ວັນອັງຄານ ທີ 27 ກໍລະກົດ 2021

ທ່ຽວ​ 10 ຈຸດ​ງາມ​ສຸດ​ໃນ​ມົດສະກູ​ແຫ່ງຣັດເຊຍ ສະບັບ​ຟ​ຣີ​ວີ​ຊາ ມີແຕ່ໜັງສືຜ່ານແດນກໍໄປໄດ້​!!

ທ່ຽວ​ 10 ຈຸດ​ງາມ​ສຸດ​ໃນ​ມົດສະກູ​ແຫ່ງຣັດເຊຍ ສະບັບ​ຟ​ຣີ​ວີ​ຊາ ມີແຕ່ໜັງສືຜ່ານແດນກໍໄປໄດ້​!!

ຢາກ​ໄປ​ທ່ຽວເອີຣົບ​ໃນ​ຊ່ວງ​ໜ້າ​ໜາວ​ນີ້​ ແຕ່​ບໍ່​ສະ​ດວກ ​ແລະ ​ບໍ່​ມີ​ເວລາ​ຈະ​ຂໍ​ວີ​ຊາ​ ຄວນ​ເຮັດ​ແນວໃດ​ດີ​? ຄຳ​ຕອບ​ທີ່​ງ່າຍ​ທີ່ສຸດ​ທີ່​​ຂໍ​ແນະ​ນຳ​ກໍ​ຄື​ ເລືອກ​ໄປ​ທ່ຽວ​ໃນ​ປະເທດ​ທີ່​ບໍ່​ຕ້ອງ​ຂໍ​ວີ​ຊາ​ຈະ​ດີກວ່າ ເຊິ່ງ​ປະເທດ​ໃນ​ທະວີບເອີຣົບ​ທີ່​ນັກ​ທ່ອງ​ທ່ຽວລາວ​ບໍ່​ຈຳ​ເປັນ​ຕ້ອງ​ຂໍ​ວີ​ຊາຕາມການປະກາດແຈ້ງການຫຼ້າສຸດຂອງກະຊວງການຕ່າງປະເທດ​ ໂດຍມີຜົນຕັ້ງແຕ່ວັນທີ 2 ທັນວາ 2017 ເປັນຕົ້ນໄປນັ້ນກໍຄື​ ຣັດ​ເຊຍ​​ ໂດຍ​ສາມາດ​ພັກ​ໄດ້​ບໍ່​ເກີນ​ 30 ວັນ.

ແຕ່ຖ້າເວົ້າເຖິງບ່ອນທີ່ເໝາະ​ສຳລັບ​ການ​ໄປ​ທ່ຽວ​ໃນ​ຊ່ວງ​ໜ້າ​ໜາວ​ທີ່ສຸດ ສະຖານ​ທີ່​ທ່ອງ​ທ່ຽວ​ຕ່າງ​ໆ​ໃນ​ຣັດ​ເຊຍນັບວ່າມີຄວາມ​ສວຍ​ງາມ​ເປັນ​ເອກະ​ລັກ​ ໂດຍ​ສະເພາະ​ໃນ​ມົດສະກູ​ ເມືອງ​ຫຼວງ​ຂອງ​ຣັດ​ເຊຍ​ ທ່ຽວ​ໄດ້​ຫຼາຍ​ແຫ່ງ​ແທ້ໆ​​. ຖ້າ​ຢາກ​ຮູ້​ວ່າ​ມີບ່ອນ​ໃດ​ທີ່​ໜ້າສົ​ນ​ໃຈແດ່ ມື້ນີ້​ເຮົາ​ຈະ​ມາ​ແນະ​ນຳ​ ຣັດ​ເຊຍ​ ທ່ຽວ​ 10 ຈຸດ​ງາມ​ສຸດ​ໃນ​ມົດສະກູ​ກັນ.​

1. ຈະຕຸລັດ​ແດງ​

ຣັດ​ເຊຍ​ ທ່ຽວ​ ບ່ອນທຳອິດ​ໃນ​ມົດສະກູ​ຕ້ອງ​ມາ​ບ່ອນນີ້​ເລຍ​ຄ່ະ​ ຈະຕຸລັດ​ແດງ​ ຫຼື​ Red Square ເຊິ່ງ​ເປັນ​ສະຖານ​ທີ່​ທ່ອງ​ທ່ຽວ​ມີ​ຊື່​ສຽງ​ຫຼາຍ​ທີ່ສຸດ​ແຫ່ງ​ໜຶ່ງ​ຂອງ​ເມືອງ​ ອີກ​ທັງ​ຍັງ​ເປັນ​ຈຸດ​ທີ່​ມີ​ນັກ​ທ່ອງ​ທ່ຽວ​ມາ​ຢ້ຽມຢາມ​ຫຼາຍ​ທີ່ສຸດນຳອ.​ ​ເປົ້າ​ໝາຍ​ຂອງ​ຄົນ​ສ່ວນ​ໃຫຍ່​ທີ່​ມາ​ຢ້ຽມຢາມ​ບ່ອນນີ້​ກໍ​ຄື​ ການ​ມາຊົ​ມ​ຄວາມ​ງາມ​ຂອງ​ສະ​ຖາ​ປັດ​ຕະຍະ​ກຳ​ຣັດ​ເຊຍ​ ບໍ່​ວ່າ​ຈະ​ເປັນ​ພະລາຊະວັັງ​ ຫຼື ​ຈະ​ເປັນ​ໂບດ​ວິ​ຫານ​ຕ່າງ​ໆ​ ທີ່​ຕັ້ງ​ຢູ່​ອ້ອມ​ຮອບ​ນັ້ນ​ເອງ.​ ສ່ວນ​ຊື່​ຂອງ​ຈະຕຸລັດ​ແດງ​ນັ້ນ​ກໍ​ມີ​ທີ່​ມາ​ຈາກ​ອາ​ຄານ​ຕ່າງ​ໆ​ ທີ່​ຕັ້ງ​ຢູ່​ບ່ອນນີ້​ສ່ວນ​ໃຫຍ່​ຈະ​ເປັນ​ສີ​ແດງ.​ ນອກ​ຈາກ​ນັ້ນ​ຈະຕຸລັດ​ແດງ​ຍັງ​ເປັນ​ສະຖານ​ທີ່​ສຳລັບ​ຈັດ​ງານ​ສະເຫຼິມ​ສະຫຼອງ​ຕ່າງ​ໆອີກດ້ວຍ​ເຊັ່ນ​: ງານ​ເທສະການ​ນັບຖອຍຫຼັງ​ປີ​ໃໝ່​ທີ່​ໃກ້​ເຂົ້າ​ມາ​ ເຂົາ​ກໍ​ຈັດ​ຢູ່​ບ່ອນນີ້​​ຄືກັນ.​

2. ມະຫາ​ວິ​ຫານ​ເຊນເບ​ຊິນ​

ຣັດ​ເຊຍ​ ທ່ຽວ​ ແຫ່ງ​ທີ່ 2 ໃນ​ນະຄອນ​ມົດສະກູ​ ຄົງ​ຈະ​ເປັນ​ບ່ອນໃດ​ໄປ​ບໍ່​ໄດ້​ນອກ​ຈາກ​ມະຫາ​ວິ​ຫານ​ເຊນເບ​ຊິນ​ ສັນຍາລັກ​ຂອງ​ຣັດ​ເຊຍ​ທີ່​ມີ​ຈຸດ​ເດັ່ນ​ດ້ວຍ​ສ​ຖາ​ປັດ​ຢ​ກຳ​ທີ່​ບໍ່​ເໝືອນ​ໃຜ​ ອີກ​ທັງ​ຢັງ​ຕັ້ງ​ຢູ່ໃນ​ຕຳແໜ່ງ​ທີ່​ໂດດ​ເດັ່ນ​ ສາມາດ​ເບິ່ງ​ເຫັນ​ໄດ້​ຊັດເຈນ​ທີ່ສຸດ​ໃນ​ຈະຕຸລັດ​ແດງ​ອີກ​ດ້ວຍ​ ແລະ ​ເມື່ອ​ນັກ​ທ່ອງ​ທ່ຽວ​ໄດ້​ມີ​ໂອ​ກາດ​ຍ່າງ​ເຂົ້າໄປ​ດ້ານ​ໃນ​ໂບດ​ ກໍ​ຈະ​ໄດ້​ພົບ​ກັບ​ຄວາມ​ໜ້າປະ​ຫຼາດ​ໃຈ​ທີ່ເຊື່ອງ​ຢູ່​ຫຼັງ​ກຳ​ແພງ​ ເຊິ່ງ​ມີ​ລັກສະນະ​ຄືກັບເຂົາ​ວົງ​ກົດ​ທີ່​ປະກອບ​ດ້ວຍ​ຫໍສູດມົນ​​ຕ່າງ​ໆ​ ໂດຍ​ສິ່ງ​ກໍ່​ສ້າງ​ທີ່​ໂດດ​ເດັ່ນ​ທີ່ສຸດ​ຂອງ​ໂບດ​​ກໍ​ຄື​ຫຼັງ​ຄາ​ໂດມ​ ທີ່ຄົນ​ສ່ວນ​ໃຫຍ່​ຈະ​ຮູ້​ຈັກ​ກັນ​ໃນ​ຊື່​ຂອງ​ໂດມ​ຫົວ​ຫອມ​ ທີ່​ເຕັມ​ໄປ​ດ້ວຍ​ຮູບ​ແບບ ​ແລະ ​ສີ​ສັນ​ທີ່​ສະ​ດຸດ​ຕາ​ ທັງ​ລາຍ​ທາງ​ສີ​ແດງ​ສ​ະຫຼັບ​ຂາວ,​ ວົງ​ກົ້ນ​ຫອຍ​ສີ​ແດງ​ສະຫຼັບ​ເຫຼືອງ​ ແລະ ​ໂດມ​ສູງ​ສີຄຳ​ເທິງຍອດ.​

3. ພະລາຊະວັງ​ເຄຣມ​ລິນ​

ພະລາຊະວັງ​ເຄຣມ​ລິນ​ ເປັນ​ພະລາຊະວັງ​ທີ່​ສ້າງ​ຢູ່​ເທິງ​ໂນນພູ​ຮິມ​ຝັ່ງ​ແມ່ນ້ຳ​ມອດ​ຄວາ​​ ທັງ​ນີ້​ພະ​ລາຊະວັງເຄຣມ​ລິນ​ໃນ​ອະ​ດີດ​ນັ້ນ​ເຄີຍ​ເປັນ​ບ່ອນປະ​ທັບ​ຂອງ​ພະ​ເຈົ້າ​ຊາ​​ກະສັດ​ແຫ່ງ​ລາຊະ​ວົງ​ຣັດ​ເຊຍ​ມາ​ກ່ອນ​​ ກ່ອນ​ຈະ​ປ່ຽນ​ເປັນ​ບ່ອນ​ເຮັດວຽກ​ລັດຖະບານ​ໃນ​ຊ່ວງ​ປະຕິວັດ​ເປັນ​ລະບອບ​ກອມ​ມູ​ນິດ​​ໃໝ່​ໆ.​ ສ່ວນ​ຕອນ​ນີ້​ກໍ​ໄດ້​ກາຍ​ເປັນ​ສະຖານ​ທີ່​ທ່ອງ​ທ່ຽວ​ທີ່​ມີ​ຊື່​ສຽງ​ຂອງ​ມົດສະກູ​ໄປ​ແລ້ວ​ ເຊິ່ງ​ພາຍ​ໃນ​ພະລາຊະວັງ​ເຄຣມ​ລິນ​ນັ້ນ​ປະກອບ​ໄປ​ດ້ວຍ​ຜາ​ສາດ,​ ໂບດ,​ ວິ​ຫານ,​ ພິ​ພິທະ​ພັນ,​ ຄັງ​ແສງ​ອາ​ວຸດ​ຍຸດ​ທະ​ພັນ,​ ຫໍສັງເກດການ,​ ປ້ອມ​ປາ​ການ,​ ຫໍ​ສູງຍອດ​ແຫຼມ​ ແລະ​ ໂດມ​ຫຼວງ​ຫຼາຍ​ ໂດຍ​ມີ​ກຳ​ແພງ​ສູງ​ອ້ອມ​ຮອບ​ດ້ວຍ​ຄວາມ​ຍາວ​ເກືອບ​ 3 ກິ​ໂລ​ແມັດ.​ ທີ່​ສຳຄັນ​ເທິງ​ຫໍ​ຄອຍ​ຖ້າ​ໃນ​ພະລາຊະວັງ​ຍັງ​ເປັນ​ຈຸດ​ຊົມ​ວິວ​ທີ່​ງາມ​ທີ່ສຸດ​ແຫ່ງ​ໜຶ່ງ​ໃນ​ມົດສະກູ​ອີກ​ດ້ວຍ.​

4. ວິ​ຫານ​ອັດ​ສຳ​ຊັນ​

ວິ​ຫານ​ອັດ​ສຳ​ຊັນ​ຕັ້ງ​ຢູ່​ພາຍ​ໃນພະລາຊະວັງ​ເຄຣມ​ລິນ​ ອີກ​ທັງ​ຍັງ​ເປັນ​ວິ​ຫານ​ທີ່​ເກົ່າ​ແກ່​ທີ່ສຸດ​, ໃຫຍ່​ທີ່ສຸດ​ ແລະ​ສຳຄັນ​ທີ່ສຸດ​ໃນ​ເຄຣມ​ລິນ​ອີກ​ດ້ວຍ​. ​ວິຫານນີ້ສ້າງ​ຂຶ້ນ​ຕັ້ງ​ແຕ່​ສະໄໝ​ພະ​ເຈົ້າ​ຊາ​ອິ​ວານ​ທີ​ 3 ດ້ວຍ​ການ​ອອກ​ແບບ ​ແລະ​ຄວບ​ຄຸມ​ການ​ກໍ່​ສ້າງ​ໂດຍ​ສະ​ຖາປະ​ນິກ​ທີ່​ມີ​ຊື່​ສຽງ​ຈາກ​ອິ​ຕາ​ລີ​ຊື່​ ອະ​ຣິສໂຕ​ເຕີນ​ ຟິ​ໂອ​ຣາ​ວານ​ຕິ​ ແລະ ​ເມື່ອ​ກ້າວ​ເຂົ້າໄປ​ພາຍ​ໃນ​ວິ​ຫານ​ ຝາ​ທາ​ດ້ານ​ທິດ​ຕາເວັນ​ຕົກ​ຈະ​ມີ​ຮູບແຕ້ມ​ຕິດ​ຢູ່​ ເປັນ​ຮູບ​ຂອງ​ພະ​ສາວົກ ​ແລະ ​ພະ​ສັງ​ຄະລາດ​ໃນ​ສະໄໝ​ຕ່າງ​ໆ​. ສ່ວນ​ຝາ​ດ້ານ​ເໜືອ​, ໃຕ້​ ແລະ​ຕາເວັນ​ຕົກ​ນັ້ນ ເຕັມ​ໄປ​ດ້ວຍ​ຫີບ​ສົບ​ຂອງ​ພະ​ສັງ​ຄະ​ລາດ​ ປະ​ມຸກ​ຂອງ​ຄຣິສຕະ​ສາສະນາ​ນິ​ກາຍ​ຣັດ​ຊຽນ​ອໍ​​ໂທດັ​ອກ​. ອີກ​ດ້ານ​ທີ່​ສຳຄັນ​ທີ່ສຸດ​ກໍ​ຄື​ຝາ​ທາງ​ທິດ​ຕາເວັນ​ອອກ​ ຈະ​ເປັນ​ຮູບ​ພະ​ເຢ​ຊູ​ທີ່​ຖືກ​ແຕ້ມລົງ​ເທິງ​ໂລ​ຫະ​ ເຊິ່ງ​ເປັນ​ຮູບ​ເຄົາລົບ​ທີ່​ແຕ້ມ​ຂຶ້ນ​ຈາກ​ຈິນ​ຕະ​ນາ​ການ​ທີ່​ພະ​ຜູ້​ເປັນ​ເຈົ້າ​ບັນດານ​ໃຈ​ໃຫ້​ແຕ້ມຂຶ້ນ​ມາ​ນັ້ນ​ເອງ.​

5. ພິພິທະພັນອາ​​ເມີ​ຣີ​ແຊມ​ເບີ​

ພິພິທະພັນອາ​ເມີ​ຣີແຊມ​ເບີ​ ເປັນ​ພິພິທະພັນທີ່​ຕັ້ງ​ຢູ່​ພາຍ​ໃນ​ພະລາຊະວັງ​ເຄຣມ​ລິນ​ ເຊິ່ງ​ມີ​ຄວາມ​ສຳຄັນ​ຄື ​ເປັນ​ສະຖານ​ທີ່​ເກັບ​ສົມບັດ​ລ້ຳ​ຄ່າ​ຂອງ​ຣັດ​ເຊຍກ​ວ່າ​ 4,000 ອັນ​ ໂດຍ​ສ່ວນ​ໃຫຍ່​ປະກອບ​ໄປ​ດ້ວຍ​ສາດ​ຕ​າ​ວຸດ​ຕ່າງ​ໆ, ເຄື່ອງ​ປ້ອງ​ກັນ​ຕົວ,​ ໝວກ,​ ເສື້ອ​ເກາະ​ທີ່​ໃຊ້​ຮົບ​ໃນ​ສະໝໍລະພູມ​, ເຄື່ອງ​ເງິນ,​ ຄຳ,​ ເພັດ​ພອຍ, ​ເຄື່ອງນຸ່ງຫົ່ມ​ຂອງ​ກະສັດ​ພະ​ເຈົ້າ​ຊາ ​ແລະ ​ຊາ​ຣີ​ນາ​ ເຊິ່ງ​ຫາ​ເບິ່ງ​ໄດ້​ຍາກເປັນຢ່າຍິ່ງຍິ່ງ​ ໂດຍ​ແບ່ງ​ອອກ​ເປັນ​ຊັ້ນ​ຕ່າງ​ໆ​ ດັ່ງ​ນີ້:​ ຊັ້ນ​ໜຶ່ງ​ ຫ້ອງ​ທີ 1 – 15 ຈັດ​ສະແດງ​ເຄື່ອງ​ເງິນ,​ ເຄື່ອງຄຳ,​ ອາ​ວຸດ,​ ເສື້ອ​ເກາະ,​ ໝວກ,​ ດາບ,​ ປືນ,​ ຫອກ,​ ງາ​ຊ້າງ,​ ເຄື່ອງ​ກະ​ເບື້ອງ ແລະ ຂອງ​ຂວັນ​ຈາກ​ທູດ​ຕ່າງ​ໆ.​ ສ່ວນ​ຊັ້ນ​ໃຕ້​ດິນ​ ຫ້ອງ​ທີ​ 6 – 9 ຈັດ​ສະແດງ​ເຄື່ອງ​ນຸ່ງຫົ່ມຂອງ​ພະ​ເຈົ້າ​ຊາ​​, ພະ​ລາ​ຊິ​ນີ​ຊາ​ຣີນາ,​ ເຄື່ອງ​ກະ​ກຸດ​ລາຊະ​ພັນ,​ ລາຊະ​ບັນ​ລັງ,​ ລາຊະ​ລົດ ​ແລະ ​ລາກ​ເລື່ອນ​ນ້ຳ​ແຂງ​.

6. ສວນອະເລັກຊານເດີ

ສວນອະເລັກຊານເດີຕັ້ງ​ຢູ່​ໃຈ​ກາງ​ນະຄອນ​ມົດສະ​ກູ.​ ບ່ອນນີ້​ຖື​ເປັນ​ມຸມ​ສະຫງົບ​ທີ່​ເໝາະ​ສຳລັບ​ການ​ມາ​ຜ່ອນ​ຄາຍ​ຄວາມ​ຕຶງຄຽດ​ໄດ້​ເປັນ​ຢ່າງ​ດີ​ເລີຍ.​ ​ຈຸດ​ເດັ່ນ​ຂອງ​ສວນ​ແຫ່ງ​ນີ້​ກໍ​ຄື​ ສ​ະໜາມ​ຫຍ້າ​ຂຽວ​ຂະ​ຈີ​ ມີ​ຮູບ​ປັ້ນ​ປະ​ຕິມາກຳ ​ແລະ ​ນ້ຳ​ພຸ​ທີ່​ສວຍ​ງາມ​ວາງ​ເປັນ​ຈຸດ​ໆ​ທົ່ວ​​ສວນ.​ ທັງ​ນີ້ ສວນອະເລັກຊານເດີເປີດ​ມາ​ຕັ້ງ​ແຕ່​ປີ​ 1821 ແລ້ວ​ລະ​ ໂດຍ​ເປັນ​ສວນ​ທີ່​ສ້າງ​ຂຶ້ນ​ເພື່ອ​ສະເຫຼິມ​ສະຫຼອງ​ໄຊຊະນະ​ຂອງ​ລັດ​ເຊຍ​ເໜືອ​ກອງທັບ​ນະ​ໂປ​ລຽນ​ ໃນ​ປີ​ 1812. ນອກ​ຈາກ​ນີ້​ຄວາມ​ພິເສດ​ຂອງ​ສວນ​ອີກ​ຢ່າງ​ກໍ​ຄື​ ການ​ຕົກ​ແຕ່ງ​ດ້ວຍ​ເສດ​ຊາກ​ທີ່​ເຫຼືອ​ຈາກ​ອາ​ຄານ​ເຊິ່ງ​ຖືກ​ກອງທັບ​ນ​ະໂປ​ລຽນ​ທຳລາຍ​ນັ້ນ​ເອງ.​

7. ໂຄ​ໂລ​ເມນ​ສະ​ໂກ​ເຢ​

ໂຄ​ໂລ​ເມນ​ສະ​ໂກ​ເຢ​ແມ່ນ ​ພິພິທະພັນປະຫວັດສາດ​ ແລະ ​ເຂດ​ອະ​ນຸ​ລັກ​ທີ່​ຕັ້ງ​ຢູ່​ເທິງ​ພູພຽງ​ເຊິ່ງ​ສາມາດ​ເບິ່ງ​ເຫັນ​ແມ່ນ້ຳ​ Moskva ໄດ້​ຢ່າງ​ຊັດເຈນ​ ໂດຍ​ບ່ອນນີ້​ຄັ້ງ​ໜຶ່ງ​ເຄີຍ​ເປັນ​ທີ່​ພັກ​ຕາກ​ອາ​ກາດ​ໃນ​ຊົນນະບົດ​ສຳລັບ​ເຫຼົ່າລາຊະ​ວົງ​ມາ​ກ່ອນ.​ ແຕ່​ປັດຈຸບັນ​ນີ້​ ບ່ອນນີ້​ໄດ້​ກາຍ​ເປັນ​ສວນ​ສາທາລະນະ​ຍອດ​ນິຍົມ​ຂອງ​ນັກ​ທ່ອງ​ທ່ຽວ​ໄປ​ແລ້ວ​ ເນື່ອງຈາກ​ເປັນ​ທີ່​ຕັ້ງ​ຂອງ​ສະຖານ​ທີ່​ສຳຄັນ​ທາງ​ດ້ານວັດທະນະທຳ​ຫຼາຍ​ແຫ່ງ​ ນັບ​ຕັ້ງ​ແຕ່​ໂບດ​ Church of Ascension ທີ່​ໄດ້ຮັບ​ການ​ຂຶ້ນ​ທະ​ບຽນ​ມໍລະດົກ​ໂລກ​ໄປ​ຮຽບຮ້ອຍ​ ລວມ​ໄປ​ເຖິງ​ພິ​ພິທະ​ພັນສະຖາ​ປັດ​ຕະຍະ​ກຳ​ໄມ້​ອັນ​ຊົງ​ຄຸນຄ່າ​ ທ່າມ​ກາງ​ບັນ​ຍາ​ກາດ​ກາງ​ແຈ້ງ​ເທິງ​ຫຍ້າ​ອັນ​ຂຽວ​ຂະ​ຈີ.​

8. ມະຫາ​ວິ​ຫານ​ເຊັນ​​ ເດີ​ ຊາ​​ເວຍ​

ຫາກ​ທຽບ​ກັບ​ແລນ​​ມາ​ກ​ອື່ນ​ໆ​ ຂອງ​ມົດສະກູ​ ມະຫາ​ວິ​ຫານ​ເຊັນ​​ ເດີ​ ຊາ​ເວຍ​ ຖື​ວ່າຍັງ​ອາຍຸ​ນ້ອຍ​ຫຼາຍ​ໆ​ເລີຍ​ລະ​ ເພາະ​ຫາກໍ່​ສ້າງ​ສຳເລັດ​ເມື່ອ​ປີ​ 2000 ນີ້​ເອງ​ ເຊິ່ງ​ສ້າງ​ແທນ​ຂອງ​ເກົ່າ​ທີ່​ຖືກ​ໂຊ​ວຽດ​ລະ​ເບີດ​ທຳລາຍ​ຖິ້ມ​ໃນ​ຊ່ວງ​ປີ​ 1931 ໂດຍ​ມີ​ຈຸດ​ເດັ່ນ​ຄື ​ໂດມ​ຍັກ​ສີຄຳ​ທີ່​ວາງ​ຢູ່​ເທິງ​ຍອດ​ອາ​ຄານ​ສີ​ຂາວ​ສະ​ອາດ​ຕາ.​ ສ່ວນ​ພາຍ​ໃນ​ອາ​ຄານ​ກໍ​ສວຍ​ງາມ​ ແລະ​ ຊົງ​ຄຸນຄ່າ​ບໍ່​ໜ້ອຍໄປກວ່າກັນເລີຍ​ ໂດຍ​ຂ້າງ​ໃນ​ໄດ້​ເກັບ​ວັດ​ຖຸ​ທີ່​ຍັງ​ຄົງ​ຫຼົງ​ເຫຼືອ​ໃນ​ໂບດ​ເດີມ​ເອົາ​ໄວ້​ ແຕ່​ກໍ​ມີ​ເຫຼືອພຽງແຕ່​ບໍ່ພໍເທົ່າໃດອັນ​ເທົ່າ​ນັ້ນ​ ເຊິ່ງ​ກໍ​ໄດ້​ພາບ​ Christ not Painted by Hand ຂອງ​ສິລະປິນ​ຊາວ​ຣັດ​ເຊຍ​. ນອກ​ຈາກ​ນັ້ນ​ບ່ອນນີ້​ຍັງມີ​ຈຸດ​ຊົມ​ວິວ​ທີ່​ສວຍ​ງາມ​ຂອງ​ນະຄອນ​ມົດສະ​ກູ​ ທີ່​ສາມາດ​ເບິ່ງ​ເຫັນ​ໄດ້​ຈາກ​ລະ​ບຽງ​ຊົມ​ວິວ​ທີ່​ມີ​ຄວາມ​ສູງ​ເຖິງ​ 40 ແມັດ.​

9. ພິພິທະພັນປະຫວັດສາດ​

ພິພິທະພັນປະຫວັດສາດ​ແຫ່ງ​ນີ້​ຈັດ​ສະແດງ​ຄໍເລັກ​ຊັນ​ສິ່ງ​ຂອງ​ຈຳນວນ​ຫຼາຍ​ຕະຫຼອດ​ຊ່ວງ​ປະຫວັດສາດ​ຂອງ​ຣັດ​ເຊຍ​ ໂດຍ​ຂອງ​ທັງ​ໝົດ​ຈະ​ຈັດຮຽງ​ຕາມ​ໄລຍະ​ເວລາ​ ໂດຍ​ມີ​ເຄື່ອງ​ຂອງ​ຈັດ​ສະແດງ​ຫຼວງ​ຫຼາຍ​ ຕັ້ງ​ແຕ່​ຂອງ​ໃຊ້​ໃນເຮືອນ​​ໄປ​ຈົນ​ເຖິງ​ອາ​ວຸດ ​ແລະ ​ງານ​ສິລະ​ປະ​ເປັນ​ຕົ້ນ.​ ທັງ​ນີ້​ສຳລັບ​ຜູ້​ທີ່​ມາ​ຢ້ຽມຢາມ​ພິພິທະພັນປະຫວັດສາດ​ແຫ່ງ​ນີ້​ ຫາກ​ສັງເກດ​ດີ​ໆ​ຈະ​ພົບ​ວ່າ​ ຄວາມ​ໂດດ​ເດັ່ນ​ຂອງ​ພິພິທະພັນບໍ່​ໄດ້​ມີ​ພຽງແຕ່​ສິ່ງ​ຂອງ​ທີ່​ຢູ່​ພາຍ​ໃນ​ເທົ່າ​ນັ້ນ​ ແຕ່​ຕົວ​ອາ​ຄານ​ກໍ​ສວຍ​ງາມ​ໂດດ​ເດັ່ນ​ບໍ່ໜ້ອຍກວ່າກັນ​ ດ້ວຍ​ການ​ອອກ​ແບບ​ໃນຮູບແບບກ​ໍ​ທິກ​ ທີ່​ສັງເກດ​ເຫັນ​ໄດ້​ຢ່າງ​ຊັດເຈນ​ບໍ່​ວ່າ​ຈະ​ເປັນ​ຫໍສູງ​ສີ​ເຂັ້ມ​ 2 ແຫ່ງ​ທີ່​ຕັ້ງ​ໂດດເດັ່ນ​ເທິງ​ແຕ່​ລະ​ດ້ານ​ຂອງ​ອາ​ຄານ​ສີ​ແດງ​ເຂັ້ມ​ທີ່​ໂດດ​ເດັ່ນ​ຢູ່ໃນ​ຈະຕຸລັດ​ແດງ​.

10. ສວນ​ກອກກີ

ສວນ​ກອກ​ກີ​ ຫຼື​ Gorky Central Park of Culture and Leisure ຄື​ສະຖານ​ທີ່​​ເໝາະ​ສຳລັບ​ການ​ໃຊ້​ເວລາ​ໃນ​ຊ່ວງ​ວັນພັກ​ໄປ​ກັບ​ກິດຈະກຳ​ກາງ​ແຈ້ງ​ ບໍ່​ວ່າ​ຈະ​ເປັນ​ກິດຈະກຳ​ໃນ​ຊ່ວງ​ໜ້າ​ໜາວ​ຢ່າງ​ການ​ຫຼິ້ນ​ສະ​ເກັດ​ເທິງ​ໜອງນໍ້າ​ທີ່​ເຢັນ​ຈົນ​ເປັນ​ນ້ຳ​ແຂງ.​ ສ່ວນ​ໃນ​ຊ່ວງ​ໜ້າ​ຮ້ອນ​ ນັກ​ທ່ອງ​ທ່ຽວ​ກໍ​ມັກ​ຈະ​ພົກ​ພາອາຫານ​ໄປ​ນັ່ງ​ປິກ​ນິກ​ເທິງ​ສະ​ໜາມ​ຫຍ້າ​ຂຽວ​ຂະ​ຈີ.​ ທັງ​ນີ້ສວນ​ກອກ​ກີເປີດ​ໃຫ້ບໍລິການແຄມ​ຝັ່ງ​ແມ່ນ້ຳ​ມອສຄວາເ​ປັ​ນ​ເທື່ອຄັ້ງທຳອິດ​ໃນ​ປີ​ 1928 ແລະ​ ກາຍ​ເປັນ​ຕົ້ນ​ແບບ​ສຳລັບ​ສວນ​ສະໜຸກແບບ​ໂຊ​ວຽດ.​ ນອກ​ຈາກ​ນີ້​ພາຍ​ໃນ​ສວນ​ຍັງມີ​ຂົວ​ ແລະ ​ອາ​ຄານ​ເກົ່າ​ແກ່​ສວຍ​ງາມ​ ລວມ​ເຖິງ​ບ້ານ​ທີ່​ອອກ​ແບບ​ໂດຍ​ສະ​ຖາປະນິກ​ທີ່ມີຊື່ສຽງ​ຊາວ​ຣັດ​ເຊຍ​ ເຮັດໃຫ້​ບ່ອນນີ້​ກາຍ​ເປັນ​ອີກ​ໜຶ່ງ​ສະຖານ​ທີ່​ທ່ອງ​ທ່ຽວ​ຊື່​ດັງ​ແຫ່ງ​ມົດສະກູ​ທີ່​ໜ້າສົ​ນ​ໃຈ​ບໍ່​ພ່າຍແພ້​ທີ່​ໃດ​ໆ.​

ນອກ​ຈາກ​ 10 ແຫ່ງ​ທີ່ກ​່າວ​ມາ​ໃນ​ຂ້າງ​ເທິງ​ແລ້ວ​ ມົດສະກູ​ຍັງມີ​ບ່ອນ​ທ່ຽວ​ທີ່​ສວຍ​ງາມ ​ແລະ ໜ້າສົ​ນ​ໃຈ​ອີກ​ຫຼວງ​ຫຼາຍ​ ທີ່ລໍ​ໃຫ້​ນັກ​ທ່ອງ​ທ່ຽວ​ໄທ​ໄປ​ພິສູດ​ດ້ວຍ​ສາຍ​ຕາ​ຂອງ​ຕົວ​ເອງ​ ທີ່​ສຳຄັນ​ໄປ​ທ່ຽວ​ຣັດ​ເຊຍ​ ຍັງ​ບໍ່​ຕ້ອງ​ຂໍ​ວີ​ຊາ​ໃຫ້​ຫຍຸ້ງ​ຍາກ​ອີກ​ດ້ວຍ.​

Advertisement Replay Ad

ຂໍຂອບໃຈ

ຂໍ້ມູນ : mushroomtrave

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ໂຄວິດ-19: ລາວພົບຜູ້ຕິດເຊື້ອໃໝ່ 223 ກໍລະນີ - ຫຼວງນໍ້າທາຕິດເຊື້ອໃນຊຸມຊົນ 1 ຄົນ (23 ກໍລະກົດ 2021)

ໂຄວິດ-19: ລາວພົບຜູ້ຕິດເຊື້ອໃໝ່ 223 ກໍລະນີ - ຫຼວງນໍ້າທາຕິດເຊື້ອໃນຊຸມຊົນ 1 ຄົນ (23 ກໍລະກົດ 2021)

ອອກແລ້ວເດີ້! ຜົນຫວຍລາວງວດວັນທີ 22 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 22 ກໍລະກົດ 2021

ສານຕັດສິນຕັດອິດສະລະພາບ 6 ບຸກຄົນກ່ຽວຂ້ອງກັບການແຜ່ລະບາດຂອງພະຍາດໂຄວິດ-19 ໃນລາວ

ສານຕັດສິນຕັດອິດສະລະພາບ 6 ບຸກຄົນກ່ຽວຂ້ອງກັບການແຜ່ລະບາດຂອງພະຍາດໂຄວິດ-19 ໃນລາວ

8 ເລື່ອງຄວນຮູ້ກ່ຽວກັບວັກຊີນໂຄວິດ-19 ຂອງ ຈອນສັນ ແອນ ຈອນສັນ

8 ເລື່ອງຄວນຮູ້ກ່ຽວກັບວັກຊີນໂຄວິດ-19 ຂອງ ຈອນສັນ ແອນ ຈອນສັນ

ອ່ານດວງລາຍວັນປະຈໍາວັນອັງຄານ ທີ 13 ກໍລະກົດ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 13 ກໍລະກົດ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 12 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 12 ກໍລະກົດ 2021

ໄບເດນ ປະກາດແຜນກະຕຸ້ນສັກວັກຊີນໂຄວິດ ເຄາະປະຕູສັກໃຫ້ຮອດໜ້າເຮືອນ

ໄບເດນ ປະກາດແຜນກະຕຸ້ນສັກວັກຊີນໂຄວິດ ເຄາະປະຕູສັກໃຫ້ຮອດໜ້າເຮືອນ

ອອກແລ້ວເດີ້! ຜົນຫວຍລາວງວດວັນທີ 8 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 8 ກໍລະກົດ 2021

"ແລມດາ" ໄວຣັສໂຄວິດກາຍພັນໃໝ່ ອັນຕະລາຍກວ່າສາຍພັນເດລຕາແທ້ ຫຼື ບໍ່?

"ແລມດາ" ໄວຣັສໂຄວິດກາຍພັນໃໝ່ ອັນຕະລາຍກວ່າສາຍພັນເດລຕາແທ້ ຫຼື ບໍ່?

ຄົນນີ້ເດ! 'ອອນ' ຫຼື ຮູ້ຈັກກັນໃນຊື່ 'ແມງປໍ' ສາວຫວານໜ້າສົ້ມ ດາວ TikTok ຕຳນານບົດໃໝ່ຈາກ ສປປ ລາວ

ຄົນນີ້ເດ! 'ອອນ' ຫຼື ຮູ້ຈັກກັນໃນຊື່ 'ແມງປໍ' ສາວຫວານໜ້າສົ້ມ ດາວ TikTok ຕຳນານບົດໃໝ່ຈາກ ສປປ ລາວ

ອັງກິດກຽມປົດລັອກດາວ ເຖິງຜູ້ຕິດເຊື້ອເພີ່ມ 20 ພັນ ພ້ອມເປີດແຜນການໃຊ້ຊີວິດຮ່ວມກັບໂຄວິດ

ອັງກິດກຽມປົດລັອກດາວ ເຖິງຜູ້ຕິດເຊື້ອເພີ່ມ 20 ພັນ ພ້ອມເປີດແຜນການໃຊ້ຊີວິດຮ່ວມກັບໂຄວິດ

ອອກແລ້ວເດີ້! ຜົນຫວຍລາວງວດວັນທີ 5 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 5 ກໍລະກົດ 2021

ເລື່ອງໜ້າຮູ້ກ່ຽວກັບທາງດ່ວນບໍ່ເຕ່ນ-ຫ້ວຍຊາຍ

ເລື່ອງໜ້າຮູ້ກ່ຽວກັບທາງດ່ວນບໍ່ເຕ່ນ-ຫ້ວຍຊາຍ

ອ່ານດວງລາຍວັນປະຈໍາວັນພະຫັດ 1 ກໍລະກົດ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ 1 ກໍລະກົດ 2021 ຕາມແຕ່ລະວັນເກີດ

ໄວຣັສໂຄ​ໂຣ​ນາ​ສາຍພັນເດລຕາ​ແມ່ນຫຍັງ?

ໄວຣັສໂຄ​ໂຣ​ນາ​ສາຍພັນເດລຕາ​ແມ່ນຫຍັງ?

ໂຄວິດ-19 ແຜ່ລະບາດຢ່າງວ່ອງໄວໄດ້ແນວໃດ? ນັກຄົ້ນຄວ້າຊີ້ ມັນມີການປັບໂຕເພື່ອແຜ່ໃສ່ຄົນໄດ້ເປັນຢ່າງດີ

ໂຄວິດ-19 ແຜ່ລະບາດຢ່າງວ່ອງໄວໄດ້ແນວໃດ? ນັກຄົ້ນຄວ້າຊີ້ ມັນມີການປັບໂຕເພື່ອແຜ່ໃສ່ຄົນໄດ້ເປັນຢ່າງດີ

ອ່ານດວງລາຍວັນປະຈໍາວັນອັງຄານ 29 ມິຖຸນາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ 29 ມິຖຸນາ 2021 ຕາມແຕ່ລະວັນເກີດ

Alan Turing ນັກຄະນິດສາດ LGBT ຜູ້ຊ່ວຍຊີວິດຄົນນັບລ້ານໃນສົງຄາມໂລກຄັ້ງທີ 2

Alan Turing ນັກຄະນິດສາດ LGBT ຜູ້ຊ່ວຍຊີວິດຄົນນັບລ້ານໃນສົງຄາມໂລກຄັ້ງທີ 2

ອ່ານດວງລາຍວັນປະຈໍາວັນພະຫັດ ທີ 17 ມິຖຸນາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 17 ມິຖຸນາ 2021 ຕາມແຕ່ລະວັນເກີດ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ