ວັນເສົາ ທີ 4 ກໍລະກົດ 2020

ສ້າງຮູບເງົາລາວໃຫ້ເປັນຮູບເງົາດີ ລົມກັບ 'Lao Film Academy' ໂຄງການພັດທະນາການສ້າງຮູບເງົາໃຫ້ໄວໜຸ່ມລາວ

ສ້າງຮູບເງົາລາວໃຫ້ເປັນຮູບເງົາດີ ລົມກັບ 'Lao Film Academy' ໂຄງການພັດທະນາການສ້າງຮູບເງົາໃຫ້ໄວໜຸ່ມລາວ
S! Muan (Exclusive)

ສະໜັບສະໜູນເນື້ອຫາ

ວົງການເຮົາຍັງຖືວ່າຢູ່ໃນຂັ້ນໜຸ່ມນ້ອຍຫຼາຍຖ້າວ່າທຽບກັບປະເທດເພື່ອນບ້ານອ້ອມຂ້າງ ແຕ່ໃນມື້ນີ້ເຮົາມີຫຼັກສູດສອນເລື່ອງການສ້າງຮູບເງົາໃຫ້ແກ່ໄວໜຸ່ມລາວຜູ້ທີ່ມີຄວາມສົນໃຈໃນການບອກເລົ່າເລື່ອງລາວຜ່ານພາບເຄື່ອນໄຫວ ເຊິ່ງມີຄວາມທະເຍີທະຍານຢາກປ່ຽນໂສມໜ້າຂອງວົງການຮູບເງົາລາວໃຫ້ດີຂຶ້ນ ໂດຍເປັນຄວາມຄິດລິເລີ່ມຂອງໄວໜຸ່ມລາວ ແລະ ການຮ່ວມມືກັບໜ່ວຍງານຕ່າງໆທັງພາຍໃນ ແລະ ສາກົນ.

 

Lao Film Academy ເປັນການລວມຕົວຂອງກຸ່ມຄົນທີ່ມີຄວາມມັກຮັກໃນການສ້າງຮູບເງົາ ໂດຍການສະໜັບສະໜູນຈາກສະຖານທູດອາເມລິກາປະຈຳລາວ, US Mission to Asian ແລະ Culture Vistas ເພື່ອດຳເນີນກິດຈະກຳກ່ຽວກັບຮູບເງົາ ໃຫ້ໄວໜຸ່ມລາວທີ່ມີຄວາມສົນໃຈໄດ້ມາຮຽນຮູ້ ແລະແລກປ່ຽນບົດຮຽນເຊິ່ງກັນ ແລະກັນ ພ້ອມທັງເປັນການເປີດໂອກາດໃຫ້ຮຸ່ນອ້າຍເອື້ອຍນັກສ້າງຮູບເງົາມາແບ່ງປັນຄວາມຮູ້ ແລະປະສົບການໃຫ້ແກ່ນ້ອງໆ.

ໃນໂອກາດທີ່ສະຖາບັນດັ່ງກ່າວໄດ້ດຳເນີນການເຄື່ອນໄຫວມາໄດ້ໄລຍະໜຶ່ງແລ້ວ ແລະ ເຫັນວ່າກິດຈະກຳຕ່າງໆທີ່ທາງ Lao Film Academy ດຳເນີນມານັ້ນ ເປັນສິ່ງທີ່ຊ່ວຍຊຸກຍູ້ວົງການຮູບເງົາລາວໃຫ້ມີການເຄື່ອນໄຫວ ແລະ ພັດທະນາຂຶ້ນຄຽງຄູ່ກັບກິດຈະກຳຈາກພາກສ່ວນອື່ນໆຢ່າງບຸນມະໂຫລານຮູບເງົາຫຼວງພະບາງ ຫຼື ເທດສະການຮູບເງົາວຽງຈັນນານເປັນຕົ້ນ, ທາງ muan.la ຈຶ່ງໄດ້ຕິດຕໍ່ສຳພາດທີມຜູ້ກໍ່ຕັ້ງ ແລະ ຢູ່ເບື້ອງຫຼັງຂອງໂຄງການດີໆນີ້.

Muan.la: ເລົ່າກ່ຽວກັບຜູ້ຮ່ວມກໍ່ຕັ້ງ Lao Film Academy ໃຫ້ເຮົາຟັງແດ່ ແຕ່ລະຄົນມີທີ່ໄປທີ່ມາແນວໃດ?

ຂ້າພະເຈົ້າ ຊື່ ທະນູເພັດ ອ່ອນມາວົງ ຫື ຈັອກກີ້ ເປັນຜູ້ນຳທີມ ປັດຈຸບັນເປັນ ນັກສ້າງຮູບເງົາອິດສະຫຼະ ເຊິ່ງມີທີມເຮັດວິດີໂອຊື່ Vientiane Studios ທີ່ເຮັດກ່ຽວກັບສາລະຄະດີ, ຮູບເງົາສັ້ນ, Vlogger ແລະອື່ນໆ. ທັງຍັງເປັນຄູອາສາສະໝັກທີ່ມະຫາວິທະຍາໄລແຫ່ງຊາດ ຄະນະສະຖາປັດຕະຍະກຳສາດ.

ເນື່ອງຈາກຂ້າພະເຈົາໄດ້ຜ່ານການເຂົາຮຽນຫຼັກສູດໄລຍະສັ້ນ ກ່ຽວກັບການສ້າງຮູບເງົາທີ່ປະເທດເກົາຫຼີໃຕ້ ແລະ ຮ່ວມການຝຶກອົບຮົບໄລຍະສັ້ນທີ່ປະເທດມຽນມາ ໂດຍການແນະນຳຈາກກົມຮູບເງົາ, ຈຶ່ງເຫັນວ່າ ການເຝິກອົບຮົມກ່ຽວກັບຮູບເງົາແບບນີ້ ຖ້າມີການຈັດຢູ່ລາວຄົງຈະເປັນການດີ ແລະເຮັດໃຫ້ນ້ອງໆຮຸ່ນໃໝ່ທີ່ຢາກສ້າງຮູບເງົາໄດ້ມີໂອກາດເຂົາຮ່ວມ. ສະນັ້ນ ຈຶ່ງຮວບຮວມໝູ່ຄູ່ ຈາກຫຼາຍສະຖາບັນ ມາຮ່ວມຊ່ວຍຂຽນໂຄງການ.

ໃນນັ້ນ ປະກອບມີ ພິສະນຸ ໄຊຍະສຸກ ເປັນນັກວິສະວະກອນກໍ່ສ້າງ ມາຊ່ວຍເປັນເລຂານຸການ ເຮັດໜ້າທີ່ເຮັດລາຍງານ ແລະຫາຜູ້ອຸປະຖຳ, ທະວີສັກ ສີຫາລາດ ເປັນນັກໂທລະຄົມມະນາຄົມ ມາຊ່ວຍເປັນຜູ້ປະສານງານຂອງທີມ ແລະ ສຸກລະດາ ນັກເສດຖະສາດ ມາຊ່ວຍເບິ່ງເລື່ອງບັນຊີ. ພວກເຮົາຈຶ່ງໄດ້ສະເໜີໂຄງການເຂົ້າໄປຫາໂຄງການ YSEALI Seed for the Future. ສຸດທ້າຍ ໂຄງການເຮົາໄດ້ຖືກຄັດເລືອກ ແລະໄດ້ຮັບການສະໜັບສະໜູນຈາກ ສະຖານທູດອາເມລິກາ, US Mission to Asian ແລະ Culture Vistas. ນອກຈາກນີ້ ຍັງໄດ້ຮັບການຮ່ວມມືຈາກສູນຊາວໜຸ່ມ, ຄະນະສະຖາປັດຕະຍະກຳສາດ, ມະຫາວິທະຍາໄລແຫ່ງຊາດ ເປັນເຈົ້າພາຮ່ວມໃນການຈັດງານ.

 

Muan.la: ໂຈດ (ຫຼື ເປົ້າໝາຍ) ທີ່ທາງ Lao Film Academy ຈະຕ້ອງຕີໃຫ້ແຕກ ແມ່ນຫຍັງ?

ເປົ້າໝາຍຂອງພວກເຮົາ, ຫຼັກໆແລ້ວ ແມ່ນຢາກສ້າງກິດຈະກຳກ່ຽວກັບຮູບເງົາ ໃຫ້ໄວໜຸ່ມທີ່ມີຄວາມສົນໃຈໄດ້ມາຮຽນຮູ້ ແລະແລກປ່ຽນບົດຮຽນເຊິ່ງກັນ ແລະກັນ. ເປີດໂອກາດໃຫ້ຮຸ່ນອ້າຍນັກສ້າງຮູບເງົາມາແບ່ງປັນຄວາມຮູ້ ແລະປະສົບການໃຫ້ແກ່ນ້ອງໆ. ໃນລາວສະຖານທີ່ຮຽນສ້າງຮູບເງົາຍັງມີໜ້ອຍ ເຮົາກະເປັນສ່ວນໜຶ່ງຢາກມາຊ່ວຍຊຸກຍູ້ວົງການນີ້ໃຫ້ຮຸ່ງເຮືອງ.

ຄວາມຈິງຖ້າມີໂອກາດໃນອານາຄົດ, ຢາກສ້າງຕຶກໆໜຶ່ງ ແລະເປີດເປັນສະຖາບັນສອນຮູບເງົາຢ່າງຈິງໆຈັງໆ. ແຕ່ເຮົາເຮັດຫຍັງໄດ້ກໍເຮັດໄປກ່ອນ.

 

Muan.la: ສະພາບການວົງການຮູບເງົາລາວເຮົາຕອນນີ້ເປັນແນວໃດ?

ຮູບເງົາຍັງຜະລິດໜ້ອຍ ຄື ລາວເຮົາຫາກໍ່ກັບມາເລີ່ມຜະລິດຮູບເງົາອີກຄັ້ງ ປະມານປີ 2006 ຈົນຮອດປັດຈຸບັນ. ແຕ່ລະປີຜະລິດໄດ້ 2-3 ເລື່ອງເທົ່ານັ້ນ. ແຕ່ ສິ່ງທີ່ດີໆໃນວົງການຮູບເງົາເຮົາຄື ຄົນລາວເຮົາສົ່ງເສີມຮູບເງົາລາວ ສັງເກດຈາກຮູບເງົາລາວເຂົ້າສາຍຍາມໃດແມ່ນເຕັມທຸກຮອບທຸກເລື່ອງ. ຜູ້ສ້າງກໍພະຍາຍາມທີ່ຈະສ້າງ ແລະປ້ອນຮູບເງົາເຂົ້າໂຮງ. ແຕ່ກະຄືວ່າຜູ້ສ້າງບໍ່ຫຼາຍ ອາຊີບນັກສ້າງຮູບເງົາຍັງບໍ່ສາມາດເປັນອາຊີບຫຼັກ ແລະຫາລາຍໄດ້ດີ ຜູ້ສ້າງຈຶ່ງຕ້ອງເຮັດວຽກອື່ນນຳ ຜະລິດຮູບເງົານຳ. ເຮັດໃຫ້ຜົນງານເຮົາຍັງບໍ່ຫຼາຍ.

 

Muan.la: ປັນຫາໃດໃນລາວທີ່ທາງ Lao Film Academy ຄິດວ່າເປັນສິ່ງທີ່ທ້າທາຍຕໍ່ກັບການພັດທະນາວົງການຮູບເງົາລາວ ແລະ ຄິດວ່າຄວນມີການແກ້ໄຂແນວໃດ?

ສິ່ງໜຶ່ງທີ່ເຮັດໃຫ້ການພັດທະນາວົງການຮູບເງົາລາວພັດທະນາຊ້າ ແມ່ນ ໜຶ່ງ ພົນລະເມື່ອງລາວເຮົາຍັງມີໜ້ອຍ, ວັດທະນະທຳໃນການເບິ່ງຮູບເງົາຍັງບໍ່ຫຼາຍ ຍ້ອນຄົນລາວເຮົາສ່ວນໃຫຍ່ແມ່ນເບິ່ງຮູບເງົາທາງໂທລະພາບ. ສອງ ໂຮງຮູບເງົາລາວຍັງໜ້ອຍ ເຮັດໃຫ້ການເຂົາເຖິງຍາກຫາກໍເລີ່ມເພີ່ມໂຮງຮູບເງົາຂຶ້ນທີ່ນະຄອນຫຼວງວຽງຈັນ, ເຮັດໃຫ້ຮູບເງົາທີ່ຄົນລາວສ້າງ ຜົນກຳໄລຍັງບໍ່ໄດ້ຮັບກຳໄລສູງ ທຽບໃສ່ມູນຄ່າລົງທຶນສ້າງ ແລະ ຮູບລາວເງົາສ່ວນໃຫຍ່ຍັງບໍ່ສາມາດຕີຕະຫຼາດຕ່າງປະເທດໄດ້ທາງດ້ານເນື້ອຫາ ແລະຄຸນນະພາບ. ສະຫຼຸບລວມແລ້ວ ບັນຫາຫຼັກໆແມ່ນ ພວກເຮົາຍັງຂາດຊັບພະຍາກອນທີ່ເກັ່ງໆເພື່ອຫານັກລົງທຶນ ຫຼື ຂໍທຶນສ້າງຈາກຕ່າງປະເທດ. ສະນັ້ນ, ເຮົາຕ້ອງເລີ່ມຈາກການສຶກສາ ເຮັດແນວໃດໃຫ້ຄົນຮຸ່ນໃໝ່ໄດ້ມີຄວາມຮູ້ ແລະພັດທະນາໃນການສ້າງຮູບເງົາຂອງເຂົາເຈົ້າ.

 

Muan.la: ພາຍຫຼັງກໍ່ຕັ້ງ ໄດ້ມີກິດຈະກຳໃດແດ່ແລ້ວ ແລະ ໃນອະນາຄົດມີແຜນການຫຍັງແດ່ ເພື່ອສົ່ງເສີມວົງການຮູບເງົາຂອງລາວເຮົາ?

ພວກເຮົາໄດ້ຈັດກິດຈະກຳ ຝຶກອົບຮົມພື້ນຖານການສ້າງວິດີໂອ. ໃນໄລຍະທີໜຶ່ງ ແມ່ນເຮົາໄດ້ເຮັດ ກິດຈະກຳຝຶກອົບຮົມທັງໝົດ 4 ຊຸດ. ແຕ່ລະຊຸດຈະມີຫົວຂໍ້ຕ່າງກັນເຊັ່ນ: ຮຽນຮູ້ກ່ຽວກັບການຂຽນບົດຮູບເງົາ, ການກຳກັບ, ການຖ່າຍທຳ ແລະການຕັດຕໍ່. ໂດຍໄດ້ຮັບການຊ່ວຍເຫຼືອຈາກນັກສ້າງຮູບເງົາຈາກໃນລາວ ແລະຕ່າງປະເທດເຂົ້າມາບັນຍາຍ. ໃນໄລຍະນີ້ ມີຜູ້ສະໝັກເຂົ້າມາຮ່ວມທາງອອນລາຍ ຈຳນວນເກືອບພັນຄົນ ຈາກມະຫາວິທະຍາໄລ, ສະຖາບັນ ແລະໂຮງຮຽນຕ່າງໆ ໃນນະຄອນຫຼວງວຽງຈັນ.

ແຕ່ເນື່ອງຈາກສະຖານທີ່ ແລະຂໍ້ຈຳກັດອື່ນໆ ພວກເຮົາຮັບຜູ້ເຂົ້າຮ່ວມໄດ້ພຽງແຕ່ ຊຸດລະ 30 ຄົນ. ກໍຍັງເສຍດາຍຢາກໃຫ້ທຸກຄົນເຂົ້າຮ່ວມ ແຕ່ເຮົາຈະພະຍາຍາມສ້າງກິດຈະກຳອີກ ສະໝັກມາໃໝ່. ນອກນັ້ນ, ໃນມື້ສຸດທ້າຍຂອງການເຝິກອົບຮົມ ແມ່ນເຮົາໄດ້ມີການສາຍຜົນງານຂອງນ້ອງໆແຕ່ລະຄົນ ແລະໄດ້ຮັບກຽດຈາກຄະນະບໍດີຈາກຄະນະສະຖາປັດຕະຍະກຳສາດ ມາມອບໃບຢັ້ງຢືນແກ່ນ້ອງໆ.

 

Muan.la: ຄິດວ່າສິ່ງທີ່ Lao Film Academy ກຳລັງເຮັດຢູ່ຈະສົ່ງຜົນຕໍ່ກັບອຸດສາຫະກຳຮູບເງົາລາວເຮົາຫຼາຍໜ້ອຍສໍ່າໃດ?

ເຮົາຄິດວ່າເຮົາກະເປັນສ່ວນໜຶ່ງນ້ອຍໆເທົ່ານັ້ນທີ່ຊ່ວຍພັດທະນາ ຄົງຈະສົ່ງຜົນທາງອ້ອມແກ່ວົງການຮູບເງົາຫຼາຍກວ່າ ຄື: ເຮັດໃຫ້ໄດ້ຮູ້ວ່າຍັງມີຄົນຮຸ່ນໃໝ່ຫຼາຍໆຄົນທີ່ຍັງໃຫ້ຄວາມສົນໃຈໃນການສ້າງຮູບເງົາ ແລະເປັນແຮງພັກດັນໃຫ້ເຂົາເຈົ້າໄດ້ຮຽນຮູ້ແລະສຶກສາຕໍ່ໄປໃນອານາຄົດ. ນອກນັ້ນ ຍັງມີສະຖາບັນຮູບເງົາຕ່າງໆ, ການເຝິກອົບຮົມຮູບເງົາຂອງພາກສ່ວນອື່ນໆ, ມີເທດສະການຮູບເງົາທີ່ນະຄອນຫຼວງວຽງຈັນ ແລະຫຼວງພະບາງ ພວກເຂົາຕ່າງກໍ່ຊ່ວຍພັດທະນາວົງການຮູບເງົາລາວເຊັ່ນກັນ.

 

Muan.la: ທາງ Lao Film Academy ຢາກຝາກຫຍັງເຖິງຜູ້ທີ່ສົນໃຈໃນສາຍອາຊີບການສ້າງຮູບເງົາ?

ສິ່ງໜຶ່ງທີ່ຂາດບໍ່ໄດ້ໃນສາຍອາຊີບນີ້ ແມ່ນເຮົາຕ້ອງມ່ວນກັບມັນ, ມ່ວນໃນການຜະລິດ ກຳກັບຖ່າຍທຳ, ກຳກັບ ຫຼື ຕັດຕໍ່. ຜົນງານໜຶ່ງໆ ທີ່ຈະດີ ຫຼື ບໍ່ດີ ບໍ່ໄດ້ຂຶ້ນກັບຍອດວິວໃນເຟສບຸກ ຫຼືລາງວັນຕ່າງໆ ເຮົາຄິດວ່າຜູ້ຜະລິດມັກໃນຜົນງານທີ່ໂຕເອງສ້າງກໍ່ຖືວ່າສຳເລັດຜົນແລ້ວ. ສອງແມ່ນ

ສືບຕໍ່ພັດທະນາເລື່ອຍໆ, ສືບຕໍ່ຮຽນຮູ້ ເຂົ້າຮ່ວມທຸກໆກິດຈະກຳກ່ຽວກັບຮູບເງົາ ສອບຖາມຈາກອ້າຍໆເອື້ອຍໆ ແລະຮຽນຮູ້ຈາກເວັບໄຊຕ່າງໆ. ສຸດທ້າຍຄື ຢ່າຢຸດທີ່ຈະຝັນ ໃຜສິວ່າຫຍັງກໍຢ່າ, ຢ່າຢຸດ.

Advertisement Replay Ad

ຂໍຂອບໃຈ

ພາບ : Lao Film Academy

ແຕ່ງໂຕແບບງ່າຍໆສະໄຕລ "ອານິຕ້າ" ຈັບຊຸດໃດມານຸ່ງກໍງາມໄດ້ ພາຍໃນ 5 ນາທີ!

ແຕ່ງໂຕແບບງ່າຍໆສະໄຕລ "ອານິຕ້າ" ຈັບຊຸດໃດມານຸ່ງກໍງາມໄດ້ ພາຍໃນ 5 ນາທີ!

ບົດຮຽນຊີວິດຈາກ Steve Jobs ທີ່ຈະເຮັດໃຫ້ທ່ານລຸກຂຶ້ນສູ້ ແລະ ອອກຕາມຫາສິ່ງທີ່ທ່ານຮັກ

ບົດຮຽນຊີວິດຈາກ Steve Jobs ທີ່ຈະເຮັດໃຫ້ທ່ານລຸກຂຶ້ນສູ້ ແລະ ອອກຕາມຫາສິ່ງທີ່ທ່ານຮັກ

ເຄັດລັບ ໄລຍະເວລາທີ່ເໝາະສົມສຳລັບການອ່ານໜັງສື #ອ່ານແນວໃດໃຫ້ຈື່ໄດ້ໄວ

ເຄັດລັບ ໄລຍະເວລາທີ່ເໝາະສົມສຳລັບການອ່ານໜັງສື #ອ່ານແນວໃດໃຫ້ຈື່ໄດ້ໄວ

ເຄີຍສົງໄສບໍ່ວ່າ ຕ້ອງເຮັດວຽກແນວໃດ ໄອເດຍຈິ່ງຈະ “ໂດດເດັ່ນ” ຄືເຂົາ?

ເຄີຍສົງໄສບໍ່ວ່າ ຕ້ອງເຮັດວຽກແນວໃດ ໄອເດຍຈິ່ງຈະ “ໂດດເດັ່ນ” ຄືເຂົາ?

ເຈົ້າບໍ່ມີທາງປະສົບຜົນສຳເລັດ ຫຼື ລໍ້າລວຍໄປໄດ້ໄກ ຖ້າຍັງເຮັດ 3 ສິ່ງນີ້

ເຈົ້າບໍ່ມີທາງປະສົບຜົນສຳເລັດ ຫຼື ລໍ້າລວຍໄປໄດ້ໄກ ຖ້າຍັງເຮັດ 3 ສິ່ງນີ້

ເປັນຫຍັງແມ່ຍິງຖືພາຈຶ່ງມັກປວດຂາ-ປັ້ນຂາ ແລະຈະຮັກສາແນວໃດດີ?

ເປັນຫຍັງແມ່ຍິງຖືພາຈຶ່ງມັກປວດຂາ-ປັ້ນຂາ ແລະຈະຮັກສາແນວໃດດີ?

ປາກມົດລູກເປີດແລ້ວ ລະດົນປານໃດຈຶ່ງຈະເກີດລູກ?

ປາກມົດລູກເປີດແລ້ວ ລະດົນປານໃດຈຶ່ງຈະເກີດລູກ?

ຊີວິດທີ່ສົມບູນແບບມີແທ້ບໍ່? ແລະ ເຮົາຈະເຮັດແນວໃດໃຫ້ຊີວິດຂອງເຮົາມີຄວາມສຸກ?

ຊີວິດທີ່ສົມບູນແບບມີແທ້ບໍ່? ແລະ ເຮົາຈະເຮັດແນວໃດໃຫ້ຊີວິດຂອງເຮົາມີຄວາມສຸກ?

ນອນພຽງ 6 ຊົ່ວໂມງຈະພຽງພໍຕໍ່ຮ່າງກາຍເຮົາແທ້ບໍ? ແຕ່ຖ້ານອນບໍ່ຫຼັບ ຈະເຮັດແນວໃດ?

ນອນພຽງ 6 ຊົ່ວໂມງຈະພຽງພໍຕໍ່ຮ່າງກາຍເຮົາແທ້ບໍ? ແຕ່ຖ້ານອນບໍ່ຫຼັບ ຈະເຮັດແນວໃດ?

ເຄັດລັບຄວາມຫຼໍ່-ງາມແບບຝ່າບາດອີກົນ ແລະ ຈອງແທອຶນ/ລູນ່າ ຈາກ The King: Eternal Monarch

ເຄັດລັບຄວາມຫຼໍ່-ງາມແບບຝ່າບາດອີກົນ ແລະ ຈອງແທອຶນ/ລູນ່າ ຈາກ The King: Eternal Monarch

ຢຸດທັກທ້ວງເລື່ອງຮ່າງກາຍ ແລ້ວຫັນມາທັກທາຍຢ່າງເໝາະສົມກັນດີກວ່າ

ຢຸດທັກທ້ວງເລື່ອງຮ່າງກາຍ ແລ້ວຫັນມາທັກທາຍຢ່າງເໝາະສົມກັນດີກວ່າ

ເສດຖະກິດເຈິພິດໂຄວິດ-19 ແບບນີ້ ນັກສຶກສາຈົບໃໝ່ຈະໄປຫາວຽກໄດ້ຢູ່ໃສເດນໍ?

ເສດຖະກິດເຈິພິດໂຄວິດ-19 ແບບນີ້ ນັກສຶກສາຈົບໃໝ່ຈະໄປຫາວຽກໄດ້ຢູ່ໃສເດນໍ?

ເວົ້າຄົນດຽວບໍ່ໄດ້ແມ່ນຜີບ້າ! ເພາະຜົນການສຶກສາພົບວ່າດີຕໍ່ສຸຂະພາບຈິດ ແລະ ການເຮັດວຽກ

ເວົ້າຄົນດຽວບໍ່ໄດ້ແມ່ນຜີບ້າ! ເພາະຜົນການສຶກສາພົບວ່າດີຕໍ່ສຸຂະພາບຈິດ ແລະ ການເຮັດວຽກ

"ໃຜຮ້ອງເພງໃນພາເຂົ້າ ຈະໄດ້ຜົວເຖົ້າເມຍແກ່" ເປັນຫຍັງຄືວ່າແບບນີ້? ນີ້ແມ່ນທີ່ມາຂອງສຸພາສິດນີ້

"ໃຜຮ້ອງເພງໃນພາເຂົ້າ ຈະໄດ້ຜົວເຖົ້າເມຍແກ່" ເປັນຫຍັງຄືວ່າແບບນີ້? ນີ້ແມ່ນທີ່ມາຂອງສຸພາສິດນີ້

ສາເຫດທີ່ຫຼຸດນໍ້າໜັກບໍ່ໄດ້ ເຮົາເຮັດບໍ່ໄດ້ແທ້ໆ ຫຼື ພຽງແຕ່ຍັງອົດທົນບໍ່ພໍ?

ສາເຫດທີ່ຫຼຸດນໍ້າໜັກບໍ່ໄດ້ ເຮົາເຮັດບໍ່ໄດ້ແທ້ໆ ຫຼື ພຽງແຕ່ຍັງອົດທົນບໍ່ພໍ?

5 ສິ່ງທີ່ເຮັດກັບພໍ່ແມ່ ແລ້ວຊີວິດຈະດີຂຶ້ນ

5 ສິ່ງທີ່ເຮັດກັບພໍ່ແມ່ ແລ້ວຊີວິດຈະດີຂຶ້ນ

ຄຳຖາມທີ່ຫຼາຍຄົນເບິ່ງຂ້າມ ນ້ຳໜັກຫຼຸດລົງເທົ່າກັບຈ່ອຍລົງ ແມ່ນແທ້ ຫຼື ບໍ່?

ຄຳຖາມທີ່ຫຼາຍຄົນເບິ່ງຂ້າມ ນ້ຳໜັກຫຼຸດລົງເທົ່າກັບຈ່ອຍລົງ ແມ່ນແທ້ ຫຼື ບໍ່?

ຢາກເກັ່ງອັງກິດຕ້ອງຟັງ! ແນະນຳ 6 Podcasts ທີ່ຈະຊ່ວຍພັດທະນາທັກສະພາສາອັງກິດຂອງເຈົ້າ

ຢາກເກັ່ງອັງກິດຕ້ອງຟັງ! ແນະນຳ 6 Podcasts ທີ່ຈະຊ່ວຍພັດທະນາທັກສະພາສາອັງກິດຂອງເຈົ້າ

ກິນ "ແຊວມອນດິບ" ແນວໃດໃຫ້ປອດໄພຕໍ່ສຸຂະພາບ?

ກິນ "ແຊວມອນດິບ" ແນວໃດໃຫ້ປອດໄພຕໍ່ສຸຂະພາບ?

ເຫັດອອກຫຼາຍເປັນຕາອອນຊອນ ກ່ອນຊື້ມາກິນໃຫ້ລະວັງ "ເຫັດເບື່ອ"

ເຫັດອອກຫຼາຍເປັນຕາອອນຊອນ ກ່ອນຊື້ມາກິນໃຫ້ລະວັງ "ເຫັດເບື່ອ"

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ