ວັນຈັນ ທີ 24 ກຸມພາ 2020

ເຄົ້າດາວປີໃໝ່ນີ້ Passport ລາວພາໄປທ່ຽວໃສໄດ້ແດ່ໂດຍ "ບໍ່ຕ້ອງຂໍວີຊາ"

ເຄົ້າດາວປີໃໝ່ນີ້ Passport ລາວພາໄປທ່ຽວໃສໄດ້ແດ່ໂດຍ "ບໍ່ຕ້ອງຂໍວີຊາ"

ອາທິດນີ້ກໍເປັນອາທິດສຸດທ້າຍຂອງປີ 2017 ແລ້ວ ເຊິ່ງປີ 2018 ກໍຫຍັບມໍ່ເຂົ້າມາຫຼາຍທ່ານກໍຍັງຄົງແນມຫາບ່ອນຈະໄປທ່ຽວບໍ່ໄດ້ ບໍ່ຮູ້ວ່າຈະໄປລົງໃສດີ. ບາງຄົນກໍທ່ອງທ່ຽວພາຍໃນປະເທດ ຫຼື ກັບບ້ານເກີດ ແຕ່ບາງທ່ານກໍຢາກໄປທ່ຽວຕ່າງປະເທດ. ສະນັ້ນ ເຮົາເລີຍຈະມາແນະນຳໃຫ້ຮູ້ຈັກກັບບັນດາປະເທດທີ່ລາວພາໄປທ່ຽວໄດ້ ໂດຍບໍ່ຕ້ອງຂໍວີຊາໃຫ້ຫຍຸ້ງຍາກ ເຊິ່ງແຕ່ລະບ່ອນມີຫຍັງໜ້າສົນໃຈແດ່ນັ້ນກໍໄປເບິ່ງກັນເລີຍ.

1. ປະເທດໄທ

Pixabay

ແນ່ນອນ ປະເທດບ້ານໃກ້ເຮືອນຄຽງເຮົານີ້ເອງ ເຊິ່ງການໄປທ່ຽວກໍບໍ່ຄ່ອຍມີຂໍ້ຫຍຸ້ງຍາກຫຍັງ ເນື່ອງຈາກປະຊາຊົນທັງສອງຊາດລາວ-ໄທ ມີການໃຊ້ພາສາທີ່ຄ້າຍຄືກັນ ເຮັດໃຫ້ການສື່ສານເປັນໄປຢ່າງສະດວກງ່າຍດາຍ. ໂດຍປະເທດໄທກໍມີຫຼາຍຈຸດທີ່ໜ້າສົນໃຈ ໂດຍສະເພາະກໍແມ່ນທະເລ ແລະ ບັນດາເກາະດອນຕ່າງໆທີ່ຢູ່ໃນທະເລອັນດາມັນທີ່ສວຍງາມເປັນພິເສດ. ປີໃໝ່ນີ້ໄດ້ລອງໄປສຳຜັດບັນຍາກາດແບບນີ້ ກໍຄົງຈະດີບໍ່ໜ້ອຍແມ່ນບໍ່ລະ?

ຍົກເວັ້ນວີຊາ: 30 ວັນ

2. ກຳປູເຈຍ

Pixabay

ຫຍັບອອກໄປອີກໜ້ອຍໜຶ່ງ ເຊິ່ງປະເທດກຳປູເຈຍນີ້ຕັ້ງຢູ່ທາງທິດໃຕ້ຂອງປະເທດລາວ ແລະ ເປັນອີກປະເທດໜຶ່ງທີ່ມີວັດທະນະທຳການເປັນຢູ່ຄ້າຍຄືກັບປະເທດລາວເຮົາ. ເຖິງວ່າພາສາຂະເໝນ ອາດຈະເປັນສິ່ງທີ່ຊວນສັບສົນແດ່ ແຕ່ເຮົາແນ່ໃຈວ່າທ່ານຈະຫຼົງຮັກປະເທດແຫ່ງສິ່ງມະຫັດສະຈັນຂອງໂລກ ອັງກໍວັດ ແຫ່ງນີ້ຢ່າງແນ່ນອນ.

ຍົກເວັ້ນວີຊາ: 30 ວັນ

3. ຫວຽດນາມ

Pixabay

ຫຍັບຂຶ້ນມາທາງຕາເວັນອອກສ່ຽງເໜືອຕື່ມໜ້ອຍໜຶ່ງກໍຈະພົບກັບປະເທດຫວຽດນາມ ເຊິ່ງປະເທດນີ້ກໍຂຶ້ນຊື່ເລື່ອງສະຖານທີ່ທາງປະຫວັດສາດ ໂດຍສະເພາະບູຮານສະຖານ ແລະ ເມືອງເກົ່າຕ່າງທີ່ຢັ່ງຢາຍທົ່ວປະເທດ ຍົກຕົວຢ່າງ ໂຮ້ຍອານ ເປັນຕົ້ນ. ນອກນັ້ນກໍຍັງມີແຫຼ່ງທ່ອງທ່ຽວທາງທຳມະຊາດເຊັ່ນ ຊາປາ ຫຼື ຮາລອງເບ ກໍໜ້າສົນໃຈບໍ່ໜ້ອຍ.

ຍົກເວັ້ນວີຊາ: 30 ວັນ

4. ມຽນມາ

ຂ້າມຟາກມາທາງທິດຕາເວັນຕົກ ນັ້ນກໍຄືປະເທດ ມຽນມາ ດິນແດນແຫ່ງເຈດີພັນອົງ ໂດຍທີ່ຂຶ້ນຊື່ ແລະ ມີຊື່ສຽງທີ່ສຸດກໍຄົງໜີບໍ່ພົ້ນ ມະຫາເຈດີຊະເວດາກອງ ນັ້ນເອງ.

ຍົກເວັ້ນວີຊາ: 14 ວັນ

5. ມາເລເຊຍ

Pixabay

ຫຍັບໄກລົງໄປທາງໃຕ້ຂອງໄທ, ມາເລເຊຍເປັນອີກປະເທດໜຶ່ງທີ່ເຕັມໄປດ້ວຍຈຸດເດັ່ນທີ່ໜ້າສົນໃຈ ບໍ່ວ່າຈະເປັນປະເທດທີ່ມີຄວາມຫຼາກຫຼາຍທາງດ້ານວັດທະນະທຳ ແລະ ເຊື້ອຊາດ ພ້ອມທັງຈະໄດ່ສຳຜັດກັບທິວທັດຂອງຕຶກແຝດເປໂຕຣນາດ ທີ່ຖືວ່າເປັນຈຸດທີ່ຜູ້ໄປທ່ອງທ່ຽວປະເທດນີ້ຕ້ອງໄດ້ໄປແວ່ຖ່າຍຮູບ ຫຼື ສຳລັບສາຍກິດຈະກຳກໍອາດໄປດຳນໍ້າເບິ່ງຊີວິດໃຕ້ທ້ອງທະເລທີ່ລັງກາວີ ຫຼື ໄປຮັບບັນຍາກາດຍ້ອນຍຸກທີ່ປີນັງກໍຍັງໄດ້.

ຍົກເວັ້ນວີຊາ: 30 ວັນ

6. ອິນໂດເນເຊຍ

Pixabay

ໄປຕໍ່ໆ ໄປສູ່ປະເທດແຫ່ງເກາະດອນທີ່ຫຼາຍທີ່ສຸດໃນໂລກ ໂດຍດິນແດນແຫ່ງອິນໂດເນເຊຍນີ້ຂຶ້ນຊື່ວ່າເປັນປະເທດທີ່ມີແຫຼ່ງທ່ອງທ່ຽວໃຫ້ທ່ຽວຈົນທ່ຽວບໍ່ທົ່ວພຸ້ນລະ. ໃນນັ້ນ ທະເລສາບໂຕບາ ເຊິ່ງເປັນທະເລສາບທີ່ເກີດຈາກອຸກາບາດຕຳ, ໂບໂຣພຸດໂທ ບູຮານສະຖານຂອງຊາວພຸດທີ່ເປັນໜຶ່ງໃນສິ່ງມະຫັດສະຈັນຂອງປະເທດ ໄປຈົນເຖິງເກາະໂຄໂມໂດ ແລະ ເກາະບາຫຼີ ກໍເປັນສ່ວນໜຶ່ງໃນບັນດາຈຸດເດັ່ນທີ່ໜ້າສົນໃຈຂອງອິນໂດເນເຊຍ.

Pixabayນາຂັ້ນໄດ ຢູ່ເກາະບາຫຼີ

ຍົກເວັ້ນວີຊາ: 30 ວັນ

7. ບຣູໄນ

Pixabay

ປະເທດນ້ອຍໆທີ່ຕັ້ງຢູ່ໃນອາຊີຕາເວັນອອກສ່ຽງໃຕ້ ມີຂະໜາດປະມານແຂວງນະຄອນພະນົມຂອງໄທ ສາມາດທ່ຽວໄດ້ທົ່ວປະເທດໂດຍໃຊ້ເວລາບໍ່ດົນ ແລະ ເປັນຈຸດຜ່ານເພື່ອເດີນທາງໄປຍັງເກາະບໍນຽວຂອງປະເທດອິນໂດເນເຊຍ. ໃນນັ້ນຈຸດເດັ່ນແມ່ນຈະເປັນການດຳນໍ້າເບິ່ງຊີວິດໃຕ້ທ້ອງທະເລ ແລະ ທ່ຽວຊົມຕົວເມືອງ ເບິ່ງມັດສະຢິດທີ່ງາມທີ່ສຸດໃນອາຊຽນ Omar Ali Saifuddien Mosque ເຊິ່ງຫຼັງຄາເຮັດດ້ວຍຄຳແທ້! ແລະ ບໍ່ຄວນພາດໝູ່ບ້ານຄົນພື້ນເມືອງທີ່ຕັ້ງຢູ່ແຄມທະເລຢ່າງ Kampong Ayer.

ຍົກເວັ້ນວີຊາ: 14 ວັນ 

8. ຟິລິບປິນ

ເປັນອີກໜອ່ງປະເທດໃນອາຊຽນທີ່ມີຫາດຊາຍ ແລະ ທະເລທີ່ແສນງາມ ໂດຍສະເພາະ ເຊບູ ປາຍທາງທ່ອງທ່ຽວທີ່ມີຊື່ສຽງທີ່ສຸດຂອງອຟິລິບປິນ ເນື່ອງຈາກເປັນຈຸດເຊື່ອມຕໍ່ການເດີນທາງທັງພາຍໃນ ແລະ ຕ່າງປະເທດ. ນອກນັ້ນຍັງມີຫາດຊາຍທີ່ສວຍງາມ, ການປະຈົນໄພດຳນໍ້າໃນທ້ອງລະເລ ແລະ ແຫຼ່ງທ່ອງທ່ຽວກາງຄືນທີ່ມີສີສັນ.

ຍົກເວັ້ນວີຊາ: 30 ວັນ

9. ສິງກະໂປ!

ນີ້ອາດເປັນອີກໜຶ່ງຈຸດໝາຍປາຍທາງທີ່ຜູ້ຖືໜັງສືຜ່ານແດນລາວຫຼາຍຄົນຢາກໄປຢາມຈັກຄັ້ງໜຶ່ງໃນຊີວິດ. ນອກຈາກຈະເປັນປະເທດທີ່ມີການພັດທະນາທາງເຕັກໂນໂລຊີທີ່ກ້າວໜ້າທີ່ສຸດໃນອາຊຽນແລ້ວ ສິງກະໂປຍັເຕັມໄປດ້ວຍແຫຼ່ງທ່ອງທ່ຽວທີ່ໜ້າສົນໃຈ ເປັນຕົ້ນແມ່ນ ມາຣີນາເບແຊນ, ຮູບປັ້ນສິງໂຕເມີໄລອອນ ຫຼື Universal Studio Singapore ເປັນຕົ້ນ.

ຍົກເວັ້ນວີຊາ: 30 ວັນ

10. ຣັດເຊຍ

ສົດໆຮ້ອນສຳລັບປາຍທາງນີ້ ເຊິ່ງຫາກໍເປີດໃຫ້ໄປທ່ຽວໄດ້ໂດຍບໍ່ຕ້ອງຂໍວີຊາເມື່ອວັນທີ 2 ທັນວາທີ່ຜ່ານມານີ້ເອງ ເຊິ່ງຣັດເຊຍເອງຕອນນີ້ກໍເປັນລະດູໜາວ ໃຜທີ່ຕ້ອງການໄປສຳຜັດອາກາດໜາວເຢັນ ແລະ ທິວທັດດັ່ງຢູ່ໃນແດນແຫ່ງຄວາມຝັນ ໂດຍສະເພາະຈະຕຸລັດແດງ ທີ່ຕັ້ງຂອງພະລາຊະວັງເກຣມລິນ ທີ່ມີຊື່ສຽງ.

ຍົກເວັ້ນວີຊາ: 30 ວັນ

11. ມົງໂກລີ

ດິນແດນເໜືອປະເທດຈີນທີ່ຫຼາຍຄົນອາດຈະຍັງບໍ່ຮູ້ຈັກ ເຊິ່ງຂຶ້ນຊື່ວ່າເປັນປະເທດແຫ່ງທົ່ງຫຍ້າສະເຕັບ (steppe) ແລະ ທະເລຊາຍໂກບີ ເຊິ່ງພ້ນທີ່ສ່ວນໃຫຍ່ຂອງປະເທດຈະເປັນພື້ນທີ່ເປົ່າຫວ່າງສຸດຫູສຸດຕາມ ເໝາະແກ່ການເດີນທາງປະຈົນໄພ ແຕ່ສຳລັບຜູ້ທີ່ບໍ່ມັກນັ່ງລົດດົນໆ ປະເທດນີ້ຄົງຈະບໍ່ແມ່ນປາຍທາງສຳລັບທ່ານ.

Pixabayຕູບພັກເຊົາໃນເຂດທົ່ງຫຍ້າສະເຕັບ

ຍົກເວັ້ນວີຊາ: 30 ວັນ

12. ລາວ

holidayme.comຖໍ້າກອງລໍ ແຂວງຄຳມ່ວນ

ເຊີໄພຣ້! ປະເທດລາວເຮົາມີແຫຼ່ງທ່ອງທ່ຽວທີ່ຫຼາກຫຼາຍຕັ້ງແຕ່ເໜືອຈົນຮອດໃຕ້. ສຳລັບຜູ້ທີ່ຕ້ອງການສຳຜັດອາກາດໜາວເຢັນຊ່ວງນີ້ກໍຄົງຕ້ອງໜີໜາວຂຶ້ນໄປທາງເໜືອບໍ່ວ່າຈະເປັນນໍ້າກັດຢໍລະປາ, ຫຼວງພະບາງ, ວັງວຽງ ຫຼື ຈະລົງໄປທາງພາກກາງ ທ່ຽວຖໍ້າຕ່າງໆຢູ່ແຂວງຄຳມ່ວນ ສຳຜັດທິວທັດທຳມະຊາດສອງຂ້າງທາງຂອງພູ ແລະ ປ່າໄມ້ທີ່ຫາເບິ່ງໄດ້ຍາກ ຫຼື ຈະລົງໄປໃຕ້ທ່ຽວຊົມນໍ້າຕົກຕາດ ແລະ ບູຮານສະຖານຕ່າງໆແຫ່ງແຂວງຈຳປາສັກ, ເຊກອງ ແລະ ອັດຕະປືກໍຍັງໄດ້ເລີຍ.

ຍົກເວັ້ນວີຊາ: ຕະຫຼອດຊີວິດ

ນອກຈາກນັ້ນກໍຍັງມີປະເທດອື່ນໆອີກທີ່ສາມາດໄປທ່ຽວໄດ້ໂດຍບໍ່ຕ້ອງຂໍວີຊາ ແຕ່ເນື່ອງຈາກໄລຍະທາງທີ່ໄກ ເຮົາຈຶ່ງຂໍນຳສະເໜີສະເພາະ 12 ປາຍທາງນີ້ກ່ອນ ແລ້ວໂອກາດໜ້າເຮົາຈະມານຳສະເໜີຕື່ມໃໝ່. ຂໍໃຫ້ທຸກຄົນມ່ວນຊື່ນກັບການພັກຜ່ອນທ້າຍປີເດີ້!

ອ່ານເພີ່ມ:

 

Advertisement Replay Ad
ບັນຍາກາດ ຕະຫຼາດຍ້ອນຍຸກ ໃນງານການກຸສົນຕໍານານຊາວໜຸ່ມດອກໄມ້ແດງ 22-29 ກຸມພາ 2020 ນີ້

ບັນຍາກາດ ຕະຫຼາດຍ້ອນຍຸກ ໃນງານການກຸສົນຕໍານານຊາວໜຸ່ມດອກໄມ້ແດງ 22-29 ກຸມພາ 2020 ນີ້

“ເຈັບທ້ອງ ຫຼັງມີເພດສຳພັນ” ເປັນສັນຍານບອກອັນຕະລາຍຫຼືບໍ່?

“ເຈັບທ້ອງ ຫຼັງມີເພດສຳພັນ” ເປັນສັນຍານບອກອັນຕະລາຍຫຼືບໍ່?

ໝາກໄມ້ທີ່ຊ່ວຍຫຼຸດນ້ຳໜັກ ແລະ ຊ່ວຍໃຫ້ຜິວໃສສຸຂະພາບດີ

ໝາກໄມ້ທີ່ຊ່ວຍຫຼຸດນ້ຳໜັກ ແລະ ຊ່ວຍໃຫ້ຜິວໃສສຸຂະພາບດີ

ລວມໄອເດຍໃສ່ຊຸດກະໂປ່ງສຳລັບແມ່ຖືພາ ແລະ ສາວອວບ ໃຫ້ເບິ່ງຈ່ອຍລົງ-ຫຸ່ນດີ

ລວມໄອເດຍໃສ່ຊຸດກະໂປ່ງສຳລັບແມ່ຖືພາ ແລະ ສາວອວບ ໃຫ້ເບິ່ງຈ່ອຍລົງ-ຫຸ່ນດີ

ໄອເດຍມັດຜົມແບບງ່າຍໆ ເໝາະກັບວັນທີ່ຢາກສະບາຍໆ

ໄອເດຍມັດຜົມແບບງ່າຍໆ ເໝາະກັບວັນທີ່ຢາກສະບາຍໆ

ຈຸດຊົມວິວ The Rock Viewpoint ພູຜາມ່ານ ບ່ອນທ່ຽວທີ່ໜ້າໄປເຊັກອິນ ໃນປີ 2020

ຈຸດຊົມວິວ The Rock Viewpoint ພູຜາມ່ານ ບ່ອນທ່ຽວທີ່ໜ້າໄປເຊັກອິນ ໃນປີ 2020

ຜົນວິໄຈພົບ ການດົມກິ່ນກາຍຂອງ “ຄົນຮັກ” ຊ່ວຍໃຫ້ຫຼັບສະບາຍ ແລະ ຫຼັບດີຍິ່ງຂຶ້ນ

ຜົນວິໄຈພົບ ການດົມກິ່ນກາຍຂອງ “ຄົນຮັກ” ຊ່ວຍໃຫ້ຫຼັບສະບາຍ ແລະ ຫຼັບດີຍິ່ງຂຶ້ນ

ຮູ້ຫຼືຍັງ? ຜົນກະທົບຂອງການ “ສູບຢາ” ທີ່ມີຫຼາຍກວ່າການທຳຮ້າຍປອດ

ຮູ້ຫຼືຍັງ? ຜົນກະທົບຂອງການ “ສູບຢາ” ທີ່ມີຫຼາຍກວ່າການທຳຮ້າຍປອດ

ບັນຍາກາດ ແຫ່ຊ້າງເຜືອກເຂົ້າເມືອງ ໃນງານບຸນຊ້າງ ແຂວງໄຊຍະບູລີ

ບັນຍາກາດ ແຫ່ຊ້າງເຜືອກເຂົ້າເມືອງ ໃນງານບຸນຊ້າງ ແຂວງໄຊຍະບູລີ

ເປັນ “ປະຈຳເດືອນ” 2 ຄັ້ງຕໍ່ເດືອນ ຜິດປົກກະຕິຫຼືບໍ່?

ເປັນ “ປະຈຳເດືອນ” 2 ຄັ້ງຕໍ່ເດືອນ ຜິດປົກກະຕິຫຼືບໍ່?

ທ່ຽວຖ້ຳພະເຈົ້າສິງຄຳ ແຂວງອຸດົມໄຊ ສັກກາລະບູຊາພະເຈົ້າສິ່ງສັກສິດ

ທ່ຽວຖ້ຳພະເຈົ້າສິງຄຳ ແຂວງອຸດົມໄຊ ສັກກາລະບູຊາພະເຈົ້າສິ່ງສັກສິດ

ລວມໄອເດຍ ຊົງຜົມສັ້ນ-ພຽງບ່າ ສຳລັບສາວໆ ຕັດແລ້ວຊ່ວຍໃຫ້ໜ້າເດັກລົງ

ລວມໄອເດຍ ຊົງຜົມສັ້ນ-ພຽງບ່າ ສຳລັບສາວໆ ຕັດແລ້ວຊ່ວຍໃຫ້ໜ້າເດັກລົງ

ເມື່ອທ່ານບໍ່ສັດທາໃນ “ຮັກແທ້” ອີກຕໍ່ໄປ

ເມື່ອທ່ານບໍ່ສັດທາໃນ “ຮັກແທ້” ອີກຕໍ່ໄປ

ຮູ້ຫຼືບໍ່? ການ “ກິນເຜັດ” ຫຼາຍເກີນໄປ ສ່ຽງຕໍ່ການເປັນພະຍາດ “ຄວາມຈຳເສື່ອມ”

ຮູ້ຫຼືບໍ່? ການ “ກິນເຜັດ” ຫຼາຍເກີນໄປ ສ່ຽງຕໍ່ການເປັນພະຍາດ “ຄວາມຈຳເສື່ອມ”

ແມ່ຖືພາເສີມດັງໄດ້ບໍ່? ຢາກສັນຍະກຳ ຕອນໃດຈຶ່ງເໝາະສົມ ແລະ ບໍ່ກະທົບລູກ

ແມ່ຖືພາເສີມດັງໄດ້ບໍ່? ຢາກສັນຍະກຳ ຕອນໃດຈຶ່ງເໝາະສົມ ແລະ ບໍ່ກະທົບລູກ

ສາວໆຄວນຮູ້ ເລືອກປະເພດ “ສີທາແກ້ມ” ແນວໃດ ໃຫ້ເຂົ້າກັບສະພາບຜິວ

ສາວໆຄວນຮູ້ ເລືອກປະເພດ “ສີທາແກ້ມ” ແນວໃດ ໃຫ້ເຂົ້າກັບສະພາບຜິວ

“ສັດລ້ຽງ” ຄວນລ້ຽງແນວໃດ ໃຫ້ປອດໄພທັງສັດ ເຈົ້າຂອງ ແລະ ຄົນອ້ອມຂ້າງ

“ສັດລ້ຽງ” ຄວນລ້ຽງແນວໃດ ໃຫ້ປອດໄພທັງສັດ ເຈົ້າຂອງ ແລະ ຄົນອ້ອມຂ້າງ

“ໂມໂນນິວຄລິໂອຊີສ” ພະຍາດຕິດຕໍ່ຜ່ານທາງການ “ຈູບ” ທີ່ໄວໜຸ່ມຄວນລະວັງ

“ໂມໂນນິວຄລິໂອຊີສ” ພະຍາດຕິດຕໍ່ຜ່ານທາງການ “ຈູບ” ທີ່ໄວໜຸ່ມຄວນລະວັງ

13 ພຶດຕິກຳທີ່ “ທຳຮ້າຍຕັບ”

13 ພຶດຕິກຳທີ່ “ທຳຮ້າຍຕັບ”

ຝັນວ່າ “ຂ້າຄົນ” ບອກຫຍັງກ່ຽວກັບສຸຂະພາບຈິດຂອງເຮົາໄດ້ແດ່?

ຝັນວ່າ “ຂ້າຄົນ” ບອກຫຍັງກ່ຽວກັບສຸຂະພາບຈິດຂອງເຮົາໄດ້ແດ່?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ