ແນະນຳແອັບຕິດຕາມການໃຊ້ອິນເຕີເນັດສຳລັບ iPhone ປ້ອງກັນການໃຊ້ເນັດເກີນ

ປັນຫາການໃຊ້ອິນເຕີເນັດເກີນແພັກເກັດຈົນພາໃຫ້ເສຍເງິນຄ່າໂທຈົນໝົດບັນຊີຍັງຄົງເປັນປັນຫາກວນໃຈສຳລັບຫຼາຍໆຄົນ ເຊິ່ງໃນ iOS ເອງຍັງບໍ່ທັນມີລະບົບຈຳກັດປະລິມານຂໍ້ມູນອິນເຕີເນັດທີ່ນຳໃຊ້ເທື່ອ ແຕ່ວ່າເຮົາສາມາດນຳໃຊ້ແອັບສຳລັບຕິດຕາມປະລິມານການນຳໃຊ້ອິນເຕີເນັດແທນໄດ້.

ແອັບທີ່ມ່ວນຂໍແນະນຳສຳລັບຕິດຕາມປະລິມານການໃຊ້ງານອິນເຕີເນັດສຳລັບ iOS ແມ່ນ My Data Manager - Track data usage and save money ເຊິ່ງເປັນແອັບຟຣີ. ຄຸນສົມບັດຫຼັກໆຂອງແອັບນີ້ປະກອບມີ:

• ຕິດຕາມກວດກາປະລິມານການນຳໃຊ້ອິນເຕີເນັດ ເຊິ່ງລວມມີ: ອິນເຕີເນັດມືຖື, Wi-Fi ແລະ
• ຕັ້ງເຕືອນຄວາມຈຳເພື່ອຫຼີກລ້ຽງການໃຊ້ງານຂໍ້ມູນຈົນເກີນແພັກເກັດທີ່ໃຊ້.
• ປະຫວັດການນຳໃຊ້ຂໍ້ມູນອິນເຕີເນັດ.
• ຈັດການການນຳໃຊ້ອິນເຕີຂອງຫຼາຍອຸປະກອນພ້ອມກັນ

ຈຸດເດັ່ນອີກຢ່າງຂອງແອັບນີ້ແມ່ນບໍ່ມີໂຄສະນາ ເຖິງວ່າຈະເປັນແອັບຟຣີກໍຕາມ.

ວິທີຕັ້ງຄ່າແຈ້ງເຕືອນເມື່ອແພັກເກັດອິນເຕີເນັດໃກ້ຈະໝົດ

• ເປີດແອັບມາແລ້ວກົດ Settings
• ເລືອກ My Plans.

• ຈາກນັ້ນເລືອກ Set Mobile Plan
• ເລືອກ Set Individual Plan > prepaid ແລ້ວ ພິມປະລິມານຂໍ້ມູນແພັກເກັດທີ່ເຮົາສະໝັກໃສ່. ຕົວຢ່າງເຊັນ: ສະໝັກແພັກເກັດ 3 GB ກໍພິມໃສ່ວ່າ 3 ແລ້ວເລືອກ ຈາກນັ້ນກົດ Next

• ຈາກນັ້ນເລືອກໄລຍະເວລາທີ່ແພັກເກັດຈະໝົດອາຍຸ ໂດຍກົດທີ່ Ending ແລ້ວເລືອກ 7 days, 30 days, 60 days ຫຼື 90 days ຫຼື ແຕະ Custom End Date ເພື່ອເລືອກວັນທີທີ່ແພັກເກັດໝົດອາຍຸດ້ວຍຕົນເອງ ແລ້ວກໍກົດເລືອກວັນທີໄດ້ທັນທີ. ຈາກນັ້ນກົດ Done.

• ພຽງເທົ່ານີ້ທ່ານກໍເປັນອັນຮຽບຮ້ອຍ ເມື່ອທ່ານໃຊ້ງານແພັກເກັດຮອດ 90% ແລ້ວ ທ່ານກໍຈະໄດ້ຮັບແຈ້ງເຕືອນ ເພື່ອປ້ອງກັນບໍ່ໃຫ້ໃຊ້ງານອິນເຕີເນັດເກີນແພັກເກັດ.

ຕິດຕັ້ງແອັບນີ້ໄດ້ທີ່ App Store.