ວັນເສົາ ທີ 31 ຕຸລາ 2020

ມາແລ້ວ "iOS 12" ເວີຊັນເຕັມ ອັບເດດໄດ້ແລ້ວຕັ້ງແຕ່ມື້ນີ້ ພ້ອມລາຍຊື່ອຸປະກອນທີ່ສາມາດອັບເດດໄດ້

ມາແລ້ວ "iOS 12" ເວີຊັນເຕັມ ອັບເດດໄດ້ແລ້ວຕັ້ງແຕ່ມື້ນີ້ ພ້ອມລາຍຊື່ອຸປະກອນທີ່ສາມາດອັບເດດໄດ້

ຫຼັງ​ຈາກ​ທ່ຽງ​ຄືນ​ວັນທີ​ 17 ກັນຍາ​ ເຊິ່ງ​ເທົ່າ​ກັບ​ວັນທີ​ 18 ກັນຍາ​ ຫຼື ​ເຊົ້າ​ມືດ​ຂອງ​ເມືອງລາວ​ Apple ໄດ້​ມີ​ການ​ປ່ອຍ​ອັບ​ເດດ​ລະບົບ​ປະຕິບັດການ​ສຳລັບ​ iOS, WatchOS ແລະ​ tvOS ຢ່າງ​ເປັນ​ທາງ​ການ.​ ແຕ່​ສຳລັບ​ເທື່ອ​ນີ້​ເຮົາ​ຈະ​ມາ​ເບິ່ງ​ກັນວ່າ​ iOS12 ເຊິ່ງ​ມີ​ຂະໜາດ​ໃຫຍ່​​ເຖິງ​ 1.36 - 1.66GB ​ມີ​ຫຍັງ​ປ່ຽນ​ແປງແດ່​ໃນ​ຕົວ​ຈິງ​.

ຄຸນສົມບັດ​ຂອງ​ iOS12 ເວີ​ຊັ່ນ​ເຕັມ​ມີ​ດັ່ງ​ນີ້:​

ປະ​ສິດ​ທິ​ພາບ​

  • iOS ໄດ້ຮັບ​ການ​ປັບ​ປຸງ​ປະ​ສິດ​ທິ​ພາບ​ໃຫ້​ເຮັດວຽກ​ໄວ​ຫຼາຍ​ຂຶ້ນ ​ແລະ ​ໂຕ້​ຕອບ​ໄວ​ຂຶ້ນ​ໝົດ​ລະບົບ​.
  • ອຸປະກອນ​ທີ່​ຮອງ​ຮັບ​ທັງ​ໝົດ​ຈະ​ເຫັນ​ເຖິງ​ການ​ປັບ​ປຸງ​ປະ​ສິດ​ທິ​ພາບ​ທີ່​ດີ​ຂຶ້ນ​ ຕັ້ງ​ແຕ່​ 5s ແລະ​ iPad Air
  • ກ້ອງ​ເປີດ​ໄດ້​ໄວ​ຂຶ້ນ​ເຖິງ​ 70 ເປີ​​ເຊັນ,​​ ແປ້ນ​ພິມ​ສະແດງ​ໄວ​ຂຶ້ນ​ເຖິງ​ 50 ເປີ​​ເຊັນ​ ແລະ​ການ​ກົດ​ປຸ່ມ​ແປ້ນ​ພິມ​ຕອບສະໜອງ​ໄວ​ຂຶ້ນ​*
  • ແອັບ​ເປີດ​ໄດ້​ໄວ​ຂຶ້ນ​ເຖິງ​ສອງ​ເທົ່າ​ເຖິງວ່າ​ຈະ​ມີ​ແອັບ​ເປີດ​ໃຊ້​ງານ​ເປັນ​ຈຳນວນຫຼາຍ​ໃນ​ລະບົບ​*

ຮູບ​ພາບ​

  • ແຖບ​ໃໝ່​ຊື່​ “ສຳລັບ​ທ່ານ​” ຊ່ວຍ​ໃຫ້​ທ່ານ​ຄົ້ນ​ພົບ​ຮູບ​ພາບ​ດີ​ໆ​ ໃນ​ຄັງ​ຂອງ​ທ່ານ​ດ້ວຍ​ຄຸນສົມບັດ​ຕ່າງ​ໆ​ ເຊັ່ນ​ ຮູບ​ພາບ​ແນະ​ນຳ,​ ຄຳ​ແນະ​ນຳ​ເອັ​ບ​ເຟັກ​ ເປັນ​ຕົ້ນ.​
  • ຄຳ​ແນະ​ນຳ​ການ​ແຊ​​ຈະ​ກຽມ​ຮູບ​ພາບ​ລ່ວງ​ໜ້າ​ໃຫ້​ທ່ານ​ແຊ​​ຮູບ​ພາບ​ກັບ​ຜູ້​ຄົນທີ່​ທ່ານ​ຖ່າຍ​ຮູບ​ດ້ວຍ​ໃນ​ກິດຈະກຳ​ນັ້ນ​
  • ການ​ປັບ​ປຸງ​ການ​ຄົ້ນ​ຫາ​ຊ່ວຍ​ໃຫ້​ທ່ານ​ຫາ​ຮູບ​ພາບ​ໄດ້​ງ່າຍ​ຍິ່ງ​ຂຶ້ນ​ດ້ວຍ​ຄຳ​ແນະ​ນຳ​ທີ່​ຊານ​ສະຫຼາດ​ ແລະ​ ສາມາດ​ໃຊ້​ຄຳ​ສຳຄັນ​ໃນ​ການ​ຄົ້ນ​ຫາ​ໄດ້​ຫຼາຍ​ຄຳ​
  • ການ​ຄົ້ນ​ຫາ​ຮູບ​ພາບ​ຕາມ​ສະຖານ​ທີ່,​ ຊື່​ທຸລະກິດ​ ຫຼື ​ກິດຈະກຳ​ທີ່​ທ່ານ​ເຂົ້າ​ຮ່ວມ ​ແລະ ​ຖ່າຍ​ຮູບ​ໄວ້​
  • ປັບ​ປຸງ​ການ​ນຳ​ເຂົ້າ​ຈາກ​ກ້ອງ​ໂດຍ​ມີປະ​ສິດ​ທິ​ພາບ​ທີ່​ໄວ​ຂຶ້ນ ​ແລະ ​ມີ​ໂໝດ​ໃໝ່​ສຳລັບ​ການ​ສະແດງ​ຕົວ​ຢ່າງ​ຂະໜາດ​ໃຫຍ່​
  • ການ​ຮອງ​ຮັບ​ໄຟ​ລ໌​ RAW ເພື່ອ​ແກ້​ໄຂ​ພາບ​

ກ້ອງ​

  • ການ​ປັບ​ປຸງ​ໂໝດ​ພາບ​ຖ່າຍ​ບຸກ​ຄົນ​ຈະ​ສະແດງ​ລາຍ​ລະອຽດ​ລະຫວ່າງ​ສິ່ງ​ທີ່​ຖ່າຍ​ກັບ​ພາບ​ພື້ນ​ຫຼັງ​ເມື່ອ​ໃຊ້​ເອ​ັບ​ເຟັກ​​ແສງ​ໄຟ​ເວ​ທີ ​ແລະ ​ແສງ​ໄຟ​ເວ​ທີ​ຂາວ​ດຳ​
  • ລະ​ຫັດ​ຄິວ​ອາ​​ຈະ​ຖືກ​ໄຮ​ໄລ​້​ຢູ່​ພາຍ​ໃນ​ຂອບ​ຂອງ​ກ້ອງ​ ເຮັດໃຫ້​ງ່າຍ​ຕໍ່​ການ​ສະ​ແກນ​

ຂໍ້ຄວາມ​

  • Memoji ເຊິ່ງ​ເປັນ​ Animoji ໂສມ​ໃໝ່​ທີ່​ປັບ​ແຕ່ງ​ໄດ້​ເຮັດໃຫ້​ທ່ານ​ສາມາດ​ສະແດງ​ຄວາມ​ຮູ້ສຶກ​ໃນ​ຂໍ້ຄວາມ​ດ້ວຍ​ລັກສະນະ​ບຸກຄະລິກກະພາບ​ທີ່​ຫຼາກ​ຫຼາຍ​ ແລະ​ ມ່ວນຊື່ນ​ໄປ​ກັບ​ການ​ສົນທະນາ​ກັນ​
  • Animoji ມີ​ທີ​ເຣັກ​ຊ໌​, ຜີ,​ ໝີ​ໂຄ​ອາ​ລາ​ ແລະ ​ເສືອ ​ແລ້ວ​
  • ທ່ານ​ສາມາດ​ເຮັດໃຫ້​ Memoji ແລະ​ Animoji ແລບ​ລິ້ນ ​ແລະ ກະພິບ​ຕາ​ໄດ້​
  • ກ້ອງ​ມີ​ເອ​ັບ​ເຟັກ​​ໃໝ່​ທີ່​ມີ​ Animoji, ຟິລເຕີ​, ເອັ​ບ​ເຟັກ​​ຕົວ​ໜັງສື,​ ຊຸດ​ສະ​ຕິກ​ເກີ​​ຈາກ​ iMessage ແລະ​ຮູບ​ແຕ້ມ​ແບບ​ຕ່າງ​ໆ​ ເຊິ່ງ​ສາມາດ​ໃສ່​ລົງ​ໃນ​ຮູບ​ພາບ​ ແລະ ​ວິ​ດີ​ໂອ​ທີ່​ທ່ານ​ຖ່າຍ​ໃນ​ຂໍ້ຄວາມ​ໄດ້​
  • ເຈົ້າ​ສາມາດ​ອັດ​ Animoji ໄດ້​ດົນ​ເຖິງ​ 30 ວິ​ນາ​ທີ​

ເວລາ​ໜ້າຈໍ​

  • ເວລາ​ໜ້າຈໍ​ມີລາຍ​ລະອຽດ​ຂໍ້​ມູນ ​ແລະ​ ເຄື່ອງ​ມື​ທີ່​ຊ່ວຍ​ໃຫ້ທ່ານ ​ແລະ ​ຄອບຄົວ​ຂອງ​ທ່ານ​ເຂົ້າໃຈ ​ແລະ ​ຄວບ​ຄຸມ​ເວລາ​ທີ່​ໃຊ້​ງານ​ແອັບ ​ແລະ ​ເວັບ​ໄຊ​​ໄດ້​ດີ​ຂຶ້ນ​
  • ເບິ່ງ​ໄລຍະ​ເວລາ​ໃຊ້​ງານ​ແອັບ​ ໄລຍະ​ເວລາ​ໃຊ້​ງານ​ແອັບ​ຕາມ​ໝວດ​ໝູ່​ຕ່າງ​ໆ​ ຈຳນວນ​ການ​ແຈ້ງ​ເຕືອນ​ທີ່​ໄດ້ຮັບ​ ແລະ​ຈຳນວນ​ເທື່ອ​ທີ່​ຈັບ​ໃຊ້​ອຸປະກອນ​
  • ຂີດ​ຈຳ​ກັດ​ແອັບ​ຊ່ວຍ​ໃຫ້​ທ່ານ​ຕັ້ງ​ຄ່າ​ໄລຍະ​ເວລາ​ທີ່ທ່ານ ຫຼື ​ລູກ​ຂອງ​ທ່ານ​ສາມາດ​ໃຊ້​ງານ​ແອັບ​ ຫຼື ​ເວັບ​ໄຊ​​ໄດ້.​
  • ເວລາ​ໜ້າຈໍ​ສຳລັບ​ລູກ​ຊ່ວຍ​ໃຫ້​ຜູ້​ປົກຄອງ​ຈັດການ​ເວລາ​ໃຊ້​ງານ​ iPhone ແລະ​ iPad ຂອງ​ລູກ​ໄດ້​ໂດຍ​ກົງ​ຈາກ​ອຸປະກອນ​ iOS ຂອງ​ພວກ​ເຂົາ​ເອງ​

ຫ້າມ​ລົບກວນ​

  • ການ​ປິດ​ໃຊ້​ຫ້າມ​ລົບກວນ​ຫຼັງ​ຈາກ​ເຖິງ​ເວລາ​ທີ່​ຕັ້ງ​ ສະຖານ​ທີ່​ ຫຼື ​ກິດຈະກຳ​ປະຕິ​ທິນ​
  • ຫ້າມ​ລົບກວນ​ໃນ​ລະຫວ່າງ​ເວລາ​ນອນ​ຈະ​ເຊື່ອງ​ການ​ແຈ້ງ​ເຕືອນ​ທັງ​ໝົດ​ບໍ່​ໃຫ້​ສະແດງ​ເທິງ​ໜ້າຈໍລັອກ​ຂອງທ່ານ​ໃນ​ລະຫວ່າງ​ທີ່​ທ່ານ​ນອນ​ຫຼັບ​

ການ​ແຈ້ງ​ເຕືອນ​

  • ການ​ແຈ້ງ​ເຕືອນ​ຈາກ​ແອັບ​ດຽວ​ກັນ​ຈະ​ຖືກ​ຈັດ​ກຸ່ມ​ເຂົ້າ​ນຳກັນ​ໂດຍ​ອັດຕະ​ໂນ​ມັ​ດ​ເພື່ອ​ຊ່ວຍທ່ານ​ຈັດການ​ການ​ແຈ້ງ​ເຕືອນ​ຂອງທ່ານ​
  • ການ​ປັບ​ປ່ຽນ​ໂດຍ​ທັນ​ທີ​ຊ່ວຍ​ໃຫ້​ທ່ານ​ຄວບ​ຄຸມ​ການຕັ້ງ​ຄ່າ​ການ​ແຈ້ງ​ເຕືອນ​ຂອງ​ທ່ານ​ໄດ້​ໂດຍ​ກົງ​ຈາກ​ໜ້າຈໍລັອກ​
  • ຕົວ​ເລືອກ​ບໍ່​ສະແດງ​ການ​ແຈ້ງ​ເຕືອນ​ແບບ​ໃໝ່​ຈະ​ສົ່ງ​ການ​ແຈ້ງ​ເຕືອນ​ໄປ​ຍັງ​ສູນ​ການ​ແຈ້ງ​ເຕືອນ​ໂດຍ​ກົງ​ໂດຍ​ບໍ່​ສົ່ງ​ສຽງ​ດັງ ​ແລະ ​ບໍ່​ລົບກວນ​ທ່ານ​

Siri

  • ຄຳ​ສັ່ງ​ລັດ​ Siri ເປັນ​ວິທີ​ໃໝ່​ທີ່​ຊ່ວຍ​ໃຫ້​ທ່ານ​ຈັດການ​ສິ່ງ​ຕ່າງ​ໆ​ ໃຫ້​ສຳເລັດ​ໄວ​ຂຶ້ນ​ດ້ວຍ​ຄວາມ​ສາມາດ​ຂອງ​ແອັບ​ໃດ​ໆ​ ທີ່​ເຮັດວຽກ​ໄດ້​ກັບ​ Siri
  • ເພີ່ມ​ຄຳ​ສັ່ງ​ລັດ​ໂດຍ​ໃຊ້​ປຸ່ມ​ “ເພີ່ມ​ໄປຍັງ​ Siri” ໃນ​ແອັບ​ທີ່​ຮອງ​ຮັບ​ ຫຼື ​ໃນ​ການຕັ້ງ​ຄ່າ​ > Siri ແລະ ​ການ​ຄົ້ນ​ຫາ​
  • Siri ສະເໜີ​ແນະ​ຄຳ​ສັ່ງ​ລັດ​ເທິງ​ໜ້າຈໍ​ລັອກ​ ແລະ​ ໃນ​ການ​ຄົ້ນ​ຫາ​
  • ຮັບ​ຜົນ​ກີລາ​ມໍ​ເຕີສະປອດ​, ຕາ​ລາງ​ການ​ແຂ່ງ​ຂັນ,​ ສະ​ຖິ​ຕິ​ ແລະ​ອັນ​ດັບ​ຕາ​ລາງ​ຄະ​ແນນ​ສຳລັບ​ Formula 1, Nascar, Indy 500 ແລະ​ MotoGP
  • ຄົ້ນ​ຫາ​ຮູບ​ພາບ​ໂດຍ​ໃຊ້​ເວລາ,​ ສະຖານ​ທີ່,​ ຜູ້ຄົ​ນ,​ ຫົວຂໍ້​ ຫຼື ​ການເດີນທາງຫຼ້າ​ສຸດ​ ເພື່ອ​ຄົ້ນ​ຫາ​ຮູບ​ພາບ ​ແລະ ​ຄວາມ​ຊົງ​ຈຳ​ທີ່​ຕ້ອງ​ການ​ໃນ​ແອັບ​ຮູບ​ພາບ​
  • ແປ​ຄຳ​ສັ່ງ​ເປັນ​ພາສາ​ອື່ນ​ໄດ້ຫຼາຍ​ຂຶ້ນ​ໂດຍ​ມີ​ການ​ຮອງ​ຮັບ​ເກີນ​ກວ່າ​ 40 ພາສາ
  • ເຊັກ​ຂໍ້​ມູນຕົວ​ຈິງ​ກ່ຽວກັບ​ຜູ້​ທີ່​ມີ​ຊື່​ສຽງ​ ເຊັ່ນ:​ ເກີດ​ເມື່ອ​ໃດ​ ແລະ ​ຖາມ​ຄຳ​ຖາມ​ກ່ຽວກັບ​ອາຫານ ລວມ​ທັງ​ແຄລ​ໍ​ຣີ ​ແລະ ​ສານ​ອາຫານ​
  • ເປີດ ຫຼື ​ປິດ​ໄຟ​ສາຍ​
  • ສຽງ​ເວົ້າ ​ແລະ​ ການ​ສະແດງ​ຄວາມ​ຮູ້ສຶກ​ທີ່​ເປັນ​ທຳມະຊາດ​ຫຼາຍ​ຂຶ້ນ​ໃນ​ພາສາ​ອັງ​ກ​ິດ​ແບບ​ໄອ​ຣິດ,​ ພາສາ​ອັງ​ກິດ​ແບບ​ອາ​ຟ​ຣິ​ກາ​ໃຕ້​, ພາສາ​ເດນ​ມາ​ກ,​ ພາສາ​ນໍ​​ເວ​,​ ພາສາ​ຈີນ​ກວາງ​ຕຸ້ງ​ ແລະ​ ພາສາ​ຈີນ​ກາງ​ (ໄຕ້​ຫວັນ​).

ຄວາມ​ຈິງ​ເສີມ​ (AR)

  • ການ​ແຊ​ປະສົບການ​ໃນ​ ARKit 2 ຊ່ວຍ​ໃຫ້​ນັກ​ພັດທະນາ​ສ້າງ​ແອັບ​ພລິ​ເຄ​ຊັນ​ AR ທີ່​ມີ​ຄວາມ​ຄິດ​ສ້າງສັນ​ ແລະ​ ສາມາດ​ແຊ​​ປະສົບການ​ໄປ​ພ້ອມ​ກັບ​ເພື່ອນ​ໆ​ ຂອງ​ທ່ານ​ໄດ້​
  • ການ​ຕໍ່​ເນື່ອງ​ຊ່ວຍ​ໃຫ້​ນັກ​ພັດທະນາ​ບັນ​ທຶກ ​ແລະ ​ໂຫຼດ​ປະສົບການ​ AR ໄດ້​ໃໝ່​ຕໍ່​ຈາກ​ປະສົບການ​ຄັ້ງທີ່ຜ່ານມາ​ໄດ້​
  • ການ​ກວດ​ຈັບ​ວັດ​ຖຸ ​ແລະ​ ການ​ຕິດ​ຕາມ​ພາບ​ເປັນ​ວິທີ​ໃໝ່​ສຳລັບ​ນັກ​ພັດທະນາ​ໃນ​ການ​ໃຊ້​ເລີ່ມ ​ແລະ ​ສ້າງ​ປະສົບການ​ AR ດ້ວຍ​ເຄື່ອງ​ມື​ເພື່ອຈື່ຈຳ​ວັດ​ຖຸ​ໃນ​ໂລກ​ຈິງ​ ແລະ ​ຕິດ​ຕາມ​ພາບ​ໃນ​ລະຫວ່າງ​ເຄື່ອນ​ໄປ​ຕາມ​ພື້ນ​ທີ່​
  • ການ​ເບິ່ງ​ AR ແບບ​ວ່ອງໄວ​ຊ່ວຍ​ໃຫ້​ທ່ານ​ລອງ​ປະສົບການ​ສຳລັບ​ວັດ​ຖຸ​ 3D ໃນ​ໂລກ​ຈິງ​ພາຍ​ໃນ​ແອັບ​ທີ່​ໃຫ້​ມາ​ກັບ​ iOS ເຊັ່ນ​: News, Safari, ແລະ​ ແອັບ​ໄຟ​ລ໌​ທີ່​ມີ​ຄວາມ​ສາມາດ​ໃນ​ການ​ແຊ​​ປະສົບການ​ເຫຼົ່າ​ນັ້ນ​ຜ່ານ​ iMessage ແລະ ​ແອັບ​ເມວ​.

ເຄື່ອງ​ມື​ວັດ​ແທກ

  • ແອັບ​ຄວາມ​ຈິງ​ເສີມ​ທີ່​ເປັນ​ແອັບ​ໃໝ່​ເຊິ່ງ​ໃຊ້​ສຳລັບ​ວັດແທກ​ວັດ​ຖຸ ​ແລະ ​ພື້ນ​ທີ່​
  • ແຕ້ມ​ເສັ້ນ​ເທິງ​ພື້ນ​ຜິວ​ ຫຼື ​ພື້ນ​ທີ່​ວ່າງ​ເພື່ອ​ໃຊ້​ໃນ​ການ​ວັດແທກ​ ແລ້ວ​ແຕະ​ເທິງ​ທາ​ຂອງ​ເສັ້ນ​ເພື່ອ​ເບິ່ງ​ຂໍ້​ມູນ​ເພີ່ມເຕີມ​
  • ວັດ​ແທກວັດ​ຖຸ​ທີ່​ເປັນ​ຊົງ​ສີ່​ລ່ຽມ​​ໄດ້​ໂດຍ​ອັດ​ຕະໂນ​ມັດ​
  • ຈັບ​ພາບ​, ແຊ​​ ແລະ​ ເຮັດ​ເຄື່ອງ​ໝາຍ​ເທິງ​ພາບ​ຖ່າຍ​ທີ່​ທ່ານ​ວັດແທກ​

ນອກຈາກນັ້ນຍັງມີການປັບປຸງອີກຫຼາຍຢ່າງເຊັ່ນ: ຄວາມ​ເປັນ​ສ່ວນ​ຕົວ​ ແລະ​ ຄວາມ​ປອດໄພ, Apple Books, Apple Music, ຮຸ້ນ, ສຽງ​ບັນ​ທຶກ​, Apple Podcasts, ການ​ຊ່ວຍ​ເຫຼືອ​ການ​ເຂົ້າ​ເຖິງ​ ແລະ ອື່ນໆ.

ເຫັນ​ແບບ​ນີ້​ພື້ນ​ທີ່​ໃຊ້​ຫຼາຍ​ບໍ່​ແມ່ນ​ເລື່ອງ​ແປກ​ແຕ່​ຢ່າງ​ໃດ​ເພາະ​ມີ​ການ​ອັບ​ເກຣດ​ຫຼາຍ​ສິ່ງ​ຢ່າງເຂົ້າມາ.​ ເອົາ​ລະ​ໃຜ​ທີ່​ຢາກ​ໂຫຼດ​ກໍ​ສາມາດ​ເຂົ້າໄປ​ໄດ້​ທີ່​ Setting (ຕັ້ງ​ຄ່າ​) > General (ທົ່ວ​ໄປ​) > Software Update (ຊອ​ຟ​​ແວ​​ ອັບ​ເດດ​) ໂດຍ​ເຄື່ອງ​ຈະ​ຕ້ອງ​ຕໍ່​ WiFi ເທົ່າ​ນັ້ນ.​ ສ່ວນ​ອຸປະກອນ​ທີ່​ຮອງ​ຮັບ​ມີ​ດັ່ງ​ນີ້:​

iPhone

  • iPhone X
  • iPhone 8
  • iPhone 8 Plus
  • iPhone 7
  • iPhone 7 Plus
  • iPhone 6s
  • iPhone 6s Plus
  • iPhone 6
  • iPhone 6 Plus
  • iPhone SE
  • iPhone 5s
  • ທັງຫມົດ​ໄປ​ເຖິງ​ iPhone ລຸ້ນ​ໃໝ່​ທັງ​ Xs, Xs Max, Xr

iPad

  • iPad Pro 12.9 ນິ້ວ​ (ຮຸ່ນທີ​ 2)
  • iPad Pro 12.9 ນິ້ວ​ (ຮຸ່ນທີ​ 1)
  • iPad Pro (10.5 ນິ້ວ​)
  • iPad Pro (9.7 ນິ້ວ​)
  • iPad Air 2
  • iPad Air
  • iPad (ຮຸ່ນທີ​ 6)
  • iPad (ຮຸ່ນທີ​ 5)
  • iPad mini 4
  • iPad mini 3
  • iPad mini 2
  • iPod Touch
  • iPod Touch Generation 6
Advertisement Replay Ad

ຂໍຂອບໃຈ

ຂໍ້ມູນ : Apple

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ຄວາມແຕກຕ່າງ ລະຫວ່າງອາຊະຍາກໍາທາງລະບົບຄອມພິວເຕີ ແລະ ອາຊະຍາກໍາທົ່ວໄປ

ຄວາມແຕກຕ່າງ ລະຫວ່າງອາຊະຍາກໍາທາງລະບົບຄອມພິວເຕີ ແລະ ອາຊະຍາກໍາທົ່ວໄປ

ເປີດໂຕສະມາດໂຟນ vivo V20 Pro 5G ໂຕເຄື່ອງເບົາທີ່ສຸດໃນໂລກ ພ້ອມໂໝດຖ່າຍຮູບທີ່ຫຼາກຫຼາຍ

ເປີດໂຕສະມາດໂຟນ vivo V20 Pro 5G ໂຕເຄື່ອງເບົາທີ່ສຸດໃນໂລກ ພ້ອມໂໝດຖ່າຍຮູບທີ່ຫຼາກຫຼາຍ

ແອັບ ToolaKit ໃຫ້ຄົນລາວສ້າງທຸລະກິດທາງອອນລາຍງ່າຍໆໄດ້ຜ່ານປາຍນິ້ວ ດາວໂຫຼດຟຣີ!

ແອັບ ToolaKit ໃຫ້ຄົນລາວສ້າງທຸລະກິດທາງອອນລາຍງ່າຍໆໄດ້ຜ່ານປາຍນິ້ວ ດາວໂຫຼດຟຣີ!

ເປີດໂຕ Pulse by Prudential ໃຫ້ຄົນລາວເຂົ້າເຖິງຂໍ້ມູນສຸຂະພາບຂອງຕົວເອງຜ່ານມືຖືໂດຍບໍ່ເສຍຄ່າ

ເປີດໂຕ Pulse by Prudential ໃຫ້ຄົນລາວເຂົ້າເຖິງຂໍ້ມູນສຸຂະພາບຂອງຕົວເອງຜ່ານມືຖືໂດຍບໍ່ເສຍຄ່າ

UX ແລະ UI ແມ່ນຫຍັງ? ມາຮູ້ຈັກຄວາມແຕກຕ່າງລະຫວ່າງ UX ແລະ UI

UX ແລະ UI ແມ່ນຫຍັງ? ມາຮູ້ຈັກຄວາມແຕກຕ່າງລະຫວ່າງ UX ແລະ UI

ໃຫ້ໝູ່ຢືມມືຖື ແຕ່ບໍ່ຢາກໃຫ້ເຂົ້າແອັບອື່ນ ຕ້ອງຮູ້ໃຊ້ Guided Access/Pinned ຕັດວົງຈອນສາຍລັກສ່ອງ

ໃຫ້ໝູ່ຢືມມືຖື ແຕ່ບໍ່ຢາກໃຫ້ເຂົ້າແອັບອື່ນ ຕ້ອງຮູ້ໃຊ້ Guided Access/Pinned ຕັດວົງຈອນສາຍລັກສ່ອງ

ສະຫຼຸບຂໍ້ມູນ iPhone 12 ທຸກຮຸ່ນຫຼັງງານເປີດໂຕ ມີຫຍັງຄັກໆແດ່ ມາເບິ່ງກັນ

ສະຫຼຸບຂໍ້ມູນ iPhone 12 ທຸກຮຸ່ນຫຼັງງານເປີດໂຕ ມີຫຍັງຄັກໆແດ່ ມາເບິ່ງກັນ

ວິທີການສ້າງ Apple ID ໃຜກໍເຮັດໄດ້ ງ່າຍໆ ບໍ່ຕ້ອງງໍ້ຮ້ານ ຫຼື ລົບກວນໝູ່ເຮັດໃຫ້

ວິທີການສ້າງ Apple ID ໃຜກໍເຮັດໄດ້ ງ່າຍໆ ບໍ່ຕ້ອງງໍ້ຮ້ານ ຫຼື ລົບກວນໝູ່ເຮັດໃຫ້

ພາຮູ້ຈັກ ບລັອກເຊນ (Blockchain) ທີ່ຈະເປັນເທຣນໃນອານາຄົດ

ພາຮູ້ຈັກ ບລັອກເຊນ (Blockchain) ທີ່ຈະເປັນເທຣນໃນອານາຄົດ

ໂຄງການ Samsung Love & Care ໄດ້ຮັບການຍ້ອງຍໍຈາກ Asia-Pacific SABRE Awards 2020

ໂຄງການ Samsung Love & Care ໄດ້ຮັບການຍ້ອງຍໍຈາກ Asia-Pacific SABRE Awards 2020

ແອັບສາມັນປະຈຳເຄື່ອງ iPhone / iPad ທີ່ຈະເຮັດໃຫ້ຊີວິດຂອງທ່ານດີຂຶ້ນ

ແອັບສາມັນປະຈຳເຄື່ອງ iPhone / iPad ທີ່ຈະເຮັດໃຫ້ຊີວິດຂອງທ່ານດີຂຶ້ນ

Instagram ສະຫຼອງວັນເກີດຄົບຮອບ 10 ປີ ພ້ອມປ່ອຍຟີເຈີໃໝ່ເພື່ອໃຫ້ພວກເຮົາປະພຶດດີຕໍ່ກັນ

Instagram ສະຫຼອງວັນເກີດຄົບຮອບ 10 ປີ ພ້ອມປ່ອຍຟີເຈີໃໝ່ເພື່ອໃຫ້ພວກເຮົາປະພຶດດີຕໍ່ກັນ

ການໃສ່ສາຍຫູຟັງໃນຂະນະທີ່ສາກໂທລະສັບອັນຕະລາຍແທ້ ຫຼື ບໍ່?

ການໃສ່ສາຍຫູຟັງໃນຂະນະທີ່ສາກໂທລະສັບອັນຕະລາຍແທ້ ຫຼື ບໍ່?

ຣີວິວການໃຊ້ Google Find My Device ເພື່ອຄົ້ນຫາສະມາດໂຟນ Android ທີ່ຕົກເຮ່ຍເສຍຫາຍ

ຣີວິວການໃຊ້ Google Find My Device ເພື່ອຄົ້ນຫາສະມາດໂຟນ Android ທີ່ຕົກເຮ່ຍເສຍຫາຍ

ເຮັດການຕະຫຼາດ ຢາກນຳເທຣນຕ້ອງຮູ້ຈັກໃຊ້ Google Trends

ເຮັດການຕະຫຼາດ ຢາກນຳເທຣນຕ້ອງຮູ້ຈັກໃຊ້ Google Trends

Twitter ຖືກແຮັກ! ເຖິງເວລາແລ້ວ ຫລື ຍັງທີ່ຕ້ອງຢຸດເຊົາເອື່ອຍອີງກັບສັງຄົມອອນລາຍ?

Twitter ຖືກແຮັກ! ເຖິງເວລາແລ້ວ ຫລື ຍັງທີ່ຕ້ອງຢຸດເຊົາເອື່ອຍອີງກັບສັງຄົມອອນລາຍ?

ຮູ້ຈັກກັບ 'ລົດຍົນໄຟຟ້າ' ອະນາຄົດແຫ່ງການເດີນທາງ

ຮູ້ຈັກກັບ 'ລົດຍົນໄຟຟ້າ' ອະນາຄົດແຫ່ງການເດີນທາງ

ໄຂຂໍ້ຂ້ອງໃຈ! ລໍາດັບຄົນເບິ່ງ Story ໃນອິນສະຕາແກຣມຂອງເຮົານັ້ນຮຽງຈາກຫຍັງ?

ໄຂຂໍ້ຂ້ອງໃຈ! ລໍາດັບຄົນເບິ່ງ Story ໃນອິນສະຕາແກຣມຂອງເຮົານັ້ນຮຽງຈາກຫຍັງ?

ເຄັດລັບຂັ້ນເທບ ໃຊ້ Google Search ຄົ້ນຫາຫຍັງກໍພົບໄດ້ດັ່ງໃຈຕ້ອງການ

ເຄັດລັບຂັ້ນເທບ ໃຊ້ Google Search ຄົ້ນຫາຫຍັງກໍພົບໄດ້ດັ່ງໃຈຕ້ອງການ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ