ວັນຈັນ ທີ 17 ທັນວາ 2018

ລັດຖະບານ​ ຍ້ອງຍໍທັບ​ນັກກີລາລາວ ທີ່ຄວ້າໄຊ 26 ຫຼຽນ ​ໃນ​ຊີ​ເກ​ມ ຄັ້ງ​ທີ 29 ຢ່າງສົມກຽດ

ລັດຖະບານ​ ຍ້ອງຍໍທັບ​ນັກກີລາລາວ ທີ່ຄວ້າໄຊ 26 ຫຼຽນ ​ໃນ​ຊີ​ເກ​ມ ຄັ້ງ​ທີ 29 ຢ່າງສົມກຽດ

ກະຊວງສຶກສາທິການ ແລະ ກີລາ ຕາງໜ້າໃຫ້ລັດຖະບານແຫ່ງ ສປປ ລາວ ປະດັບ​ຫຼຽນ​ໄຊ​ພັດທະນາ, ຫຼຽນກາພັດທະນາ, ​ຫຼຽນ​ກາ​ແຮງ​ງານ ​ແລະ ​ໃບຍ້ອງຍໍ​ ໃຫ້ຄະນະນຳ, ຄູເຝິກ ແລະ ນັກກີລາທີມຊາດລາວ ຊຸດຄວ້າ 2 ຫຼຽນ​ຄຳ, 3 ຫຼຽນ​ເງິນ ​ແລະ 21 ຫຼຽນ​ທອງ ລວມ 26 ຫຼຽນ ຖືກ​ຈັດ​ຢູ່​ອັນ​ດັບ​ທີ 9 ຈາກ 11 ປະ​ເທດ ​ເຂົ້າ​ຮ່ວມ​ໃນງານ​ມະຫາ​ກຳ​ກີລາ​ຊີ​ເກ​ມ ຄັ້ງ​ທີ 29 ທີ່​ປະ​ເທດ​ມາ​ເລ​ເຊຍ ​ເປັນ​ເຈົ້າພາບ ​ລະຫວ່າງ​ວັນ​ທີ 19-30 ສິງ​ຫາ 2017.

​ພິທີ​ປະດັບຫຼຽນໃນຄັ້ງນີ້ ​ ໄດ້​ມີ​ຂຶ້ນ​ເມື່ອ​ວັນ​ທີ 14 ພຶດສະພາ ຜ່ານ​ມາ ທີ່​ໂຮງ​ແຮມ​ລ້ານ​ຊ້າງ ນະຄອນຫຼວງ​ວຽງຈັນ, ​ໂດຍ​ໃຫ້​ກຽດ​ເຂົ້າ​ຮ່ວມ ​ແລະ ປະດັບ​ຫຼຽນ​ຂອງ ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ລັດຖະມົນຕີ​ກະຊວງ​ສຶກສາ​ທິການ ​ແລະ ກີລາ ທັງ​ເປັນ​ປະທານ​ຄະນະ​ກຳມະການ​ໂອ​ແລມປິກ​ແຫ່ງ​ຊາດ​ລາວ (ຄອລ) ​ແລະ ທ່ານ ສົມ​ພູ ພົງສາ ຜູ້​ຊ່ວຍ​ລັດຖະມົນຕີກະຊວງ ສສກ, ຮອງ​ປະທານ ​ແລະ ​ເລຂາທິການ ຄອລ, ມີ​ທ່ານ ​ແສງ​ພອນ ພົນ​ອາມາດ ຫົວໜ້າ​ກົມ​ກີລາ​ລະດັບ​ສູງ ກະຊວງ ສສກ ພ້ອມດ້ວຍບັນດາ​ຄະນະ​ນຳ​ສະຫະພັນ​ກີລາ​ແຫ່ງ​ຊາດ, ຜູ້​ໃຫ້ການ​ສະໜັບສະໜູນ, ຄູ​ເຝິກ ​ແລະ ນັກ​ກີລາ​ທີ​ມຊາດ​ລາວ ​ເຂົ້າຮ່ວມຢ່າງພ້ອມພຽງ.

​ໂອກາດ​ນີ້, ທ່ານ ​ແສງ​ພອນ ພົນ​ອາມາດ ໄດ້ລາຍ​ງານໃຫ້​ຮູ້​ວ່າ: ການ​ເຂົ້າ​ຮ່ວມ​ງານ​ກີລາ​ຊີ ​ເກ​ມ ຄັ້ງ​ທີ 29 ​ໃນ​ຄັ້ງ​ນີ້ ປະກອບ​ມີ ການ​ນຳ​ຂັ້ນ​ສູງ ຕາງໜ້າ​ໃຫ້​ລັດຖະບານ​ລາວ ​ໂດຍ​ທ່ານ​ລັດຖະມົນຕີ ກະຊວງ ສສກ ທັງ​ເປັນ​ປະທານ ຄອລ ​ແລະ ຄະນະ​ມົນຕີ​ຊີ​ເກ​ມ, ຄະນະ​ນຳ​ກີລາ​ລາວ, ກຳມະການ​ຕັດສິນ, ​ຄູ​ເຝິກ, ນັກ​ກີລາ ​ແລະ ຜູ້​ໃຫ້ການ​ສະໜັບສະໜູນ ​ເຂົ້າ​ຮ່ວມ​ທັງ​ໝົດ 350 ຄົນ, ​ໃນ​ນັ້ນ ​ໄດ້​ສົ່ງ​ນັກກີລາ​ເຂົ້າ​ຮ່ວມ​ແຂ່ງຂັນ​ທັງ​ໝົດ 22 ປະ​ເພດ​ ຄື: ​ເປ​ຕັງ, ​ເທ​ຄວັນ​ໂດ, ວູຊູ, ກະຕໍ້-ຊິນ​ລອນ, ປັນ​ຈັກ​ສີ​ລັດ, ບິນ​ລຽດ-ສະນຸກ​ເກີ, ລົດຖີບ, ຍິງ​ທະນູ, ມວຍ​ສາກົນ, ກາຣາ​ເຕ​ໂດ, ເຕະບານ​, ກ໊ອຟ, ຍິງ​ປືນ, ປິ່ງ​ປ່ອງ, ດອກ​ປີກ​ໄກ່, ​ເທັນ​ນິສ, ​ແລ່ນ-ລານ, ລອນ​ຍໍ້າ, ຣັກບີ້, ຢູ​ໂດ, ມວຍ ​ແລະ ບານ​ບ້ວງ. ຜ່ານການແຂ່ງຂັນຜົນປາກົດວ່າ ທັບນັກກີລາລາວເຮົາສາມາດ​ຍາດ​ມາໄດ້ 2 ຫຼຽນ​ຄຳ, 3 ຫຼຽນ​ເງິນ ​ແລະ 21 ຫຼຽນ​ທອງ ລວມ 26 ຫຼຽນ ຖືກ​ຈັດ​ຢູ່​ອັນ​ດັບ​ທີ 9 ຈາກ 11 ປະ​ເທດ ​ເຂົ້າ​ຮ່ວມ, ​ໃນ​ນັ້ນ 2 ຫຼຽນ​ຄຳ ​ແມ່ນ​ໄດ້​ຈາກ ທ້າວ ສິດທິ​ເດດ ສັກ​ບ່ຽງ ນັກກີລາສະນຸກ​ເກີດ່ຽວຊາຍ ແລະ ນາງ ຄູນ ສຸກ​ສະຫວັດ, ນາງ ຈັນ​ສະໝອນ ວົງ​ສະຫວັດ, ນາງ ມີ່​ມີ່ ວົງ​ສະຫວັດ ​ແລະ ນາງ ຈິນດາ​ວອນ ສີສະ​ຫວັດ ນັກ​ກີລາ​ເປ​ຕັງ​ທີ​ມຊຸດ​ຍິງ.

​ຕໍ່ກັບຜົນງານດັ່ງກ່າວ ພາຍຫຼັງເດີນທາງກັບເຖິງບ້ານເກີດ ສປປ ລາວ ຢ່າງເປັນທາງການ, ທ່ານ​ ທອງລຸນ ສີສຸລິດ ນາຍົກລັດຖະມົນຕີ ຕາງໜ້າ​ລັດຖະບານ​ມອບ​ເງິນ​ລາງວັນ​ລວມທັງ​ໝົດ 692 ລ້ານ​ກີບ ​ໃຫ້​ແກ່​ຄູ​ເຝິກ ​ແລ​ະ ນັກ​ກີລາ ​ແລະ ມອບ​ເງິນສົດ​ພິ​ເສດ​ເພີ່ມ​ຕື່ມ​ອີກ ຈຳນວນ 100 ລ້ານ​ກີບ. ຫຼັງຈາກນັ້ນ, ກະຊວງ ສສກ ຈຶ່ງ​ໄດ້​ສະ​ເໜີ​ຂໍ​ອະນຸມັດ​ການ​ຍ້ອງຍໍ​ຈາກ​ລັດຖະບານ​ ໃຫ້​ຄະນະ​ນຳ, ຄູ​ເຝິກ, ນັກ​ກີລາ ​ແລະ ຜູ້​ໃຫ້ການ​ອຸປະຖຳ ທີ່​ມີ​ຜົນງານ​ດີ​ເດັ່ນຢ່າງ​ສົມ​ກຽດ.

ໃນພິທີຄັ້ງນີ້, ທ່ານ ສອນ​ເພັດ ​ເມືອງ​ວົງ ປະທານບໍລິສັດ ​​ແສງ​ເພັດ ​ເກັບ​ກູ້​ລະ​ເບີດ ກໍ່​ໄດ້ມອບ​ເງິ​ນອັດ​ສີດ​ໃຫ້ນັກກີລາຫຼຽນ​ຄຳ ຈຳນວນ 100 ລ້ານກີບ, ​ໃນ​ນັ້ນມອບໃຫ້ ​ທ້າວ ສິດທິ​ເດດ ສັກ​ບ່ຽງ ຮີ​ໂຣຫຼຽນ​ຄຳ​ປະຫວັດສາດກີລາສະນຸກ​ເກີດ່ຽວຊາຍ 50 ລ້ານ​ກີບ ​ແລະ ນາງ ຄູນ ສຸກ​ສະຫວັດ, ນາງ ຈັນ​ສະໝອນ ວົງ​ສະຫວັດ, ນາງ ມີ່​ມີ່ ວົງ​ສະຫວັດ ​ແລະ ນາງ ຈິນດາ​ວອນ ສີສະ​ຫວັດ ເຈົ້າຂອງຫຼຽນ​ຄຳ ກີລາ​ເປ​ຕັງ​ທີ​ມຊຸດ​ຍິງ 50 ລ້ານ​ກີບ​. ນອກຈາກ​ນັ້ນ, ​ກໍ່​ໄດ້ປະດັບ​ຫຼຽນ​ໄຊ​ພັດທະນາ ຊັ້ນ 2 ໃຫ້ແກ່ ທ່ານ ສອນເພັດ ​ເມືອງ​ວົງ ປະທານບໍລິສັດ ​​ແສງ​ເພັດ ​ເກັບ​ກູ້​ລະ​ເບີດ, ປະດັບຫຼຽນກາແຮງງານ ໃຫ້ແກ່ ທ່ານ ປະສິດໄຊ ຫຼວງໂຄດ ປະທານສະຫະພັນບິນລຽດ-ສະນຸກເກີ, ປະດັບຫຼຽນກາພັດທະນາ ໃຫ້ແກ່ ທ່ານ ເຂັມຊາດ ພິລາພັນເດຊ ປະທານສະຫະພັນກີລາຢູໂດແຫ່ງຊາດ, ມອບໃບຍ້ອງຍໍລັດຖະບານ ໃຫ້ແກ່ສະໜາມກ໊ອຟເລັກວິວວຽງຈັນ ແລະ ບໍລິສັດ ເບຍລາວ ຈຳກັດ ທີ່ມີຜົນງານດີເດັ່ນ ໃນການປະກອບສ່ວນອຸປະຖຳຄະນະນັກກີລາລາວ ຢ່າງ​ສົມ​ກຽດ. ພ້ອມ ນັ້ນ, ຍັງໄດ້ປະດັບຫຼຽນໄຊແຮງງານ ຊັ້ນ 2 ໃຫ້ຈຳນວນ 13 ທ່ານ ແລະ 4 ກົມກອງ, ຫຼຽນໄຊແຮງງານ ຊັ້ນ 3 ຈຳນວນ 34 ທ່ານ ແລະ 2 ກົມກອງ, ແລະ ຫຼຽນກາແຮງງານ ຈຳນວນ 61 ທ່ານ ແລະ 6 ກົມກອງ ທີ່ມີຜົນງານ ແລະ ຄຸນງາມຄວາມດີ ປະກອບສ່ວນທາງດ້ານເຫື່ອແຮງ ແລະ ສະຕິປັນຍາ ເຂົ້າຮ່ວມການແຂ່ງຂັນກີລາ ຄັ້ງທີ 29 ເຊິ່ງນັກກີລາສາມາດຍາດໄດ້ 2 ຫຼຽນຄຳ, 3 ຫຼຽນເງິນ ແລະ 21 ຫຼຽນທອງ ສ້າງໄດ້ຊື່ສຽງ ແລະ ກຽດສັກສີໃຫ້ກັບປະເທດຊາດ​.

ໃນໂອກາດດຽວກັນ, ທ່ານລັດຖະມົນຕີ ກະຊວງ ສສກ ໄດ້​ເນັ້ນ​ໜັກ​ວ່າ: ​ເພື່ອ​ສືບ​ຕໍ່​ສ້າງ​ຜົນງານ​ໃນ​ການ​ເຂົ້າ​ຮ່ວມ​ແຂ່ງຂັນ​ກີລາ​ລະດັບພາກ​ພື້ນ ​ແລະ ສາກົນ ​ໃນ​ຕໍ່ໜ້າ​ ໃຫ້​ນັບ​ມື້​ດີ​ຂຶ້ນ​ກວ່າ​​ເກົ່າ. ສະ​ນັ້ນ, ຂໍຮຽກຮ້ອງ​ໃຫ້​ກົມ​ວິຊາ​ການ​ກີລາ, ຄອລ ຮ່ວມ​ກັບ​ບັນດາ​ສະຫະພັນ​ກີລາ​ແຫ່ງ​ຊາດ ຈັດ​ຖອດ​ຖອນ​ບົດຮຽນ​ກັນ​ໂດຍ​ຄົ້ນຄວ້າ​ຊອກ​ຫາ​​ໃຫ້​ເຫັນ​ໄດ້​ວິທີ​ການ​ພັດທະນາ​ກີລາ​ລາວ​ ໃຫ້​ເດັ່ນ​ຂຶ້ນ​ກວ່າ​ເກົ່າ ​ໂດຍ​ສະ​ເພາະ​ໃນ​ຕໍ່ໜ້າ​ນີ້ ກຽມ​ຮ່ວມ​ງານ​ແຂ່ງຂັນ​ກີລາ​ເອຊຽນ ​ເກ​ມ ຄັ້ງ​ທີ 18 ທີ່​ປະ​ເທດ​ອິນ​ໂດ​ເນ​ເຊຍ ​ລະຫວ່າງ​ວັນ​ທີ 18 ສິງຫາ ຫາ 2 ກັນຍາ​ 2018 ​ແລະ ຮ່ວມ​ງານ​ກີລາ​ຊີ​ເກ​ມ ຄັ້ງ​ທີ 30 ທີ່​ປະ​ເທດ​ຟີລິບ​ປິນ ​ໃນ​ປີ 2019 ຄວນ​ມີ​ການ​ປືກສາ​ຫາລື​ເພື່ອ​ຊອກ​ທຸກ​ເງື່ອນ​ໄຂ​ໃນ​ການ​ສ້າງ, ປັບປຸງ​ຄະນະ​ບໍລິຫານ​ສະຫະພັນ​ກີລາ​ໃຫ້​ໄດ້​ຕາມ​ເປົ້າ​ໝາຍ, ຍົກ​ລະດັບ​ຄວາມ​ຮູ້​ຄວາມ​ສາມາດ​ໃຫ້​ແກ່​ຄູ​ເຝິກ, ກຳມະການ​ຕັດສິນ ​ໃນ​ລະດັບ​ອາຊຽນ, ​ເອ​ເຊຍ ​ແລະ ສາກົນ ພ້ອມ​ທັງ​ເກັບ​ຕົວນັກ​ກີລາ​ເຂົ້າ​ສູນ​ເຝິກຊ້ອມ​ຢ່າງ​ຕໍ່​ເນື່ອງ, ຍາວ​ນານ ​ເພື່ອ​ເຮັດ​ໃຫ້​ມີ​ຄວາມ​ພ້ອມ​ທາງ​ດ້ານ​ເຕັກນິກ, ຮ່າງກາຍ, ຈິດ​ໃຈ ​ແລະ ຄວາມ​ເຂັ້ມ​ແຂງ​ອື່ນໆ​ອີກ.

Advertisement Replay Ad

ຂໍຂອບໃຈ

ຂໍ້ມູນ : ໜັງສືພິມ ສຶກສາ-ກີລາ

ນັກສຶກສາລາວ ຍາດໄດ້ຫຼຽນຄຳທີ 2 ຈາກແລ່ນ-ລານ ໃນງານ ມ ອາຊຽນ ທີ່ມຽນມາ

ນັກສຶກສາລາວ ຍາດໄດ້ຫຼຽນຄຳທີ 2 ຈາກແລ່ນ-ລານ ໃນງານ ມ ອາຊຽນ ທີ່ມຽນມາ

ມາແຮງ! ແຟນບານມາເລເຊຍ ເກືອບ 50,000 ຄົນ ແຫ່ຊື້ປີ້ເຂົ້າຊົມຮອບຊີງກັບຫວຽດນາມ image

ມາແຮງ! ແຟນບານມາເລເຊຍ ເກືອບ 50,000 ຄົນ ແຫ່ຊື້ປີ້ເຂົ້າຊົມຮອບຊີງກັບຫວຽດນາມ

“ທຳມະລັກ” ນັກກັອບມື 1 ລາວ ຄວ້າແຊ້ມທີ່ປະເທດໄທ ກ່ອນລຸຍ ມ ອາຊຽນ

“ທຳມະລັກ” ນັກກັອບມື 1 ລາວ ຄວ້າແຊ້ມທີ່ປະເທດໄທ ກ່ອນລຸຍ ມ ອາຊຽນ

ກອງທັບ ຄອງແຊ້ມ ທີມຍິງ-ຊາຍ ບານສົ່ງທົ່ວປະເທດ 2018

ກອງທັບ ຄອງແຊ້ມ ທີມຍິງ-ຊາຍ ບານສົ່ງທົ່ວປະເທດ 2018

ນັກສຶກສາລາວ ຄວ້າມາໄດ້ແລ້ວ 1 ຫລຽນຄຳ ງານກິລາມະຫາວິທະຍາໄລອາຊຽນ 2018 ທີ່ ປະເທດມຽນມາ

ນັກສຶກສາລາວ ຄວ້າມາໄດ້ແລ້ວ 1 ຫລຽນຄຳ ງານກິລາມະຫາວິທະຍາໄລອາຊຽນ 2018 ທີ່ ປະເທດມຽນມາ

ເທ​ຄວັນ​ໂດ​ແຫ່ງຊາດ ສົ່ງກຳມະການ​ລາວ ຮ່ວມ​ສອບ​ເສັງ ກຳມະການ​ຕັດສິນ​ນາໆ​ຊາດ ທີ່​ປະ​ເທ​ດ​ໄທ

ເທ​ຄວັນ​ໂດ​ແຫ່ງຊາດ ສົ່ງກຳມະການ​ລາວ ຮ່ວມ​ສອບ​ເສັງ ກຳມະການ​ຕັດສິນ​ນາໆ​ຊາດ ທີ່​ປະ​ເທ​ດ​ໄທ

ຫວຽດນາມ ຊະນະ ຟີລິບປິນ 2-1 ເຂົ້າຮອບຊີງຊະນະເລີດໄປພົບ ມາເລເຊຍ AFF Suzuki Cup 2018 image

ຫວຽດນາມ ຊະນະ ຟີລິບປິນ 2-1 ເຂົ້າຮອບຊີງຊະນະເລີດໄປພົບ ມາເລເຊຍ AFF Suzuki Cup 2018

2 ສາວລາວ ຄວ້າ​ຫຼຽນ​ເງິນ ການແຂ່ງຂັນຢູ​ໂດ​ ອາຊີ ​ໂອ​ເພັນ ຮົງ​ກົງ 2018

2 ສາວລາວ ຄວ້າ​ຫຼຽນ​ເງິນ ການແຂ່ງຂັນຢູ​ໂດ​ ອາຊີ ​ໂອ​ເພັນ ຮົງ​ກົງ 2018

ຝັນຮ້າຍ! ໄທຖືກມາເລເຊຍດັບເຄື່ອງ ອົດມຸ່ງໜ້າສູ່ຮອບຊີງຊະນະເລີດ AFF Suzuki Cup 2018

ຝັນຮ້າຍ! ໄທຖືກມາເລເຊຍດັບເຄື່ອງ ອົດມຸ່ງໜ້າສູ່ຮອບຊີງຊະນະເລີດ AFF Suzuki Cup 2018

ກອງທັບ ຊະນະ ປກສ ແຂວງວຽງຈັນ 3-0 ເຊັດ ຄູ່ເປີດສະໜາມ ບານສົ່ງ ທົ່ວ​ປະ​ເທດ 2018

ກອງທັບ ຊະນະ ປກສ ແຂວງວຽງຈັນ 3-0 ເຊັດ ຄູ່ເປີດສະໜາມ ບານສົ່ງ ທົ່ວ​ປະ​ເທດ 2018

ພຽງເດືອນດຽວ ທີມຊາດລາວຕົກອັນດັບຈາກ 181 ເປັນ 184 ຂອງໂລກ ແລະ ຢູ່ ອັນດັບ 9 ໃນອາຊຽນ

ພຽງເດືອນດຽວ ທີມຊາດລາວຕົກອັນດັບຈາກ 181 ເປັນ 184 ຂອງໂລກ ແລະ ຢູ່ ອັນດັບ 9 ໃນອາຊຽນ

ຈັບສະຫຼາກແບ່ງກຸ່ມແລ້ວ ບານ​ສົ່ງ ​ທົ່ວ​ປະ​ເທດ ຊີງ​ຂັນ​ປະທານ​ ສບລ 2018

ຈັບສະຫຼາກແບ່ງກຸ່ມແລ້ວ ບານ​ສົ່ງ ​ທົ່ວ​ປະ​ເທດ ຊີງ​ຂັນ​ປະທານ​ ສບລ 2018

ມ່ວນແນ່ນອນ! ບັດເຂົ້າຊົມ ມາເລເຊຍ ພົບ ໄທ ຂາຍໝົດພາຍໃນວັນດຽວ ເຕະບານຊີງແຊ້ມອາຊຽນ 2018 ຮອບ 4 ທີມ

ມ່ວນແນ່ນອນ! ບັດເຂົ້າຊົມ ມາເລເຊຍ ພົບ ໄທ ຂາຍໝົດພາຍໃນວັນດຽວ ເຕະບານຊີງແຊ້ມອາຊຽນ 2018 ຮອບ 4 ທີມ

ນັກກີລາລາວມີເຮ! ອີສະປອດກຽມພ້ອມບັນຈຸໃນ ຊີເກມ 2019 ແລະ ເອຊຽນເກມ 2022

ນັກກີລາລາວມີເຮ! ອີສະປອດກຽມພ້ອມບັນຈຸໃນ ຊີເກມ 2019 ແລະ ເອຊຽນເກມ 2022

ວໍວິນາມລາວ ພ້ອມສົ່ງ 7 ລາຍການ ລ່າຫຼຽນຄໍາ ກິລາ ມ ອາຊຽນ 2018 ທີ່ມຽນມາ

ວໍວິນາມລາວ ພ້ອມສົ່ງ 7 ລາຍການ ລ່າຫຼຽນຄໍາ ກິລາ ມ ອາຊຽນ 2018 ທີ່ມຽນມາ

5 ປະເດັນ ທີມຊາດລາວ ຕົກຮອບ “ເອເອຟເອຟ ຊູຊຸກິ ຄັບ 2018” ແບບບໍ່ມີແຕ້ມ

5 ປະເດັນ ທີມຊາດລາວ ຕົກຮອບ “ເອເອຟເອຟ ຊູຊຸກິ ຄັບ 2018” ແບບບໍ່ມີແຕ້ມ

ນັກສຶກສາລາວ ຄວ້າລາງວັນ 5 ປະເພດ ໃນງານແຂ່ງຂັນກີລາ ນັກສຶກສາອາຊຽນ ຄັ້ງທີ 4 ທີ່ປັກກິ່ງ

ນັກສຶກສາລາວ ຄວ້າລາງວັນ 5 ປະເພດ ໃນງານແຂ່ງຂັນກີລາ ນັກສຶກສາອາຊຽນ ຄັ້ງທີ 4 ທີ່ປັກກິ່ງ

ມຽນມາ ຂຶ້ນເປັນທີ 1 ຂອງກຸ່ມ ເອ ລາຍການ ເອເອຟເອຟ ຊູຊຸກິ ຄັບ 2018

ມຽນມາ ຂຶ້ນເປັນທີ 1 ຂອງກຸ່ມ ເອ ລາຍການ ເອເອຟເອຟ ຊູຊຸກິ ຄັບ 2018

"ພິທັກ" ກອງກາງທີມຊາດລາວກ່າວ ຍິນດີທີ່ໄດ້ "ຊຸນດຣາມູທີ" ມາເປັນຄູຝຶກທີມຊາດ

"ພິທັກ" ກອງກາງທີມຊາດລາວກ່າວ ຍິນດີທີ່ໄດ້ "ຊຸນດຣາມູທີ" ມາເປັນຄູຝຶກທີມຊາດ

ນາຍົກສະເປນເລັງຈັບມື ປອກຕຸຍການ-ໂມຣັອກໂກ ຍື່ນປະມູນຈັດບານໂລກ 2030

ນາຍົກສະເປນເລັງຈັບມື ປອກຕຸຍການ-ໂມຣັອກໂກ ຍື່ນປະມູນຈັດບານໂລກ 2030

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ