ວັນພະຫັດ ທີ 4 ມິຖຸນາ 2020

7 ເຕັກນິກການ​ໃຊ້​ງານ​ມື​ຖື​ Android ທີ່​ຈະ​ເຮັດໃຫ້​ທຸກ​ຢ່າງ​ງ່າຍ​ ແລະ ​ໄວ​ຂຶ້ນ​

7 ເຕັກນິກການ​ໃຊ້​ງານ​ມື​ຖື​ Android ທີ່​ຈະ​ເຮັດໃຫ້​ທຸກ​ຢ່າງ​ງ່າຍ​ ແລະ ​ໄວ​ຂຶ້ນ​

​ເປັນ​ອຸປະກອນ​ຄູ່​ໃຈ​ທີ່​ເຮົາ​ໃຊ້​ກັນ​ຢູ່​ທຸກ​ມື້​ ແລະ​ ບໍ່​ແມ່ນ​ພຽງແຕ່​ໃຊ້ໂທ​ເທົ່າ​ນັ້ນ​ ແຕ່​ຍັງ​ໃຊ້​ເຮັດວຽກ​, ຄົ້ນ​ຫາ​ຂໍ້​ມູນ​ ແລະ​ໃຊ້​ເພື່ອ​ຄວາມ​ບັນ​ເທີງອີກ​ດ້ວຍ​ ເວົ້າ​ໄດ້​ວ່າສະ​ມາ​ດ​ໂຟນ​ເປັນ​ສ່ວນໜຶ່ງ​ຂອງ​ຊີວິດ​ຄົນ​ຮຸ່ນ​ໃໝ່​ທີ່​ຂາດ​ບໍ່​ໄດ້​. ແຕ່​ຫຼາຍ​ຄົນ​ອາດຈະ​ຍັງ​ບໍ່​ຮູ້ວ່າ​ແທ້ໆ​ແລ້ວ​ສະມາດໂຟນ​ Android ຄູ່​ໃຈ​ຍັງມີ​ຄວາມສາມາດ​ບາງຢ່າງ​ເຊື່ອງ​ຢູ່.

​ຄຸນສົມບັດເຫຼົ່າ​ນີ້ຈະ​ຊ່ວຍ​ໃຫ້​ເຮົາ​ໃຊ້​ງານ​ໄດ້​ຢ່າງ​ວ່ອງໄວ ​ແລະ ​ສະ​ດວກຍິ່ງ​ຂຶ້ນ​ໄປ​ອີກ​ ໃນ​ມື້​ນີ້​ເຮົາຈຶ່ງ​ຂໍ​ນຳ​ເອົາ​ 7 ເຕັກນິກການ​ໃຊ້​ງານ​ສະມາດໂຟນ​ Android ທີ່​ເຊື່ອງ​ຢູ່​ມາ​ຝາກ​ກັນ​ ຈະ​ມີ​ຫຍັງ​ແດ່ນັ້ນ​ເຮົາ​ໄປ​ເບິ່ງ​ກັນ​ເລີຍ​.​

*ໝາຍ​ເຫດ​ : ຂັ້ນ​ຕອນ​ການຕັ້ງ​ຄ່າ​ອາດ​ແຕກ​ຕ່າງ​ກັນ​ໄປ​ຕາມ​ສະມາດໂຟນ​ແຕ່​ລະ​ຮຸ່ນ.​

1. ສະຫຼັບ​ໜ້າ​ແອັບ​ພຼິ​ເຄ​ຊັນ​ຢ່າງວ່ອງໄວ​

ຟີ​ເຈີ​ນີ້​ເປັນ​ຟີ​ເຈີ​ພື້ນ​ຖານ​ທີ່​ໃຊ້​ງ່າຍ ​ແລະ ​ມີ​ປະໂຫຍດ​ຫຼາຍ​ ແຕ່​ຫຼາຍ​ຄົນ​ອາດຈະ​ຍັງ​ບໍ່​ເຄີຍ​ໃຊ້​ມາ​ກ່ອນ​ ນັ້ນ​ຄື​ການ​ສະຫຼັບ​ແອັບ​ພຼິ​ເຄ​ຊັນ​ຢ່າງ​ວ່ອງໄວ​ໂດຍ​ບໍ່​ຕ້ອງ​ເຂົ້າໄປ​ເລືອກ​ໃນ​ໜ້າ​ Recent Apps (ຄ້າຍ​ໆ​ ການ​ສະຫຼັບ​ໜ້າ​ຕ່າງ​ດ້ວຍ​ Alt+Tab ເທິງ​ລະບົບ​ Windows) ຟີ​ເຈີ​ນີ້​ຈະ​ໃຊ້​ໄດ້​ກັບ​ລະບົບ​ປະຕິບັດການ​ Android 7.0 Nougat ຂຶ້ນ​ໄປ​ ພຽງ​ແຕ່​ເຮົາ​ກົດ​ປຸ່ມ​ Recent Apps 2 ເທື່ອ​ຕິດ​ໆ​ກັນ​ ລະບົບ​ກໍ​ຈະ​ສະຫຼັບ​ແອັບ​ພຼິ​ເຄ​ຊັນ​ທີ່​ເປີດ​ຢູ່​ກ່ອນ​ໜ້າ​ນີ້​ຂຶ້ນ​ມາ​ໃຫ້​ທັນ​ທີ​. ຫາກ​ໃຊ້​ຈົນ​ເຄີຍຊິນ​ຈະ​ຊ່ວຍ​ປະ​ຢັດ​ເວລາ​ໄດ້​ພໍ​ສົມຄວນ​ເລີຍ​.​

 2. ປັກ​ໝຸດ​ແອັບພຼິເຄຊັນ​ໃນ​ເມ​ນູ​ Share

ປົກກະຕິ​ແລ້ວ​ເວລາ​ເຮົາ​ຈະ​ແຊ​ຣ໌​ຫຍັງ​ບາງຢ່າງ​ຈາກ​ສະມາດໂຟນ​ ເຮົາ​ຈະ​ພົບ​ກັບ​ເມ​ນູ​ແຊ​ຣ໌​ທີ່​ປະກົດ​ຂຶ້ນ​ມາ​ເພື່ອ​ໃຫ້​ເຮົາ​ເລືອ​ກວ່າ​ ຈະ​ແຊ​ຣ໌ຄອ​ນເທນ​​ຜ່ານ​ແອັບພຼິເຄຊັນ​ໃດ​ ເຊິ່ງ​ໂດຍ​ທົ່ວ​ໄປ​ເຮົາ​ກໍ​ຈະ​ແຊ​ຣ໌​ຜ່ານ​ແອັບ​ພຽງ​ບໍ່​ຈັກ​ແອັບ​ ເຊັ່ນ:​ Facebook, Messenger, LINE ເປັນ​ຕົ້ນ​. ແຕ່​ບາງຄັ້ງ​ແອັບ​ທີ່​ເຮົາ​ໃຊ້​ແຊ​ຣ໌​ເລື້ອຍໆ​ ຊໍ້າພັດ​ໄປ​ຢູ່​ທີ່​ລາຍ​ການ​ທ້າຍ​ໆ​ ເຮັດໃຫ້​ເຮົາ​ຕ້ອງ​ເລື່ອນ​ຫາ​ທຸກ​ຄັ້ງ​. ການ​ທີ່​ຕ້ອງພົບ​ຫຍັງ​ແບບ​ນີ້​ເລື້ອຍໆ​ ກໍ​ເຮັດໃຫ້​ຫງຸດ​ຫງິດ​ໄດ້​ຄືກັນ​ ໃຜ​ທີ່​ກຳ​ລັງ​ພົບ​ບັນຫາ​ແບບ​ນີ້​ຢູ່​ ສາມາດ​ແກ້​ໄຂ​ໄດ້​ດ້ວຍ​ການ​ປັກ​ໝຸດ​ແອັບພຼິເຄຊັນ​ໃນ​ເມ​ນູ​ແຊ​ຣ໌​ໄວ້​ເປັນ​ອັນ​ດັບທຳອິດ​. ​ເມື່ອ​ເຮົາ​ກົດ​ແຊ​ຣ໌​ໃຫ້​ເຮົາ​ກົດ​ຄ້າງ​ທີ່​ແອັບພຼິເຄຊັນ​ທີ່​ຕ້ອງ​ການ​ ແລ້ວ​ເລືອກ​ ປັກ​ໝຸດ (pin).​ ພຽງ​ເທົ່າ​ນີ້​ແອັບ​ນັ້ນ​ກໍ​ຈະ​ຢູ່ໃນ​ໜ້າ​ທຳອິດ​ຂອງ​ເມ​ນູ​ ບໍ່​ຕ້ອງ​ເລື່ອນ​ຫາ​ກັນ​ອີກ​ຕໍ່ໄປ​ ຫາກ​ເຮົາ​ເລືອກ​ປັກ​ໝຸດ​ໄວ້​ຫຼາຍ​ແອັບ​ ຈະ​ເປັນ​ການຮຽງ​ລຳ​ດັບ​ລາຍ​ການ​ຕາມ​ອັກສອນ​ຂອງ​ຊື່​ແອັບ​.​

ແນວໃດ​ກໍ​ຕາມ​ ເຕັກນິກນີ້​ອາດ​ໃຊ້​ບໍ່​ໄດ້​ກັບ​ບາງ​ແອັບພຼິເຄຊັນ​ທີ່​ມີ​ເມ​ນູ​ Share ເປັນ​ຂອງ​ຕົວ​ເອງ​ ເຊັ່ນ​: Google Photos ເປັນ​ຕົ້ນ​.

 3. ປັກ​ໝຸດ​ໜ້າຈໍ​ ບໍ່​ໃຫ້​ເປີດ​ຢ່າງ​ອື່ນ​

ນອກ​ຈາກ​ການ​ປັກ​ໝຸດ​ແອັບພຼິເຄຊັນ​ໃນ​ເມ​ນູ​ແຊ​ຣ໌​ແລ້ວ​ ການ​ປັກ​ໝຸດ​ໜ້າຈໍ​ໃຫ້​ສະແດງ​ແຕ່​ແອັບພຼິເຄຊັນ​ທີ່​ເປີດ​ຢູ່​ກໍ​ເຮັດ​ໄດ້​ເຊັ່ນ​ກັນ​ ເຊິ່ງ​ຟີ​ເຈີ​ນີ້​ຈະ​ມີ​ປະໂຫຍດ​ເມື່ອ​ເຮົາ​ຈຳ​ເປັນ​ຕ້ອງ​ໃຫ້​ຄົນ​ອື່ນ​ໃຊ້​ສະມາດໂຟນ​ຂອງ​ເຮົາ​ຊົ່ວ​ຄາວ​ ເຊັ່ນ:​ ໃຫ້​ເພື່ອນ​ຮ່ວມ​ງານ​ເບິ່ງ​ກຳນົດການ​ປະ​ຊຸມ,​ ໃຫ້ໝູ່​ຢືມ​ເບິ່ງ​ YouTube ຫຼື ​ໃຫ້​ໝູ່​ຢືມໂທ​ລະສັບ​ ແລະ ​ເຮົາ​ບໍ່​ຕ້ອງ​ການ​ໃຫ້ໝູ່ລັກ​ເບິ່ງ​ຢ່າງ​ອື່ນ​ໃນ​ສະມາດໂຟນ​ຂອງ​ເຮົາ.​

ການ​ຈະ​ໃຊ້​ງານ​ຟີ​ເຈີ​ນີ້​ເຮົາ​ຈະ​ຕ້ອງ​ເຂົ້າໄປ​ເປີດ​ໃຊ້​ໃນ​ໜ້າ​ການຕັ້ງ​ຄ່າ​​ກ່ອນ​ ໂດຍ​ໄປ​ທີ່​ ການຕັ້ງ​ຄ່າ​ > ໜ້າຈໍ​ລັອກ​ ແລະ​ ລະບົບ​ປ້ອງ​ກັນ​ > ການຕັ້ງ​ຄ່າ​ຄວາມ​ປອດ​ໄພ​ອື່ນ​ໆ​ > ປັກ​ໝຸດ​ໜ້າ​ຕ່າງ​ ເມື່ອ​ເປີດ​ໃຊ້​ງານ​ແລ້ວ​ ໃນ​ໜ້າ​ Recent Apps ຈະ​ປະກົດ​ສັນຍາລັກ​ປັກ​ໝຸດ​ທີ່​ມຸມ​ຂວາ​ລຸ່ມ​ຂອງ​ແທັບ.​ ເມື່ອກ​ົດ​ກໍ​ຈະ​ເປັນ​ການ​ເປີດ​ແອັບ​ນັ້ນ​ຂຶ້ນ​ມາພ້ອມ​ກັບ​ລັອກ​ໜ້າຈໍ​ເອົາ​ໄວ້.​ ໃນ​ຂະນະ​ລັອກ​ເຮົາ​ສາມາດ​ກົດ​ Back ເພື່ອ​ປ່ຽນ​ໜ້າ​ ແລະ​ ໃຊ້​ງານ​ແອັບ​ນັ້ນ​ໆ​ ໄດ້​ຕາມ​ປົກກະຕິ​ ແຕ່​ຈະ​ບໍ່​ສາມາດ​ກົດ​ Home ຫຼື​ Recent Apps ເພື່ອ​ອອກຈາກ​ແອັບ​ນັ້ນ​ໆ​ໄດ້.​ ຫາກ​ຕ້ອງ​ການຍົກ​ເລີກ​ການ​ລັອກ​ໃຫ້​ກົດ​ປຸ່ມ​ Recent Apps ແລະ​ Back ພ້ອມ​ກັນ​ຄ້າງ​ໄວ້​ຄາວໜຶ່ງ​ ກໍ​ຈະ​ກັບ​ມາ​ໃຊ້​ງານ​ໄດ້​ຕາມ​ປົກກະຕິ​. ຫາກ​ເຮົາ​ເລືອກ​ໃຫ້​ໃສ່​ PIN ກ່ອນ​ຖອນ​ປັກ​ໝຸດນຳ​ກໍ​ຈະຍິ່ງ​ປອດ​ໄພຂຶ້​ນ.​

 4. ປັບ​ແຕ່ງ​ທາງ​ລັດ​ການຕັ້ງ​ຄ່າ​ຕາມສະໄຕລ໌ຂອງ​ທ່ານ​

ສຳລັບ​ສະມາດໂຟນ​ Android ເມື່ອ​ເຮົາ​ປັດ​ນິ້ວ​ຈາກ​ດ້ານ​ເທິງ​ຈໍລົງ​ມາ ​ເຮົາ​ຈະ​ພົບ​ກັບ​ເມ​ນູ​ທາງ​ລັດ​ການຕັ້ງ​ຄ່າ​ (Quick Settings) ເຊິ່ງ​ທຸກ​ຄົນ​ໜ້າ​ຈະ​ຄຸ້ນ​ເຄີຍ​ກັນ​ດີ ​ເພາະ​ເຮົາ​ມັກ​ຈະ​ເຂົ້າ​ມາ​ປັບ​ຄ່າ​ຕ່າງ​ໆ​ ຂອງ​ສະມາດໂຟນ​ໃນ​ເມ​ນູ​ນີ້​ທັງ​ນັ້ນ​ ບໍ່​ວ່າ​ຈະ​ເປັນ​ຄວາມ​ສະຫວ່າງ​ຂອງ​ຈໍ​, ເປີດ​-ປິດ​ WiFi, ເປີດ​-ປິດ​ Bluetooth ແລະ​ອື່ນ​ໆ.​ ແຕ່​ບາງ​ຄົນ​ອາດຈະ​ຍັງ​ບໍ່​ຮູ້ວ່າ​ເຮົາ​ສາມາດ​ປັບ​ແຕ່ງ​ເມ​ນູ​ນີ້​ໄດ້​ ດ້ວຍ​ການ​ກົດ​ທີ່​ເມ​ນູ​ (3 ຈຸດ​) ບໍລິເວນ​ມຸມ​ຂວາເທິງ.​ ເລືອກ​ ລຳ​ດັບ​ປຸ່ມ​. ຈາກ​ບ່ອນ​ນີ້​ເຮົາ​ສາມາດ​ເພີ່ມ ຫຼື ​ລຶບ​ທາງລັດ​ການຕັ້ງ​ຄ່າ​ໄດ້​ຕາມ​ໃຈມັກ​ ລວມໄປ​ເຖິງ​ລຳ​ດັບ​ການ​ຈັດ​ວາງ​ ຢາກ​ໃຫ້​ຫຍັງ​ຢູ່ບ່ອນໃດ​ກໍ​ປັບ​ແຕ່ງ​ໄດ້​ຕາມ​ໃຈມັກ​ເລີຍ​.

 5. ເປີດ​ 2 ແທັບ​ໃນ​ Chrome ພ້ອມ​ກັນ​

ໜ້າຈໍ​ທີ່​ແຄບ​ເປັນ​ຂໍ້​ຈຳ​ກັດ​ຢ່າງ​ໜຶ່ງ​ທີ່​ເຮັດໃຫ້​ເຮົາ​ເຮັດວຽກ​ເທິງ​ສະມາດໂຟນ​ລຳ​ບາກ​ ເພາະ​ສະແດງ​ຜົນ​ຫຼາຍ​ໆ​ ໜ້າຈໍ​ພ້ອມ​ກັນ​ບໍ່​ໄດ້​. ເຖິງແມ່ນວ່າ​ຕັ້ງ​ແຕ່​ Android 7.0 Nougat ເປັນ​ຕົ້ນ​ມາ​ຈະ​ມີ​ຟີ​ເຈີ​​ Split Screen ທີ່​ຊ່ວຍ​ໃຫ້​ເຮົາ​ເຮັດວຽກ​ໄດ້​ 2 ຈໍພ້ອມ​ກັນ​ ແຕ່​ເຮົາ​ກໍ​ບໍ່​ສາມາດ​ເປີດ​ໜ້າ​ເວັບ​ພ້ອມ​ກັນ​ 2 ຈໍ​ໄດ້​ຢູ່​ດີ​ (ນອກ​ເສຍ​ຈາກ​ວ່າ​ເຮົາ​ຈະ​ໃຊ້​ບ​ຣາວ​ເຊີ​ 2 ອັນ​). ແຕ່​ສຳລັບ​ຄົນທີ່​ໃຊ້​ບ​ຣາ​ວ​ເຊີ​​ Chrome ເຮົາ​ສາມາດ​ເປີດ​ໜ້າ​ເວັບ​ພ້ອມ​ກັນ​ໄດ້​ 2 ແທັບ​ ໂດຍ​ໄປ​ທີ່​ບ​ຣາ​ວ​ເຊີ​​ Chrome, ກົດ​ Recent Apps ແລ້ວ​ເລືອກ​ Split Screen ເພື່ອ​ເຂົ້າ​ສູ່​ໂໝດ​ຈໍ​ແຍກ.​ ຈາກ​ນັ້ນ​ໄປ​ທີ່​ເມ​ນູ​ບໍລິເວນ​ມຸມ​ຂວາ​ແລ້ວ​ເລືອກ​ ເປີດ​ໜ້າ​ຕ່າງ​ໃໝ່​ ແລ້ວແທັບ​ປັດຈຸບັນ​ທີ່​ເປີດ​ຢູ່​ຈະ​ແຍກ​ອອກ​ມາ​ຢູ່ໃນ​ໜ້າ​ຈໍ​ຂ້າງ​ລຸ່ມ​ທັນ​ທີ.​ ຊ່ວຍ​ໃຫ້​ເຮົາ​ເຮັດວຽກ​ສະ​ດວກ​ຂຶ້ນ​ ຫຼື​ອ່ານ​ຄອນ​ເທນ​ພ້ອມ​ເບິ່ງ​ຂໍ້​ມູນ​ປະກອບ​ໄປ​ນຳ​ໄດ້​ໂດຍ​ບໍ່​ຕ້ອງ​ສະຫຼັບ​ແທັບ​ໄປ​ມາ.​

 6. ເປີດ​ໂໝດ​ຫ້າມ​ລົບກວນ​ອັດຕະ​ໂນ​ມັ​ດ

ບາງ​ຄົນ​ອາດຈະ​ຈຳ​ເປັນ​ຕ້ອງ​ປິດ​ສຽງ​ສະມາດໂຟນ​ໃນ​ບາງ​ຊ່ວງ​ເວລາ​ຂອງ​ມື້​ ບໍ່​ວ່າ​ຈະ​ດ້ວຍ​ໜ້າທີ່​ການ​ງານ ຫຼື ​ພຽງແຕ່​ຕ້ອງ​ການ​ຢູ່​ງຽບ​ໆກ​ ແຕ່​ການ​ທີ່​ຕ້ອງ​ຈັບ​ສະມາດໂຟນ​ຂຶ້ນ​ມາ​ເປີດ​ໂໝດ​ຫ້າມ​ລົບກວນ​ (Do Not Disturb) ໃນ​ຊ່ວງ​ເວລາ​ເກົ່າ​ ທຸກ​ມື້​ກໍ​ອອກ​ຈະ​ໜ້າ​ລຳ​ຄານ​ແມ່ນບໍ່? ​ແລະ ​ອາດ​ເຮັດໃຫ້​ເຮົາ​ລືມ​ໄດ້​ງ່າຍໆ​. ໃນ​ກໍລະນີ​ນີ້​ເຮົາ​ສາມາດ​ຕັ້ງ​ຄ່າ​ໃຫ້​ສະມາດໂຟນ​ເຂົ້າ​ສູ່​ໂໝດ​ຫ້າມ​ລົບກວນ​ໂດຍ​ອັດຕະ​ໂນ​ມັ​ດ​ໄດ້​ເມື່ອ​ເຖິງ​ເວລາ​ທີ່​ກຳນົດ​ ໂດຍ​ເຂົ້າໄປ​ທີ່​ ການຕັ້ງ​ຄ່າ​ > ສຽງ ​ແລະ ​ການ​ສັ່ນ​ > ເປີດ​ໃຊ້​ງານ​ຕາມ​ກຳນົດ​ການ​ ແລ້ວ​ເລືອກ​ຊ່ວງ​ເວລາ​ທີ່​ຕ້ອງ​ການ​ໄດ້​ເລີຍ​.​

 7. ເລື່ອນ​ເຄີ​​ເຊີ​​ທັນ​ໃຈ​ ພິມ​ໄວ​ກວ່າ​ເກົ່າ​

ເວລາ​ເຮົາ​ພິມ​ຂໍ້ຄວາມຍາວ​ໆ​ ລົງ​ໃນ​ສະມາດໂຟນ​ແລ້ວ​ຕ້ອງ​ການ​ກັບ​ໄປ​ແກ້​ສະເພາະ​ຈຸດ​ ເຮົາ​ຈຳ​ເປັນ​ຕ້ອງ​ເລື່ອນ​ເຄີ​​ເຊີ (ເສັ້ນ​ກະ​ພິບ​ເທິງ​ແຖວ) ໄປ​ຍັງ​ຈຸດ​ທີ່​ຕ້ອງ​ການ​ແລ້ວ​ແກ້.​ ດ້ວຍ​ຂະໜາດ​ຂອງ​ຕົວ​ອັກສອນ​ທີ່​ນ້ອຍ​ເຮັດໃຫ້​ເຮົາ​ໃຊ້​ປາຍ​ນິ້ວ​ເລືອກ​ໃຫ້​ຖືກ​ຈຸດ​ໄດ້​ລຳ​ບາກ.​ ແຕ່​ຖ້າ​ເຮົາ​ໃຊ້​ Gboard ບັນຫາ​ນີ້​ສາມາດ​ແກ້​ໄດ້​ງ່າຍໆ​ ເພາະ​ເຮົາ​ສາມາດ​ເລື່ອນ​ເຄີ​​ເຊີ​​ໄປ​ທາງ​ຊ້າຍ​ ແລະ​ ຂວາ​ຢ່າງ​ວ່ອງໄວ​ດ້ວຍ​ການ​ປັດ​ນິ້ວ​ເທິງ​ແຖບ​ space bar.​

ນອກ​ຈາກ​ນີ້​ເຮົາ​ຍັງ​ສາມາດ​ລາກ​ນິ້ວ​ຈາກ​ປຸ່ມ​ Backspace (ປຸ່ມ​ລົບ​ຕົວ​ອັກສອນ​) ໄປ​ທາງ​ຊ້າຍ​ເພື່ອ​ເລືອກ​ຂໍ້ຄວາມ​ຢ່າງ​ວ່ອງໄວ​ໄດ້​ອີກ​ດ້ວຍ​.

ຫາກ​ໃຜ​ຍັງ​ບໍ່​ມີ​ Gboard ສາມາດ​ດາວ​ໂຫຼດ​ໄດ້​ບ່ອນນີ້​ : Gboard

ທັງ​ໝົດ​ນີ້​ເປັນພຽງ​ແຄ່​ສ່ວນໜຶ່ງ​ຂອງ​ທຣິກ​ການ​ໃຊ້​ງານ​ສະມາດໂຟນ​ Android ເທົ່າ​ນັ້ນ​ ຍັງມີ​ເຕັກນິກເດັດ​ໆ​ ອີກ​ຫຼວງ​ຫຼາຍ​ທີ່​ຊ່ວຍ​ໃຫ້​ການ​ເຮັດ​ວຽກງານ​ຂອງ​ເຮົາ​ສະດວກ​ຂຶ້ນ​ ເຊິ່ງ​ເຮົາ​ຈະ​ນຳ​ມາ​ສະເໜີ​ໃຫ້​ໄດ້ຮູ້​ກັນ​ອີກ​ໃນ​ໂອ​ກາດ​ຕໍ່​ໆໄປ​.

Advertisement Replay Ad

ຂໍຂອບໃຈ

ຂໍ້ມູນ : thaimobilecenter.com , computerworld.com

ເປັນເຈົ້າຂອງໄດ້ແລ້ວມື້ນີ້!! Huawei Y Families ວາງຈຳຫນ່າຍຢ່າງເປັນທາງການທົ່ວປະເທດ

ເປັນເຈົ້າຂອງໄດ້ແລ້ວມື້ນີ້!! Huawei Y Families ວາງຈຳຫນ່າຍຢ່າງເປັນທາງການທົ່ວປະເທດ

ຍານອະວະກາດທາງການຄ້າ ການຮ່ວມມືລະຫວ່າງ NASA ແລະ SPACEX ບາດກ້າວໃໝ່ຂອງການທ່ອງອະວະກາດ

ຍານອະວະກາດທາງການຄ້າ ການຮ່ວມມືລະຫວ່າງ NASA ແລະ SPACEX ບາດກ້າວໃໝ່ຂອງການທ່ອງອະວະກາດ

ໂລກກ້າວໜ້າດ້ວຍເຕັກໂນໂລຊີທີ່ທັນສະໄໝຂອງຍຸກ 4.0

ໂລກກ້າວໜ້າດ້ວຍເຕັກໂນໂລຊີທີ່ທັນສະໄໝຂອງຍຸກ 4.0

ຢາກຊຽນຕ້ອງຮູ້ໄວ້! ລວມ 10 ປຸ່ມລັດໃນ Windows 10 ທີ່ຈະເຮັດໃຫ້ຊິວິດສະດວກຫຼາຍຂຶ້ນ

ຢາກຊຽນຕ້ອງຮູ້ໄວ້! ລວມ 10 ປຸ່ມລັດໃນ Windows 10 ທີ່ຈະເຮັດໃຫ້ຊິວິດສະດວກຫຼາຍຂຶ້ນ

ບໍລິສັດ ຫົວເຫວີຍ ປະຈຳລາວ ມອບລະບົບວິດີໂອການປະຊຸມທາງໄກໃຫ້ກະຊວງການຕ່າງປະເທດ

ບໍລິສັດ ຫົວເຫວີຍ ປະຈຳລາວ ມອບລະບົບວິດີໂອການປະຊຸມທາງໄກໃຫ້ກະຊວງການຕ່າງປະເທດ

ລັດຈັບມືນັກລົງທຶນຈີນ ສຶກສາຄວາມເປັນໄປໄດ້ ສ້າງເຂດເຕັກໂນໂລຊີລະດັບສູງ ຢູ່ນະຄອນຫຼວງ ແລະ ວັງວຽງ

ລັດຈັບມືນັກລົງທຶນຈີນ ສຶກສາຄວາມເປັນໄປໄດ້ ສ້າງເຂດເຕັກໂນໂລຊີລະດັບສູງ ຢູ່ນະຄອນຫຼວງ ແລະ ວັງວຽງ

AI ເພ ເຮັດວຽກຕໍ່ບໍ່ໄດ້ ຫຼັງພະຍາຍາມວິເຄາະຄຳເວົ້າຂອງ "ທຣຳ" ຈົນຕ້ອງໄດ້ຮຽນຮູ້ຫຼັກໄວຍາກອນແບບສະເພາະ

AI ເພ ເຮັດວຽກຕໍ່ບໍ່ໄດ້ ຫຼັງພະຍາຍາມວິເຄາະຄຳເວົ້າຂອງ "ທຣຳ" ຈົນຕ້ອງໄດ້ຮຽນຮູ້ຫຼັກໄວຍາກອນແບບສະເພາະ

Facebook ຊ່ວຍສະໜອງຄວາມຮູ້ໃຫ້ປະຊາຊົນ ພ້ອມຊຸກຍູ້ໃຫ້ເຂົາໄດ້ຮັບການຊ່ວຍເຫຼືອໃນໄລຍະວິກິດ-19 ໃນລາວ

Facebook ຊ່ວຍສະໜອງຄວາມຮູ້ໃຫ້ປະຊາຊົນ ພ້ອມຊຸກຍູ້ໃຫ້ເຂົາໄດ້ຮັບການຊ່ວຍເຫຼືອໃນໄລຍະວິກິດ-19 ໃນລາວ

ແມ່ຄ້າອອນລາຍບໍ່ຢາກຖືກແຮັກເຟສຕ້ອງອ່ານ! ໃຊ້ເຟສບຸກແນວໃດບໍ່ໃຫ້ຖືກແຮັກ (ສຳລັບແອັດມິນເພຈ)

ແມ່ຄ້າອອນລາຍບໍ່ຢາກຖືກແຮັກເຟສຕ້ອງອ່ານ! ໃຊ້ເຟສບຸກແນວໃດບໍ່ໃຫ້ຖືກແຮັກ (ສຳລັບແອັດມິນເພຈ)

ວາງຈຳໜ່າຍແລ້ວ Huawei P40 Series ສຸດຍອດນະວັດຕະກຳກ້ອງເທິງສະມາດໂຟນທີ່ດີທີ່ສຸດ

ວາງຈຳໜ່າຍແລ້ວ Huawei P40 Series ສຸດຍອດນະວັດຕະກຳກ້ອງເທິງສະມາດໂຟນທີ່ດີທີ່ສຸດ

ຢາກໄປທ່ຽວເຮັດແນວໃດດີ? ຂໍສະເໜີການທ່ອງທ່ຽວແບບ "ທິບໆ" ກາຍຢູ່ເຮືອນ ສາຍຕາຢູ່ Virtual Tour

ຢາກໄປທ່ຽວເຮັດແນວໃດດີ? ຂໍສະເໜີການທ່ອງທ່ຽວແບບ "ທິບໆ" ກາຍຢູ່ເຮືອນ ສາຍຕາຢູ່ Virtual Tour

ຍັງບໍ່ໄດ້ຄືໝູ່? ຄັນຊັ້ນມາສ້າງໄອຄອນ "ຫ່ວງໃຍ" ຂອງ Facebook ໃຫ້ກອດຫຍັງກໍໄດ້ໄວ້ໃຊ້ເອງດີກວ່າ

ຍັງບໍ່ໄດ້ຄືໝູ່? ຄັນຊັ້ນມາສ້າງໄອຄອນ "ຫ່ວງໃຍ" ຂອງ Facebook ໃຫ້ກອດຫຍັງກໍໄດ້ໄວ້ໃຊ້ເອງດີກວ່າ

ວິທີເປີດນຳໃຊ້ປຸ່ມ "Care" ເພື່ອໃຊ້ບອກຄົນອື່ນວ່າເຮົາ "ຫ່ວງໃຍ" ໃນ Facebook ແລະ Messenger

ວິທີເປີດນຳໃຊ້ປຸ່ມ "Care" ເພື່ອໃຊ້ບອກຄົນອື່ນວ່າເຮົາ "ຫ່ວງໃຍ" ໃນ Facebook ແລະ Messenger

ຄະນະສະເພາະກິດໄດ້ຮັບເວັບໄຊ www.covid19.gov.la ແລະ ແອັບພລິເຄຊັນສູນລວມຂໍ້ມູນໂຄວິດ-19

ຄະນະສະເພາະກິດໄດ້ຮັບເວັບໄຊ www.covid19.gov.la ແລະ ແອັບພລິເຄຊັນສູນລວມຂໍ້ມູນໂຄວິດ-19

ເບື່ອບໍ່ກັບແອັບພິເຄຊັ່ນມັກຄ້າງຕະຫຼອດ? ແນະນຳ 5 ວິທີແກ້ໄຂບັນຫາ ແອັບພິເຄຊັນຄ້າງ ເດັ້ງອອກເອງ!

ເບື່ອບໍ່ກັບແອັບພິເຄຊັ່ນມັກຄ້າງຕະຫຼອດ? ແນະນຳ 5 ວິທີແກ້ໄຂບັນຫາ ແອັບພິເຄຊັນຄ້າງ ເດັ້ງອອກເອງ!

ຂໍນຳສະເໜີ "ເທັກໂນໂລຊີຫຸ່ນຍົນນ້ອງໝາ" ສາມາດກວດເຊື້ອຈາກຜູ້ປ່ວຍ ໂດຍບໍ່ຕ້ອງເຖິງມືທ່ານໝໍ

ຂໍນຳສະເໜີ "ເທັກໂນໂລຊີຫຸ່ນຍົນນ້ອງໝາ" ສາມາດກວດເຊື້ອຈາກຜູ້ປ່ວຍ ໂດຍບໍ່ຕ້ອງເຖິງມືທ່ານໝໍ

ເມັສເຊັນເຈີ ຄິດສ (Messenger Kids) ເປີດໃຫ້ໃຊ້ໃນປະເທດລາວ ແລະ ອີກຫຼາຍປະເທດທົ່ວໂລກ

ເມັສເຊັນເຈີ ຄິດສ (Messenger Kids) ເປີດໃຫ້ໃຊ້ໃນປະເທດລາວ ແລະ ອີກຫຼາຍປະເທດທົ່ວໂລກ

ເບິ່ງຟຣີ! NASA ເປີດໃຫ້ເບິ່ງຮູບຖ່າຍຈາກກ້ອງໂທລະພາບອະວະກາດຮັບເບິນ ທີ່ຖ່າຍໃນວັນເກີດຂອງທ່ານ

ເບິ່ງຟຣີ! NASA ເປີດໃຫ້ເບິ່ງຮູບຖ່າຍຈາກກ້ອງໂທລະພາບອະວະກາດຮັບເບິນ ທີ່ຖ່າຍໃນວັນເກີດຂອງທ່ານ

6 ແອັບເດັ່ນຄວນມີຕິດເຄື່ອງ ສະແກນເອກະສານໃຫ້ລະອຽດ ແລະ ຄົມຍິ່ງກວ່າໃຊ້ເຄື່ອງສະແກນ

6 ແອັບເດັ່ນຄວນມີຕິດເຄື່ອງ ສະແກນເອກະສານໃຫ້ລະອຽດ ແລະ ຄົມຍິ່ງກວ່າໃຊ້ເຄື່ອງສະແກນ

ລວມ 5 ແອັບພລິເຄຊັນສຳລັບໂທປະຊຸມແບບວິດີໂອ ທີ່ຄວນໂຫຼດເກັບໄວ້ຖ້າຕ້ອງເຮັດວຽກຢູ່ເຮືອນ

ລວມ 5 ແອັບພລິເຄຊັນສຳລັບໂທປະຊຸມແບບວິດີໂອ ທີ່ຄວນໂຫຼດເກັບໄວ້ຖ້າຕ້ອງເຮັດວຽກຢູ່ເຮືອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ