ວັນພະຫັດ ທີ 23 ກັນຍາ 2021

ເຕີມເຕັມຫົວໃຈທີ່ "ນະຄອນໄກສອນພົມວິຫານ" ຫຼົບໜີຄວາມວຸ່ນວາຍໄປພັກໃຈ 1 ມື້ ເຮັດຫຍັງໄດ້ແດ່?

ເຕີມເຕັມຫົວໃຈທີ່ "ນະຄອນໄກສອນພົມວິຫານ" ຫຼົບໜີຄວາມວຸ່ນວາຍໄປພັກໃຈ 1 ມື້ ເຮັດຫຍັງໄດ້ແດ່?
S! Muan

ສະໜັບສະໜູນເນື້ອຫາ

ນະຄອນໄກສອນພົມວິຫານ ເມືອງເອກຂອງແຂວງສະຫວັນນະເຂດ ເປັນເມືອງທີ່ຕັ້ງຢູ່ທາງພາກກາງຂອງປະເທດລາວ ບັນຍາກາດຂອງເມືອງດຳເນີນໄປຢ່າງສະຫງົບ ແລະ ອາຄານບ້ານເຮືອນປະສົມປະສານລະຫວ່າງອະດີດ ແລະ ປັດຈຸບັນ. ທີ່ເວົ້າແບບນີ້ກໍຍ້ອນວ່າ ເມືອງນີ້ຍັງຄົງມີເຂດຕົວເມືອງເກົ່າທີ່ເຕັມໄປດ້ວຍອາຄານສະໄໝອານານິຄົມຝຣັ່ງໃນໄລຍະຕົ້ນສະຕະວັດທີ 20 ເຊິ່ງບາງສ່ວນກໍຖືປະຮ້າງ ແລະ ບາງສ່ວນກໍໄດ້ຮັບການບູລະນະໃຫ້ກາຍເປັນຫ້າງຮ້ານຕ່າງໆຂຶ້ນມາໃໝ່.

ເຖິງວ່າເມືອງນີ້ຈະມີກິດຈະກຳໃຫ້ເຮັດບໍ່ຫຼາຍຄືກັບເມືອງທ່ອງທ່ຽວອື່ນໆໃນລາວ ແຕ່ການເລາະໄປຕາມແຄມນໍ້າຂອງ ແລະ ສະຖານທີ່ຕ່າງໆໃນຕົວເມືອງ ເພື່ອຊຶມຊັບບັນຍາກາດຂອງຄວາມບໍ່ຮີບຮ້ອນ ກໍເປັນອີກໜຶ່ງສິ່ງທີ່ເຮັດໄດ້ເພື່ອຜ່ອນຄາຍຈິດໃຈ ແລະ ພ້ອມນີ້ ເມືອງທີ່ງຽບສະຫງົບແຫ່ງນີ້ກໍຍັງດຶງດູດເອົານັກທ່ອງທ່ຽວຕ່າງປະເທດທີ່ຕ້ອງການຢາກຫຼີກໜີຈາກຄວາມວຸ່ນວາຍໃນເມືອງໃຫຍ່ມາເຕີມເຕັມຫົວໃຈຈັກຊົ່ວຂະນະໜຶ່ງ. muan.la ຈະພາໄປຮູ້ຈັກກັບຈຸດເດັ່ນຂອງເມືອງແຫ່ງນີ້ວ່າມີຫຍັງແດ່ເຊື່ອງຊ້ອນຢູ່ ແລະ ໃນ 1 ມື້ ເຮົາຈະເຮັດຫຍັງໄດ້ແດ່.

ໃນເຂດຕະຫຼາດກາງຄືນ "Savan Night Market" ເຊິ່ງອ້ອມຮອບດ້ວຍອາຄານເກົ່າສະໄໝຝຣັ່ງ ເປັນຈຸດສູນລວມຂອງຊາວເມືອງໃນຍາມຄໍ່າຄືນ ພື້ນທີ່ນີ້ເຕັມໄປດ້ວຍບັນດາລົດຂາຍອາຫານ ແລະ ເຄື່ອງດື່ມໃຫ້ເລືອກຊື້ເລືອກກິນ. ແຕ່ກ່ອນ ພື້ນທີ່ດັ່ງກ່າວນີ້ເປັນ "ຈະຕຸລັດ" ທີ່ເປັນສວນ ເມື່ອແນມໄປທາງທິດຕາເວັນອອກຈະພົບກັບ ໂບດກາໂຕລິກ ເຊັນເທເຣຊາ ຕັ້ງສູງສະຫງ່າມາຕັ້ງແຕ່ອະດີດ. ອ້ອມຮອບບ່ອນນີ້ເປັນອາຄານເກົ່າ ທີ່ເປັນສະຖາປັດຕະຍະກຳແບບຝຣັ່ງ ຕັ້ງແຕ່ຕົ້ນສະຕະວັດທີ 20 ເຊິ່ງໃນປັດຈຸບັນໄດ້ກາຍເປັນຫ້າງຮ້ານ ແລະ ທຸລະກິດຕ່າງໆ. ບັນດາຫ້າງຮ້ານເຫຼົ່ານີ້ມີການຕົກແຕ່ງແບບຍ້ອນຍຸກ ຫຼື retro ເຊິ່ງກາຍເປັນຈຸດດຶງດູດ ແລະ ເອກະລັກຂອງເມືອງ ເຮັດໃຫ້ບັນດາຜູ້ທີ່ເດີນທາງເຂົ້າມາຕ້ອງໄດ້ມາຢ້ຽມຢາມຈັກຄັ້ງ ເພື່ອນັ່ງຜ່ອນຄາຍ ຮັບບັນຍາກາດອັນງຽບສະຫງົບພາຍໃນ. ຢາກຮູ້ວ່າຕົວເມືອງນະຄອນໄກສອນພົມວິຫານ ເກົ່າແກ່ຫຼາຍສໍ່າໃດ ກໍເບິ່ງໄດ້ຈາກບັນດາອາຄານເຫຼົ່ານີ້.


ຕະຫຼາດສະຫວັນກາງຄືນ ເຊິ່ງມີໂບດກາໂຕລິກ ເຊັນເທເຣຊາ ເປັນພື້ນຫຼັງ 


ອາຄານເກົ່າໃນເຂດຕະຫຼາດສະຫວັນກາງຄືນ ເຊິ່ງອອກແບບຕາມສະຖາປັກຕະຍະກຳຂອງສະໄໝອານານິຄົມຝຣັ່ງ

ຈາກເດີ່ນຕະຫຼາດກາງຄືນ ຫັນໜ້າໄປທາງທິດຕາເວັນຕົກ ແມ່ນແຄມແມ່ນໍ້າຂອງ ຈະພົບກັບຖະໜົນຄັນທະບູລີ ເຊິ່ງໃນເມື່ອກ່ອນຊື່ນີ້ກໍເປັນຊື່ຂອງ ນະຄອນໄກສອນພົມວິຫານ ມາກ່ອນ ຈົນມາຮອດປີ 2003 ຈຶ່ງໄດ້ປ່ຽນມາໃຊ້ຊື່ໃນປັດຈຸບັນ. ຖະໜົນເສັ້ນນີ້ ມີຮົ່ມເງົາຂອງຕົ້ນມະຮັອກການີ ເຊິ່ງປູກໄວ້ລຽບສອງຟາກທາງ ອາຍຸໄລ່ເລ່ຍກັນກັບບັນດາອາຄານເກົ່າໃນເຂດນີ້. ບໍລິເວນທາງແຍກຂອງຕະຫຼາດກາງຄືນ ຈະມີຮ້ານອາຫານ ແລະ ຄາເຟ່ຕ່າງໆທີ່ມີການຕົກແຕ່ງຮ້ານແບບ retro ເອົາໃຈຄົນທີ່ມັກຖ່າຍຮູບແບບອາດໆ ເພື່ອເກັບໄວ້ເປັນທີ່ລະນຶກ ໃນລະຫວ່າງດື່ມດໍ່າກັບລົດຊາດຂອງອາຫານ ແລະ ເຄື່ອງດື່ມ.


ຖະໜົນຄັນທະບູລີ ເຊິ່ງສອງຟາກທາງແມ່ນມີຕົ້ນມະຮັອກການີຢືນຕົ້ນສູງຂຽວງາມ

ຖ້າຫາກລ້ຽວຊ້າຍໄປທາງທິດໃຕ້ ປະມານ 2 ນາທີ ກໍຈະພົບກັບເຂດເຮືອນຫ້ອງແຖວ ເຊິ່ງຖ້າເຮົາແຫງນໜ້າຂຶ້ນໄປກໍຈະພົບກັບປ້າຍຂະໜາດໃຫຍ່ຂຽນວ່າ ລາວຈເຣີນ (ລາວຈະເລີນ) (ແຜນທີ່ https://goo.gl/maps/CkDprjD9Xg5MVRyDA). ນີ້ແມ່ນຊື່ຂອງສູນຄວາມບັນເທີງໃນສະໄໝກ່ອນ ເຊິ່ງມີໂຮງຮູບເງົາ "ລາວຈະເລີນຣາມາ" ຢູ່ດ້ານໃນ. ແຕ່ຫຼັງຈາກທີ່ມີການປ່ຽນແປງລະບອບການປົກຄອງ ກໍໄດ້ປິດກິດຈະການໄປ ແລະ ຖືກຖິ້ມຮ້າງມາຫຼາຍສິບປີ ກ່ອນທີ່ຈະໄດ້ຮັບການບູລະນະຂຶ້ນມາໃໝ່ໃນປີ 2019 ຫຼັງຈາກທີ່ມີການຈັດງານຍ້ອນຍຸກ Savan Fun Fest ແລະ ໃນປັດຈຸບັນກໍມີທັງຄາເຟ່ ແລະ ຮ້ານຄ້າທີ່ເປີດຢູ່ພາຍໃນ ໃຫ້ຄົນຈາກພາຍນອກເຂົ້າໄປຢ້ຽມຊົມໄດ້.


ນອກຈາກບັນດາອາຄານເກົ່າແກ່ແລ້ວ ສະຫວັນນະເຂດຍັງເປັນແຂວງໜຶ່ງທີ່ມີການຄົ້ນພົບຊາກດຶກດຳບັນຂອງສັດໂລກດຶກດຳບັນຢ່າງໄດໂນເສົາ ໂດຍມີ ພິພິທະພັນໄດໂນເສົາ (ແຜນທີ່ https://goo.gl/maps/uwFkVNW42ZYgVrjUA) ເປັນບ່ອນວາງສະແດງຟອສຊິວ (fossil) ຕັ້ງຢູ່ຫ່າງຈາກເດີ່ນຕະຫຼາດກາງຄືນ ຍ່າງໄປຕາມຖະໜົນຄັນທະບູລີທາງທິດເໜືອປະມານ 10 ນາທີ. ພາຍໃນພິພິທະພັນມີການວາງສະແດງຊາກກະດູກຂອງໄດໂນເສົາທີ່ຄົ້ນພົບໃນຫຼາຍເມືອງທົ່ວແຂວງ ເຊິ່ງດຳເນີນການຂຸດຄົ້ນໂດຍຮ່ວມມືກັບຊ່ຽວຊານຈາກຕ່າງປະເທດ. ເຖິງວ່າຈະມີຂໍ້ມູນກ່ຽວກັບບັນດາຊາກດັ່ງກ່າວບໍ່ແໜ້ນຄືກັບພິພິທະພັນທີ່ເຮົາເຄີຍເຫັນໃນຕ່າງປະເທດ ແຕ່ນີ້ກໍເປັນການເປີດປະສົບການທີ່ດີ ເພື່ອຮຽນຮູ້ກ່ຽວກັບສັດໂລກທີ່ມີອາຍຸຫຼາຍລ້ານປີເຫຼົ່ານີ້ເຊິ່ງຄັ້ງໜຶ່ງຫຼາຍລ້ານປີກ່ອນເຄີຍມີຊີວິດຢູ່ໃນພື້ນທີ່ແຂວງສະຫວັນນະເຂດ.

ເລາະລຽບຕາມແຄມແມ່ນໍ້າຂອງເຊິ່ງມີໄລຍະກວ່າ 2 ກິໂລແມັດ, ເໝາະສຳລັບການຍ່າງເລາະຫຼິ້ນຮັບລົມເຢັນໆໃນຍາມແລງ ທ່າມກາງບັນຍາກາດທີ່ຊາວເມືອງທີ່ອອກມາພັກຜ່ອນ-ອອກກຳລັງກາຍໃນສວນລຽບແຄມນໍ້າທີ່ຫາກໍສ້າງຂຶ້ນມາໃໝ່. ເກືອບສຸດເສັ້ນທາງລຽບແຄມຂອງທາງທິດເໜືອ ມີ ວັດໃຫຍ່ໄຊຍະພູມ (ແຜນທີ່ https://goo.gl/maps/9Dv5Q8vfkBmLn9Bo7) ເຊິ່ງເປັນວັດທີ່ເກົ່າແກ່ທີ່ສຸດຂອງເມືອງ ແລະ ຫໍມະເຫສັກຫຼັກເມືອງ ໃຫ້ຜູ້ທີ່ເຄົາລົບບູຊາໄດ້ແວ່ຂາບໄຫວ້ກັນ.


ໄກສອນພົມວິຫານ ໄດ້ຮັບສະຖານະ "ນະຄອນ" ເມື່ອເດືອນເມສາ 2018, ເຊິ່ງຖ້າທຽບສະພາບການພັດທະນາພື້ນຖານໂຄງລ່າງຕ່າງໆໃນຕົວເມືອງແລ້ວຖືວ່າມີການປ່ຽນແປງຫຼາຍດ້ານ. ໜຶ່ງໃນນັ້ນກໍຄືການປັບປຸງສວນສາທາະລະນະຂອງເມືອງ ຢູ່ສຸດເສັ້ນທາງລຽບແຄມຂອງທາງດ້ານເໜືອ. ໃນອະດີດພື້ນທີ່ນີ້ເປັນສະໜາມກີລາແຂວງ ເຄີຍຈັດມະຫະກຳກີລາແຫ່ງຊາດຄັ້ງທີ 2 ເມື່ອດົນນານມາແລ້ວ. ໃນປັດຈຸບັນເຫຼືອພຽງແຕ່ຊຸ້ມປະຕູເກົ່າ ແລະ ອັດທະຈັນສຳລັບນັ້ງທີ່ຖືກປັບປຸງປະສົມປະສານເຂົ້າກັບສວນທີ່ສ້າງຂຶ້ນໃໝ່ ກາຍເປັນສວນສາທະລະ ຫຼື ທີ່ມີຊື່ເອີ້ນເປັນທາງການວ່າ ສວນສຸຂະພາບນະຄອນໄກສອນພົມວິຫານ (ແຜນທີ່ https://goo.gl/maps/BJLSgjP6wAkjm417A) ສູນລວມຂອງຜູ້ທີ່ຕ້ອງການພັກຜ່ອນຢ່ອນໃຈ ແລະ ອອກກຳລັງກາຍໃນຍາມແລງ.

ສ່ວນອາຫານການກິນຂອງເມືອງມີຫຍັງທີ່ຂຶ້ນຊື່ແດ່? ຖ້າເອົາຕາມທີ່ຫຼາຍຄົນນິຍົມໄປກິນກັນກໍມີຫຼາຍຢ່າງ ບໍ່ວ່າຈະເປັນເຂົ້າປຽກປາ, ໝີ່ກ້ຽວ, ເຂົ້າຈີ່-ຊີ້ນໝ້າຍ, ແໜມເນືອງ, ກາເຟລາວ, ເຕະໂອ-ແຕະລຽງ ແລະ ອື່ນໆ ເຊິ່ງຫາກິນໄດ້ຢູ່ທົ່ວໄປໃນຕົວເມືອງ. ສ່ວນໃນຕອນກາງຄືນກໍຈະມີຕະຫຼາດກາງຄືນ 2 ແຫ່ງຄື ຢູ່ທີ່ ຕະຫຼາດສະຫວັນກາງຄືນ (ແຜນທີ່ https://goo.gl/maps/kykjXXUFuy18ukzw8) ແລະ ເດິ ວັນໄນ້ ບາຊາ (ແຜນທີ່ https://goo.gl/maps/CpLU3EUdg853dkyA8) ເປັນສູນລວມຂອງອາຫານການກິນທີ່ຫຼາກຫຼາຍໃຫ້ເລືອກກິນກັນ.



ຮ້ານແນະນຳ:

Advertisement Replay Ad
ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ