ວັນຈັນ ທີ 22 ມັງກອນ 2018

ນາຍົກລັດຖະມົນຕີແຫ່ງ ສປປ ລາວ ເຂົ້າຮ່ວມກອງປະຊຸມຊຸດຍອດອາຊຽນຄັ້ງທີ 31 ທີ່ປະເທດຟິລິບປິນ

ນາຍົກລັດຖະມົນຕີແຫ່ງ ສປປ ລາວ ເຂົ້າຮ່ວມກອງປະຊຸມຊຸດຍອດອາຊຽນຄັ້ງທີ 31 ທີ່ປະເທດຟິລິບປິນ

ນາຍົກລັດຖະມົນຕີແຫ່ງ ສປປ ລາວ ເຂົ້າຮ່ວມກອງປະຊຸມຊຸດຍອດອາຊຽນຄັ້ງທີ 31 ທີ່ປະເທດຟິລິບປິນ

ສຳນັກຂ່າວສານປະເທດລາວລາຍງານວ່າ ໃນວັນທີ 13 ພະຈິກ 2017, ທ່ານ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ເຂົ້າຮ່ວມ ພິທີເປີດກອງປະຊຸມ ສຸດຍອດອາຊຽນ ຄັ້ງທີ 31 ພາຍໃຕ້ຄໍາຂວັນ: ‘ຮ່ວມມືເພື່ອການປ່ຽນແປງ, ຜູກພັນກັບສາກົນ’ ໂດຍການເປັນເຈົ້າພາບ ແລະ ປະທານຂອງຟີລິບປິນ, ຊຶ່ງມີບັນດາປະມຸກລັດ, ຫົວໜ້າລັດຖະບານ ປະເທດອາຊຽນ, ລັດຖະມົນຕີຕ່າງປະເທດອາຊຽນ ແລະ ແຂກຖືກເຊີນເຂົ້າຮ່ວມ.

ພາຍຫລັງພິທີ ເປີດກອງປະຊຸມ ສຸດຍອດອາຊຽນ ຄັ້ງທີ 31, ທ່ານນາຍົກ ລັດຖະມົນຕີ ພ້ອມດ້ວຍຄະນະ ກໍໄດ້ສືບຕໍ່ເຂົ້າຮ່ວມ ກອງປະຊຸມສຸດຍອດອາຊຽນ ຄັ້ງທີ 31 ແບບຄົບຄະນະ, ເຊິ່ງ​ຜູ້ນຳ​ອາ​ຊຽນ ໄດ້ປຶກສາຫາລື ແລະ ທົບທວນຄືນ ກ່ຽວກັບການຈັດ​ຕັ້ງ​ປະຕິບັດ ວິໄສທັດປະຊາຄົມອາຊຽນ 2025 ກໍຄື ບັນດາ​​ແຜນ​ແມ່​ບົດ ​ສໍາລັບ​ສາມ​ເສົາ​ຄ້ຳ​ ປະຊາ​ຄົມ​ອາ​ຊຽນ ແລະ ທິດທາງໃນຕໍ່ໜ້າ ເພື່ອຮັດແໜ້ນ ປະຊາຄົມອາຊຽນ ໂດຍໄດ້ຊຸກຍູ້ ໃຫ້ທຸກຂະແໜງການອາຊຽນ ສືບຕໍ່ຈັດຕັ້ງປະຕິບັດ ບັນດາແຜນແມ່ບົດ ແລະ ແຜນວຽກຂອງຕົນ ໃຫ້ສໍາເລັດ ແລະ ມີປະສິດທິພາບ ເພື່ອປະກອບສ່ວນເຂົ້າໃນ ການຈັດຕັ້ງປະຕິບັດ ວິໄສທັດປະຊາຄົມອາຊຽນ 2025.

ໃນໂອກາດ ກ່າວຕໍ່ກອງປະຊຸມຄັ້ງນີ້, ທ່ານນາຍົກ ທອງລຸນ ສີສຸລິດ ໄດ້ຢໍ້າເຖິງຜົນສຳ​ເລັດ​ ຂອງ​ອາ​ຊຽນ ​ໃນ​ໄລຍະ 50 ປີ ຜ່າ​ນມາ,  ການ​ຮັດ​ແໜ້ນ ຄວາມ​ເປັນ​ແກນ​ກາງ ຂອງ​ອາ​ຊຽນ ​ແລະ ການ​ສົ່ງ​ເສີມ​ ການ​ເຂົ້າ​ເຖິງ​ແຫລ່ງທຶນ​ ຂອງ​ຈຸນ​ລະທຸ​ລະ​ກິດ, ທຸ​ລະ​ກິດ​ຂະໜາດ​ນ້ອຍ, ກາງ ​ແລະ ການຮັດແຄບຄວາມແຕກໂຕນ ດ້ານການພັດທະນາ ແລະ ການເຊື່ອມຈອດອາຊຽນ, ໂດຍຜ່ານການຈັດຕັ້ງປະຕິບັດ ແຜນວຽກຂໍ້ລິເລີ່ມ ເພື່ອການເຊື່ອມໂຍງອາຊຽນ ສະບັບທີ 3 ແລະ ຈັດຕັ້ງແຜນແມ່ບົດ ເພື່ອການເຊື່ອມຈອດອາຊຽນ 2025.

ນອກ​ນີ້, ກອງ​ປະຊຸມ ຍັງໄດ້ແລກປ່ຽນ ຄໍາຄິດຄໍາເຫັນ ກ່ຽວກັບການຮ່ວມມື ອາຊຽນກັບພາຍນອກ ແລະ ບັນຫາພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ເປັນຕົ້ນແມ່ນ ສະພາບ​ການຢູ່ຕາເວັນອອກກາງ, ແຫລມເກົາຫລີ, ການກໍ່ການຮ້າຍ, ວິກິດການຊາວອົບພະຍົບ, ທະເລຈີນໃຕ້ ແລະອື່ນໆ. ກອງປະຊຸມໄດ້ແຕ່ງຕັ້ງ ທ່ານ ດາໂຕປາດຸກາລິມຈອກຮອຍ ຈາກ ບຣູ​ໄນ ດາຣູສະ​ລາມ ເປັນ​ເລຂາທິການ​ໃຫຍ່ອາ​ຊຽນ ຄົນ​ຕໍ່​ໄປ ສຳລັບປີ 2018-2022.

ໃນ​ຕອນ​ບ່າຍ​ຂອງ​ວັນດຽວກັນ, ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ກໍໄດ້​ນຳພາ​ຄະນະ​ຜູ້​ແທນ​ລາວ ​ເຂົ້າຮ່ວມ​​ກອງ​ປະຊຸມ​ ສຸດ​ຍອດຕ່າງໆ ລະຫວ່າງ​ອາຊຽນ ກັບບັນດາຄູ່​ເຈລະ​ຈາ ​ເຊັ່ນ: ກອງປະຊຸມສຸດຍອດ ອາຊຽນ-ຈີນ ຄັ້ງທີ 20, ກອງປະຊຸມສຸດຍອດ ສະເຫລີມສະຫລອງ ການພົວພັນ ອາຊຽນ-ສະຫະລັດ ຄົບຮອບ 40 ປີ, ກອງປະຊຸມສຸດຍອດ ອາຊຽນ-ສ ເກົາຫລີ ຄັ້ງທີ 19, ກອງປະຊຸມສຸດຍອດ ອາຊຽນ-ຍີ່ປຸ່ນ ຄັ້ງທີ 20 ​ແລະ ກອງປະຊຸມສຸດຍອດ ອາຊຽນ-ສະຫະປະຊາຊາດ ຄັ້ງທີ 9.

ກອງ​ປະຊຸມ​ສຸດ​ຍອດ​ ອາຊຽນ-ຈີນ ຄັ້ງທີ 20 ໄດ້ເຫັນ​ດີ​​ໃຫ້​ເພີ່ມ​ທະວີ​​ ການຮ່ວມ​ມື​​ໃນ​ດ້ານ​ຕ່າງໆ ​ເພື່ອ​ຮັດ​ແໜ້ນການ​ພົວພັນ​ ອາຊຽນ-ຈີນ ​ໃຫ້​ນັບ​ມື້ຂະຫຍາຍຕົວ​ຍິ່ງ​ຂຶ້ນ ເປັນຕົ້ນ​ແມ່ນ​ ຈັດຕັ້ງຜັນ​ຂະຫຍາຍ ສັນຍາການ​ຄ້າ​ເສລີ ອາຊຽນ-ຈີນ ຢ່າງ​ເຕັມ​ສ່ວນ​​​ແນ​ໃສ່​ ປະກອບສ່ວນ​ເຮັດ​ໃຫ້​ ບັນລຸ​​ເປົ້າໝາຍການ​ຄ້າ ອາຊຽນ-ຈີນ ມູນ​ຄ່າ 1000 ຕື້​ໂດ​ລາ​ສະຫະລັດ ໃນ​ປີ 2020; ​ເສີມ​ຂະຫຍາຍ​ການ​ຮ່ວມ​ມື​ ດ້ານ​ການ​ເຊື່ອມ​ຈອດ ​ໂດຍ​ການ​ເຊື່ອມ​ສານ ລະຫວ່າງ​ ຂໍ້​ລິ​ເລີ່​ມໜຶ່ງ​ແລວທາງ ໜຶ່ງ​ເສັ້ນທາງຂອງ ສປ ຈີນ ​ແລະ ​ແຜນ​ແມ່​ບົດ ​ວ່າ​ດ້ວຍ​ການ​ເຊື່ອມ​ຈອດ 2025; ​ສົ່ງ​ເສີມ​ການທ່ອງ​ທ່ຽວ ​ແລະ ການ​ໄປມາຫາສູ່ ລະຫວ່າງ​ປະຊາຊົນ​​. ບັນດາ​ຜູ້ນຳ​ອາຊຽນ-ຈີນ ໄດ້​ຕົກ​ລົງ​ ຫລາຍ​ບັນ​ຫາ​ສຳ​ຄັນ​ ຄື: 1). ​ກຳ​ນົດ​ເອົາ​ຂົງ​ເຂດ ​ນະ​ວັດ​ຕະ​ກຳ ເປັນ​ຫົວ​ຂໍ້​ຈຸດ​ສຸມ​ການ​ຮ່ວມ​ມື​ ອາ​ຊຽນ-ຈີນ ໃນ​ປີ 2018, 2). ​ເຫັນ​ດີ​ຮ່າງວິໄສທັດ ການເປັນຄູ່ຮ່ວມຍຸດທະສາດ ອາ​ຊຽນ-ຈີນ ຮອດ​ປີ 2030 ​ແລະ 3). ປະກາດ​ເລີ່​ມການ​ປຶກສາ​ຫາລື ກ່ຽວກັບ​ກົດ​ແຫ່ງ​ການ​ປະ​ພຶດ ​ຂອງ​ບັນ​ດາ​ຝ່າຍ​ໃນ​ທະ​ເລ​ຈີນ​ໃຕ້ ຢ່າງ​ເປັນ​ທາງ​ການ. ນອກ​ນັ້ນ, ກໍ​ໄດ້ຕົກ​ລົງ​ຮັບຮອງ ເອົາຫລາຍ​ເອກະສານ ​​ເຊັ່ນ: 1). ຖະ​ແຫລງ​ການ​ຮ່ວມ ອາຊຽນ-ຈີນ ວ່າດ້ວຍ​ການ​ຮ່ວມ​ມື​ ດ້ານ​ການ​ທ່ອງ​ທ່ຽວ ​ແລະ 2). ຖະແຫລງການຮ່ວມ ອາຊຽນ-ຈີນ ວ່າດ້ວຍການຮັດແໜ້ນການຮ່ວມມື ດ້ານການຕ້ານການສໍ້ລາດບັງຫລວງ ແບບຮອບດ້ານ.

ໃນກອງປະຊຸມສຸດຍອດ ສະເຫລີມສະຫລອງ ການ​ພົວພັນ ​ອາຊຽນ-ສະຫະລັດ ຄົບຮອບ 40 ປີ, ຜູ້​ນຳອາ​ຊຽນ​ ​ແລະ ​ສ​ະ​ຫະ​ລັດ​ ໄດ້​ຢືນ​ຢັນຄືນຄວາ​ມໝາຍໝັ້ນ ທີ່​ຈະ​ສືບ​ຕໍ່​ຮັດ​ແໜ້ນ​ ການ​ຮ່ວມ​ມື​ໃນ​ຂົງ​ເຂດ​ຕ່າງໆ​ ທີ່​ມີ​ຜົນ​ປະ​ໂຫຍດ​ຮ່ວມ​ກັນ ​ເປັນ​ຕົ້ນ​ ດ້ານ​ຄວາມ​ໝັ້ນ​ຄົງ, ການ​ຄ້າ, ​ການ​ສຶກ​ສາ, ການ​ແລກ​ປ່ຽນ​ຊາວ​ໜຸ່ມ ແລະ ອື່ນໆ. ອາ​ຊຽນໄດ້​ສະ​ແດງ​ ຄວາມ​ຍິນ​ດີ​ທີ່​ເຫັນ​ວ່າ ສະ​ຫະ​ລັດພາຍ​ໃຕ້​ ລັດ​ຖະ​ບານ​ໃໝ່ ຍັງ​ສືບ​ຕໍ່​ໃຫ້​ຄວາມ​ສຳ​ຄັນ ​ຕໍ່​ການ​ພົວ​ພັນ​ ອາ​ຊຽນ-ສະ​ຫະ​ລັດ ແລະ ຖື​ອາ​ຊຽນ​ເປັນ​ບູ​ລິ​ມະ​ສິດ ​ໃນ​ນະ​ໂຍ​ບາຍ​ ການ​ຕ່າງ​ປະ​ເທດ​ຂອງ​ຕົນ. ໃນ​​ໂອກາດ​ນີ້, ຜູ້ນຳ​ອາຊຽນ ​ແລະ ສະຫະລັດ ກໍ​ໄດ້​ຮັບ​ຮອງ​ເອົາ ຖະ​ແຫລງ​ການຮ່ວມ​ ວ່າດ້ວຍກອງ​ປະຊຸມ​ສຸດ​ຍອດ ​ສະ​ເຫລີມສະຫລອງ ການ​ພົວພັນ​ອາຊຽນ-ສະຫະລັດ ຄົບຮອບ 40 ປີ.

ກອງ​ປະ​ຊຸມ​ສຸດຍອດ ອາ​ຊຽນ-ສ​ ເກົ​າຫລີ ຄັ້ງທີ 19 ​ໄດ້​ສະ​ແດງຄວາມຍິນດີ ຕໍ່ຄວາມ​ຄືບ​ໜ້າ​ຂອງ​ການ​ຮ່ວມ​ມື​ ອາ​ຊຽນ-ສ ເກົາ​ຫລີ ໃນ​ໄລ​ຍະ 1 ປີຜ່ານ​ມາ ລວມ​ທັງ​ການ​ ຈັດ​ຕັ້ງ​ປະ​ຕິ​ບັດ​ ປີ​ແລກ​ປ່ຽນ​ວັດ​ທະ​ນະ​ທຳ​ ອາ​ຊຽນ-ສ ເກົາ​ຫລີ ໃນ​ປີ 2017 ​ແລະ ການສ້າງຕັ້ງ ສູນວັດທະນະທໍາ ອາຊຽນ ຢູ່ແຂວງປູຊານ, ສ​ ເກົາ​ຫລີ, ຊຶ່ງໄດ້ເປີດໂຕ ຢ່າງເປັນທາງການ ໃນເດືອນກັນຍາ 2017 ຜ່ານມານີ້ແນໃສ່ສົ່ງເສີມ ການ​ແລກ​ປ່ຽນ​ດ້ານ​ ວັດ​ທະ​ນະ​ທຳ, ຍົກ​ສູງ​ຄວາມ​ຮັບ​ຮູ້ ແລະ ຄວາມ​ອົກ​ເຂົ້າ​ໃຈ ແລະ ການໄປ ມາຫາສູ່ກັນ ລະຫວ່າງ ປະຊາຊົນ ຂອງສອງພາກພື້ນ ໃຫ້ນັບມື້ນັບຫລາຍຍິ່ງຂຶ້ນ. ບັນດາ​ຜູ້ນຳ​ຍັງ​ໄດ້ຕີ​ລາຄາ​ສູງ ​ຕໍ່ການ​ຮ່ວມ​ມື​ ດ້ານການ​ຄ້າ ​ແລະ ການ​ລົງທຶນ ລະຫວ່າງ​ອາຊຽນ ​ແລະ ສ ​ເກົາຫລີ ​ແລະ ໄດ້ຢໍ້າ​ເຖິງ​ຄວາມ​ສຳຄັນ​ ໃນ​ການ​ຮ່ວມ​ມື​ ລະຫວ່າງ​ ພາກ​ທຸລະ​ກິດ ​ໂດຍ​ສະ​ເພາະ ​ແມ່ນ​ຈຸນ​ລະວິ​ສາ​ຫະກິດ ​ແລະ ວິ​ສາ​ຫະກິດ ຂະໜາດນ້ອຍ ​ແລະ ກາງ ລວມທັງ​ການສ້າງ​ຂີດ​ຄວາມ​ສາມາດ ​​​ໃຫ້​​ແກ່ພາກທຸລະກິດ ​ຂອງອາຊຽນ;  ການ​ຮ່ວມ​ມື​ເພື່ອຮັດແຄບ ຄວາມແຕກໂຕນ ດ້ານການພັດທະນາ, ການ​ເຊື່ອມ​ຈອດ ​ແລະ ອື່ນໆ​.

ໃນກອງ​ປະ​ຊຸມສຸດຍອດ​ ອາ​ຊຽນ-ຍີ່​ປຸ່ນ ຄັ້ງທີ 20, ບັນດາ​ຜູ້ນຳ​ອາຊຽນ ​ແລະ ຍີ່ປຸ່ນ ໄດ້ຢໍ້າຄືນ​ຄວາມໝາຍໝັ້ນ ທີ່​ຈະ​ເພີ່ມ​ທະວີ​ການ​ຮ່ວມ​ມື ​ໃນ​ດ້ານ​ການ​ເຊື່ອມ​ຈອດ, ການ​ຮັດ​ແຄບ​ຄວາມ​ແຕກ​ໂຕນ ​ດ້ານ​ການ​ພັດທະນາ, ການ​ສ້າງ​ຂີດ​ຄວາມ​ສາມາດ ​ແລະ ພັດທະນາ​ ຊັບພະຍາກອນ​ມະນຸດ, ການ​ແລກປ່ຽນຊາວໜຸ່ມ, ວຽກງານ​ສາທາລະນະ​ສຸກ, ການບັນ​ເທົາ​ທຸກ​ໄພພິບັດ ​ແລະ ອື່ນໆ. ກອງ​ປະຊຸມ ຍັງ​ໄດ້​ສະ​ແດງ​ຄວາມ​ຍິນ​ດີ ​ຕໍ່​ຂໍ້​ລິ​ເລີ່​ມຂອງ​ຍີ່ປຸ່ນ ​ທີ່​ຈະ​ເພີ່ມ​ທະວີ​ ການ​ຮ່ວມ​ມື​ກັບ​ອາຊຽນ ​ໃນ​ດ້ານ​ການພັດທະນາ ​ພື້ນຖານ​ໂຄງ​ລ່າງ ທີ່​ມີ​ຄຸນ​ນະພາ​ບ, ການ​ສ້າງ​ຄວາມ​ເຂັ້ມ​ແຂງ ​ໃຫ້​ແກ່​ແມ່ຍິງ, ດ້ານ​ສິ່ງ​ແວດ​ລ້ອມ, ວຽກງານ​ສາທາລະນະ​ສຸກ, ການ​ພັດທະນາ​ ວິ​ສາ​ຫະກິດ ​ຂະໜາດນ້ອຍ ​ແລະ ກາງ ​ແລະ ຂົງ​ເຂດ​ອື່ນໆ. ​

ກອງ​ປະຊຸມ​ສຸດ​ຍອດ​ ອາ​ຊຽນ-ສະຫະປະຊາ​ຊາດ (ສປຊ) ຄັ້ງ​ທີ 9 ໄດ້ສະແດງ ຄວາມໝາຍໝັ້ນ ໃນການສືບຕໍ່ຮັດແໜ້ນ ການຮ່ວມມື ລະຫວ່າງ ອາຊຽນ-ສປຊ, ແນໃສ່ສົ່ງເສີມສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາ ໃນພາກພື້ນ ແລະ ໃນໂລກ. ກອງ​ປະຊຸມ​ໄດ້​ເຫັນ​ດີໃຫ້​ ເພີ່ມ​ທະວີການປະສານງານ ລະຫວ່າງ ສອງກອງ​ເລຂາຢ່າງໃກ້ຊິດ ແລະ ເປັນລະບົບຂຶ້ນຕື່ມ ເພື່ອຮັບປະກັນ ​ໃຫ້ການຈັດຕັ້ງຜັນຂະຫຍາຍ ວິໄສທັດປະຊາຄົມອາຊຽນ 2025 ແລະ ວາລະ 2030 ເພື່ອການພັດທະນາ ແບບຍືນຍົງ ມີຄວາມກົມກຽວກັນ ​ແລະ ​ເພີ່​ມ​ເສີມ​ໃຫ້​ແກ່​ກັນ ​ແລະ ກັນ. ພ້ອນນັ້ນ, ກອງປະຊຸມ ຍັງໄດ້​ແລກປ່ຽນ ຄວາມ​ຄິດ​ເຫັນ​ ຕໍ່ບັນດາເຫດການທີ່ກໍາລັງເກີດຂຶ້ນ ໃນພາກພື້ນ ແລະ ໃນໂລກ ທີ່​ມີ​ຄວາມ​ສົນ​ໃຈ ​ແລະ ​ເປັນ​ຫ່ວງ​ຮ່ວມ​ກັນ.

ນອກນັ້ນ, ທ່ານ ທອງລຸນ ສີສຸລິດ ຍັງໄດ້ເຂົ້າຮ່ວມພົບປະ ລະຫວ່າງ ຜູ້ນຳອາຊຽນບວກສາມ ແລະ ສະພາທຸກລະກິດ ອາຊີຕາເວັນອອກ, ໂດຍກອງປະຊຸມ ໄດ້ຮັບຟັງຂໍ້ສະເໜີ ຂອງຕົວແທນພາກທຸລະກິດ ຈາກບັນດາປະເທດ ອາຊຽນບວກສາມ ກ່ຽວກັບການເພີ່ມທະວີ ການມີສ່ວນຮ່ວມ ຂອງພາກທຸລະກິດ ໃນຂະບວນການເຊື່ອມໂຍງ ເສດຖະກິດພາກພື້ນ, ໂດຍສະເພາະແມ່ນ ຂະບວນການເຈລະຈາ ສັນຍາການເປັນຄູ່ຮ່ວມ ເສດຖະກິດແບບຮອບດ້ານ ລະດັບພາກພື້ນ ຫລື ເອີ້ນວ່າ “RCEP”.

ໃນໂອກາດເຂົ້າຮ່ວມ ກອງປະຊຸມຄັ້ງນີ້, ທ່ານນາຍົກລັດຖະມົນຕີ ຍັງໄດ້ພົບປະຫາລື ການພົວ ພັນຮ່ວມມື ສອງຝ່າຍກັບຄູ່ຮ່ວມຕຳແໜ່ງ ຄື: ວັນທີ 12 ພະຈິກ 2017 ໄດ້ພົບປະກັບ ທ່ານ ສົມເດັດ ຮຸນແຊນ ນາຍົກລັດຖະມົນຕີ ແຫ່ງ ລາຊະອາຈັກກຳປູເຈຍ ແລະ ທ່ານ ດີມີຕຣີ ເມັດເວເດັບ ນາຍົກ ລັດຖະມົນຕີ ແຫ່ງ ສະຫະພັນຣັດເຊຍ ແລະ ວັນທີ 13 ພະຈິກ 2017 ໄດ້ພົບປະຫາລື ແບບບໍ່ເປັນທາງການ ກັບ ທ່ານ ຫງຽນຊວນ ຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ ແລະ ທ່ານ ແອນໂຕນິໂອ ກູເຕິເຣັດສ ເລຂາທິການໃຫຍ່ ອົງການສະຫະປະຊາຊາດ, ເຊິ່ງສອງຝ່າຍ ໄດ້ແລກປ່ຽນຄຳຄິດຄຳເຫັນ ກ່ຽວກັບການເຊື່ອມສານ ລະຫວ່າງ ວິໄສທັດອາຊຽນ 2025 ກັບວາລະ ການພັດທະນາແບບຍືນຍົງ 2030 ແລະ ບັນຫາພາກພື້ນ ແລະ ສາກົນ ທີ່ຕ່າງຝ່າຍຕ່າງມີ ຄວາມສົນໃຈຮ່ວມກັນ.

Advertisement Replay Ad

ຂໍຂອບໃຈ

ຂໍ້ມູນ : ຂ່າວສານປະເທດລາວ

ໄຊ​ບີ​ເຣຍ​ໜາວ​ຈົນນໍ້າກ້າມຈັບຂົນຕາ-ໜວດ ອຸນຫະພູມຕໍ່າເປັນປະຫວັດຕິການ​ ລົບ 68 ອົງ​ສາ​

ໄຊ​ບີ​ເຣຍ​ໜາວ​ຈົນນໍ້າກ້າມຈັບຂົນຕາ-ໜວດ ອຸນຫະພູມຕໍ່າເປັນປະຫວັດຕິການ​ ລົບ 68 ອົງ​ສາ​

ໂຄຄາ-ໂຄລາ ຕັ້ງເປົ້າ ຣີໄຊເຄິນກະຕຸກ ແລະ ກະປ໋ອງເຄື່ອງດື່ມ ໃຫ້ໄດ້ 100% ພາຍໃນປີ 2030

ໂຄຄາ-ໂຄລາ ຕັ້ງເປົ້າ ຣີໄຊເຄິນກະຕຸກ ແລະ ກະປ໋ອງເຄື່ອງດື່ມ ໃຫ້ໄດ້ 100% ພາຍໃນປີ 2030

ໜ່ວຍງານລັດທົ່ວສະຫະລັດຖືກປິດ ພະນັກງານລັດບໍ່ໄດ້ຮັບເງິນເດືອນ ຫຼັງສະພາບໍ່ຜ່ານກົດໝາຍງົບປະມານ

ໜ່ວຍງານລັດທົ່ວສະຫະລັດຖືກປິດ ພະນັກງານລັດບໍ່ໄດ້ຮັບເງິນເດືອນ ຫຼັງສະພາບໍ່ຜ່ານກົດໝາຍງົບປະມານ

ໄຊຍະບູລີເປີດໃຊ້ກ້ອງວົງຈອນປິດໃນຕົວເມືອງ 21 ຈຸດ ແລະ ຫ້ອງການຄຸ້ມຄອງລະບົບສູນຂໍ້ມູນ

ໄຊຍະບູລີເປີດໃຊ້ກ້ອງວົງຈອນປິດໃນຕົວເມືອງ 21 ຈຸດ ແລະ ຫ້ອງການຄຸ້ມຄອງລະບົບສູນຂໍ້ມູນ

ຖະແຫຼງຂ່າວ, ວັດທະນະທຳ ແລະ ການທ່ອງທ່ຽວສ້າງຄວາມເປັນເອກະພາບ ການຄຸ້ມຄອງປ້າຍໂຄສະນາ

ຖະແຫຼງຂ່າວ, ວັດທະນະທຳ ແລະ ການທ່ອງທ່ຽວສ້າງຄວາມເປັນເອກະພາບ ການຄຸ້ມຄອງປ້າຍໂຄສະນາ

ຄັ້ງ​ທຳ​ອິດໃນ ສປປ ລາວ ການ​ແຂ່ງຂັນກີລາທັກ​ຄິວ​ບາ​ເລ ທົ່ວ​ປະ​ເທດ

ຄັ້ງ​ທຳ​ອິດໃນ ສປປ ລາວ ການ​ແຂ່ງຂັນກີລາທັກ​ຄິວ​ບາ​ເລ ທົ່ວ​ປະ​ເທດ

ອັງກິດຕັ້ງລັດຖະມົນຕີ ກະຊວງຄວາມເຫງົາ ຕໍ່ສູ້ກັບຄວາມຮູ້ສຶກໂດດດ່ຽວຂອງປະຊາຊົນ

ອັງກິດຕັ້ງລັດຖະມົນຕີ ກະຊວງຄວາມເຫງົາ ຕໍ່ສູ້ກັບຄວາມຮູ້ສຶກໂດດດ່ຽວຂອງປະຊາຊົນ

6 ເດືອນທີ່ຜ່ານມາ ອັດຕະປືສຸມໃສ່ການກວດກາລາຄາສິນຄ້າຕາມທ້ອງຕະຫຼາດ

6 ເດືອນທີ່ຜ່ານມາ ອັດຕະປືສຸມໃສ່ການກວດກາລາຄາສິນຄ້າຕາມທ້ອງຕະຫຼາດ

ສ່ອງ ຟ່ານປິງປິງ ນຳທັບຊຸບຕາເດີນພົມຟ້າ ໃນຊຸດງາມຮຽບຫຼູຫຼາ

ສ່ອງ ຟ່ານປິງປິງ ນຳທັບຊຸບຕາເດີນພົມຟ້າ ໃນຊຸດງາມຮຽບຫຼູຫຼາ

ແຂວງບໍ່ແກ້ວຈັດງານບຸນປະເພນີບັນດາເຜົ່າຕ້ອນຮັບປີທ່ອງທ່ຽວລາວ

ແຂວງບໍ່ແກ້ວຈັດງານບຸນປະເພນີບັນດາເຜົ່າຕ້ອນຮັບປີທ່ອງທ່ຽວລາວ

ຮອງ​ນາຍົກເນັ້ນໃຫ້ທຸກຂະແໜງການເອົາໃຈໃສ່​ວຽກ​ງານກວດກາ​ໃຫ້​ເຂັ້ມງວດກວ່າເກົ່າ

ຮອງ​ນາຍົກເນັ້ນໃຫ້ທຸກຂະແໜງການເອົາໃຈໃສ່​ວຽກ​ງານກວດກາ​ໃຫ້​ເຂັ້ມງວດກວ່າເກົ່າ

ຮັບຮອງເອກະສານຄຳຮ້ອງຄຸ້ມຄອງທົ່ງໄຫຫີນ ນຳສະເໜີເປັນມໍລະດົກໂລກ

ຮັບຮອງເອກະສານຄຳຮ້ອງຄຸ້ມຄອງທົ່ງໄຫຫີນ ນຳສະເໜີເປັນມໍລະດົກໂລກ

ຫ້ອງວ່າການສູນກາງພັກ ເປີດຂາຍຟອມສອບເສັງເອົາລັດຖະກອນໃຫມ່ປະຈຳປີ 2018

ຫ້ອງວ່າການສູນກາງພັກ ເປີດຂາຍຟອມສອບເສັງເອົາລັດຖະກອນໃຫມ່ປະຈຳປີ 2018

ລັດກຽມປັບຂຶ້ນຄ່າແຮງງານຂັ້ນຕໍ່າຂຶ້ນ

ລັດກຽມປັບຂຶ້ນຄ່າແຮງງານຂັ້ນຕໍ່າຂຶ້ນ

ກະຊວງ ຖວທ ພິຈາລະນາຄຳຮ້ອງສະເໜີທົ່ງໄຫຫີນເປັນມໍລະດົກໂລກ

ກະຊວງ ຖວທ ພິຈາລະນາຄຳຮ້ອງສະເໜີທົ່ງໄຫຫີນເປັນມໍລະດົກໂລກ

ຕາອີ່ຕົນ! ອິນ​ໂດເລັ່ງ​ຫາ​ທາງ​ຊ່ວຍແຂ້​ຖືກ​ຢາງຕີນລົດ​ຮັດ​ຄໍລໍຖ້າວັນ​ຕາຍ​

ຕາອີ່ຕົນ! ອິນ​ໂດເລັ່ງ​ຫາ​ທາງ​ຊ່ວຍແຂ້​ຖືກ​ຢາງຕີນລົດ​ຮັດ​ຄໍລໍຖ້າວັນ​ຕາຍ​

ຈີນ​ຂົນ​ວັດສະດຸ ແລະ ​ເຄື່ອງ​ມື​ສ້າງ​ສະ​ຖາ​ນີ​ວິ​ໄຈ​ແຫ່ງ​ທີ​ 5 ຢູ່​ຂົ້ວ​ໂລກ​ໃຕ້

ຈີນ​ຂົນ​ວັດສະດຸ ແລະ ​ເຄື່ອງ​ມື​ສ້າງ​ສະ​ຖາ​ນີ​ວິ​ໄຈ​ແຫ່ງ​ທີ​ 5 ຢູ່​ຂົ້ວ​ໂລກ​ໃຕ້

ລັດຖະບານອະນຸຍາດໃຫ້ເຈົ້າໜ້າທີ່ໃຊ້ມາດຕະການຕໍ່ກຸ່ມຄ້າຂາຍສັດປ່າ-ພືດຫວງຫ້າມ ພ້ອມອອກຂ່າວຢ່າງເປີດເຜີຍ

ລັດຖະບານອະນຸຍາດໃຫ້ເຈົ້າໜ້າທີ່ໃຊ້ມາດຕະການຕໍ່ກຸ່ມຄ້າຂາຍສັດປ່າ-ພືດຫວງຫ້າມ ພ້ອມອອກຂ່າວຢ່າງເປີດເຜີຍ

ທະນາຄານໂລກເຜີຍ ການດຳເນີນທຸລະກິດທີ່ບໍ່ຖືກລະບຽບໃນລາວ ເປັນໄພອັນຕະລາຍ-ຄວາມໜ້າອັບອາຍຂອງຊາດ

ທະນາຄານໂລກເຜີຍ ການດຳເນີນທຸລະກິດທີ່ບໍ່ຖືກລະບຽບໃນລາວ ເປັນໄພອັນຕະລາຍ-ຄວາມໜ້າອັບອາຍຂອງຊາດ

ມິມີ່ ພູນຊັບ ກັບ ບົດບາດໃໝ່ໃນການເປັນ Brand Ambassador ຂອງ Lao Fashion Week 2018

ມິມີ່ ພູນຊັບ ກັບ ບົດບາດໃໝ່ໃນການເປັນ Brand Ambassador ຂອງ Lao Fashion Week 2018

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ