ວັນຈັນ ທີ 22 ມັງກອນ 2018

ເປີດຊີວະປະຫວັດຫຍໍ້ຂອງ ສີຈິ້ນຜິງ ປະທານປະເທດ ສປ ຈີນ

ເປີດຊີວະປະຫວັດຫຍໍ້ຂອງ ສີຈິ້ນຜິງ ປະທານປະເທດ ສປ ຈີນ

ເປີດຊີວະປະຫວັດຫຍໍ້ຂອງ ສີຈິ້ນຜິງ ປະທານປະເທດ ສປ ຈີນ

ສະຫາຍ (Xi Jinping) ເກີດເດືອນມິຖຸນາ ປີ 1953 (64 ປີ), ຊົນເຜົ່າຮັ້ນ, ເມືອງຟູຜິງແຂວງສານຊີ, ເຂົ້າຮ່ວມການປະຕິວັດ ໃນເດືອນມັງກອນ ປີ 1969, ເປັນສະມາຊິກພັກ ກອມມູນິດຈີນ ໃນເດືອນມັງກອນ ປີ 1974. ຈົບການສຶກສາ ລະດັບປະລິນຍາຕີ ຂະແໜງການສຶກສາ ດ້ານທິດສະດີ ແລະ ແນວຄິດການເມືອງ ລັດທິມາກ ຢູ່ ສະຖາບັນວັດທະນະທຳ ແລະ ສັງຄົມ ຂອງມະຫາວິທະຍາໄລ ຊິງຮວາ, ຈົບປະລິນຍາໂທເຊື່ອມຕໍ່, ຈົບປະລິນຍາເອກ ຂະແໜງກົດໝາຍ.

ຕຳແໜ່ງປະຈຸບັນ: ເລຂາທິການໃຫຍ່ ຄະນະກຳມະການ ສູນກາງພັກກອມມູນິດຈີນ, ປະທານຄະນະກຳມະການ ທະຫານສູນກາງພັກ ກອມມູນິດຈີນ, ປະທານປະເທດ ແຫ່ງ ສາທາລະນະລັດ ປະຊາຊົນຈີນ, ປະທານຄະນະກຳມະການ ທະຫານສູນກາງ ຂອງ ສປ ຈີນ.

*ການເຄື່ອນໄຫວສຳຄັນ ຂອງ ສະຫາຍ ສີຈິ້ນຜິງ ໃນໄລຍະຜ່ານມາ ມີຄືດັັ່ງນີ້:

-ແຕ່ປີ 1969-1975, ເປັນເລຂາໜ່ວຍພັກ, ມະຫາຊົນກ້າວໜ້າ ໃນກອງຜະລິດລຽງເຈ່ຍເຮີ, ສະຫະກອນອ່ານອີ້, ເມືອງຢຽນຊວນ ແຂວງສານຊີ;

-ແຕ່ປີ 1975-1979, ຮຽນວິຊາສານປະສົມອິນຊີພື້ນຖານ ຂະແໜງອຸດສະຫະກໍາ ເຄມີສາດ, ມະຫາວິທະຍາໄລ ຊິງຮົວ;

-ແຕ່ປີ 1979-1982, ​ເປັນເລຂາຂອງ ຫ້ອງວ່າການ ຄະນະລັດຖະບານຈີນ, ຫ້ອງວ່າການ ຄະນະກຳມະທິການ ທະຫານສູນກາງ, (ຖະຫານປະຈຳກອງທັບ);

-ແຕ່ປີ 1982-1983, ເປັນຮອງເລຂາພັກເມືອງໆເຈິ້ງຕິ້ງ, ແຂວງເຫີເປີຍ;

-ແຕ່ປີ 1983-1985, ເປັນເລຂາພັກເມືອງໆເຈິ້ງຕິ້ງ, ແຂວງເຫີເປີຍ; ເປັນຄະນະກໍາມະການການເມືອງ ຜູ້ທີໜຶ່ງ, ທັງເປັນເລຂາ ຄະນະພັກຜູ້ທີໜຶ່ງ ຂອງກອງບັນຊາການ ປະກອບອາວຸດເມືອງເຈິ້ງຕິ້ງ, ແຂວງເຫີເປີຍ;

-ແຕ່ປີ 1985-1988, ເປັນຄະນະປະຈໍາພັກນະຄອນ, ຮອງເຈົ້າຄອງນະຄອນເຊຍເມີນແຂວງຟູຈ້ຽນ;

-ແຕ່ປີ 1988-1990, ເປັນເລຂາຄະນະພັກ ຮາກຖານເຂດນິງເຕີ ແລະ ເປັນເລຂາຄະນະພັກ ຜູ້ທີໜຶ່ງ ຂອງ ຄະນະພັກເຂດນິງເຕີ, ແຂວງຟູຈ້ຽນ;

-ແຕ່ປີ 1990-1993, ເປັນເລຂາພັກ ນະຄອນຟູໂຈ່, ປະທານຄະນະປະຈຳສະພາ ປະຊາຊົນນະຄອນຟູໂຈ່, ທັງເປັນ ເລຂາພັກຜູ້ທີໜຶ່ງ ຂອງອົງຄະນະພັກ ເຂດທະຫານນະຄອນຟູໂຈ່, ແຂວງຟູຈ້ຽນ;

-ແຕ່ປີ 1993-1995, ເປັນຄະນະປະຈໍາພັກ ແຂວງໆຟູຈ້ຽນ, ເລຂາພັກນະຄອນຟູໂຈ່, ປະທານຄະນະປະຈຳສະພາ ປະຊາຊົນນະຄອນຟູໂຈ່, ທັງເປັນ ເລຂາພັກຜູ້ທີໜຶ່ງ ຂອງອົງຄະນະພັກ ເຂດທະຫານນະຄອນຟູໂຈ່, ແຂວງຟູຈ້ຽນ;

-ແຕ່ປີ 1995-1996, ເປັນຮອງເລຂາພັກ ແຂວງໆຟູຈ້ຽນ, ເລຂາພັກນະຄອນຟູໂຈ່, ປະທານຄະນະປະຈຳສະພາ ປະຊາຊົນນະຄອນຟູໂຈ່, ທັງເປັນ ເລຂາພັກຜູ້ທີໜຶ່ງຂອງອົງຄະນະພັກ ເຂດທະຫານນະຄອນຟູໂຈ່, ແຂວງຟູຈ້ຽນ;

-ແຕ່ປີ 1996-1999, ເປັນຮອງເລຂາພັກ ແຂວງໆຟູຈ້ຽນ, ທັງເປັນ ເລຂາພັກຜູ້ທີໜຶ່ງ ຂອງກອງພົນປຶນໃຫຍ່ ກະກຽມສູ້ຮົບແຂວງຟູຈ້ຽນ;

-ແຕ່ປີ 1999-2000, ເປັນຮອງເລຂາພັກ ແຂວງໆຟູຈ້ຽນ, ຮັກສາການເຈົ້າແຂວງໆຟູຈ້ຽນ; ເປັນ​ຮອງປະທານ ຄະນະກໍາມະການ ວຽກງານໂຄສະນາປ້ອງກັນຊາດ ປະຈຳກອງທັບເຂດນານຈິ່ງ, ເປັນປະທານຄະນະກຳມະການ ວຽກງານໂຄສະນາ ປ້ອງກັນຊາດແຂວງຟູຈ້ຽນ, ເປັນເລຂາຄະນະພັກຜູ້ທີໜຶ່ງ ຂອງ ກອງພົນປຶນໃຫຍ່ ກະກຽມສູ້ຮົບແຂວງຟູຈ້ຽນ.

-ແຕ່ປີ 2000-2002, ເປັນຮອງເລຂາພັກແຂວງ, ທັງເປັນເຈົ້າແຂວງແຂວງໆຟູຈ້ຽນ; ເປັນຮອງປະທານຄະນະກໍາມະການ ວຽກງານໂຄສະນາ ປ້ອງກັນຊາດປະຈຳກອງທັບ ເຂດນານຈິ່ງ, ເປັນປະທານ ຄະນະກໍາມະການປ້ອງກັນຊາດ ປະຈໍາແຂວງຟູຈ້ຽນ, ທັງເປັນເລຂາຄະນະພັກ ຜູ້ທີໜຶ່ງ ຂອງກອງພົນປຶນໃຫຍ່ ກະກຽມສູ້ຮົບແຂວງຟູຈ້ຽນ.

-(ໃນໄລຍະແຕ່ປີ 1998-2002,  ສຶກສາລະດັບປະລິນຍາຕີ ຂະແໜງການສຶກສາ ດ້ານທິດສະດີ ແລະ ແນວຄິດການເມືອງ ລັດທິມາກ ຢູ່ ສະຖາບັນວັດທະນະທຳ ແລະ ສັງຄົມ ຂອງມະຫາວິທະຍາໄລຊິງຮວາ, ຈົບປະລິນຍາໂທເຊື່ອມຕໍ່, ຈົບປະລິນຍາເອກ ຂະແໜງກົດໝາຍ).

-ແຕ່ປີ 2002-2002, ເປັນຮອງເລຂາພັກ ແຂວງໆເຈີຈ່ຽງ, ຮັກສາການເຈົ້າແຂວງໆເຈີຈ່ຽງ; ເປັນຮອງປະ ທານ ຄະນະກໍາມະການ ວຽກງານໂຄສະນາປ້ອງກັນຊາດ ປະຈໍາເຂດທະຫານນານຈິງ; ເປັນປະທານຄະນະກໍາມະການວຽກງານ ໂຄສະນາປ້ອງກັນຊາດ ປະຈໍາແຂວງເຈີຈ່ຽງ;

-ແຕ່ປີ 2002-2003, ເປັນເລຂາພັກ ແຂວງໆເຈີຈ່ຽງ, ຮັກສາການເຈົ້າແຂວງໆເຈີຈ່ຽງ; ເປັນເລຂາຄະນະພັກຜູ້ທີໜຶ່ງ ຂອງຄະນະພັກ ທະຫານແຂວງເຈີຈ່ຽງ, ເປັນຮອງປະທານ ຄະນະກໍາມະການ ວຽກງານໂຄສະນາປ້ອງກັນຊາດ ປະຈໍາເຂດທະຫານນານຈິ່ງ, ທັງເປັນປະທານ ຄະນະກໍາມະການວຽກງານ ໂຄສະນາປ້ອງກັນຊາດ ແຂວງເຈີຈ່ຽງ;

-ແຕ່ປີ 2003-2007, ເປັນເລຂາພັກ ແຂວງໆເຈີຈ່ຽງ, ປະທານສະພາປະຊາຊົນ ແຂວງເຈີຈ່ຽງ, ເລຂາພັກຜູ້ທີໜຶ່ງ ຂອງຄະນະພັກທະຫານ ປະຈໍາແຂວງເຈີຈ່ຽງ;

-ແຕ່ປີ 2007-2007, ເປັນເລຂາພັກ ນະຄອນຊຽງໄຮ້, ທັງເປັນເລຂາພັກຜູ້ທີໜຶ່ງ ຂອງກອງປ້ອງກັນເຂດ ນະຄອນຊຽງໄຮ້;

-ແຕ່ປີ 2007-2008, ເປັນຄະນະປະຈຳ ກົມການເມືອງສູນກາງພັກ, ເລຂາທິການສູນກາງພັກ ກອມມູນິດຈີນ, ອາທິການບໍດີ ໂຮງຮຽນພັກສູນກາງພັກ ກອມມູນິດຈີນ;

-ແຕ່ປີ 2008-2010, ເປັນຄະນະປະຈຳ ກົມການເມືອງ ສູນກາງພັກ, ເລຂາທິການສູນກາງພັກ, ຮອງປະທານປະເທດ ສປ ຈີນ, ອາທິການບໍດີ ໂຮງຮຽນພັກສູນກາງພັກ ກອມມູນິດຈີນ;

-ແຕ່ປີ 2010-2012, ເປັນຄະນະປະຈຳ ກົມການເມືອງ ສູນກາງພັກ, ເລຂາທິການສູນກາງພັກ, ຮອງປະທານປະເທດ ສປ ຈີນ, ຮອງປະທານ ຄະນະກໍາມະການ ທະຫານສູນກາງພັກ, ຮອງປະທານຄະນະກໍາມະການ ທະຫານສູນກາງແຫ່ງລັດ ສປ ຈີນ ອາທິການບໍດີ ໂຮງຮຽນພັກສູນກາງ ພັກກອມມູນິດຈີນ;

-ແຕ່ປີ 2012-2013, ເປັນເລຂາທິການໃຫຍ່ ຄະນະກໍາມະການສູນກາງ ພັກກອມມູນິດຈີນ, ປະທານຄະນະກໍາມະການ ທະຫານສູນກາງພັກ ກອມມູນິດຈີນ, ຮອງປະທານປະເທດ ແຫ່ງ ສປ ຈີນ, ຮອງປະທານຄະນະ ກຳມະການທະຫານ ສູນກາງພັກແຫ່ງລັດ ສປ ຈີນ;

-ແຕ່ປີ 2013-ປະຈຸບັນ, ເປັນເລຂາທິການໃຫຍ່ ຄະນະກໍາມະການສູນກາງ ພັກກອມມູນິດຈີນ, ປະທານຄະ ນະກໍາມະການ ທະຫານສູນກາງພັກ ກອມມູນິດຈີນ, ປະທານປະເທດ ແຫ່ງ ສປ ຈີນ, ປະທານຄະນະກຳມະການ ທະຫານສູນກາງແຫ່ງຊາດ ສປ ຈີນ.

ສະຫາຍ ສີ ຈິ້ນຜິງ  ໄດ້ຖືກເລືອກຕັ້ງເປັນ ກຳມະການສຳຮອງສູນກາງ ສະໄຫມທີ 15 ຂອງ ຄະນະກຳມະການສູນກາງພັກ ກອມມູນິດຈີນ; ເປັນກຳມະການສູນກາງ ສະໄຫມທີ 16, 17, 18, ແລະ 19 ຂອງຄະນະກຳມະການ ສູນກາງພັກກອມມູນິດຈີນ; ເປັນກຳມະການ ກົມການເມືອງສູນກາງ, ກຳມະການຄະນະປະຈຳ ກົມການເມືອງສູນກາງ, ເລຂາທິການ ຄະນະເລຂາສູນກາງ ສະໄຫມທີ 17 ຂອງຄະນະກຳມະການສູນກາງພັກ ກອມມູນິດຈີນ; ເປັນກຳມະການ ກົມການເມືອງສູນກາງ, ກຳມະການຄະນະ ປະຈຳກົມການເມືອງສູນກາງ, ເລຂາທິການໃຫຍ່ ຄະນະກຳມະການສູນກາງ ພັກກອມມູນິດຈີນ; ໄດ້ຖືກເລືອກຕັ້ງເປັນ ຮອງປະທານປະເທດ ແຫ່ງ ສປ ຈີນ ໃນກອງປະຊຸມ ຄັ້ງປະຖົມມະເລີກ ຂອງສະພາຜູ້ແທນ ທົ່ວປະເທດສະໄຫມທີ 11, ໄດ້ເລືອກຕັ້ງເພີ່ມເຕີມ ເປັນຮອງປະທານ ຄະນະກຳມະການ ທະຫານສູນກາງພັກ ໃນກອງປະຊຸມຄົບຄະນະ ຄັ້ງທີ 5 ສະ ໄຫມທີ 17 ຂອງພັກກກອມມູນິດຈີນ; ໄດ້ຖືກແຕ່ງຕັ້ງ ເປັນຮອງປະທານຄະນະກຳມະການ ທະຫານສູນກາງ ຂອງ ສປ ຈີນ ໃນກອງປະຊຸມ ເທື່ອທີ 17 ຂອງຄະນະກຳມະການປະຈຳ ສະພາຜູ້ແທນທົ່ວປະເທດ ສະໄຫມທີ 11; ໄດ້ຮັບ ຕຳແຫນ່ງເປັນປະທານ ຄະນະກຳມະການທະຫານ ສູນກາງພັກ ໃນກອງປະຊຸມ ຄົບຄະນະຄັ້ງທີໜຶ່ງ ສະໄຫມທີ 18 ຂອງຄະນະກຳມະການ ສູນກາງພັກກອມມູນິດຈີນ, ໄດ້ເລືອກຕັ້ງເປັນ ປະທານປະເທດ ແຫ່ງ ສປ ຈີນ ແລະ ປະທານຄະນະ ກຳມະການທະຫານສູນກາງຂອງ ສປ ຈີນ ໃນກອງປະຊຸມ ຄັ້ງປະຖົມມະເລີກ ຂອງສະພາຜູ້ແທນທົ່ວປະເທດ ສະໄຫມທີ 12; ໄດ້ຮັບຕຳແຫນ່ງ ເປັນປະທານ ຄະນະກຳມະການ ທະຫານສູນກາງພັກ ໃນກອງປະຊຸມ ຄົບຄະນະຄັ້ງປະຖົມມະເລີກ ສະໄຫມທີ 19 ຂອງຄະນະກຳມະການ ສູນກາງພັັກກອມມູນິດຈີນ.

Advertisement Replay Ad

ຂໍຂອບໃຈ

ຂໍ້ມູນ : ຂ່າວສານປະເທດລາວ

ວິທີເຮັດໃຫ້​ກາຍ​ເປັນ​ແຂກ​ສຸດ​ເລີດ​ໃນ​ງານ​ແຕ່ງໝູ່​ ເຄັດ​ລັບ​ສຳລັບ​ໝູ່​ເຈົ້າ​ສາວ​ທີ່​ຍັງ​ໂສດ​

ວິທີເຮັດໃຫ້​ກາຍ​ເປັນ​ແຂກ​ສຸດ​ເລີດ​ໃນ​ງານ​ແຕ່ງໝູ່​ ເຄັດ​ລັບ​ສຳລັບ​ໝູ່​ເຈົ້າ​ສາວ​ທີ່​ຍັງ​ໂສດ​

ເຜີຍແຜ່ຂໍ້ມູນທີ່ສ້າງຄວາມເສື່ອມເສຍແກ່ບຸກຄົນອື່ນທາງອອນລາຍ ມີຄວາມຜິດຕາມກົດໝາຍອາຍາ

ເຜີຍແຜ່ຂໍ້ມູນທີ່ສ້າງຄວາມເສື່ອມເສຍແກ່ບຸກຄົນອື່ນທາງອອນລາຍ ມີຄວາມຜິດຕາມກົດໝາຍອາຍາ

ບໍ່ຫາມາໃສ່ບໍ່ໄດ້ແລ້ວ ຈາກຢາໝ່ອງສູ່ແຟຊັນເສື້ອຍືດ "ກາລີງຖືລູກທໍ້"

ບໍ່ຫາມາໃສ່ບໍ່ໄດ້ແລ້ວ ຈາກຢາໝ່ອງສູ່ແຟຊັນເສື້ອຍືດ "ກາລີງຖືລູກທໍ້"

ເຂົ້າໃຈໃໝ່! ບໍ່ຕ້ອງເບິ່ງຄົນແກ້ເຄື່ອງ ກໍ່ເປັນຕາຕໍ້ໄດ້

ເຂົ້າໃຈໃໝ່! ບໍ່ຕ້ອງເບິ່ງຄົນແກ້ເຄື່ອງ ກໍ່ເປັນຕາຕໍ້ໄດ້

ອັບເດດເທຣນຊຸດໄໝງາມໆຈາກບັນດາຄົນດັງ ສຳລັບເທດສະການງານດອງປີ 2018

ອັບເດດເທຣນຊຸດໄໝງາມໆຈາກບັນດາຄົນດັງ ສຳລັບເທດສະການງານດອງປີ 2018

ໜຸ່ມນ້ອຍຫລົບໄປ ໜຸ່ມໃຫຍ່ມາແຮງ "ມາເບິ່ງ 5 ເຫດຜົນເປັນຫຍັງສາວໆຈຶ່ງມັກ ຜູ້ຊາຍລຸກແດັດດີ້"

ໜຸ່ມນ້ອຍຫລົບໄປ ໜຸ່ມໃຫຍ່ມາແຮງ "ມາເບິ່ງ 5 ເຫດຜົນເປັນຫຍັງສາວໆຈຶ່ງມັກ ຜູ້ຊາຍລຸກແດັດດີ້"

ເວົ້າແທ້? ນີ້​ ຫຼື ຄື​ຜົນ​ງານ​ຮູບແຕ້ມ​ຈາກ​ “ບິກ​” ເຫັນແລ້ວບໍ່ຢາກເຊື່ອສາຍຕາ

ເວົ້າແທ້? ນີ້​ ຫຼື ຄື​ຜົນ​ງານ​ຮູບແຕ້ມ​ຈາກ​ “ບິກ​” ເຫັນແລ້ວບໍ່ຢາກເຊື່ອສາຍຕາ

ກັ້ນ​ຈາມ​ເປັນ​ໄພຕໍ່​ສຸຂະພາບຫລາຍ​ກວ່າ​ທີ່​ຄິດ​

ກັ້ນ​ຈາມ​ເປັນ​ໄພຕໍ່​ສຸຂະພາບຫລາຍ​ກວ່າ​ທີ່​ຄິດ​

ນັກ​ຮຽນ​ຊາຍ​ ມ.​5 ຖືກ​ແຟນ​ສາວ​ບອກ​ເລີກ​ ຍິງ​ໂຕ​ຕາຍ​ຄາ​ໂຮງຮຽນ​

ນັກ​ຮຽນ​ຊາຍ​ ມ.​5 ຖືກ​ແຟນ​ສາວ​ບອກ​ເລີກ​ ຍິງ​ໂຕ​ຕາຍ​ຄາ​ໂຮງຮຽນ​

9 ສິ່ງທີ່ຄວນ​ລະວັງ ​ແລະ ​ບໍ່​ຄວນ​ເຮັດ​ເມື່ອ​ຖືກ​ເຊີນ​ໄປ​ງານ​ແຕ່ງ​

9 ສິ່ງທີ່ຄວນ​ລະວັງ ​ແລະ ​ບໍ່​ຄວນ​ເຮັດ​ເມື່ອ​ຖືກ​ເຊີນ​ໄປ​ງານ​ແຕ່ງ​

13 ສິ່ງທີ່ຊາວແບັກແພກເກີ (backpacker) ຄວນຮູ້ກ່ອນອອກເດີນທາງ

13 ສິ່ງທີ່ຊາວແບັກແພກເກີ (backpacker) ຄວນຮູ້ກ່ອນອອກເດີນທາງ

ໃນໝາກຖົ່ວ ຊ່ວຍເພີ່ມສະມັດຖະພາບເພດຊາຍໄດ້

ໃນໝາກຖົ່ວ ຊ່ວຍເພີ່ມສະມັດຖະພາບເພດຊາຍໄດ້

ຮູ້ບໍ່ ທ່ານອາດຖືກໃໝເຖິງ 5 ລ້ານກີບ ຖ້າລຶບຂໍ້ມູນໃນໂທລະສັບ-ຄອມຄົນອື່ນໂດຍບໍ່ໄດ້ຮັບອະນຸຍາດ

ຮູ້ບໍ່ ທ່ານອາດຖືກໃໝເຖິງ 5 ລ້ານກີບ ຖ້າລຶບຂໍ້ມູນໃນໂທລະສັບ-ຄອມຄົນອື່ນໂດຍບໍ່ໄດ້ຮັບອະນຸຍາດ

6 ຂໍ້​ຄວນ​ຮູ້​ ກ່ອນ​ຕັດ​ສິນ​ໃຈ​ຕໍ່ຂົ​ນ​ຕາ​

6 ຂໍ້​ຄວນ​ຮູ້​ ກ່ອນ​ຕັດ​ສິນ​ໃຈ​ຕໍ່ຂົ​ນ​ຕາ​

ເຫດຜົນທີ່ຜູ້ຍິງຄວນກິນອາຫານເສີມ

ເຫດຜົນທີ່ຜູ້ຍິງຄວນກິນອາຫານເສີມ

ວິທີສັງເກດ "ຊີ້ນສັດ" ແບບໃດທີ່ມີພະຍາດ

ວິທີສັງເກດ "ຊີ້ນສັດ" ແບບໃດທີ່ມີພະຍາດ

"ຄັນ" ຊ່ອງຄອດ ໄພງຽບທີ່ອັນຕະລາຍສຳລັບຜູ້ຍິງ

"ຄັນ" ຊ່ອງຄອດ ໄພງຽບທີ່ອັນຕະລາຍສຳລັບຜູ້ຍິງ

ດາ​ລາ​ໜັງ​ໂປ້​ຊື່​ດັ່ງ​ ໂອ​ລິ​ເວຍ​ ໂນ​ວາ​ ດັບ​ປິດ​ສະໜາ​ພາຍ​ໃນ​ບ້ານ​ພັກ​

ດາ​ລາ​ໜັງ​ໂປ້​ຊື່​ດັ່ງ​ ໂອ​ລິ​ເວຍ​ ໂນ​ວາ​ ດັບ​ປິດ​ສະໜາ​ພາຍ​ໃນ​ບ້ານ​ພັກ​

5 ​ເລື່ອງ​ດີໆທີ່​ຕ້ອງ​ເຮັດ ຫຼັງຮູ້​ວ່າ​ຕົນ​ເອງອົກຫັກ ເຊິ່ງ​ເປັນ​ທາງ​ອອກ​ທີ່​ດີ

5 ​ເລື່ອງ​ດີໆທີ່​ຕ້ອງ​ເຮັດ ຫຼັງຮູ້​ວ່າ​ຕົນ​ເອງອົກຫັກ ເຊິ່ງ​ເປັນ​ທາງ​ອອກ​ທີ່​ດີ

ລວມ​ຄຳ​ເວົ້າ​ແທງ​ໃຈ​ຄົນ​ຮັກ​ ທີ່ຜິດກັນ​ກັນ​ແຮງສໍ່າ​ໃດ​ ກໍ​ຫ້າມ​ເວົ້າຢ່າງ​ເດັດ​ຂາດ​

ລວມ​ຄຳ​ເວົ້າ​ແທງ​ໃຈ​ຄົນ​ຮັກ​ ທີ່ຜິດກັນ​ກັນ​ແຮງສໍ່າ​ໃດ​ ກໍ​ຫ້າມ​ເວົ້າຢ່າງ​ເດັດ​ຂາດ​

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ