຫ້ເປັນແບບໂລ່ງ ສາມາດແນມເຫັນກັນໄດ້ ບໍ່ມີກຳແພງ ແລະ ປະຕູກັ້ນ ເຊິ່ງຂະໜາດໂຕະເຮັດວຽກຂອງຜູ້ກໍ່ຕັ້ງສາຍການບິນຢ່າງ ໂທນີ້ ເຟີນັນເດສ (Tony Fernandes) ເອງກໍຍັງສາມາດແນມເຫັນໄດ້ (ແຕ່ມື້ທີ່ເຮົາໄປແມ່ນເພິ່ນບໍ່ຢູ່ ເລີຍບໍ່ເຫັນເພິ່ນ).

ການອອກແບບສຳນັກງານແບບນີ້ກໍເພື່ອເພີ່ມໂອກາດໃນການພົບປະກັນຂອງພະນັກງານ ພ້ອມທັງເປັນການໃຊ້ພື້ນທີ່ໃຫ້ເກີດປະໂຫຍດສູງສຸດ ໃນຂະນະດຽວກັນກໍເຮັດການປະສານງານກັນດີຂຶ້ນ. ນອກຈາກນັ້ນ ຍັງເຮັດໃຫ້ພະນັກງານມີຄວາມຄິດສ້າງສັນຈາກການນຳໃຊ້ພື້ນທີ່ໃນສ່ວນຕ່າງໆ ທີ່ສົ່ງເສີມການເຄື່ອນໄຫວໃນສຳນັກງານເຊັ່ນ: ຈາກພື້ນທີ່ໂຕະເຮັດວຽກໄປຍັງບໍລິເວນຮ້ານອາຫານ (ທີ່ຢູ່ຊັ້ນດຽວກັນ) ແລະ ຈາກຮ້ານອາຫານໄປຍັງພື້ນທີ່ໂຖງກາງທີ່ມີບ່ອນນັ່ງພັກ. ດ້ວຍເຫດນີ້ສຳນັກງານ Red Q ນີ້ຈຶ່ງມີການເຄື່ອນໄຫວຢູ່ຕະຫຼອດເວລາ ປານກັບເຂົ້າໄປຢູ່ໃນສູນການຄ້າ.

ຮ້ານອາຫານພາຍໃນຊັ້ນໜຶ່ງ ເຊິ່ງຮູ້ສຶກວ່າຈະມີຄົນເຂົ້າອອກຕະຫຼອດເວລາ ມີອາຫານຫຼາກຫຼາຍຊະນິດໃຫ້ເລືອກ

ກ້າວຂາສູ່ບໍລິເວນຊັ້ນໜຶ່ງຂອງພື້ນທີ່ເຮັດວຽກ, ເຮົາຈະເຫັນພະນັກງານຂອງບໍລິສັດທີ່ແຕ່ງກາຍກັນແບບຟຣີສະຕາຍ (free style) ຄື ຕາມໃຈມັກ ນຸ່ງເສື້ອຍືດກໍໄດ້. ຈຸດເດັ່ນຂອງຊັ້ນນີ້ຈະຢູ່ທີ່ບ່ອນນັ່ງພັກກາງໂຖງຂະໜາດໃຫຍ່ ໂລ່ງສູງຂຶ້ນໄປຈົນຮອດຫຼັງຄາຕຶກຜ່ານຊັ້ນ 2 ແລະ 3 ທີ່ມີທັງໂຕະ, ຕັ່ງ (ທັງແບບເປັນຖົງຜ້າສີສັນສົດໃສ, ໂຊຟາ ແລະ ຕັ່ງອີ້ທຳມະດາ) ແລະ ຮ້ານກາເຟ. ດ້ານຊ້າຍເປັນສ່ວນຂອງສູນລວມໂຕະເຮັດວຽກ, ໂຕະສະນຸກເກີສຳລັບຜ່ອນຄາຍ ແລະ ຮ້ານຕັດຜົມ. ສ່ວນດ້ານຂວາທີ່ຢູ່ກົງກັນຂ້າມ ເປັນສ່ວນຂອງຮ້ານສະດວກຊື້ ແລະ ຮ້ານອາຫານທີ່ມີໃຫ້ເລືອກທັງອາຫານມາເລ, ຈີນ, ອິນເດຍ ແລະ ອາຫານທີ່ບໍ່ມີເນື້ອສັດ ເຊິ່ງສ່ວນນີ້ຄົນຈະເຂົ້າອອກຕະຫຼອດ ບໍ່ມີຍາມໃດທີ່ວ່າງ (ຍ້ອນວ່າກອງທັບຕ້ອງເດີນດ້ວຍທ້ອງ ຮະຮະ).

ຫ້ອງໂຕະເກມສຳລັບຜ່ອນຄາຍຂອງພະນັກງານ

ຮ້ານສພດວກຊື້ ມີສິນຄ້າຕ່າງໆພ້ອມບໍລິການຄືກັບໄປຮ້ານດ້ານນອກ

Achiles Sureen ເຈົ້າໜ້າທີ່ຝ່າຍວັດທະນະທຳອົງກອນ ແລະ ຊັບພະຍາກອນມະນຸດ ຜູ້ພາຄະນະສື່ມວນຊົນຈາກລາວ, ກຳປູເຈຍ ແລະ ມຽນມາ ຢ້ຽມຊົມສຳນັກງານ RedQ

ຈາກຊັ້ນໜຶ່ງຂຶ້ນໄປຊັ້ນສອງ ຈະມີຂັ້ນໄດເຊື່ອມຕໍ່ລະຫວ່າງຊັ້ນ ໂດຍໃນສ່ວນຂອງຊັ້ນສອງຈະເປັນຫ້ອງປະຊຸມເປັນສ່ວນໃຫຍ່ ເຊິ່ງອອກແບບໃຫ້ມີເອກະລັກແຕກຕ່າງກັນ ຕັ້ງຊື່ ແລະ ຕົບແຕ່ງໃຫ້ໄດ້ບັນຍາກາດຂອງເມືອງປາຍທາງຕ່າງໆໃນອາຊີເຊັ່ນ: ກົວລາລຳເປີ, ບາຫຼີ, ບາງກອກ ແລະ ອື່ນໆ.

ຫ້ອງປະຊຸມຊື່ Bangkok ຕັ້ງຢູ່ຊັ້ນເທິງສຸດຂອງອາຄານ

ເນື່ອງຈາກ ແອເອເຊຍ ກຳລັງປັບປ່ຽນໃຫ້ທຸລະກິດການບິນເປັນຫຼາຍກວ່າສາຍການບິນແບບທຳມະດາໂດຍນຳໃຊ້ເຕັກໂນໂລຊີເຂົ້າໃນການໃຫ້ບໍລິການ ແລະ ການເຮັດວຽກໃນສຳນັກງານໃຫ້ຫຼາຍທີ່ສຸດ, ພວກເຂົາໄດ້ຮ່ວມມືກັບ Google ເພື່ອນຳເອົາເຕັກໂນໂລຊີຕ່າງໆມານຳໃຊ້ ແລະ ນີ້ກໍເປັນທີ່ມາຂອງຮູບແບບການຕົບແຕ່ງຫ້ອງປະຊຸມທີ່ຊື່ ກົວລາລຳເປີ ທີ່ມີອຸປະກອນ ແລະ ເຕັກໂນໂລຊີຂອງ Google ໄວ້ອຳນວຍຄວາມສະດວກເຊັ່ນ Google Home ທີ່ສາມາດສັ່ງເປີດປິດໄຟໃນຫ້ອງປະຊຸມນີ້ໄດ້. ພ້ອມນີ້ ໃນຊັ້ນ 2 ຍັງມີຂົວເຫຼັກຕໍ່ລະຫວ່າງອີກຟາກຂອງສຳນັກງານ ເພື່ອຫຼຸດຜ່ອນການຍ່າງອ້ອມ ແລະ ປະຢັດເວລາ.

ຫ້ອງປະຊຸມຊື່ Kuala Lumpur ຮ່ວມມື ແລະ ນຳໃຊ້ເຕັກໂນໂລຊີຂອງ Google

ໃນຂະນະທີ່ຊັ້ນ 3 ກໍຍັງຄົງເປັນພື້ນທີ່ເຮັດວຽກ ພ້ອມດ້ວຍຫ້ອງອອກກຳລັງກາຍ (ມີຫ້ອງອາບນໍ້າ ແລະ ຫ້ອງຮົມ), ຫ້ອງພະຍາບານ (ມີແພດທົ່ວໄປ ແລະ ຜູ້ໃຫ້ຄຳປຶກສາບັນຫາຄອບຖ້າບໍລິການ), ຄລີນິກ (ມີແພດດ້ານຄວາມງາມນຳ ເໝາະສຳລັບສາວແອ ແລະ ຜູ້ທີ່ໃສ່ໃຈເລື່ອງດັ່ງກ່າວ) ແລະ ພື້ນທີ່ເປີດກວ້າງໃຫ້ນັ່ງເຮັດວຽກ ຫຼື ປະຊຸມ ລວມທັງໂຕະເຮັດວຽກຂອງ ໂທນີ້ ເຟີນັນເດສ ກໍຢູ່ຊັ້ນນີ້. ເຊັ່ນດຽວກັບຊັ້ນ 2, ຊັ້ນ 3 ເອງກໍມີຂົວຕໍ່ທາງກາງ ແລະ ມີສະໄລເດີ້ລົງໄປຊັ້ນໜຶ່ງສຳລັບຜູ້ທີ່ຕ້ອງການຄວາມວ່ອງໄວ, ຄວາມຕື່ນເຕັ້ນ, ບໍ່ທຳມະດາ ແລະ ບໍ່ຢາກຍ່າງລົງຂັ້ນໄດ ຫຼື ໃຊ້ລິບ.

ຫ້ອງອອກກຳລັງກາຍ Energy Lab ບໍລິເວນຊັ້ນເທິງສຸດ

ນອກຈາກຫ້ອງພະຍາບານແລ້ວ ກໍຍັງມີຄລີນິກນຳອີກ

ລົງລິບ ຫຼື ຂັ້ນໄດມັນທຳມະດາ, ລອງລົງຊັ້ນລຸ່ມດ້ວຍສະໄລເດີ້ເພື່ອປ່ຽນບັນຍາກາດກໍຍັງໄດ້

ທີ່ເລົ່າມາທັງໝົດນັ້ນເຫັນໄດ້ວ່າ ແອເອເຊຍ ສ້າງໃຫ້ພະນັກງານມີຄວາມຄິດສ້າງສັນ ເພື່ອໃຫ້ພວກເຂົາປະຕິບັດວຽກງານໄດ້ຢ່າງມີປະສິດທິພາບຫຼາຍທີ່ສຸດ ໂດຍໃຫ້ມີຂໍ້ຈຳກັດໜ້ອຍທີ່ສຸດ ແລະ ຍັງເປັນການສົ່ງເສີມຮູບແບບຊີວິດວຽກງານທີ່ມີຄວາມກະຕືລືລົ້ນ ແລະ ບໍ່ໜ້າເບື່ອ.

ລາງວັນກາຣັນຕີຄຸນນະພາບສາຍການບິນລາຄາປະຢັດທີ່ດີທີ່ສຸດໃນໂລກໂດຍ Skytrax 10 ປີຊ້ອນ

ດ້ວຍວັດທະນະທຳອົງກອນແບບດັ່ງກ່າວ ປະກອບກັບການເປັນສາຍການບິນລາຄາປະຢັດທີ່ດີທີ່ສຸດໃນໂລກ ເຮັດໃຫ້ ແອເອເຊຍ ກາຍເປັນອົງກອນທີ່ຊາວໜຸ່ມມາເລເຊຍຢາກເຮັດວຽກນຳຫຼາຍທີ່ສຸດ ເພາະນອກຈາກເລື່ອງຜົນຕອບແທນ ແລະ ສະຫວັດດີການຕ່າງໆແລ້ວ ແອເອເຊຍຍັງມີ RedQ ທີ່ໃຫ້ການດູແລທັງສະພາບຈິດໃຈ ຮ່າງກາຍ ແລະ ຊີວິດການເຮັດວຽກຂອງພະນັກງານ ແບບທີ່ເຮົາເຫັນແລ້ວຕ່າງກໍຮູ້ສຶກຢາກໄປເຮັດວຽກຢູ່ບ່ອນນີ້ນຳເລີຍ. ບໍລິສັດ ຫຼື ອົງກອນໃດໃນລາວຢາກເອົາໄປເປັນແຮງບັນດານໃຈໃນການປັບປຸງຫ້ອງການ ກໍສາມາດເອົາໄປໃຊ້ໄດ້ ເພິ່ນໜ້າຈະບໍ່ຫວງ!

Advertisement Replay Ad
5 ເຄັດລັບບໍລິຫານການເງິນຫຼັງແຕ່ງດອງຢ່າງສະຫຼາດ ເພື່ອບໍ່ໃຫ້ມີບັນຫາກັນໃນພາຍຫຼັງ

5 ເຄັດລັບບໍລິຫານການເງິນຫຼັງແຕ່ງດອງຢ່າງສະຫຼາດ ເພື່ອບໍ່ໃຫ້ມີບັນຫາກັນໃນພາຍຫຼັງ

ຄວນຮູ້! ສາເຫດທີ່ເຮັດໃຫ້ “ໜ້າມັນ” ມີຫຍັງແດ່?

ຄວນຮູ້! ສາເຫດທີ່ເຮັດໃຫ້ “ໜ້າມັນ” ມີຫຍັງແດ່?

ຝັນ VS ບໍ່ຝັນ ແບບໃດຈຶ່ງເອີ້ນວ່ານອນຫຼັບສະໜິດແທ້?

ຝັນ VS ບໍ່ຝັນ ແບບໃດຈຶ່ງເອີ້ນວ່ານອນຫຼັບສະໜິດແທ້?

ເຮັດແນວໃດຈຶ່ງຈະລອດ ຖ້າວ່າຕ້ອງຂັບລົດລຸຍນໍ້າ ເວລານໍ້າຖ້ວມຫົນທາງ?

ເຮັດແນວໃດຈຶ່ງຈະລອດ ຖ້າວ່າຕ້ອງຂັບລົດລຸຍນໍ້າ ເວລານໍ້າຖ້ວມຫົນທາງ?

ແນະນຳວິທີໄລ່ "ກັບແກ້" ອອກຈາກຫ້ອງດ້ວຍ "ນໍ້າກ້ອນ" ວິທີການນຸ້ມນວນ ບໍ່ເສຍເລືອດເສຍເນື້ອ

ແນະນຳວິທີໄລ່ "ກັບແກ້" ອອກຈາກຫ້ອງດ້ວຍ "ນໍ້າກ້ອນ" ວິທີການນຸ້ມນວນ ບໍ່ເສຍເລືອດເສຍເນື້ອ

4 ວິທີລັກລີ້ລູກໄປ make love ແກ້ບັນຫາລູກນ້ອຍຕິດພໍ່ແມ່ ຈົນບໍ່ມີໂອກາດໄດ້ຢູ່ນຳກັນສອງຄົນ

4 ວິທີລັກລີ້ລູກໄປ make love ແກ້ບັນຫາລູກນ້ອຍຕິດພໍ່ແມ່ ຈົນບໍ່ມີໂອກາດໄດ້ຢູ່ນຳກັນສອງຄົນ

ພາສາກາຍ ທີ່ບົ່ງບອກເຖິງອາລົມຄວາມຮູ້ສຶກຂອງລູກນ້ອຍ ທີ່ພໍ່ແມ່ຄວນຮູ້

ພາສາກາຍ ທີ່ບົ່ງບອກເຖິງອາລົມຄວາມຮູ້ສຶກຂອງລູກນ້ອຍ ທີ່ພໍ່ແມ່ຄວນຮູ້

5 ຂັ້ນຕອນເບິ່ງແຍງ "ໝໍ້ໄຟລົດ" ໃນຍາມຝົນ ຕ້ອງເຮັດແນວໃດແດ່?

5 ຂັ້ນຕອນເບິ່ງແຍງ "ໝໍ້ໄຟລົດ" ໃນຍາມຝົນ ຕ້ອງເຮັດແນວໃດແດ່?

“ຈໍປະສາດຕາເສື່ອມ” ໄພງຽບຂອງຄົນເຮັດວຽກໃນຍຸກດິຈິຕອລ

“ຈໍປະສາດຕາເສື່ອມ” ໄພງຽບຂອງຄົນເຮັດວຽກໃນຍຸກດິຈິຕອລ

ການຫຼິ້ນກັບນ້ອງໝາ ແລະ ນ້ອງແມວພຽງ 10 ນາທີ ສາມາດຫຼຸດຜ່ອນລະດັບຄວາມເຄັ່ງຕຶງລົງໄດ້

ການຫຼິ້ນກັບນ້ອງໝາ ແລະ ນ້ອງແມວພຽງ 10 ນາທີ ສາມາດຫຼຸດຜ່ອນລະດັບຄວາມເຄັ່ງຕຶງລົງໄດ້

ຢາກໜ້າເດັກມາທາງນີ້! ໜ້າມ້າ 4 ແບບທີ່ຈະຊ່ວຍຫຼຸດອາຍຸໄປອີກ 10 ປີ image

ຢາກໜ້າເດັກມາທາງນີ້! ໜ້າມ້າ 4 ແບບທີ່ຈະຊ່ວຍຫຼຸດອາຍຸໄປອີກ 10 ປີ

ຜູ້ປົກຄອງຄວນອ່ານ! ຢ່າສອນເດັກນ້ອຍດ້ວຍ "ຄວາມຢ້ານ"

ຜູ້ປົກຄອງຄວນອ່ານ! ຢ່າສອນເດັກນ້ອຍດ້ວຍ "ຄວາມຢ້ານ"

ລວມຊົງຜົມອອກງານສະໄຕລ໌ “ອໍ້າ ພັດຊະລາພາ” image

ລວມຊົງຜົມອອກງານສະໄຕລ໌ “ອໍ້າ ພັດຊະລາພາ”

ພາສ່ອງຫຸ່ນ 8 ໄອດໍ້ສາວເກົາຫຼີ ແຮງບັນດານໃຈຂອງສາວໆໃນການຫຼຸດນໍ້າໜັກ image

ພາສ່ອງຫຸ່ນ 8 ໄອດໍ້ສາວເກົາຫຼີ ແຮງບັນດານໃຈຂອງສາວໆໃນການຫຼຸດນໍ້າໜັກ

10 ຄຸນສົມບັດຂອງ "ຜູ້ນຳ" ທີ່ Google ຄົ້ນພົບຈາກການສຶກສາກວ່າ 10 ປີ

10 ຄຸນສົມບັດຂອງ "ຜູ້ນຳ" ທີ່ Google ຄົ້ນພົບຈາກການສຶກສາກວ່າ 10 ປີ

"ໝັດແມວ" ຖ້າກັດຄົນ ຈະອັນຕະລາຍເຖິງແກ່ຊີວິດ ຫຼື ບໍ່?

"ໝັດແມວ" ຖ້າກັດຄົນ ຈະອັນຕະລາຍເຖິງແກ່ຊີວິດ ຫຼື ບໍ່?

ອັນຕະລາຍຈາກເຄື່ອງປັບອາກາດ ຫາກສົກກະປົກ ແລະ ບໍ່ລ້າງເປັນເວລາດົນເກີນໄປ

ອັນຕະລາຍຈາກເຄື່ອງປັບອາກາດ ຫາກສົກກະປົກ ແລະ ບໍ່ລ້າງເປັນເວລາດົນເກີນໄປ

ຄົນເຮົາຈຳເປັນຕ້ອງອາບນໍ້າທຸກມື້ຫຼືບໍ່?

ຄົນເຮົາຈຳເປັນຕ້ອງອາບນໍ້າທຸກມື້ຫຼືບໍ່?

7 ສັນຍານທີ່ບົ່ງບອກວ່າຄວາມຮັກຂອງທ່ານ “ໝົດອາຍຸ”

7 ສັນຍານທີ່ບົ່ງບອກວ່າຄວາມຮັກຂອງທ່ານ “ໝົດອາຍຸ”

ງາມໄດ້ບໍ່ນ້ອຍໜ້າສາວຜົມຍາວ ກັບໄອເດຍຊົງຜົມອອກງານສຳລັບວົງການສາວຜົມສັ້ນ

ງາມໄດ້ບໍ່ນ້ອຍໜ້າສາວຜົມຍາວ ກັບໄອເດຍຊົງຜົມອອກງານສຳລັບວົງການສາວຜົມສັ້ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ