ວັນສຸກ ທີ 22 ຕຸລາ 2021

ນິວຊີແລນອອກກົດໃໝ່ ຜູ້ເດີນທາງເຂົ້າປະເທດຕ້ອງບອກ "ລະຫັດຜ່ານ" ເຂົ້າສະມາດໂຟນ

ນິວຊີແລນອອກກົດໃໝ່ ຜູ້ເດີນທາງເຂົ້າປະເທດຕ້ອງບອກ "ລະຫັດຜ່ານ" ເຂົ້າສະມາດໂຟນ

ລັດຖະບານ​ນິວ​ຊີ​ແລນ​ອອກ​ກົດ​ໃໝ່​ຄວບ​ຄຸມ​ຄວາມ​ປອດໄພ​ບໍລິເວນ​ດ່ານ​ກວດ​ຄົນ​ເຂົ້າ​ເມືອງ​ ລະ​ບຸ​ ຜູ້​ເດີນທາງ​ເຂົ້າ​ປະເທດ​ຕ້ອງ​ຍິນ​ຍອມ​ບອກ​ລະຫັດ​ຜ່ານ​ເພື່ອ​ປົດ​ລັອກສະມາດໂຟນໃຫ້​ເຈົ້າ​ໜ້າທີ່​ກວດ​ຄົ້ນ​ຂໍ້​ມູນ​ໃນ​ເຄື່ອງ​ ຫາກ​ຂັດ​ຂືນ​ຈະ​ຖືກ​ປັບ​ໃໝເງິນ.​

​ຖະແຫຼງ​ຂ່າວ​ເຕືອນ​ຊາວ​ຕ່າງ​ຊາດ ​ແລະ ​ຜູ້​ທີ່​ເດີນທາງ​ເຂົ້າ​ປະເທດ​ນິວຊີແລນ​ໃຫ້​ຮູ້​ເຖິງ​ກົດ​ລະບຽບ​ໃໝ່​ທີ່​ໃຊ້​ໃນ​ການ​ກວດ​ກາ​ຄວາມ​ປອດໄພ​ໃນ​ອາ​ຄານ​ສະໜາມບິນສາກົນ​ ລວມທັງດ່ານ​ກວດ​ຄົນ​ເຂົ້າ​ເມືອງ​ອື່ນ​ໆ​ ຕ້ອງ​ປະຕິບັດ​ຕາມ​ຄຳ​ສັ່ງ​ຂອງ​ເຈົ້າ​ໜ້າທີ່​ທີ່​ຕ້ອງ​ການ​ກວດ​ຄົ້ນ​ ຫຼື ​ຂໍ​ເບິ່ງ​ຂໍ້​ມູນ​ທີ່​ເກັບ​ໄວ້​ໃນ​ໂທລະສັບສະມາດໂຟນ ຫາກ​ປະຕິເສດ​ຄວາມ​ຮ່ວມ​ມື​ຈະ​ຖືກ​ປັບ​ໃໝເງິນ​ 5,000 ໂດລາ​ນິວຊີແລນ​ ຫຼື ​ປະ​ມານ​ 28 ລ້ານກີບ​ ແລະ​ຈະ​ຖືກ​ຢຶດ​ເຄື່ອງ​ເອົາ​ໄວ້​ຊົ່ວ​ຄາວ​ອີກດ້ວຍ​.

ເວັບ​ໄຊ​ແຊນ​ແນລ​ນິວ​ສ໌​ເອ​ເຊຍ​ ແລະ ​ໄອ​ໂອ​ແອລ ລາຍ​ງານ​ອ້າງ​ອີງ​ຄຳ​ຖະແຫຼງ​ຂອງ​ ເທີ​ຣີ​ ບ​ຣາວ​​ ໂຄສົ​ກ​ສຳ​ນັກ​ງານ​ພາສີ ແລະ​ ອາກອນ​ນິວຊີແລນ​ ລະ​ບຸ​ວ່າກົ​ດລະບຽບ​ໃໝ່​ຫາກໍ່​ບັງຄັບ​ໃຊ້​ເມື່ອ​ວັນທີ​ 1 ຕຸລາ ທີ່​ຜ່ານມາ​ ເປັນ​ການ​ໃຊ້​ອຳນາດ​ຕາມ​ກົດໝາຍ​ ພາສີ ​ແລະ ອາກອນ​ສະບັບ​ແກ້​ໄຂ​ ຊຶ່ງ​ມອບ​ອຳນາດ​ໃຫ້​ເຈົ້າ​ໜ້າທີ່​ດ້ານ​ຄວາມ​ປອດໄພ ​ແລະ ​ກວດ​ຄົນ​ເຂົ້າ​ເມືອງ​ຂໍເບິ່ງ​ຂໍ້​ມູນ​ທີ່​ເກັບ​ໄວ້​ໃນສະມາດໂຟນຂອງ​ຜູ້​ຖືກສົງ​ໄສ​ ຫຼື ​ຜູ້​ທີ່​ມີ​ພຶດຕິກຳ​ເຂົ້າ​ຂ່າຍໜ້າສົ​ງໄສ​ຕາມ​ດຸນ​ພິ​ນິດ​ຂອງ​ເຈົ້າໜ້າທີ່​.

ບ​ຣາວ ລະ​ບຸ​ວ່າ​ ການ​ກວດ​ສອບ​ຂໍ້​ມູນ​ໃນສະມາດໂຟນຈະ​ບໍ່​ລວມ​ເຖິງ​ການ​ເຊື່ອມ​ຕໍ່​ກັບ​ຄລາວ​ (cloud) ຫຼື ​ພື້ນ​ທີ່​ເກັບ​ຂໍ້​ມູນ​ອອນ​ລາຍ​ ເພາະ​ເຈົ້າ​ໜ້າທີ່​ຈະ​ເບິ່ງ​ພຽງ​ຂໍ້​ມູນ​ທີ່​ເກັບ​ໄວ້​ໃນ​ເຄື່ອງ​ໂດຍ​ບໍ່​ເຊື່ອມ​ຕໍ່​ກັບ​ອິນ​ເຕີ​ເນັດ​. ສ່ວນ​ຂໍ້​ມູນ​ທີ່​ເຂົ້າ​ຂ່າຍ​ເປັນ​ອັນຕະລາຍ​ ຫຼື ​ຜິດ​ກົດໝາຍ​ຫາກ​ມີ​ໄວ້​ໃ​ນຄອບ​ຄອງ​ ຈະ​ລວມທັງ​ພາບ​ລາມ​ົກອະນາ​ຈານ​ຂອງ​ເຍົາ​ວະຊົ​ນ​ ຂໍ້​ມູນ​ການ​ກໍ່​ອາດຊະຍາກຳ​ການ​ເງິນ​ ອາດຊະຍາກຳ​ໄຊ​ເບີ​ ແລະ​ຂໍ້​ມູນ​ສະໜັບ​ສະໜູນ​ການ​ຄ້າ​ຢາ​ເສບ​ຕິດ​.

ຊີ​ເອັນ​ເອັນ​ ລາຍ​ງານ​ອີກວ່າ​ ກຸ່ມ​ປົກ​ປ້ອງ​ສິດ​ທິພົນລະ​ເມືອງ​ New Zealand Council for Civil Liberties ຫຼື CCL ໄດ້​ອອກຖະແຫຼງການຄັດ​ຄ້ານ​ກົດ​ໃໝ່​ຂອງ​ລັດຖະບານ​ນິວຊີແລນ​ ໂດຍ​ຢ້ຳ​ວ່າ​ ສະມາດໂຟນ​ເປັນ​ແຫຼ່ງ​ເກັບ​ຂໍ້​ມູນ​ທີ່​ອ່ອນ​ໄຫວ​ ແລະ​ກ່ຽວ​ພັນ​ກັບ​ຄວາມ​ເປັນ​ສ່ວນ​ຕົວ​ຫຼາຍ​. ການ​ບອກ​ລະ​ຫັດ​ຜ່ານ​ແກ່​ເຈົ້າ​ໜ້າທີ່​ ຫຼື ​ການ​ຍິນ​ຍອມ​ໃຫ້​ເຈົ້າ​ໜ້າທີ່​ໃຊ້​ຂໍ້​ມູນ​ຊີວ​ະພາບ​ ເຊັ່ນ:​ ລາຍ​ນິ້ວ​ມື​ ຫຼື ​ມ່ານ​ຕາ​ໃນ​ການ​ເຂົ້າ​ເຖິງ​ຂໍ້​ມູນ​ໃນສະມາດໂຟນ ເຂົ້າ​ຂ່າຍ​ລະ​ເມີດ​ສິດ​​ສ່ວນ​ບຸກ​ຄົນ​.

ໂທ​ມັສ​ ບີ​ເກີນ​​ ປະ​ທານ​ກຸ່ມ​ CCL ລະ​ບຸ​ອີກ​ວ່າ​ ການ​ປົດ​ລັອກ​ໃຫ້​ເຈົ້າ​ໜ້າທີ່​ເຂົ້າ​ເຖິງ​ຂໍ້​ມູນ​ໃນສະມາດໂຟນປຽບ​ໄດ້​ກັບ​ການ​ແກ້ເຄື່ອງ​ໃຫ້​ກວດ​ຄົ້ນ​ ຕ່າງ​ກັນ​ພຽງແຕ່ເປັນ​ການ​ຄົ້ນ​ຂໍ້​ມູນ​ດິ​ຈິ​ຕອນ ບໍ່​ແມ່ນ​ການ​ກວດ​ຄົ້ນ​ທາງກາຍະພາບ​. ແຕ່​ເລື່ອງ​ສ່ວນ​ຕົວ​ທັງ​ຫຼາຍ​ຈະ​ຖືກ​ເປີດ​ເຜີຍ​ໃຫ້​ເຈົ້າ​ໜ້າທີ່​ຊຶ່ງ​ເປັນ​ຄົນ​ແປກ​ໜ້າ​ໄດ້ຮັບ​ຮູ້​ຢູ່​ດີ​ ພ້ອມທັງ​ບໍ່​ອາດ​ຮັບ​ປະ​ກັນ​ຄວາມ​ປອດໄພ​ໄດ້​ຮ້ອຍ​ເປີ​ເຊັນ​​ວ່າ ​ຈະ​ບໍ່​ມີ​ການ​ນຳ​ຂໍ້​ມູນ​ດັ່ງ​ກ່າວ​ໄປ​ໃຊ້​ໃນທາງລົບ​ ຫຼື ​ສົ່ງ​ຜົນ​ກະທົບ​ຕໍ່​ເຈົ້າ​ຂອງສະມາດໂຟນ.

ຢ່າງໃດ​ກໍ​ຕາມ​ ລັດຖະບານ​ນິວຊີແລນ​ຢືນຢັນ​ວ່າກ​ດ​ລະບຽບ​ໃນ​ການ​ກວດ​ສອບ​ ແລະ​ ເຂົ້າ​ເຖິງ​ຂໍ້​ມູນ​ໃນສະມາດໂຟນຈະ​ຊ່ວຍ​ປະ​ຢັດ​ເວລາ​ການ​ເຮັດ​ວຽກງານ​ຂອງ​ເຈົ້າ​ໜ້າທີ່​ ແລະ​ເຮັດໃຫ້​ຜູ້​ເດີນທາງ​ເຂົ້າ​ປະເທດ​ເສຍ​ເວລາ​ໜ້ອຍ​ລົງ​ ເພາະ​ບໍ່​ຕ້ອງ​ຍື່ນ​ເລື່ອງ​ຂໍ​ອະນຸຍາດ​ຈາກ​ສານ​ ຫາກ​ບໍ່​ພົບ​ເຫດ​ຜິດ​ປົກກະຕິ​ກໍ​ສາມາດ​ປ່ອຍ​ຕົວ​ ແລະ​ ຄືນສະມາດໂຟນໃຫ້​ແກ່​ຜູ້​ເດີນທາງ​ເຂົ້າ​ປະເທດ​ໄດ້​ໃນ​ເວລາ​ບໍ່​ດົນ​ ແລະ​ຫຼາຍ​ປີ​ທີ່ຜ່ານມາ​ ລັດຖະບານ​ຫຼາຍ​ປະເທດ​ທົ່ວ​ໂລກ​ມອບ​ອຳນາດ​ໃຫ້​ເຈົ້າ​ໜ້າທີ່​ສາມາດ​ກວດ​ຂໍ້​ມູນ​ໃນສະມາດໂຟນເພື່ອ​ປ້​ອງ​ກັນ ​ແລະ ​ຮັກສາ​ຄວາມ​ປອດໄພ​ ເຊັ່ນ:​ ສະ​ຫະລັດ​ອາ​ເມລິ​ກາ​ ແຕ່​ນິວຊີແລນ​ເປັນ​ປະເທດ​ທຳອິດ​ທີ່​ສັ່ງ​ປັບ​ໃໝເງິນ​ຜູ້​ທີ່​ບໍ່​ຍອມ​ໃຫ້​ເຈົ້າ​ໜ້າທີ່​ກວດ​ຄົ້ນ​ຂໍ້​ມູນ​ໃນສະມາດໂຟນ. 

Advertisement Replay Ad

ຂໍຂອບໃຈ

ຂໍ້ມູນ : Voice TV , Channel News Asia , CNN , IOL

ພາບ : Pxhere

ລວມພະລັງພິກໂສມໜ້າເສດຖະກິດດິຈິຕອນລາວ! ກະຊວງເຕັກໂນໂລຊີ ແລະ ການສື່ສານລົງນາມ MOU ກັບ LICA

ລວມພະລັງພິກໂສມໜ້າເສດຖະກິດດິຈິຕອນລາວ! ກະຊວງເຕັກໂນໂລຊີ ແລະ ການສື່ສານລົງນາມ MOU ກັບ LICA

ບໍ່ຕ້ອງຕົກໃຈ Facebook,​WhatsApp, Messenger ແລະ Instagram ຫລົ້ມທົ່ວໂລກ

ບໍ່ຕ້ອງຕົກໃຈ Facebook,​WhatsApp, Messenger ແລະ Instagram ຫລົ້ມທົ່ວໂລກ

ເລື່ອງກິນໃຫ້ອຸ່ນໃຈ! ຟູດແພນດ້າ ກາຍເປັນແອັບສົ່ງອາຫານທຳອິດທີ່ໃຫ້ບໍລິການຄົບ 18 ແຂວງທົ່ວລາວ

ເລື່ອງກິນໃຫ້ອຸ່ນໃຈ! ຟູດແພນດ້າ ກາຍເປັນແອັບສົ່ງອາຫານທຳອິດທີ່ໃຫ້ບໍລິການຄົບ 18 ແຂວງທົ່ວລາວ

Codashop ເປີດຕົວຮູບໂສມໃໝ່ທີ່ໂດດເດັ່ນ

Codashop ເປີດຕົວຮູບໂສມໃໝ່ທີ່ໂດດເດັ່ນ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ