ວັນຈັນ ທີ 28 ກັນຍາ 2020

ການຄ້າຄຸມເຂັ້ມ ບໍລິສັດນໍາເຂົ້າສິນຄ້າ ຕ້ອງຕິດສະຫຼາກເປັນພາສາລາວ ລະເມີດປັບໃໝສູງເຖິງ 9 ລ້ານກີບ

ການຄ້າຄຸມເຂັ້ມ ບໍລິສັດນໍາເຂົ້າສິນຄ້າ ຕ້ອງຕິດສະຫຼາກເປັນພາສາລາວ ລະເມີດປັບໃໝສູງເຖິງ 9 ລ້ານກີບ

ກົມການຄ້າພາຍໃນ ກະຊວງອຸດສາຫະກຳ ແລະ ການຄ້າ ໄດ້ລົງຕິດຕາມບໍລິສັດນໍາເຂົ້າຈໍານວນ 6 ບໍລິສັດ ເພື່ອຕິດຕາມການຕິດສະຫຼາກເປັນພາສາລາວ ເພື່ອໃຫ້ສັງຄົມເຂົ້າໃຈ, ອ່ານໄດ້ຜະລິດຕະພັນຫຍັງ? ສັບພະຄຸນສິນຄ້າແນວໃດ? ສ່ວນປະກອບມີຫຍັງ? ລວມທັງວັນຜະລິດ, ວັນທີ່ໝົດອາຍຸ ເປັນຕົ້ນ.

ການລົງຕິດຕາມຄັ້ງນີ້ ແມ່ນອີງຕາມຄຳສັ່ງ ເລກທີ 2501/ອຄ.ຄພນ ລົງວັນທີ 16 ເດືອນທັນວາ ປີ 2015 ກ່ຽວກັບການຕິດສະຫຼາກສິນຄ້າເປັນພາສາລາວ ເພື່ອຜັນຂະຫຍາຍເນື້ອໃນກົດໝາຍວ່າດ້ວຍການປົກປ້ອງຜູ້ຊົມໃຊ້.

ເມື່ອທ້າຍອາທິດຜ່ານມາ ທ່ານ ບຸນທຽນ ແກ້ວສີພາ ຫົວໜ້າກົມການຄ້າພາຍໃນ ກະຊວງອຸດສາຫະກຳ ແລະ ການຄ້າ ( ອຄ ) ພ້ອມດ້ວຍພະນັກງານວິຊາການ ແລະ ພາກສ່ວນທີ່ກ່ຽວຂ້ອງໄດ້ລົງຕິດຕາມ, ຊຸກຍູ້ໂອ້ລົມ ແລະ ປະເມີນຜົນຄວາມຄືບໜ້າໃນການຈັດຕັ້ງປະຕິບັດການຕິດສະຫຼາກສິນຄ້າເປັນພາສາລາວ ອີກ 3 ບໍລິສັດ ເປັນວັນທີ 2 ຄື: ບໍລິສັດ ສີເພັດດາ ການຄ້າ ຂາອອກ – ຂາເຂົ້າ ຈຳກັດ ທີ່ບ້ານທົ່ງຕູມ ເມືອງຈັນທະບູລີ, ບໍລິສັດ ອາພີແອລ ຈຳກັດ ( ຊື່ເດີມ ບໍລິສັດ ລິມປິງ ລາວ ຈຳກັດ ທີ່ສູນການຄ້າວິວມໍ ) ແລະ ບໍລິສັດ ຂວັນໃຈການຄ້າ ຂາອອກ – ຂາເຂົ້າ ຈຳກັດ ທີ່ບ້ານໂພນປ່າເປົ້າ ເມືອງສີສັດຕະນາກ ນະຄອນຫຼວງວຽງຈັນ.

ທ່ານ ບຸນທຽນ ແກ້ວສິີພາ ໃຫ້ສຳພາດວ່າ: ຜ່ານການຕິດຕາມ, ຢ້ຽມຢາມຊີ້ນຳ ແລະ ປະເມີນຜົນ ທັງ 6 ບໍລິສັດ ໃນ 2 ວັນຜ່ານມາ ໂດຍລວມສ່ວນໃຫຍ່ແມ່ນປະຕິບັດໄດ້ດີ, ແຕ່ມີບາງຜະລິດຕະພັນການຕິດສະຫຼາກຕົວໜັງສືມີຂະໜາດນ້ອຍເກີນໄປ, ບໍ່ອະທິບາຍສັບພະຄຸນ, ສ່ວນປະກອບບໍ່ລະອຽດ ແລະ ພ້ອມສືບຕໍ່ປະຕິບັດໃຫ້ເປັນມາດຕະຖານເອກະພາບກັນໃນທົ່ວປະເທດ ແລະ ຄຽງຄູ່ກັບສິ່ງທີ່ປະຕິບັດໄດ້ດີກໍ່ຍັງມີຫຼາຍລາຍການສິນຄ້າຂອງບາງບໍລິສັດ, ປະຕິບັດບໍ່ໄດ້ ຍ້ອນຫຼາຍສາເຫດ ເຊັ່ນ: ສິນຄ້າມີຂະໜາດນ້ອຍເກີນໄປ ບໍ່ສາມາດຕິດສະຫຼາກເປັນພາສາລາວໄດ້, ບໍລິສັດແມ່ທີ່ຜະລິດສິນຄ້າ ບໍ່ສາມາດຜະລິດແບບຕິດສະຫຼາກເປັນພາສາລາວໃຫ້ ເນື່ອງຈາກບາງຈຳນວນສິນຄ້າການສັ່ງຜະລິດນຳເຂົ້າບໍ່ແນ່ນອນ ລວມເຖິງບໍລິສັດນຳເຂົ້າຕ້ອງໄດ້ເພີ່ມຕົ້ນທຶນການຕິດສະຫຼາກ, ບັນຫາການນຳເຂົ້າທີ່ເປັນດ່ານປະເພນີບໍ່ເປັນເອກະພາບ, ການນຳເຂົ້າແບບພາສີມອບເໝົາ ແລະ ສິນຄ້ານຳເຂົ້າຍັງບໍ່ຈຳກັດແຕ່ພຽງຜູ້ດຽວ ຫຼື ມີການລັກລອບນຳເຂົ້າແລະ ການລະບຸວັນໝົດອາຍຸບາງສິນຄ້າບໍ່ມີ ( ວັນ ເດືອນ ປີຜະລິດ ), ການຕິດພາສາລາວບໍ່ຄົບສົມບູນ ເຊັ່ນ: ສັບພະຄຸນ, ສ່ວນປະກອບ ແລະ ບັນຫາອື່ນໆເປັນຕົ້ນ.

ທ່ານ ອິນທະສອນ ນ້ອຍວົງ ຜູ້ຈັດການວິວມໍ ຫຼື ສູນການຄ້າ ລິມປິງ ໃຫ້ທັດສະນະວ່າ: ສິນຄ້າພາຍໃນຮ້ານຊຸບເປີມາກເກັດຂອງເຮົາ ກໍ່ໄດ້ມີການຕິດສະຫຼາກສິນຄ້າເປັນພາສາລາວຈຳນວນຫຼາຍຮ້ອຍລາຍການ ຕາມແຈ້ງການຂອງລັດແນະນຳ ແລະ ກໍ່ຍັງມີສ່ວນທີ່ຍັງບໍ່ທັນຕິດສະຫຼາກເປັນພາສາລາວ ເນື່ອງຈາກເປັນສິນຄ້າມາໃໝ່ ແລະ ມາຫຼາຍຈຶ່ງຕິດສະຫຼາກບໍ່ທັນ. ນອກນັ້ນ, ການຕິດສະຫຼາກສິນຄ້າເປັນພາສາລາວແມ່ນມີຄວາມຈຳເປັນຫຼາຍ ໂດຍສະເພາະສິນຄ້າມາຈາກປະເທດຈີນ ແລະ ສ.ເກົາຫຼີ ເນື່ອງຈາກຜູ້ຊົມໃຊ້ບໍ່ສາມາດອ່ານ ແລະ ຮັບຮູ້ເຖິງສັບພະຄຸນຂອງສິນຄ້າເຫຼົ່ານັ້ນໄດ້. ແຕ່ຢ່າງໃດກໍ່ຕາມ, ພວກເຮົາຈະພະຍາຍາມສູ້ຊົນໃຫ້ການຕິດສະຫຼາກສິນຄ້າພາສາລາວ ໃຫ້ໄດ້ເປັນເອກະພາບໃນໄວໆນີ້.

ທ່ານ ນາງ ສີເພັດດາ ພຸດທະວົງ ຜູ້ອຳນວຍການ ບໍລິສັດ ສີເພັດດາ ການຄ້າ ໃຫ້ສຳພາດວ່າ: ບໍລິສັດພວກເຮົານຳເຂົ້າ ແລະ ຈັດຈຳໜ່າຍສິນຄ້າຈາກປະເທດໄທ ເຊັ່ນ: ນົມແລັກຕາຊອຍ, ໝີ່ຍີ່ຫໍ້ຍຳໆ, ກາເຟ ( ເບີດີ້ ), ຊ໊ອດໝາກເຫຼ່ນ ແລະ ເຂົ້າໜົມ ( ຫຼາຍຍີ່ຫໍ້ ) ກໍ່ໄດ້ປະຕິບັດພິມສະຫຼາກເປັນພາສາລາວ ຕິດສິນຄ້າເອົາໄວ້ດ້ານໜຶ່ງ ແລະ ຮັກສາພາສາເດີມໄວ້ດ້ານໜຶ່ງ ເຊິ່ງໄດ້ມີການປະຕິບັດມາໄດ້ໜຶ່ງປີແລ້ວ ຫຼັງຈາກໄດ້ຮັບແຈ້ງການຈາກພາກລັດ ແລະ ໄດ້ຮັບຄຳຊົມເຊີຍຈາກກົມການຄ້າພາຍໃນເປັນຢ່າງດີ, ແຕ່ເຮົາກໍ່ມີບັນຫາຈໍານວນໜຶ່ງ ຄື: ການຈັດຈຳໜ່າຍຍັງມີແບບບໍ່ເປັນເອກະພາບກັນ ແລະ ການຈຳກັດການນຳເຂົ້າທີ່ບໍ່ຖືກຕ້ອງບໍ່ເດັດຂາດ.

ທັງນີ້, ຫົວໜ້າກົມການຄ້າພາຍໃນ ກ່າວໃນຕອນທ້າຍວ່າ: ການລົງຕິດຕາມ, ຊຸກຍູ້ ແລະ ຊີ້ນໍາການຕິດສະຫຼາກສິນຄ້າເປັນພາສາລາວ ຍັງຈະສືບຕໍ່ຕິດຕາມບັນດາບໍລິສັດໃຫຍ່ ຕິດພັນກັບບັນດາຕ່າງແຂວງ ພ້ອມຊີ້ນຳແລກບົດຮຽນໃຫ້ເຂົາເຈົ້າ, ຜະລິດສິນຄ້າຕ້ອງຕິດສະຫຼາກພາສາລາວ ແລະ ຝາກເຖິງບໍລິສັດຜະລິດພາຍໃນ ແລະ ບໍລິສັດນຳເຂົ້າ – ສົ່ງອອກ, ຜະລິດຕະພັນໃດຍັງປະຕິບັດບໍ່ໄດ້ຕາມຄາດໝາຍ ກໍ່ຄວນສືບຕໍ່ນຳໄປປັບປຸງ ເພື່ອສິດທິຜົນປະໂຫຍດທາງທຸລະກິດຂອງຕົນ ພ້ອມຜູ້ບໍລິໂພກກໍ່ຄວນສົ່ງເສີມສິນຄ້າທີ່ຕິດສະຫຼາກເປັນພາສາລາວ ເພື່ອຮັບປະກັນດ້ານຄຸນນະພາບ ແລະ ສຸຂະພາບຂອງຕົນເອງ ແລະ ຖ້າບໍລິສັດໃດລະເລີຍ, ບໍ່ປະຕິບັດກໍ່ຈະອອກມາດຕະການປັບໃໝຕາມລະບຽບການ.

ຢ່າງໃດກໍ່ຕາມ, ສຳລັບມາດຕະການປະຕິບັດສຳລັບບໍລິສັດທີ່ລະເມີດ ຄຳສັ່ງເລກທີ 2510/ອຄ.ຄພນ ລົງວັນທີ 16 ເດືອນທັນວາ ປີ 2015 ການປະຕິບັດມາດຕະການຕໍ່ຜູ້ລະເມີດຕໍ່ຄຳສັ່ງສະບັບນີ້ ໃຫ້ປະຕິບັດຕາມມາດຕະການ ຄື: ການລະເມີດ ຄັ້ງທີ 1 ໃຫ້ຕັກເຕືອນ ແລະ ເຮັດບົດບັນທຶກເຊັນຮັບຮູ້ການລະເມີດ; ການລະເມີດ ຄັ້ງທີ 2 ໃຫ້ດຳເນີນການປັບໃໝແຕ່ 5 ແສນກີບ – 1 ລ້ານກີບ ສຳລັບຮ້ານຂາຍຍ່ອຍ ແລະ ແຕ່ 5 ລ້ານກີບ ເຖິງ 7 ລ້ານກີບ ສຳລັບຜູ້ຜະລິດ, ຜູ້ນຳເຂົ້າ, ຜູ້ຂາຍຍົກ ແລະ ຕົວແທນຈຳໜ່າຍ;

ການລະເມີດ ຄັ້ງທີ 3 ໃຫ້ດຳເນີນການປັບໃໝ ແຕ່ 1 ລ້ານກີບ ຫາ 2 ລ້ານກີບ ແລະ ອາຍັດສິນຄ້າທີ່ວາງຂາຍ ສຳລັບຮ້ານຂາຍຍ່ອຍ ແລະ ແຕ່ 7 ລ້ານກີບ ຫາ 9 ລ້ານກີບ ພ້ອມທັງໃຫ້ໂຈະ ຫຼື ຖອນໃບທະບຽນວິສາຫະກິດ ສຳລັບຜູ້ຜະລິດ, ຜູ້ນຳເຂົ້າ, ຜູ້ຂາຍຍົກ ແລະ ຕົວແທນຈຳໜ່າຍ.

Advertisement Replay Ad

ຂໍຂອບໃຈ

ຂໍ້ມູນ : ໜັງສືພິມເສດຖະກິດ-ການຄ້າ

ອາຍຸ 24 ປີ ແຕ່ມີທຸກຢ່າງຈາກການຂາຍອອນລາຍ "ຕາດຳສາວສູ້ຊີວິດ" ສາມາດຊື້ດິນ ເຮືອນໃຫ້ພໍ່ແມ່ໄດ້

ອາຍຸ 24 ປີ ແຕ່ມີທຸກຢ່າງຈາກການຂາຍອອນລາຍ "ຕາດຳສາວສູ້ຊີວິດ" ສາມາດຊື້ດິນ ເຮືອນໃຫ້ພໍ່ແມ່ໄດ້

ການ Bully ແມ່ນຫຍັງ​? ແລະ ເຮົາຈະຮັບມືແບບໃດໃນສັງຄົມທີ່ Bully ເຮົາ?

ການ Bully ແມ່ນຫຍັງ​? ແລະ ເຮົາຈະຮັບມືແບບໃດໃນສັງຄົມທີ່ Bully ເຮົາ?

ມະຫາເສດຖີ ອາຍຸນ້ອຍທີ່ສຸດຂອງສິງກະໂປ ໜຸ່ມ "Kishin RK" ຊື້ອາພາດເມັນໄດ້ຕັ້ງແຕ່ອາຍຸ 12 ປີ

ມະຫາເສດຖີ ອາຍຸນ້ອຍທີ່ສຸດຂອງສິງກະໂປ ໜຸ່ມ "Kishin RK" ຊື້ອາພາດເມັນໄດ້ຕັ້ງແຕ່ອາຍຸ 12 ປີ

ມາເບິ່ງກັນວ່າ ນ້ຳກ້ອນຂົ້ວໂລກຍັງຈະຢູ່ກັບພວກເຮົາໄດ້ອີກຈັກປີ?

ມາເບິ່ງກັນວ່າ ນ້ຳກ້ອນຂົ້ວໂລກຍັງຈະຢູ່ກັບພວກເຮົາໄດ້ອີກຈັກປີ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 24 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 24 ກັນຍາ 2020

ພາຮູ້ຈັກລະບົບການເລືອກຕັ້ງຂອງສະຫະລັດອາເມລິກາ ກ່ອນຈະມາເປັນປະທານາທິບໍດີເຂົາເຮັດແນວໃດ?

ພາຮູ້ຈັກລະບົບການເລືອກຕັ້ງຂອງສະຫະລັດອາເມລິກາ ກ່ອນຈະມາເປັນປະທານາທິບໍດີເຂົາເຮັດແນວໃດ?

ຈີນຕັ້ງເປົ້າຫຼຸດການໃຊ້ກາສຄາບອນໃຫ້ເຫຼືອ 0 ໃນອີກ 40 ປີຂ້າງໜ້າ

ຈີນຕັ້ງເປົ້າຫຼຸດການໃຊ້ກາສຄາບອນໃຫ້ເຫຼືອ 0 ໃນອີກ 40 ປີຂ້າງໜ້າ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 23 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 23 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ກັນຍາ 2020

ກ່ອນໃຫ້ກຳລັງໃຈຄົນທີ່ຄິດຂ້າໂຕຕາຍ ກວດໃຫ້ດີກ່ອນວ່າຄຳເວົ້າທີ່ຈະໃຊ້ອ່ອນໄຫວຕໍ່ພວກເຂົາ ຫຼື ບໍ່

ກ່ອນໃຫ້ກຳລັງໃຈຄົນທີ່ຄິດຂ້າໂຕຕາຍ ກວດໃຫ້ດີກ່ອນວ່າຄຳເວົ້າທີ່ຈະໃຊ້ອ່ອນໄຫວຕໍ່ພວກເຂົາ ຫຼື ບໍ່

ຮູ້ບໍວ່າ ກົດໝາຍຈະມີຜົນສັກສິດໄດ້ ຕ້ອງຜ່ານຂັ້ນຕອນເຫຼົ່ານີ້ກ່ອນ

ຮູ້ບໍວ່າ ກົດໝາຍຈະມີຜົນສັກສິດໄດ້ ຕ້ອງຜ່ານຂັ້ນຕອນເຫຼົ່ານີ້ກ່ອນ

ຍ້ອນອະດີດລະນຶກຄວາມຫວານ ກັບນານາເຂົ້າໜົມຫວານດັ່ງເດີມຂອງ “ລາວ”

ຍ້ອນອະດີດລະນຶກຄວາມຫວານ ກັບນານາເຂົ້າໜົມຫວານດັ່ງເດີມຂອງ “ລາວ”

ຄວນຮູ້! ຈັບ "ປາຝາໄລ" ຫຼື ຄອບຄອງຊິ້ນສ່ວນຂອງມັນ ຜິດກົດໝາຍ ຫຼື ບໍ່?

ຄວນຮູ້! ຈັບ "ປາຝາໄລ" ຫຼື ຄອບຄອງຊິ້ນສ່ວນຂອງມັນ ຜິດກົດໝາຍ ຫຼື ບໍ່?

"ນາຍົກລັດຖະມົນຕີ" ຕຳແໜ່ງນີ້ມີຄວາມເປັນມາຄືແນວໃດ?

"ນາຍົກລັດຖະມົນຕີ" ຕຳແໜ່ງນີ້ມີຄວາມເປັນມາຄືແນວໃດ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 17 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 17 ກັນຍາ 2020

“ວຽງຈັນບັນດານໃຈ” ຕອນ: ຈາກພະນັກງານອາສາມາເປັນພໍ່ຄ້າສັນຈອນ

“ວຽງຈັນບັນດານໃຈ” ຕອນ: ຈາກພະນັກງານອາສາມາເປັນພໍ່ຄ້າສັນຈອນ

ສາເຫດທີ່ “ລັດຖະທໍາມະນູນ” ເປັນກົດໝາຍສູງສຸດ

ສາເຫດທີ່ “ລັດຖະທໍາມະນູນ” ເປັນກົດໝາຍສູງສຸດ

ຮູ້ຈັກ ທ່ານ "ໂຢຊິຮິເດະ ຊຸກະ" ຈາກລູກຊາວສວນສະຕຣໍເບີຣີ ສູ່ ນາຍົກລັດຖະມົນຕີຄົນໃໝ່ຂອງຍີ່ປຸ່ນ

ຮູ້ຈັກ ທ່ານ "ໂຢຊິຮິເດະ ຊຸກະ" ຈາກລູກຊາວສວນສະຕຣໍເບີຣີ ສູ່ ນາຍົກລັດຖະມົນຕີຄົນໃໝ່ຂອງຍີ່ປຸ່ນ

ວົງການແຣັບສາລະວັນຕ້ອງສັ່ນສະເທືອນ! ໄວລຸ້ນແຣັບເດືອດຮ້ອງເພງລາວໂຊຄວາມເປັນສາລະວັນ

ວົງການແຣັບສາລະວັນຕ້ອງສັ່ນສະເທືອນ! ໄວລຸ້ນແຣັບເດືອດຮ້ອງເພງລາວໂຊຄວາມເປັນສາລະວັນ

ສ່ອງຜົນງານໃນໄລຍະ 4 ປີທີ່ດຳລົງຕຳແໜ່ງປະທານາທິບໍດີຂອງ "ໂດນັລ ທຣຳ" ກ່ອນເລືອກຕັ້ງໃໝ່ 2020

ສ່ອງຜົນງານໃນໄລຍະ 4 ປີທີ່ດຳລົງຕຳແໜ່ງປະທານາທິບໍດີຂອງ "ໂດນັລ ທຣຳ" ກ່ອນເລືອກຕັ້ງໃໝ່ 2020

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ