ວັນອັງຄານ ທີ 11 ທັນວາ 2018

ເຫດການໃຫຍ່ສະເທືອນໂລກໃນ 5 ເດືອນຕົ້ນປີ 2018 ທີຜ່ານມາ ທີ່ທ່ານຄວນຮູ້

ເຫດການໃຫຍ່ສະເທືອນໂລກໃນ 5 ເດືອນຕົ້ນປີ 2018 ທີຜ່ານມາ ທີ່ທ່ານຄວນຮູ້
S! Muan

ສະໜັບສະໜູນເນື້ອຫາ

ເຄິ່ງປີທຳອິດຂອງປີ 2018 ທີ່ຜ່ານມາ ມີເຫດການໃຫຍ່ໆທີ່ສ້າງຄວາມຮືຮາໃຫ້ແກ່ຊາວໂລກເກີດຂຶ້ນຫຼາຍເຫດການ ພ້ອມທັງເປັນການປ່ຽນແປງຄັ້ງໃຫຍ່ຂອງໂລກນຳອີກ. ໃນນັ້ນ ປະຕິເສດບໍ່ໄດ້ວ່າ ສະຖານະການນິວເຄຼຍໃນແຫຼມເກົາຫຼີເປັນເຫດການສຳຄັນທີ່ຊາວໂລກຈັບຕາເປັນພິເສດ ໂດຍສະເພາະຫຼັງຈາກທີ່ອອກມາປະກາດວ່າຈະຢຸດຕິການທົດລອງນິວເຄຼຍ ແລະ ມີແຜນທີ່ຈະພົບປະກັບຝ່າຍສະຫະລັດອາເມລິກາຢ່າງເປັນທາງການໃນເດືອນມິຖຸນານີ້.

ນອກຈາກນັ້ນ ກໍມີອີກ 3-4 ເລື່ອງທີ່ເປັນທີ່ຈັບຕາໃນໄລຍະຜ່ານມາ ບໍ່ວ່າຈະເປັນການເຂົ້າຮ່ວມການແຂ່ງຂັນມະຫະກຳກີລາໂອລິມປິກລະດູໜາວຂອງເກົາຫຼີເໜືອ, ການປະຊຸມຄັ້ງປະຫວັດສາດຂອງເກົາຫຼີເໜືອ ແລະ ເກົາຫຼີໃຕ້ເພື່ອຢຸດຕິສົງຄາມສອງຊາດ, ຈີນປັບແກ້ລັດຖະທຳມະນູນເພື່ອໃຫ້ ສີຈິ້ນຜິງ ສາມາດດຳລົງຕຳແໜ່ງໄດ້ຈົນກວ່າຈະເສຍຊີວິດ ຫຼື ລາອອກ ແລະ ການເລືອກຕັ້ງນາຍົກລັດຖະມົນຕີຂອງມາເລເຊຍເມື່ອອາທິດກ່ອນ.

1.ເກົາຫຼີເໜືອເຂົ້າຮ່ວມການແຂ່ງຂັນໂອລິມປິກລະດູໜາວຢູ່ ພະຢອງຊານ

ເມື່ອຕົ້ນເດືອນມັງກອນ 2018, ເກົາ​ຫຼີ​ເໜືອໄດ້​ຕອບ​ຮັບ​ເຂົ້າ​ຮ່ວມ​ການເຈລະຈາ​ກັບ​ເກົາ​ຫຼີ​ໃຕ້​ເພື່ອ​ສົ່ງ​ນັກ​ກີລາ​ເຂົ້າ​ຮ່ວມ​ການ​ແຂ່ງ​ຂັນມະຫະກຳໂອ​ລິມ​ປິກ​ລະດູ​ໜາວ​ໃນ​ເດືອນ​ກຸມພາ​ ເຊິ່ງຖື​ເປັນ​ສັນຍາ​ນ​ທີ່​ດີ​ຢ່າງ​ຕໍ່​ເນື່ອງ​ຂອງ​ການ​ຟື້ນ​ຟູ​ຄວາມ​ສຳພັນ​ລະຫວ່າງ​ສອງ​ເກົາ​ຫຼີ.​

ການເຈລະຈາຈັດຂຶ້ນທີ່ໝູ່ບ້ານພັນມຸນຈອມ ບໍລິເວນຊາຍແດນປອດອາວຸດຂອງທັງສອງຊາດ ເຊິ່ງ ຄິມຈອງອຶນ ຜູ້ນຳເກົາຫຼີເໜືອກ່າວວ່າ ການ​ສົ່ງ​ນັກ​ກີລາ​ເຂົ້າ​ຮ່ວມ​ໂອ​ລິມ​ປິກ​ທີ່ພະຢອງ​ຊາງ​ ຈະ​ເປັນ​ໂອ​ກາດ​ອັນ​ດີ​ທີ່​ຊ່ວຍ​ສ້າງ​ຄວາມ​ສາ​ມັກ​ຄີ​ໃນ​ໝູ່​ຊາວ​ເກົາ​ຫຼີ​ເໜືອ​. ແນວໃດ​ກໍ​ຕາມ​ ນອກ​ເໜືອ​ຈາກ​ການເຈລະຈາ​ເລື່ອງ​ໂອ​ລິມ​ປິກ​ ຍັງ​ມີ​ການ​ໂອ້ລົມກັນ​ເລື່ອງ​ການ​ພັດທະນາ​ຄວາມ​ສຳພັນ​ລະຫວ່າງ​ເກົາ​ຫຼີ​ເໜືອ​ ແລະ​ ໃຕ້​ອີກດ້ວຍ​.

ທັງນີ້ ໃນມື້ເປີດງານມະະກຳກີລາໂອລິມປິກລະດູໜາວເມື່ອເດືອນກຸມພາ ທັງສອງເກົາຫຼີກໍໄດ້ສ້າງສຽງຮືຮາໄປທົ່ວໂລກ ເມື່ອຂະບວນນັກກີລາຂອງທັງສອງຊາດປະກົດໂຕສູ່ສາຍຕາຊາວໂລກດ້ວຍທຸງຮວມຊາດ ໃນ​ຖານະ​ປະເທດ​ “ເກົາ​ຫຼີ​” ບໍ່​ໄດ້​ແບ່ງ​ແຍກ​ເປັນ​ເກົາ​ຫຼີ​ເໜືອ​ ຫຼື ​ເກົາ​ຫຼີ​ໃຕ້​.

2.ຈີນປັບປຸງລັດຖະທຳມະນູນ ເພີ່ມຂໍ້ກຳນົດໃຫ້ ສີຈິ້ນປິງ ສາມາດດຳລົງຕຳແໜ່ງປະທານປະເທດຈີນໄດ້ຈົນກວ່າຈະເສຍຊີວິດ ຫຼື ລາອອກເອງ

ເມື່ອວັນທີ 11 ມີນາ 2018, ກອງປະຊຸມສະພາປະຊາຊົນແຫ່ງຊາດປະຈຳປີຄັ້ງທີ 13 ທີ່ສາລາປະຊາຄົມ ລັດຖະສະພາຈີນໃນນະຄອນປັກກິ່ງ, ສະພາປະຊາຊົນແຫ່ງຊາດຂອງຈີນ ຫຼື NPC (National People's Congress) ໄດ້ມີມະຕິໃຫ້ ສີຈິ້ນຜິງ ປະທານປະເທດແຫ່ງສາທາລະນະລັດປະຊາຊົນຈີນ ສາມາດດຳລົງຕຳແໜ່ງຕະຫຼອດຊີບ ຫຼື ຈົນກວ່າທ່ານຈະສະຫຼະຕຳແໜ່ງ.

ກ່ອນໜ້ານນີ້ ລັດຖະທຳມະນູນຂອງ ສປ ຈີນກຳນົດວ່າ ປະທານປະເທດຈະສາມາດດຳລົງຕຳແໜ່ງໄດ້ບໍ່ເກີນ 5 ປີເທົ່ານັ້ນ ແລະ ໄດ້ເລີ່ມກຳນົດວ່າ ປະທານປະເທດແຕ່ລະຄົນຈະຢູ່ໃນຕຳແໜ່ງໄດ້ບໍ່ເກີນ 2 ສະໄໝ ຫຼື 10 ປີ ມາຕັ້ງແຕ່ໄລຍະປີ 1990 ເຊິ່ງສີຈິ້ນຜິງດຳລົງຕຳແໜ່ງປະທານປະເທດແຫ່ງສາທາລະນະລັດປະຊາຊົນຈີນຄົນທີ 7 ມາຕັ້ງປຕ່ປີ 2013 ແລະ ມີກຳນົດຈະມົດວາລະບໍລິຫານປະເທດໃນປີ 2023 ທີ່ຈະມາຮອດນີ້. ພັກກອມມູນິດຈີນເອງ ກໍມີແນວຄິດເລື່ອງການປ່ຽນແປງລັດຖະທຳມະນູນໃນຂໍ້ດັ່ງກ່າວມາດົນແລ້ວ ຈົນນຳມາສູ່ການປ່ຽນແປງຄັ້ງປະຫວັດສາກສຳລັບວາລະດຳລົງຕຳແໜ່ງຂອງສີຈິ້ນຜິງໃນຄັ້ງນີ້.

3.ເກົາຫຼີເໜືອຫັນຫົວເຮືອ ກຽມປິດຖານທົດລອງອາວຸດນິວເຄຼຍ ມຸ່ງໜ້າພັດທະນາເສດຖະກິດສັງຄົມນິຍົມແບບເຕັມກຳລັງ

ແຫຼມເກົາຫຼີເພີ່ມທະວີຄວາມເຄັ່ງຕຶງຂຶ້ນເລື້ອໆ ຫຼັງຈາກທີ່ເກົາຫຼີເໜືອທົດສອບຍິງຂີປະນາວຸດຫຼາຍຄັ້ງເມື່ອປີ 2017 ເຮັດໃຫ້ເກີດຂໍ້ພິພາດກັບສະຫະລັດອາເມລິກາ, ເກົາຫຼີໃຕ້ ແລະ ຍີ່ປຸ່ນເລື້ອຍມາ ຈົນພາຍຫຼັງທີ່ມີການເຈລະຈາກັບເກົາຫຼີໃຕ້ເມື່ອບໍ່ເທົ່າໃດອາທິດທີ່ຜ່ານມາ, ເກົາຫຼີເໜືອກໍໄດ້ອອກມາປະກາດຢຸດການທົດລອງອາວຸດນິວເຄຼຍ ພ້ອມທັງຕັ້ງເປົ້າເລັ່ງພັດທະນາເສດຖະກິດແບບສັງຄົມນິຍົມ.

ຄິມ​ຈອງ​ອຶນ​ ຜູ້​ນຳ​ເກົາ​ຫຼີ​ເໜືອ​ ປະ​ກາດ​ຄວາມ​ຕັ້ງ​ໃຈ​ຂອງ​ທ່ານ​ໃນ​ການ​ປະ​ຊຸມ​ສະ​ມັດ​ຊາ​ໃຫຍ່​ພັກ​ແຮງ​ງານ​ແຫ່ງ​ເກົາ​ຫຼີ​ (WPK) ຄັ້ງ​ທີ​ 7 ວາ​ລະ​ທີ​ 3 ເມື່ອ​ວັນທີ 20 ເມ​ສາ 2018 ທີ່ຜ່ານມາ ໂດຍ​ຮຽກ​ຮ້ອງ​ໃຫ້​ມີ​ການ​ “ສ້າງ​ເສດຖະກິດ​ແບບ​ສັງຄົມ​ນິຍົມ​” ໃນ​ປະເທດ​ເກົາ​ຫຼີ​ເໜືອ​ ເນື່ອງ​ຈາກ​ເວລາ​ນີ້​ພາລະ​ກິດ​ພັດທະນາ​ອາ​ວຸດ​ນິວ​ເຄຼຍ​​ສຳເລັດ​​ແລ້ວ​.

ພ້ອມກັນນັ້ນ ເມື່ອຕົ້ນເດືອນພຶດສະພານີ້ ເກົາຫຼີເໜືອໄດ້ອອກມາປະກາດວ່າ ຈະເລີ່ມຮືຖອນຖານທົດລອງອາວຸດນິວເຄຼຍໃນວັນທີ 23-25 ພຶດສະພານີ້ ໂດຍຈະມີການເຊີນຜູ້ຊ່ຽວຊານຈາກເກົາຫຼີໃຕ້ ແລະ ສະຫະລັດເຂົ້າຮ່ວມ. ພ້ອມກັນນັ້ນ ກໍຈະ​ເຊີນ​ຜູ້​ສື່​ຂ່າວ​ຈາກ​ເກົາ​ຫຼີ​ໃຕ້​, ຈີນ,​ ສະ​ຫະລັດ,​ ອັງ​ກ​ິດ​ ແລະ​ຣັດ​ເຊຍ​ໄປຮ່​ວມ​ເປັນ​ສັກ​ຂີ​ພະຍານ​ອີກດ້ວຍ​ ເພື່ອ​ສະແດງ​ເຖິງ​ຄວາມ​ໂປ່ງ​ໃສ​.

4.ການປະຊຸມຄັ້ງປະຫວັດສາດຂອງເກົາຫຼີເໜືອ ແລະ ເກົາຫຼີໃຕ້

ເມື່ອວັນທີ 27 ເມສາ 2018 ກອງປະຊຸມສຸດຍອດຄັ້ງປະຫວັດສາດຂອງສອງເກົາຫຼີໄດ້ໄຂຂຶ້ນ ໂດຍທ່ານ ມຸນແຈອິນ ປະທານາທິບໍດີເກົາຫຼີໃຕ້ ແລະ ທ່ານ ຄິມຈອງອຶນ ຜູ້ນຳສູງສຸດຂອງເກົາຫຼີເໜືອໄດ້ພົບປະ ແລະ ຍ່າງຜ່ານເສັ້ນຊາຍແດນຂອງກັນ ແລະ ກັນ ທີ່ເຂດປອດທະຫານ ໝູ່ບ້ານພັນມຸນຈອມ.

ໂດຍໃນຊ່ວງບ່າຍຂອງມື້ດຽວກັນ ປະ​ທາ​ນາ​ທິບໍ​ດີ​ມຸນ​ແຈ​ອິນ​ຂອງ​ເກົາ​ຫຼີ​ໃຕ້ ​ແລະ ​ຄິມ​ຈອງ​ອຶນ​ ຜູ້​ນຳ​ເກົາ​ຫຼີ​ເໜືອ​ ໄດ້ຮ່ວມ​ກັນ​ປູກ​ຕົ້ນ​ໄມ້​ ທີ່ເຂດ​ປອດ​ທະຫານ​ບໍລິເວນ​ຊາຍແດນ​ສອງ​ເກົາ​ຫຼີ​ ກ່ອນ​ຈະ​ເຂົ້າ​ປະ​ຊຸ​ມຫາ​ລືຄັ້ງ​ປະຫວັດສາດ​ຕໍ່​ໃນ​ຊ່ວງ​ບ່າຍ.​ ລາຍ​ງານ​ລະ​ບຸ​ວ່າ​ ການ​ປູກ​ຕົ້ນ​ໄມ້​ຮ່ວມ​ກັນ​ລະຫວ່າງ​ສອງ​ຜູ້ນຳໃນຄັ້ງ​ນີ້​ໃຊ້​ດິນ ​ແລະ​ນ້ຳ​ຈາກ​ທີ່​ນຳ​ມາ​ຈາກ​ທັງ​ປະເທດ​ເກົາ​ຫຼີ​ເໜືອ​ ແລະ​ເກົາ​ຫຼີ​ໃຕ້​ ເພື່ອ​ເປັນ​ສັນຍາລັກ​ແທນ​ຄວາມ​ປາຖະໜາ​ຂອງ​ທັງ​ສອງ​ປະເທດ​ທີ່​ຈະ​ສ້າງ​ສັນ​ຕິ​ພາບ ​ແລະ​ຄວາມ​ຮຸ່ງ​ເຮືອງ​ເໜືອ​ແຫຼມ​ເກົາ​ຫຼີ.​

​ຜົນ​ຂອງ​ການ​ປະ​ຊຸມ​ຄັ້ງນີ້​ ເກົາ​ຫຼີ​ເໜືອ ​ແລະ​ເກົາ​ຫຼີ​ໃຕ້​ໄດ້​ມີ​ການ​ລົງ​ນາມ​ໃນຖະແຫຼງ​ການ​​ຮ່ວມ​ເພື່ອ​ປົດ​ອາ​ວຸດ​ນິວ​ເຄຼຍ​​ໃຫ້​ໝົດ​ໄປ​ຈາກ​ແຫຼມ​ເກົາ​ຫຼີ.​ ນັບ​ເປັນ​ອີກ​ກ້າວ​ໃຫຍ່​ຂອງ​ສັນ​ຕິ​ພາບ​ເໜືອ​ພາກພື້ນ​ ແລະ​ເປັນ​ອີກ​ກ້າວ​ຂອງ​ປະຫວັດສາດ​ໜ້າ​ໃໝ່​ຂອງ​ໂລກ.​

5.ເລືອກຕັ້ງນາຍົກລັດຖະມົນຕີມາເລເຊຍພິກລັອກ ມະຫາເທ ແກນນຳແນວຮ່ວມພັກຝ່າຍຄ້ານ ຊະນະການເລືອກຕັ້ງ

ຜົນ​ການ​ເລືອກ​ຕັ້ງ​ມາເລເຊຍພິກລັອກ​ຄັ້ງ​ໃຫຍ່​ ແນວ​ຮ່ວມ​ພັກ​ຝ່າຍ​ຄ້ານ​ທີ່​ມີ​ມະຫາ​ເທ​​ ໂມ​ຮຳ​ໝັດ​ເປັນ​ແກນ​ນຳ​ຄວ້າໄຊຊະນະ​ໄດ້​ທີ່​ນັ່ງ​ສຽງ​ຂ້າງຫຼາຍ​ກຽມ​ຈັດ​ຕັ້ງ​ລັດຖະບານ​ ຢຸດຕິ​ການ​ປົກຄອງ​ດົນ​ກວ່າ​ 6 ທົດສະ​ວັດ​ຂອງ​ແນວ​ຮ່ວມ​ພັກ​ລັດຖະບານ.​

ເມື່ອວັນທີ 10 ພຶດສະພາທີ່ຜ່ານມາ ສື່ຕ່າງປະເທດລາຍງານວ່າ ມະຫາ​ເທ​ ​ໃນ​ໄວ​ 92 ປີ​ ​ກາຍ​ເປັນ​ນາຍົກ​ລັດຖະມົນຕີ​ທີ່​ມີ​ອາຍຸຫຼາຍ​ທີ່ສຸດ​ໃນ​ໂລກ​ ເຊິ່ງທ່ານເຄີຍ​ເປັນ​ສ່ວນ​ສຳຄັນ​ຂອງ​ແນວ​ຮ່ວມ​ພັກ​ລັດຖະບານ​ບີ​ເອັນ​ ແລະ​ເຄີຍ​ເປັນ​ຜູ້​ໃຫ້​ຄຳ​ປຶກ​ສາ​ ແລະ​ເ​ປັ​ນຄູ​ທາງ​ການ​ເມືອງ​ໃຫ້ແກ່​ ທ່ານ ​ນາ​ຈິບ​ ຣາຊັກ ອະດີດນາຍົກ ແຕ່​ໄດ້​ຖອນ​ໂຕ​ອອກຈາກ​ແນວ​ຮ່ວມ​ໃນ​ປີ​ 2016 ເພາະ​ຂັດ​ແຍ້ງ​ກັບ​ ທ່ານ ​ນາ​ຈິບ ​ໃນ​ຫຼາຍ​ເລື່ອງ​ນຳກັນ​ ໂດຍ​ສະເພາະ​ເລື່ອງ​ທີ່​ ທ່ານ ​ນາ​ຈິບ ​ຖືກ​ກ່າວ​ຫາ​ວ່າ​ພົວ​ພັນ​ການ​ທຸຈະລິດ​ ນຳ​ເງິນ​ຈາກ​ກອງ​ທຶນ​ວັນ​ເອັມ​ດີ​ບີ​ຂອງ​ລັດຖະບານ​ເຂົ້າ​ກະ​ເປົ໋າ​ໂຕ​ເອງ​ເປັນ​ເງິນ​ກວ່າ​ 700 ລ້ານ​ໂດລາ​ ເຊິ່ງ​ຂໍ້ກ​່າວ​ຫາ​ນີ້​ມີ​ສ່ວນ​ຢ່າງ​ສຳຄັນ​ທີ່​ເຮັດໃຫ້​ຄະ​ແນນ​ສຽງ​ຂອງ​ແນວ​ຮ່ວມ​ພັກ​ລັດຖະບານ​ຫຼຸດລົງ​ຢ່າງສູງ​ ໂດຍ​ສະເພາະ​ໃນ​ເຂດ​ເມືອງ​ໃຫຍ່.​

ຜົນ​ການ​ເລືອກ​ຕັ້ງ​ເທື່ອ​ນີ້​ນັບ​ວ່າ ​ນອກ​ເໜືອ​ຄວາມ​ຄາດ​ໝາຍ​ຂອງ​ຫຼາຍ​ໆ​ຝ່າຍ​ ກ່ອນ​ການ​ເລືອກ​ຕັ້ງ​ ຜົນ​ສຳຫຼວດ​ຂອງ​ທຸກ​ສຳ​ນັກ​ບົ່ງ​ຊີ້​ວ່າ​ ແນວ​ຮ່ວມ​ພັກ​ລັດຖະບານ​ຈະ​ເປັນ​ຝ່າຍ​ໄດ້ຮັບໄຊຊະນະ​ ເນື່ອງ​ຈາກ​ມີ​ການ​ແກ້​ໄຂ​ລະບົບ​ການ​ເລືອກ​ຕັ້ງ​ໃນ​ນາ​ທີ​ສຸດ​ທ້າຍ​ໃຫ້​ເອື້ອ​ປະໂຫຍດ​ຕໍ່​ຝ່າຍ​ລັດຖະບານ​ຫຼາຍກວ່າ.​ ໄຊ​ຊະນະ​ຄັ້ງ​ນີ້​ຂອງ​ແນວ​ຮ່ວມ​ພັກ​ຝ່າຍ​ຄ້ານ​ພີ​ເອັດ​ ຖື​ເປັນ​ການສ້າງ​ປະຫວັດສາດ​ໜ້າ​ໃໝ່​ໃຫ້​ກັບ​ມາ​ເລ​ເຊຍ​ ເຊິ່ງ​ປົກຄອງ​ໂດຍ​ແນວ​ຮ່ວມ​ລັດຖະບານ​ບີ​ເອັນ​ມາ​ຍາວ​ນານ​ເຖິງ​ 61 ປີ​ນັບ​ຕັ້ງ​ແຕ່​ໄດ້ຮັບ​ເອກະລາດ​ຈາກ​ອັງ​ກ​ິດ​ເມື່ອ​ປີ​ 1957 ​ມະຫາ​ເທ​​ເອງ​ເຄີຍ​ດຳ​ລົງ​ຕຳແໜ່ງ​ນາຍົກ​ລັດຖະມົນຕີ​ພາຍໃຕ້​ພັກ​ນີ້​ຢ່າງ​ຍາວ​ນານ​ເຖິງ​ 22 ປີ​ຈົນກະທັ້ງກະສຽນ​ທາງ​ການ​ເມືອງ​ ເຖິງແມ່ນ​ວ່າຈະ​ຍັງມີ​ບົດ​ບາດ​ຫຼາຍ.​

Advertisement Replay Ad
ອີຢິບ ກຽມດຳເນີນຄະດີໜຸ່ມເດນມາກ ທີ່ໂພສວິດີໂອຂອງຕົນເອງມີເພດສຳພັນຢູ່ເທິງຈອມປີຣາມິດ

ອີຢິບ ກຽມດຳເນີນຄະດີໜຸ່ມເດນມາກ ທີ່ໂພສວິດີໂອຂອງຕົນເອງມີເພດສຳພັນຢູ່ເທິງຈອມປີຣາມິດ

ເລີ່ມປັບລາຄານໍ້າມັນລົງ ໃນຂອບເຂດທົ່ວປະເທດ ເຊົ້າມື້ນີ້

ເລີ່ມປັບລາຄານໍ້າມັນລົງ ໃນຂອບເຂດທົ່ວປະເທດ ເຊົ້າມື້ນີ້

ເປີດໃຫ້ຈອງພັນທະບັດຂອງລັດຖະບານ ຜ່ານຕະຫຼາດຫຼັກຊັບລາວ

ເປີດໃຫ້ຈອງພັນທະບັດຂອງລັດຖະບານ ຜ່ານຕະຫຼາດຫຼັກຊັບລາວ

ສ.ເກົາຫຼີ ແລະ ອົງການຢູນິເຊັບໃຫ້ການຊ່ວຍເຫຼືອເດັກນ້ອຍແຂວງອັດຕະປື

ສ.ເກົາຫຼີ ແລະ ອົງການຢູນິເຊັບໃຫ້ການຊ່ວຍເຫຼືອເດັກນ້ອຍແຂວງອັດຕະປື

ບານປາຍ! ຈີນຮຽກໂຕ "ເອກອັກຄະລັດຖະທູດສະຫະລັດ" ເຂົ້າພົບດ່ວນ ປະທ້ວງເຫດຈັບກຸມ ລູກສາວຫົວເຫວີ່ຍ

ບານປາຍ! ຈີນຮຽກໂຕ "ເອກອັກຄະລັດຖະທູດສະຫະລັດ" ເຂົ້າພົບດ່ວນ ປະທ້ວງເຫດຈັບກຸມ ລູກສາວຫົວເຫວີ່ຍ

ລັດຖະມົນຕີ ປກຊ ລາວ ຮັບປາກລັດຖະບານໄທ ຈະຈັດການກຸ່ມສະຫະພັນທະລັດເຖື່ອນຂອງໄທທີ່ເຄື່ອນໄຫວໃນລາວ

ລັດຖະມົນຕີ ປກຊ ລາວ ຮັບປາກລັດຖະບານໄທ ຈະຈັດການກຸ່ມສະຫະພັນທະລັດເຖື່ອນຂອງໄທທີ່ເຄື່ອນໄຫວໃນລາວ

ສະພາ ຮັບຮອງເອົາກົດໝາຍວ່າດ້ວຍຄົນພິການ ສະບັບສ້າງໃໝ່

ສະພາ ຮັບຮອງເອົາກົດໝາຍວ່າດ້ວຍຄົນພິການ ສະບັບສ້າງໃໝ່

ເຢຍລະມັນ ຕິດຕັ້ງໄຟສັນຍານຄົນຍ່າງ “ເອວວິສ ເພຣສລີ”

ເຢຍລະມັນ ຕິດຕັ້ງໄຟສັນຍານຄົນຍ່າງ “ເອວວິສ ເພຣສລີ”

ຝຣັ່ງ ຈັບກຸມ ຜູ້ປະທ້ວງເກືອບ 1,700 ຄົນ ເຫດໂຮມຊຸມນຸມປະທ້ວງທີ່ລັດຖະບານຂຶ້ນອາກອນນໍ້າມັນເຊື້ອໄຟ

ຝຣັ່ງ ຈັບກຸມ ຜູ້ປະທ້ວງເກືອບ 1,700 ຄົນ ເຫດໂຮມຊຸມນຸມປະທ້ວງທີ່ລັດຖະບານຂຶ້ນອາກອນນໍ້າມັນເຊື້ອໄຟ

ສະພາຮັບຮອງເອົາກົດໝາຍວ່າດ້ວຍທະນາຄານທຸລະກິດ ສະບັບປັບປຸງ

ສະພາຮັບຮອງເອົາກົດໝາຍວ່າດ້ວຍທະນາຄານທຸລະກິດ ສະບັບປັບປຸງ

ສະພາແຫ່ງຊາດ ພິຈາລະນາ-ຮັບຮອງ ຮ່າງກົດໝາຍ ວ່າດ້ວຍການດຳເນີນທຸລະກິດ

ສະພາແຫ່ງຊາດ ພິຈາລະນາ-ຮັບຮອງ ຮ່າງກົດໝາຍ ວ່າດ້ວຍການດຳເນີນທຸລະກິດ

ເຈົ້າໜ້າທີ່ກວດພົບນໍ້າຢາດອງສົບ ໃນອາຫານ ຢູ່ຕະຫຼາດສະຫວັນໄຊ ແຂວງສະຫວັນນະເຂດ

ເຈົ້າໜ້າທີ່ກວດພົບນໍ້າຢາດອງສົບ ໃນອາຫານ ຢູ່ຕະຫຼາດສະຫວັນໄຊ ແຂວງສະຫວັນນະເຂດ

ອົງການຈັດຕັ້ງພັກ-ລັດຫວຽດນາມ ເຂົ້າອວຍພອນວັນຊາດລາວ ຄົບຮອບ 43 ປີ

ອົງການຈັດຕັ້ງພັກ-ລັດຫວຽດນາມ ເຂົ້າອວຍພອນວັນຊາດລາວ ຄົບຮອບ 43 ປີ

ອົງການກວດກາລັດຖະບານ ສະຫຼອງວັນຕ້ານການສໍ້ລາດບັງຫຼວງສາກົນ ຄົບຮອບ 15 ປີ

ອົງການກວດກາລັດຖະບານ ສະຫຼອງວັນຕ້ານການສໍ້ລາດບັງຫຼວງສາກົນ ຄົບຮອບ 15 ປີ

ສສຊ ສະເໜີໃຫ້ເອົາໃຈໃສ່ໃນການຄຸ້ມຄອງການແລກປ່ຽນເງິນຕາທີ່ບໍ່ເປັນລະບຽບ

ສສຊ ສະເໜີໃຫ້ເອົາໃຈໃສ່ໃນການຄຸ້ມຄອງການແລກປ່ຽນເງິນຕາທີ່ບໍ່ເປັນລະບຽບ

ແຂວງອັດຕະປື ຜ່ານບົດສຳຫຼວດ ການອອກແບບຄອງຊົນລະປະທານເຂື່ອນເຊປຽນ-ເຊນ້ຳນ້ອຍ

ແຂວງອັດຕະປື ຜ່ານບົດສຳຫຼວດ ການອອກແບບຄອງຊົນລະປະທານເຂື່ອນເຊປຽນ-ເຊນ້ຳນ້ອຍ

ນາຍົກ ພົບປະໂອ້ລົມ ສະມາຊິກສະມາຄົມຜູ້ອາຍຸສູງ ນະຄອນຫຼວງວຽງຈັນ

ນາຍົກ ພົບປະໂອ້ລົມ ສະມາຊິກສະມາຄົມຜູ້ອາຍຸສູງ ນະຄອນຫຼວງວຽງຈັນ

ລັດຖະບານຈະຕິດຕາມການແບ່ງປັນໂກຕາລັດຖະກອນ ໃຫ້ໄປເຖິງເປົ້າໝາຍທີ່ຈຳເປັນແທ້

ລັດຖະບານຈະຕິດຕາມການແບ່ງປັນໂກຕາລັດຖະກອນ ໃຫ້ໄປເຖິງເປົ້າໝາຍທີ່ຈຳເປັນແທ້

ລັດຖະບານ ຈະສຳຫຼວດເສດຖະກິດທົ່ວປະເທດ ຄັ້ງທີ 3

ລັດຖະບານ ຈະສຳຫຼວດເສດຖະກິດທົ່ວປະເທດ ຄັ້ງທີ 3

ຮູ້ຈັກ "ແພເລດຽມ" ໂລຫະທີ່ໃນຕອນນີ້ລາຄາເພີ່ມຂຶ້ນສູງຈົນແພງກວ່າຄຳ ໃນຮອບ 16 ປີ

ຮູ້ຈັກ "ແພເລດຽມ" ໂລຫະທີ່ໃນຕອນນີ້ລາຄາເພີ່ມຂຶ້ນສູງຈົນແພງກວ່າຄຳ ໃນຮອບ 16 ປີ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ