ວັນອາທິດ ທີ 20 ກັນຍາ 2020

5 ປະເດັນ ທີມຊາດລາວ ຕົກຮອບ “ເອເອຟເອຟ ຊູຊຸກິ ຄັບ 2018” ແບບບໍ່ມີແຕ້ມ

5 ປະເດັນ ທີມຊາດລາວ ຕົກຮອບ “ເອເອຟເອຟ ຊູຊຸກິ ຄັບ 2018” ແບບບໍ່ມີແຕ້ມ
S! Muan

ສະໜັບສະໜູນເນື້ອຫາ

ສິ້ນສຸດລົງເປັນທີ່ຮຽບຮ້ອຍແລ້ວ ສຳລັບທີມຊາດລາວເຮົາ ໃນການແຂ່ງຂັນເຕະບານຊາຍ ຊີງແຊ້ມແຫ່ງຊາດອາຊຽນ ປະຈຳປີ 2018 ຫຼື “ເອເອຟເອຟ ຊູຊຸກິ ຄັບ 2018” ຮອບແບ່ງກຸ່ມ ກຸ່ມ A ເຊິ່ງສ້າງຜົນງານໄດ້ຢ່າງໜ້າຜິດຫວັງ ແລະ ຮັກສາມາດຕະຖານ ເສຍ 3 ປະຕູຕໍ່ເກມໄວ້ໄດ້ຢ່າງ ໜຽວແໜ້ນ ສົ່ງຜົນໃຫ້ຈົບລາຍການນີ້ແບບບໍ່ມີຄະແນນຕິດມືເລີຍແມ່ນແຕ່ແຕ້ມດຽວ ພ້ອມກັບຕົກຮອບແບ່ງກຸ່ມ ໄປຕາມລະບຽບ ແລະ ນີ້ຄື 5 ປະເດັນສຳຄັນ ທີ່ຂ້າພະເຈົ້າ “ລູກນ້ຳເຊ” ຢາກຍົກມາໃຫ້ທ່ານຜູ້ອ່ານໄດ້ຮັບຊາບ ແຕ່ສິ່ງທີ່ເວົ້າມານັ້ນຈະຖືກ ຫຼື ບໍ່ຖືກ ກໍ່ຂໍອະໄພມາຍັງໃນທີ່ນີ້ດ້ວຍ.

  1. ຜົນງານຄູເຝິກຄົນໃໝ່ ບໍ່ດີຄືກັບທີ່ຄິດ: ກ່ອນການແຂ່ງຂັນເຕະບານ ຊູຊຸກິ ຄັບ 2018 ຈະເລີ່ມຂຶ້ນພຽງ 2 ອາທິດ ທາງສະຫະພັນບານເຕະແຫ່ງຊາດລາວ ຫຼື ສຕລ ກໍ່ໄດ້ສ້າງຄວາມແປກໃຈຢ່າງໃຫຍ່ຫຼວງໃຫ້ກັບແຟນບານລາວພັນແທ້ ດ້ວຍການສັ່ງປົດ ທ່ານ ໄມວອງ ຄູເຝິກຊາວສິງກະໂປ ອອກຈາກຕຳແໜ່ງຄູເຝິກທີມຊາດລາວ ຊຸດໃຫຍ່ ທັງທີ່ເປັນຄົນກຽມທີມ ເພື່ອລຸຍທົວນາເມນນີ້ ເຊິ່ງໄດ້ພານັກກີລາໄປເກັບຕົວເຖິງແອັດສະປາຍ ແລະ ເຂົ້າຮ່ວມແຂ່ງຂັນລາຍການຕ່າງໆ ເພື່ອທົດສອບທີມ ແຕ່ສຸດທ້າຍກໍ່ຖືກປົດແບບບໍ່ມີເຫດຜົນ ແຕ່ຄາດວ່າ ເປັນເພາະພາທີມສ້າງຜົນງານໄດ້ຢ່າງຕົກຕ່ຳ. ແຕ່ຫຼັງຈາກນັ້ນພຽງບໍ່ເທົ່າໃດ ສຕລ ກໍ່ແຕ່ງຕັ້ງ ທ່ານ ວາຣາດາຣາຈູ ຊູນດຣາມ ມູທີ ຊາວສິງກະໂປ ເປັນຄູເຝິກທີມຊາດລາວຄົນໃໝ່ແທນ ຫວັງຈະໃຫ້ມາພາທີມຊາດ ສ້າງຜົນງານໃຫ້ດີຂຶ້ນໃນເຕະບານ ເອເອຟເອຟ ຊູຊຸກິ ຄັບ 2018 ຮອບແບ່ງກຸ່ມ ກຸ່ມ A ແຕ່ຜົນງານກໍ່ບໍ່ດີຄືດັ່ງທີ່ຄິດໄວ້ ລົງສະໜາມທັງໝົດ 4 ນັດ ເສຍລຽນຕິດທັງໝົດ. ໂດຍນັດທຳອິດເສຍໃຫ້ຫວຽດນາມ ຄາບ້ານ 0-3, ນັດທີ 2 ບຸກໄປເສຍໃຫ້ ມາເລເຊຍ 1-3, ນັດທີ 3 ເປີດບ້ານເສຍໃຫ້ກັບ ມຽນມາ 1-3 ແລະ ນັດສຸດທ້າຍ ບຸກໄປເສຍໃຫ້ກັບ ກຳປູເຈຍ 1-3 ສົ່ງຜົນໃຫ້ບໍ່ສາມາດເກັບໄດ້ຈັກຄະແນນ ຕົກຮອບໄປຕາມລະບຽບ.



  2. ນັກເຕະປະສົບການບໍ່ໄດ້ຮັບໂອກາດເທົ່າທີ່ຄວນ: ກ່ອນເກມນັດທຳອິດກັບ ທີມຊາດຫວຽດນາມ ຈະເປີດຂຶ້ນໃນວັນທີ 8 ພະຈິກ 2018 ທ່ານ ວາຣາດາຣາຈູ ຊູນດຣາມມູທີ ໄດ້ປະກາດນະໂຍບາຍຢ່າງຊັດເຈນແລ້ວວ່າ ທີມຊາດລາວຊຸດນີ້ ຈະເນັ້ນໃຊ້ບໍລິການນັກເຕະເຍົາວະຊົນ ຮຸ່ນສືບທອດ ຫຼື ນັກເຕະໜຸ່ມນ້ອຍເປັນຫຼັກ. ສ່ວນນັກເຕະທີ່ມີປະສົບການທີ່ຄ້າແຄ່ງທັງພາຍໃນ ແລະ ຕ່າງປະເທດນັ້ນ ແມ່ນຈະເອົາມາໄວ້ເປັນກຳລັງສຳຮອງ ແລະ ຊ່ວຍຄະນະຄູເຝິກໃນອະນາຄົດ. ເຊິ່ງໃນມື້ແຂ່ງຂັນຈິງ ທີ່ເປີດບ້ານເສຍໃຫ້ ຫວຽດນາມ 0-3 ກໍ່ເປັນໄປຕາມຄຳເວົ້າທີ່ໄດ້ປະກາດໄວ້ ໂດຍ ສຸກອາພອນ ວົງຈຽງຄຳ ກອງໜ້າຊຸເປີສະຕາຂອງລາວ ຈາກ ສະໂມສອນ ສີສະເກດ ເອັບຊີ ປະເທດໄທ ມີຊື່ເປັນພຽງຕົວສຳຮອງ ແລະ ບໍ່ໄດ້ຮັບໂອກາດລົງສະໜາມໃນເກມນີ້ ຈົນຕ້ອງປະກາດຖອນຕົວຈາກທີມຊາດ ຫຼັງຈາກຈົບນັດດັ່ງກ່າວ ກ່ອນທີ່ໃນເວລາຕໍ່ມາຈະປະກາດກັບຄືນຮັບໃຊ້ທີມຊາດ ແລະ ໄດ້ລົງສະໜາມເປັນຕົວຈິງ ໃນນັດບຸກໄປເສຍໃຫ້ ມາເລເຊຍ 1-3 ປະຕູ.



  3. ບັນດາຊາດອາຊຽນອື່ນໆມີການພັດທະນາ: ແນ່ນອນວ່າໃນປັດຈຸບັນວົງການເຕະບານຂອງບັນດາຊາດສະມາຊິກອາຊຽນ ມີການພັດທະນາຢ່າງຕໍ່ເນື່ອງ ແລະ ກ້າວກະໂດດ ໂດຍສະເພາະແມ່ນຫວຽດນາມ ແລະ ມຽນມາ ທີ່ທີມລະດັບເຍົາວະຊົນໄດ້ໄປເຖິງລາຍການຊີງແຊ້ມໂລກ ເຊິ່ງກໍ່ລວມເຖິງ ກຳປູເຈຍ ທີ່ໄດ້ເຊັນສັນຍາກັບ ໂຄຊຸເກະ ຮອນດະ ອະດີດກອງໜ້າທີມຊາດຍີ່ປຸ່ນ ທີ່ມີປະສົບການຢ່າງຫຼວງຫຼາຍໃນລະດັບສະໂມສອນອາຊີບ ທັງອາຊີ ແລະ ເອີຣົບ ເຂົ້າມາເປັນຄູເຝິກທີມຊາດຊຸດໃຫຍ່ ເພື່ອຊ່ວຍຍົກລະດັບຄວາມສາມາດ ແລະ ທັກສະໃຫ້ກັບນັກກີລາ ລຸຍການແຂ່ງຂັນເຕະບານ ຊູຊຸກິ ຄັບ 2018 ຈົນໃນທີ່ສຸດນັດສຸດທ້າຍຮອບແບ່ງກຸ່ມ ສາມາດເປີດບ້ານໄລ່ຖະຫຼົ່ມ ທີມຊາດລາວ ໄປແບບບໍ່ໄວ້ໜ້າ 3-1 ປະຕູ ຊ່ວຍໃຫ້ທີມຊາດກຳປູເຈຍ ມີຄະແນນໃນລາຍການນີ້ໄດ້ສຳເລັດ.



  4. ແຟນບານລາວ ໝົດສັດທາຕໍ່ຜົນງານທີມຊາດ: ສັງເກດເຫັນໄດ້ວ່າ 2 ນັດທີ່ທີມຊາດລາວ ເຮົາເປັນເຈົ້າພາບໃນລາຍການນີ້ ແຟນບານລາວພັນແທ້ ມີພຽງສ່ວນໜ້ອຍທີ່ເຂົ້າຊົມການ ແຂ່ງຂັນ ໂດຍສະເພາະແມ່ນເກມທີ່ເປີດບ້ານເສຍໃຫ້ກັບທີມຊາດຫວຽດນາມ ໃນນັດທຳອິດ ເມື່ອວັນທີ 8 ພະຈິກ 2018 ຜ່ານມາ ມີແຟນບານຫວຽດນາມເກືອບ 4 ສ່ວນ 5 ຂອງສະໜາມກີລາແຫ່ງຊາດ (ຫຼັກ16) ເຂົ້າຊົມ ແລະ ເຊຍທີມຮັກຂອງຕົນເອງຢ່າງຟົດຟື້ນ. ເຊິ່ງຕ່າງການຢ່າງຊິ້ນເຊີງກັບເມື່ອປີ 2009 ທີ່ ສປປ ລາວ ເປັນເຈົ້າພາບ ຊີເກມ ທີ່ທີມຊາດລາວ ສ້າງຜົນງານໄດ້ຢ່າງໂດດເດັ່ນ ຈົນສາມາດຜ່ານເຂົ້າສູ່ຮອບ 4 ທີມສຸດທ້າຍ ແລະ ໃນທົວນາເມັນນັ້ນກໍ່ມີນັກເຕະຂວັນໃຈແຟນບານຢ່າງ ລຳເນົາ ສິງໂຕ, ໄກສອນ ສຸຂະວົງ, ກັນລະຍາ ສີສົມຫວັງ ແຕ່ຫຼັງຈາກນັ້ນຜົນງານທີມຊາດກໍ່ຄ່ອຍຕົກຕ່ຳລົງເລື້ອຍໆ ຈົນແກ່ຍາວມາເຖິງປັດຈຸບັນ. ທັງນີ້, ກໍ່ຍ້ອນແຟນບານໝົດສັດທາກັບວົງການເຕະບານລາວ ທີ່ບໍ່ມີຄວາມຊັດເຈນໃນການພັດທະນາ ສົ່ງຜົນໃຫ້ການເຂົ້າຮ່ວມແຂ່ງຂັນລາຍການໃດ ກໍ່ມີແຕ່ເສຍກັບເສຍ ໂດຍສະເພາະນັດສຸດທ້າຍ ຊູຊຸກິ ຄັບ 2018 ທີ່ບຸກໄປເສຍໃຫ້ ກຳປູເຈຍ ເຖິງ 1-3 ປະຕູ.



  5. ນະໂຍບາຍ 200 ລ້ານ ບໍ່ເກີດຜົນ: ກ່ອນທົວນາເມນນີ້ ຈະເປີດສາກຂຶ້ນຢ່າງເປັນທາງການ ທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດລາວ ໄດ້ເນັ້ນໜັກໃຫ້ນັກກີລາທຸກຄົນຈົ່ງຕັ້ງໃຈໃສ່ຫຼິ້ນໃຫ້ສຸດຄວາມສາມາດ, ຫຼີກລ່ຽງທີ່ສຸດເລື່ອງການລົ້ມບານ ຫຼື ລັອກຜົນການແຂ່ງຂັນ ແລະ ບໍ່ຊື່ສັດຕໍ່ຊາດຂອງຕົນເອງ. ພ້ອມນັ້ນ, ທ່ານປະທານ ສຕລ ຍັງໄດ້ປະກາດນະໂຍບາຍອອກມາຢ່າງຊັດເຈນວ່າ ຖ້າທີມຊາດລາວ ຊະນະໃນລາຍການນີ້ ແມ່ນຈະມອບເງິນອັດສີດໃຫ້ນັດລະ 200 ລ້ານກີບ ແລະ ຖ້າສະເໝີ ແມ່ນຈະອັດສີເງິນ 100 ລ້ານກີບ ແຕ່ສຸດທ້າຍນະໂຍບາຍເຫຼົ່ານີ້ກໍ່ບໍ່ເປັນຜົນແມ່ນແຕ່ກີບດຽວ ເພາະທັງທົວນາເມັນ 4 ນັດທີ່ທີມຊາດລາວ ລົງສະໜາມສະກົດຄຳວ່າໄຊຊະນະບໍ່ເປັນເລີຍ ບໍ່ມີຈັກຄະແນນ ຈົບອັນດັບສຸດທ້າຍຂອງກຸ່ມ ເອ ຕ່ຳກ່ອນກຳປູເຈຍ ອີກດ້ວຍຊ້ຳ.

ຢ່າງໃດກໍ່ຕາມ, ເພື່ອເປັນການຮຽກສັດທາແຟນບານລາວກັບຄືນມາໃຫ້ມີບັນຍາກາດຄຶກຄື້ນອີກຄັ້ງຄືດັ່ງໃນອະດີດ ພາກສ່ວນທີ່ກ່ຽວຂ້ອງຄວນໃຫ້ຄວາມສຳຄັນຕໍ່ການພັດທະນາວົງການກີລາຫຼາຍຂຶ້ນກວ່າເກົ່າ ໂດຍສະເພາະແມ່ນການຈັດການແຂ່ງຂັນເຕະບານລີກພາຍໃນປະເພດໃຫ້ມີຄວາມເຂັ້ມແຂງ ເປັນຕົ້ນແມ່ນເຕະບານລີກສາຍ ຂ, ສາຍ ກ ແລະ ລາວພຣີເມຍລີກ ເພື່ອເປັນທາງເລືອກໃນການເຟັ້ນຫານັກກີລາທີ່ມີຄຸນນະພາບ. ຄຽງຄູ່ກັນນັ້ນ, ກໍ່ໃຫ້ສືບຕໍ່ລົງເຝິກສອນການຫຼິ້ນກີລາເຕະບານຂັ້ນພື້ນຖານຕາມໂຮງຮຽນ, ສະຖາບັນການສຶກສາ ແລະ ອື່ນໆ ລວມເຖິງບັນດາບ້ານ, ເມືອງ ທີ່ຢູ່ເຂດຫ່າງໄກສອກຫຼີກ ນັບແຕ່ສູນກາງລົງຮອດທ້ອງຖິ່ນ ເພື່ອສ້າງນັກກີລາທີມຊາດຮຸ່ນເຍົາວະຊົນ ກ່ອນກ້າວຂຶ້ນສູ່ຊຸດໃຫຍ່.

ສ່ວນທີມຊາດລາວ ຊຸດໃຫຍ່ ກໍ່ຂໍໃຫ້ນຳໃຊ້ບຸກຄະລາກອນທີ່ມີຢູ່ແລ້ວ ໃຫ້ມີປະສິດທິພາບ ໂດຍສະເພາະນັກລາວທີ່ໄປຄ້າແຄ່ງຢູ່ຕ່າງແດນ ເຊັ່ນ: ສຸກອາພອນ ວົງຈຽງຄຳ, ພັດທະນາ ພົມມະເທບ, ພຸດທະໄຊ ໂຄຈະເລີນ ລວມເຖິງນັກເຕະເຊື້ອສາຍລາວຢ່າງ ອຸໄຣ ໄຊປະເສີດ ແລະ ມິດສະດາ ສາຍໃຕ້ຟ້າ ທີ່ເຄີຍສ້າງຜົນງານຢ່າງໂດດເດັ່ນກັບ ສະໂມສອນ ລ້ານຊ້າງ ຢູໄນເຕັດ ຈົນສາມາດຄວ້າແຊ໋ມລາວພຣີເມຍລີກ 2016 ແລະ ຄວ້າຮອງແຊ໋ມເຕະບານ ໂຕໂຢຕ້າ ແມ່ຂອງ ຄລັບ 2018 ມາຄອງໄດ້ສຳເລັດ. ຂະນະທີ່ນັກເຕະທີມແຊ໋ມລາວພຣີເມຍລີກ ຈາກສະໂມສອນ ລາວໂຕໂຢຕ້າ ເອັບຊີ ກໍ່ຄວນຈະດຶງມາຮັບໃຊ້ທີມຊາດ ເຊັ່ນ ພຸດດາວວີ ພົມມະສານ, ມະໂນລົມ ພົມສຸວັນ ເປັນຕົ້ນ. ທັງໝົດທັງມວນນີ້ກໍ່ເພື່ອໃຫ້ທີມຊາດລາວ ກັບມາມີຜົນງານດີອີກຄັ້ງ.

Advertisement Replay Ad

ຂໍຂອບໃຈ

ຂໍ້ມູນ : ໜັງສືພິມສຶກສາ-ກີລາ

ແນວຄົນມັນຮັກ! ໂຣນັນໂດ້ ສາຍເປຊື້ແຫວນເພັດໃຫ້ແຟນສາວ ຂໍບອກລາຄາແພງສຸດໃນໝູ່ນັກເຕະ

ແນວຄົນມັນຮັກ! ໂຣນັນໂດ້ ສາຍເປຊື້ແຫວນເພັດໃຫ້ແຟນສາວ ຂໍບອກລາຄາແພງສຸດໃນໝູ່ນັກເຕະ

ສິ່ງທີ່ຄວນຮູ້ ເມື່ອ "ລີໂອເນລ ເມດຊີ" ແຈ້ງບາຊາຂໍຍ້າຍທີມ ຊັອກແຟນບານທົ່ວໂລກ

ສິ່ງທີ່ຄວນຮູ້ ເມື່ອ "ລີໂອເນລ ເມດຊີ" ແຈ້ງບາຊາຂໍຍ້າຍທີມ ຊັອກແຟນບານທົ່ວໂລກ

ສ່ອງຄວາມລວຍອາພາດເມັນຫຼູໃນດູໄບຂອງ "ໂຣເຈີ ເຟເດິເຣີ" ນັກກີລາລວຍທີ່ສຸດໃນໂລກປີ 2020

ສ່ອງຄວາມລວຍອາພາດເມັນຫຼູໃນດູໄບຂອງ "ໂຣເຈີ ເຟເດິເຣີ" ນັກກີລາລວຍທີ່ສຸດໃນໂລກປີ 2020

ເປັນຫຍັງແຟນຄລັບຂອງ “ລິເວີພູ (Liverpool) ແລະ ແມນຢູ (Man U)” ຄືບໍ່ຖືກກັນ?

ເປັນຫຍັງແຟນຄລັບຂອງ “ລິເວີພູ (Liverpool) ແລະ ແມນຢູ (Man U)” ຄືບໍ່ຖືກກັນ?

ນັກໄຕຣກີລາສາວຖືກ 'ຂົ່ມເຫງ' ຈົນນຳໄປສູ່ການຈົບຊີວິດຂອງໂຕເອງ ສະເທືອນວົງການກີລາເກົາຫຼີໃຕ້

ນັກໄຕຣກີລາສາວຖືກ 'ຂົ່ມເຫງ' ຈົນນຳໄປສູ່ການຈົບຊີວິດຂອງໂຕເອງ ສະເທືອນວົງການກີລາເກົາຫຼີໃຕ້

ລໍຄອຍມາເຖິງ 30 ປີ ແລະ ໃນທີ່ສຸດ "LIVERPOOL" ກໍຄວ້າໄດ້ໄຊຊະນະທີ່ຍິ່ງໃຫຍ່!

ລໍຄອຍມາເຖິງ 30 ປີ ແລະ ໃນທີ່ສຸດ "LIVERPOOL" ກໍຄວ້າໄດ້ໄຊຊະນະທີ່ຍິ່ງໃຫຍ່!

ເສິກໃຫຍ່ໃນລາລີກາ: ບາເຊໂລນາ ກຽມພົບ ເຊບິຢາ ທ້າຍອາທິດນີ້

ເສິກໃຫຍ່ໃນລາລີກາ: ບາເຊໂລນາ ກຽມພົບ ເຊບິຢາ ທ້າຍອາທິດນີ້

ລວມ 10 ນັກເຕະທີ່ໄວທີ່ສຸດໃນ LaLiga ສະເປນ ໃນລະດູການ 2019/20

ລວມ 10 ນັກເຕະທີ່ໄວທີ່ສຸດໃນ LaLiga ສະເປນ ໃນລະດູການ 2019/20

ແຟນບານກຽມໂຕ ພຣີເມຍລີກ ກັບມາແຂ່ງຂັນອີກຄັ້ງ

ແຟນບານກຽມໂຕ ພຣີເມຍລີກ ກັບມາແຂ່ງຂັນອີກຄັ້ງ

ລາວອີ-ສະປອດ ເປີດຮັບສະໝັກບຸກຄະລາກອນ ກຽມສ້າງເປັນຄູຝຶກ ແລະ ກໍາມະການຕັດສິນອາຊີບ

ລາວອີ-ສະປອດ ເປີດຮັບສະໝັກບຸກຄະລາກອນ ກຽມສ້າງເປັນຄູຝຶກ ແລະ ກໍາມະການຕັດສິນອາຊີບ

"ຊຽງຂວາງ ເກມ" ຈະເກີດ ຫຼື ບໍ່? ຮູ້ຜົນທ້າຍເດືອນມິຖຸນານີ້

"ຊຽງຂວາງ ເກມ" ຈະເກີດ ຫຼື ບໍ່? ຮູ້ຜົນທ້າຍເດືອນມິຖຸນານີ້

ບໍ່ລອດ "ເອຟຊີ ໂຊລ" ຖືກໃໝ 730 ລ້ານກີບ ຍ້ອນໃຊ້ "ຕຸກກະຕາຢາງ" ແທນຜູ້ຊົມ ຊີ້ດູໝິ່ນກຽດແຟນບານເພດຍິງ

ບໍ່ລອດ "ເອຟຊີ ໂຊລ" ຖືກໃໝ 730 ລ້ານກີບ ຍ້ອນໃຊ້ "ຕຸກກະຕາຢາງ" ແທນຜູ້ຊົມ ຊີ້ດູໝິ່ນກຽດແຟນບານເພດຍິງ

ສຕລ ລົງມືກໍ່ສ້າງ ແລະ ສ້ອມແປງໂຄງລ່າງພື້ນຖານສະໜາມກີລາຈາກທຶນຊ່ວຍເຫຼືອຂອງ FIFA

ສຕລ ລົງມືກໍ່ສ້າງ ແລະ ສ້ອມແປງໂຄງລ່າງພື້ນຖານສະໜາມກີລາຈາກທຶນຊ່ວຍເຫຼືອຂອງ FIFA

ວົງການບານເຕະຮູ້ ຫຼື ຍັງ? ພຣີເມຍລີກແຈ້ງຜົນກວດ ຜູ້ຕິດເຊື້ອໂຄວິດ ມີ 6 ຄົນ ຈາກ 748 ຄົນ!

ວົງການບານເຕະຮູ້ ຫຼື ຍັງ? ພຣີເມຍລີກແຈ້ງຜົນກວດ ຜູ້ຕິດເຊື້ອໂຄວິດ ມີ 6 ຄົນ ຈາກ 748 ຄົນ!

“ດີ້ ສາວລາວ” ບໍ່ເຄີຍຢຸດຊ້ອມກີລາຕໍ່ສູ້ປ້ອງກັນຕົວ 5 ປະເພດ ຫວັງພິຊິດແຊ້ມສ້າງກຽດຊື່ສຽງໃຫ້ປະເທດ

“ດີ້ ສາວລາວ” ບໍ່ເຄີຍຢຸດຊ້ອມກີລາຕໍ່ສູ້ປ້ອງກັນຕົວ 5 ປະເພດ ຫວັງພິຊິດແຊ້ມສ້າງກຽດຊື່ສຽງໃຫ້ປະເທດ

ມາດຕະການສໍາລັບການເປີດສະຖານທີ່ອອກກໍາລັງກາຍ ກີລາກາງແຈ້ງ ແລະ ກີລາໃນຮົ່ມ

ມາດຕະການສໍາລັບການເປີດສະຖານທີ່ອອກກໍາລັງກາຍ ກີລາກາງແຈ້ງ ແລະ ກີລາໃນຮົ່ມ

ແຟນບານຮູ້ສຶກແນວໃດ? ຄວາມແຕກຕ່າງຂອງການແຂ່ງຂັນກີລາບານເຕະ ໃນໄລຍະໂຄວິດ-19

ແຟນບານຮູ້ສຶກແນວໃດ? ຄວາມແຕກຕ່າງຂອງການແຂ່ງຂັນກີລາບານເຕະ ໃນໄລຍະໂຄວິດ-19

ດຣາມາ! ເອຟຊີ ໂຊລ ສະໂມສອນບານເຕະໃນເກົາຫຼີໃຕ້ໃຊ້ "ຕຸກກະຕາຢາງ" ເປັນແຟນບານນັ່ງເຊຍສ້າງບັນຍາກາດ

ດຣາມາ! ເອຟຊີ ໂຊລ ສະໂມສອນບານເຕະໃນເກົາຫຼີໃຕ້ໃຊ້ "ຕຸກກະຕາຢາງ" ເປັນແຟນບານນັ່ງເຊຍສ້າງບັນຍາກາດ

ຟ້າຫຼັງຝົນງົດງາມສະເໝີ! ມື້ນີ້ຂອງ "ມາດາມໂບ" ສາວງາມຄົນເກັ່ງແຫ່ງວົງການບານເຕະລາວ

ຟ້າຫຼັງຝົນງົດງາມສະເໝີ! ມື້ນີ້ຂອງ "ມາດາມໂບ" ສາວງາມຄົນເກັ່ງແຫ່ງວົງການບານເຕະລາວ

ສ່ອງຄວາມລວຍ ແລະ ຊີວິດທີ່ເລີດຫຼູໃນເຮືອບິນລຳໃໝ່ ຂອງນັກເຕະລະດັບໂລກ "ໂຣ່ນັນໂດ້"

ສ່ອງຄວາມລວຍ ແລະ ຊີວິດທີ່ເລີດຫຼູໃນເຮືອບິນລຳໃໝ່ ຂອງນັກເຕະລະດັບໂລກ "ໂຣ່ນັນໂດ້"

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ