ວັນອາທິດ ທີ 21 ຕຸລາ 2018

6 ເດືອນຕົ້ນປີ ສະພາແຫ່ງຊາດ​ ຈະນໍາເອົາຄວາມເຫັນຂອງບັນດາສະມາຊິກສະພາພິຈາລະນາ- ຮຽບຮຽງເຂົ້າໃສ່ໃນການສ້າງໃໝ່

6 ເດືອນຕົ້ນປີ ສະພາແຫ່ງຊາດ​ ຈະນໍາເອົາຄວາມເຫັນຂອງບັນດາສະມາຊິກສະພາພິຈາລະນາ- ຮຽບຮຽງເຂົ້າໃສ່ໃນການສ້າງໃໝ່

ໃນວາລະດໍາເນີນກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII, ໃນວັນທີ 12 ມິຖຸນາ ນີ້, ທ່ານ ນາງ ສີໃສ ລືເດດມູນສອນ ຮອງປະທານສະພາແຫ່ງຊາດ ​ໄດ້​ລາຍ​ງານ​ການ​ເຄື່ອນ​ໄຫວ​ວຽກງານ 6 ​ເດືອນ​ຕົ້ນປີ ​ແລະ ທິດ​ທາງ​ແຜນການ 6 ​ເດືອນ​ທ້າຍ​ປີ ຂອງ​ຄະນະ​ປະຈຳ​ສະພາ​ແຫ່ງ​ຊາດ ຕໍ່ທີ່​ປະຊຸມ​ວ່າ: ອີງຕາມມະຕິຂອງກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາການ​ເຄື່ອນ​ໄຫວວຽກ​ງານ ປະ​ຈໍາປີ 2017 ແລະ ທິດ​ທາງ​ແຜນການ​ ປະ​ຈໍາປີ 2018 ຂອງ​ສະພາ​ແຫ່ງ​ຊາດ ຊຸດ​ທີ VIII. ຄະນະປະຈໍາສະພາແຫ່ງຊາດໄດ້ເອົາໃຈໃສ່ຊື້ນໍາ-ນໍາພາບັນດາກົງຈັກຂອງສະພາແຫ່ງຊາດ ແລະ ກົງຈັກທີ່ຄະນະປະຈໍາສະພາແຫ່ງຊາດສ້າງຕັ້ງ ແລະ ໄດ້ພິຈາລະນາ ແລະ ຮັບຮອງເອົາຫຼາຍບັນຫາສໍາຄັນຂອງຊາດ ໂດຍສະເພາະແມ່ນ ໄດ້ນໍາເອົາຄວາມເຫັນຂອງບັນດາສະມາຊິກສະພາແຫ່ງຊາດ ມາພິຈາລະນາ, ຮຽບຮຽງເຂົ້າໃສ່ໃນການສ້າງໃໝ່ ແລະ ປັບປຸງກົດໝາຍ ທີ່ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ່ VIII  ຮັບຮອງສໍາເລັດ 15 ສະບັບ ໄດ້ 100%, ກະກຽມຄວາມພ້ອມໃນທຸກດ້ານ ເພື່ອນໍາເອົາຮ່າງກົດໝາຍເຂົ້າພິຈາລະນາ, ຮັບຮອງໃນກອງປະຊຸມຄັ້ງນີ້ ຈໍານວນ 13 ສະບັບ ໃນນີ້, ກົດໝາຍສ້າງໃໝ່ 5 ສະບັບ, ປັບປຸງ 8 ສະບັບ ເທົ່າ 86% ຂອງແຜນການສ້າງ ແລະ ປັບປຸງກົດໝາຍ 15 ສະບັບ, ພ້ອມນີ້ຍັງໄດ້ອອກນໍາຕິກໍາຂອງຄະນະປະຈໍາສະພາແຫ່ງຊາດ ຊຶ່ງປະກອບມີມະຕິ, ຄໍາແນະນໍາ ຈໍານວນໜຶ່ງ, ທັງເອົາໃຈໃສ່ໂຄສະນາເຜີຍແຜ່ກົດໝາຍດ້ວຍຫຼາຍຮູ້ແບບ ແລະ ຫຼາຍລະດັບ, ເອົາໃຈໃສ່ຊຸກຍູ້ກະຊວງ, ອົງການກ່ຽວຂ້ອງ ເປັນເຈົ້າການໃນການໂຄສະນາເຜີຍແຜ່ກົດໝາຍໃນຂົງເຂດທີ່ຕົນຮັບຜິດຊອບ ແລະ ໄດ້ພິຈາລະນາ, ຮັບຮອງເອົາບັນຫາຕ່າງໆ ຕາມການສະເໜີຂອງລັດຖະບານ ແລະ ພາກສ່ວນກ່ຽວຂ້ອງ ດ້ວຍມະຕິ ຈໍານວນ 17 ສະບັບ, ອອກມະຕິໃຫ້ອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ ຈໍານວນ 3 ສະບັບ, ໄດ້ພິຈາລະນາຕໍ່ບັນດາເນື້ອໃນ ທີ່ນໍາເຂົ້າກອງປະຊຸມຄັ້ງນີ້ເຊັ່ນ: ບົດລາຍງານຂອງລັດຖະບານ, ບົດຊີ້ແຈງຂອງບັນດາກະຊວງ ແລະ ບົດລາຍງານຂອງສານປະຊາຊົນສູງສຸດ ກ່ຽວກັບການສະເໜີແຕ່ງຕັ້ງສະມາຊິກສະພາຜູ້ພິພາກສາ ຂອງສານປະຊາຊົນສູງສຸດ. ໄດ້ຊຸກຍູ້ຕິດຕາມກວດກາ, ເກັບກໍາຂໍ້ມູນການປະຕິບັດມິຕິ ກອງປະຊຸມສະພາແຫ່ງຊາດ ກ່ຽວກັບການອອກນິຕິກໍາລຸ່ມກົດໝາຍ, ຜົນກະທົບຈາກການນໍາໃຊ້ສານເຄມີອັນຕະລາຍເກີນຄ່າມາດຕະຖານຕໍ່ສິ່ງແວດລ້ອມ, ສັງຄົມ ແລະ ທໍາມະຊາດ ແລະ ມະຕິກອງປະຊຸມຮ່ວມຄະນະປະຈໍາສະພາແຫ່ງຊາດ ກັບລັດຖະບານ ກ່ຽວກັບການຊົດເຊີຍຜົນກະທົບຈາກໂຄງການລົງທຶນຂອງລັດ  ໂດຍໄດ້ແຕ່ງຕັ້ງ 3 ຄະນະລົງເຄື່ອນໄຫວເຮັດວຽກຢູ່ບາງກະຊວງ, ອົງການ ແລະ ທ້ອງຖິ່ນຈໍານວນໜຶ່ງ. ໄດ້ຊີ້ນໍາ-ນໍາພາການແກ້ໄຂຄໍາຮ້ອງຂໍຄວາມເປັນທໍາ ແລະ ຄໍາສະເໜີຕ່າງໆ ຊຶ່ງມາຮອດປັດຈຸບັນ ສາມາດແກ້ໄຂຄໍາຮ້ອງຂໍຄວາມເປັນທໍາດ້ວຍຫຼາຍຮູບແບບຕ່າງໆ, ໄດ້ຊີ້ນໍາຄະນະເລຂາທິການສະພາແຫ່ງຊາດ ປະຕິບັດພາລະບົດບາດຂອງຕົນໃນວຽກງານຄຸ້ມຄອງບໍລິຫານ, ການເງິນ, ອໍານວຍຄວາມສະດວກໃຫ້ແກ່ການເຄື່ອນໄຫວວຽກງານຂອງສະພາແຫ່ງຊາດ, ກົງຈັກຂອງສະພາແຫ່ງຊາດ ແລະ ກົງຈັກທີ່ຄະນະປະຈໍາສະພາແຫ່ງຊາດສ້າງຕັ້ງ, ພ້ອມນີ້, ກໍໄດ້ເອົາໃຈໃສ່ປັບປຸງແບບແຜນວິທີເຮັດວຽກຂອງຄະນະປະຈໍາສະພາແຫ່ງຊາດ ໂດຍສະເພາະກົນໄກການດໍາເນີນກອງປະຊຸມຄະນະປະຈໍາສະພາແຫ່ງຊາດ ຊຶ່ງໄດ້ຫັນເຂົ້າສູ່ຄຸນນະພາບໃນການຄົ້ນຄວ້າ ແລະ ພິຈາລະນາຕໍ່ແຕ່ລະບັນຫາ ແລະ ອື່ນໆ. ຄະນະຜູ້ແທນສະພາແຫ່ງຊາດໄດ້ເຄື່ອນໄຫວຢ້ຽມຢາມ ແລະ ແລກປ່ຽນບົດຮຽນຢູ່ຕ່າງປະເທດ  ຈໍານວນ 9 ຄະນະ, ຕ້ອນຮັບຄະນະຜູ້ແທນສະພາແຫ່ງຊາດ ແລະ ລັດຖະສະພາເພື່ອນມິດ 8 ຄະນະ, ພ້ອມນີ້ ບັນດາກໍມາທິການ ແລະ ກົງຈັກທີ່ຄະນະກໍາມາທິການປະຈໍາສະພາແຫ່ງຊາດສ້າງຕັ້ງຈໍານວນໜຶ່ງ ກໍໄດ້ເຄື່ອນໄຫວແລກປ່ຽນບົດຮຽນກັບບັນດາສະພາແຫ່ງຊາດເພື່ອນມິດເຊັ່ນ: ສສ ຫວຽດນາມ, ອິນໂດເນເຊຍ, ສ ເກົາຫຼີ, ອົດສະຕາລີ ແລະ ໂອຕຣິດ, ຄະນະຜູ້ແທນສະພາແຫ່ງຊາດໄດ້ເຂົ້າຮ່ວມກອງປະຊຸມ, ການສໍາມະນາໃນຫົວຂໍ້ຕ່າງໆເຊັ່ນ: ກອງປະຊຸມລັດຖະບານສາກົນ ຄັ້ງທີ 138 ທີ່ປະເທດສະວິດເຊີແລນ, ກອງປະຊຸມລັດຖະສະພາອາຊີ-ປາຊີຟິກ, ກອງປະຊຸມເຊື່ອມໂຍງສະພແຫ່ງຊາດ ກັບທະນາຄານໂລກ ແລະ ການລົງທຶນເງິນສາກົນ ທີ່ ສສ  ຫວຽດນາມ, ກອງປະຊຸມຄະນະບໍລິຫານງານລັດຖະສະພາທີ່ໃຊ້ພາສາຝຮັ່ງ ຢູ່ປະເທດ ຝຣັ່ງ, ກອງປະຊຸມກ່ຽວກັບບົດບາດຍິງ-ຊາຍ ຢູ່ໃນຂະບວນການລັດຖະສະພາຂອງສະມາຊິກລັດຖະສະພາໄອປາ ແລະ ກອງປະຊຸມສໍາມະນາຕ່າງໆຈໍານວນໜຶ່ງ ແລະ ວຽກງານອື່ນ.

ທິດທາງວຽກງານຈຸດສຸມ 6 ເດືອນທ້າຍປີ 2018 ຈະສືບຕໍ່ປະສານສົມທົບກັບລັດຖະບານ, ພາກສ່ວນກ່ຽວຂ້ອງ ຮີບຮ້ອນກະກຽມບັນດາຮ່າງກົດໝາຍທີ່ຈະນໍາເຂົ້າພິຈາລະນາຢູ່ໃນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ຊຶ່ງມີຈໍານວນ 14 ສະບັບ, ໃນນັ້ນ, ກົດໝາຍສ້າງໃໝ່ 9 ສະບັບ ແລະ ກົດໝາຍປັບປຸງ 5 ສະບັບ, ພ້ອມທັງສືບຕໍ່ຊີ້ນໍາກໍາມາທິການກ່ຽວຂ້ອງ ເອົາໃຈໃສ່ຕີຄວາມໝາຍ ແລະ ອະທິບາຍໃນຈໍານວນ 12 ມາດຕາຂອງ 4 ກົດໝາຍ ແລະ ນໍາສະເໜີຄະນະປະຈໍາສະພາແຫ່ງຊາດຮັບຮອງເອົາໃນທ້າຍປີ 2018, ສືບຕໍ່ຊີ້ນໍາກົງຈັກຂອງສະພາແຫ່ງຊາດ ເປັນເຈົ້າການຄົ້ນຄວ້າຢ່າງເລິກເຊິ່ງ, ສອດ ຄ່ອງກັບແນວທາງນະໂຍບາຍ ແລະ ກົດໝາຍຕໍ່ການໃຫ້ສັດຕະຍາບັນແກ່ສົນທິສັນຍາ ແລະ ສັນຍາສາກົນ ຕາມການສະເໜີຂອງລັດຖະບານ ແລະ ນໍາສະເໜີຕໍ່ກອງປະຊຸມຄະນະປະຈໍາສະພາແຫ່ງຊາດພິຈາລະນາ ແລະ ຮັບຮອງ, ສືບຕໍ່ຊີ້ນໍາບັນດາກໍາມາທິການ ຊຸກຍູ້ບັນດາກະຊວງ ແລະ ອົງການທີ່ກ່ຽວຂ້ອງ ຈັດຕັ້ງໂຄສະນາເຜີຍແຜ່ບັນດາກົດໝາຍ, ນິຕິກໍາໃຕ້ກົດໝາຍ ທີ່ຢູ່ໃນຂອບເຂດຄວາມຮັບຜິດຊອບຂອງແຕ່ລະພາກສ່ວນໃຫ້ກວ້າງຂວາງ, ມອບໃຫ້ກໍາມາທິການກົດໝາຍ ເປັນເຈົ້າການອອກນິຕິກໍາໃຕ້ກົດໝາຍຂອງ 3 ມາດຕາ ຊຶ່ງກວມເອົາ 3 ກົດໝາຍຄື: ກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນຂັ້ນແຂວງ ແລະ ກົດໝາຍວ່າດ້ວຍການຕິດຕາມກວດກາ ຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ ໃຫ້ສໍາເລັດໃນທ້າຍປີ 2018, ທັງເປັນເຈົ້າການສົບທົບກັບຍລບັນດາກໍາມາທິການສະພາແຫ່ງຊາດ ສືບຕໍ່ຕິດຕາມ, ຊຸກຍູ້ກະຊວງ, ອົງການ ເອົາໃຈໃສ່ສູ້ຊົນສ້າງນິຕິກໍາໃຕ້ກົດໝາຍຂອງບັນດາກົດໝາຍທີ່ປະກາດໃຊ້ແລ້ວ ຊຶ່ງມີທັງໝົດຈໍານວນ 104 ມາດຕາ ໃຫ້ສໍາເລັດໃນທ້າຍປີ 2018, ສືບຕໍ່ຊີ້ນໍາກົງຈັກຂອງສະພາແຫ່ງຊາດ ແລະ ກົງຈັກທີີ່ຄະນະປະຈໍາສະພາແຫ່ງຊາດສ້າງຕັ້ງ ປະສານສົມທົບກັບພາກສ່ວນກ່ຽວຂ້ອງ ໃນການກະກຽມເນື້ອໃນທີ່ຈະນໍາເຂົ້າພິຈາລະນາຢູ່ກອງປະຊຸມສະ​ໄໝ​ສາມັນ ​ເທື່ອ​ທີ 6 ຂອງສະພາແຫ່ງຊາດ ຊຸດທີ VIII ແລະ ນໍາສະເໜີກອງປະຊຸມຄະນະປະຈໍາສະພາແຫ່ງຊາດ ເພື່ອກວດກາຮອບດ້ານ ກ່ອນຈະນໍາເຂົ້າພິຈາລະນາ ໃນກອງປະ ຊຸມສະ​ໄໝ​ສາມັນ ​ເທື່ອ​ທີ 6, ສຸມໃສ່ຕິດຕາມກວດກາ ການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ວ່າດ້ວຍການພັດທະນາຊົນນະບົດ ແລະລຶບລ້າງຄວາມທຸກຍາກ ຕິດພັນກັບເປົ້າໝາຍການພັດທະນາແບບຍືນຍົງ ເພື່ອສະຫຼຸບລາຍງານ ຕໍ່ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ແລະ ບັນຫາອື່ນໆ.

 

ສາວ​ແກ້ວ​ອຸດົມ

Advertisement Replay Ad
ຫຼາຍ​ພາກສ່ວນ​ສຸມ​ໃສ່​ການ​ແກ້​ໄຂ​​ເຂດ​ໄພ​ນໍ້າ​ຖ້ວມ

ຫຼາຍ​ພາກສ່ວນ​ສຸມ​ໃສ່​ການ​ແກ້​ໄຂ​​ເຂດ​ໄພ​ນໍ້າ​ຖ້ວມ

ທະນາຄານໂລກ ສະເໜີໃຫ້ ສປປ ລາວ ລົງທຶນໃນການກໍ່ສ້າງລະບົບເຕືອນໄພລວງໜ້າ ເພື່ອຮັບມືກັບໄພພິບັດ

ທະນາຄານໂລກ ສະເໜີໃຫ້ ສປປ ລາວ ລົງທຶນໃນການກໍ່ສ້າງລະບົບເຕືອນໄພລວງໜ້າ ເພື່ອຮັບມືກັບໄພພິບັດ

ທັງຟຣີ ທັງຫຼຸດ! ຕີເບດກຽມຈັດໜັກ "ຍົກເວັ້ນ-ຫຼຸດຄ່າເຂົ້າຊົມແຫຼ່ງທ່ອງທ່ຽວ" ໄລຍະລະດູໜາວ ເລີ່ມ 1 ພະຈິກນີ້

ທັງຟຣີ ທັງຫຼຸດ! ຕີເບດກຽມຈັດໜັກ "ຍົກເວັ້ນ-ຫຼຸດຄ່າເຂົ້າຊົມແຫຼ່ງທ່ອງທ່ຽວ" ໄລຍະລະດູໜາວ ເລີ່ມ 1 ພະຈິກນີ້

ທະນາຄານໂລກເຜີຍຂໍ້ມູນການຈັດອັນດັບທຶນມະນຸດ ລາວຢູ່ອັນດັບສຸດທ້າຍຂອງອາຊຽນ

ທະນາຄານໂລກເຜີຍຂໍ້ມູນການຈັດອັນດັບທຶນມະນຸດ ລາວຢູ່ອັນດັບສຸດທ້າຍຂອງອາຊຽນ

​​​ເວທີປະ​ກວດ​ນາງ​ສາວ​​​ເຜົ່າມົ້ງ 2019 ​ເລີ່​ມຂຶ້ນ​ແລ້ວ

​​​ເວທີປະ​ກວດ​ນາງ​ສາວ​​​ເຜົ່າມົ້ງ 2019 ​ເລີ່​ມຂຶ້ນ​ແລ້ວ

ປະສິດທິພາບ​ສໍາລັບ​ການ​ສຶກສາ​ຊັ້ນ​ປະຖົມ ​ໄດ້​ຮັບ​ການ​ປັບປຸງ​ດີ​ຂຶ້ນ​

ປະສິດທິພາບ​ສໍາລັບ​ການ​ສຶກສາ​ຊັ້ນ​ປະຖົມ ​ໄດ້​ຮັບ​ການ​ປັບປຸງ​ດີ​ຂຶ້ນ​

ຫົວພັນ ມີຄວາມພ້ອມເກືອບ​ທຸກ​ດ້ານ ກຽມສະຫຼອງເມືອງວຽງໄຊ -ຖານທີ່ໝັ້ນ ການປະຕິວັດລາວ ຄົບຮອບ 50 ປີ

ຫົວພັນ ມີຄວາມພ້ອມເກືອບ​ທຸກ​ດ້ານ ກຽມສະຫຼອງເມືອງວຽງໄຊ -ຖານທີ່ໝັ້ນ ການປະຕິວັດລາວ ຄົບຮອບ 50 ປີ

ປີ 2020 ອຸດົມໄຊ ຕ້ອງການທຶນເຂົ້າໃນການ ລົງທຶນ ເກືອບ 7 ພັນຕື້ກີບ

ປີ 2020 ອຸດົມໄຊ ຕ້ອງການທຶນເຂົ້າໃນການ ລົງທຶນ ເກືອບ 7 ພັນຕື້ກີບ

ເປີດຮ່າງກົດໝາຍວ່າດ້ວຍການລົດໄຟ ກົດໝາຍໃໝ່ຮອງຮັບວຽກງານຂະແໜງການລົດໄຟຂອງລາວ

ເປີດຮ່າງກົດໝາຍວ່າດ້ວຍການລົດໄຟ ກົດໝາຍໃໝ່ຮອງຮັບວຽກງານຂະແໜງການລົດໄຟຂອງລາວ

ລັດຖະບານສິງກະໂປມອບທຶນການສຶກສາອາຊຽນໃຫ້ນັກຮຽນລາວ

ລັດຖະບານສິງກະໂປມອບທຶນການສຶກສາອາຊຽນໃຫ້ນັກຮຽນລາວ

ລາວ-ສະຫະລັດ ລົງນາມຮ່ວມມື 5 ປີ ເສີມຂະຫຍາຍການບັງຄັບໃຊ້ກົດໝາຍ ແລະ ຄວາມປອດໄພຊາຍແດນ

ລາວ-ສະຫະລັດ ລົງນາມຮ່ວມມື 5 ປີ ເສີມຂະຫຍາຍການບັງຄັບໃຊ້ກົດໝາຍ ແລະ ຄວາມປອດໄພຊາຍແດນ

ມຸ່ງໜ້າເຂົ້າສູ່ນະຄອນຫຼວງພະບາງ ທີມແລ່ນແຕ່ພາກໃຕ້-ພາກເໜືອ ຍອດບໍລິຈາກເກືອບ 300 ລ້ານແລ້ວ

ມຸ່ງໜ້າເຂົ້າສູ່ນະຄອນຫຼວງພະບາງ ທີມແລ່ນແຕ່ພາກໃຕ້-ພາກເໜືອ ຍອດບໍລິຈາກເກືອບ 300 ລ້ານແລ້ວ

ແມ່ຍິງລາວຕົກເປັນເຫຍື່ອການຄ້າມະນຸດເພີ່ມຂຶ້ນ

ແມ່ຍິງລາວຕົກເປັນເຫຍື່ອການຄ້າມະນຸດເພີ່ມຂຶ້ນ

ເຮືອບິນຮົບມຽນມາຂັດຂ້ອງທາງເຕັກນິກ ແລະ ຕົກ ນັກບິນດີດໂຕອອກແຕ່ຈ້ອງບໍ່ກາງ ຕາຍ 2 ສົບ

ເຮືອບິນຮົບມຽນມາຂັດຂ້ອງທາງເຕັກນິກ ແລະ ຕົກ ນັກບິນດີດໂຕອອກແຕ່ຈ້ອງບໍ່ກາງ ຕາຍ 2 ສົບ

ສື່ຕວກກີເຜີຍ 'ຄາຊັອກກີ' ນັກຂ່າວດັງຖືກຂ້າຫັ່ນສົບໃນສະຖານກົງສຸນຊາອຸດິອາຣະເບຍ

ສື່ຕວກກີເຜີຍ 'ຄາຊັອກກີ' ນັກຂ່າວດັງຖືກຂ້າຫັ່ນສົບໃນສະຖານກົງສຸນຊາອຸດິອາຣະເບຍ

ຕີ່​ງຄໍາ ອ່ອນ​ແສງ​ເພັດ 1 ໃນ 35 ຄົນຂອງໂຄງການ Young Make Up Artists Thailand 1

ຕີ່​ງຄໍາ ອ່ອນ​ແສງ​ເພັດ 1 ໃນ 35 ຄົນຂອງໂຄງການ Young Make Up Artists Thailand 1

ຜູ້ປະກອບການລ້ຽງສັດລາຍໃຫຍ່ໃນປະເທດໃກ້ຈະໝົດຫວັງໃນການດໍາເນີນທຸລະກິດ

ຜູ້ປະກອບການລ້ຽງສັດລາຍໃຫຍ່ໃນປະເທດໃກ້ຈະໝົດຫວັງໃນການດໍາເນີນທຸລະກິດ

ກຽມສະຫຼອງເມືອງ​ວຽງ​ໄຊ-ຖານ​ທີ່​ໝັ້ນ​ການ​ປະຕິວັດລາວ ຄົບຮອບ 50 ປີ

ກຽມສະຫຼອງເມືອງ​ວຽງ​ໄຊ-ຖານ​ທີ່​ໝັ້ນ​ການ​ປະຕິວັດລາວ ຄົບຮອບ 50 ປີ

ທົ່ວລາວຍັງມີຝົນຕົກໃນລະດັບຄ່ອຍ ພາກເໜືອເລີ່ມມີໝອກບາງ-ໃຕ້ຮ້ອນຂຶ້ນຕື່ມ

ທົ່ວລາວຍັງມີຝົນຕົກໃນລະດັບຄ່ອຍ ພາກເໜືອເລີ່ມມີໝອກບາງ-ໃຕ້ຮ້ອນຂຶ້ນຕື່ມ

ແຄນາດາ ເປີດເສລີກັນຊາ ເປັນປະເທດທີ 2 ຂອງໂລກ

ແຄນາດາ ເປີດເສລີກັນຊາ ເປັນປະເທດທີ 2 ຂອງໂລກ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ