ເບິ່ງໜັງໂປ້ (AV) ຫຼາຍ ສ່ຽງເຮັດໃຫ້ຄວາມຈຳເສື່ອມ
ສຳນັກຂ່າວຕ່າງປະເທດລາຍງານວ່າ ນັກວິທະຍາສາດຂອງປະເທດເຢຍລະມັນໄດ້ສຶກສາຮູ້ວ່າ ບຸກຄົນທີ່ມັກເບິ່ງໜັງໂປ໊ທາງອອນໄລນ໌ຫລືທາງອິນເທີຣ໌ເນັດ ຈະສ່ຽງອັນຕະລາຍທີ່ຈະມີຄວາມຈຳສັນ ແລະອາດສົ່ງຜົນກະທົບໃຫຍ່ຫຼວງຕໍ່ຊີວິດ
ໂດຍກຸ່ມນັກວິທະຍາສາດແຫ່ງມະຫາວິທະຍາໄລ"ດຸຍສະບວກສ໌"ຂອງເຢຍລະມັນ ໄດ້ກໍ່ການສຶກສາສ່ວນຂອງສະຫມອງ ທີ່ຮັບຜິດຊອບຕໍ່ບົດບາດການເກັບຂໍ້ມູນໃນຈິດໃຈແລະຕ້ອງໃຊ້ຂໍ້ມູນດັ່ງກ່າວເພື່ອບັນລຸພາລະກິດຕ່າງໆ ທີ່ສຳຄັນຕໍ່ຄວາມເຂົ້າໃຈ ການໃຊ້ຊີວິດ ການແກ້ບັນຫາ ແລະການຕັດສິນ ນັກວິໄຈໄດ້ກໍ່ການສຶກສາຜູ້ຊາຍ 28 ຄົນໂດຍໃຫ້ເບິ່ງຮູບພາບຕ່າງໆລະຫວ່າງຮູບພາບໂປ໊ແລະຮູບພາບບໍ່ໂປ໊ໃນຊ່ວງເວລາຕ່າງໆ ພົບວ່າ ພວກທ່ານຈະເກີດຄວາມສັບສົນວ່າ ເຄີຍເບິ່ງພາບໂປ໊ດັ່ງກ່າວຕອນໃດ ຜິດຈາກພາບປົກກະຕິທຳມະດາ ທີ່ພວກທ່ານຈະສາມາດຈື່ໄດ້ ໂດຍຄົົນທີ່ເບິ່ງພາບປົກກະຕິ ຈະຕອບຄຳຖາມໄດ້ຖືກເຖິງຮ້ອຍລະ 80% ທຽບກັບຜູ້ທີ່ເບິ່ງຮູບພາບໂປ໊ຈະຕອບຖືກໄດ້ພຽງຮ້ອຍລະ 67%
ດ້ານຜູ້ກໍ່ການວິໄຈເຜີຍວ່າ ການສຶກສາຈະເຮັດໃຫ້ນັກຈິດວິທະຍາເຂົ້າໃຈວ່າເຫດໃດບາງຄົົນທີ່ຕິດພາບໂປ໊ ຈົນລືມນອນ ພາດການນັດໝາຍ ຄວາມຮັບຜິດຊອບຕໍ່ວຽກງານຕ່ຳແລະ ມີໝ້າທີ່ບໍ່ຮັບຜິດຊອບ ຂະນະທີ່ການສຶກສາກ່ອນໜ້ານີ້ບອກວ່າ ການຕື່ນຕົວທາງເພດຈະຂັດຂວາງລະບົບການເຮັດວຽກງານຂອງຄວາມຈຳ ຊຶ່ງເປັນປັດໃຈສຳຄັນຂອງການເຮັດວຽກງານຕ່າງໆທີ່ສຳຄັນ ແຕ່ເນື່ອງຈາກການສຶກສານີ້ກະທຳຕໍ່ສະເພາະຜູ້ຊາຍ ຈື່ງບໍ່ສາມາດຕອບໄດ້ວ່າ ມັນມີຜົນກະທົບທັງຫມົດເຖິງຜູ້ຍິງຫລືບໍ່
