ວັນອາທິດ ທີ 19 ພະຈິກ 2017

ນາຍົກລັດຖະມົນຕີແຫ່ງ ສປປ ລາວ ເຂົ້າຮ່ວມກອງປະຊຸມຊຸດຍອດອາຊຽນຄັ້ງທີ 31 ທີ່ປະເທດຟິລິບປິນ

ນາຍົກລັດຖະມົນຕີແຫ່ງ ສປປ ລາວ ເຂົ້າຮ່ວມກອງປະຊຸມຊຸດຍອດອາຊຽນຄັ້ງທີ 31 ທີ່ປະເທດຟິລິບປິນ

ນາຍົກລັດຖະມົນຕີແຫ່ງ ສປປ ລາວ ເຂົ້າຮ່ວມກອງປະຊຸມຊຸດຍອດອາຊຽນຄັ້ງທີ 31 ທີ່ປະເທດຟິລິບປິນ

ສຳນັກຂ່າວສານປະເທດລາວລາຍງານວ່າ ໃນວັນທີ 13 ພະຈິກ 2017, ທ່ານ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ເຂົ້າຮ່ວມ ພິທີເປີດກອງປະຊຸມ ສຸດຍອດອາຊຽນ ຄັ້ງທີ 31 ພາຍໃຕ້ຄໍາຂວັນ: ‘ຮ່ວມມືເພື່ອການປ່ຽນແປງ, ຜູກພັນກັບສາກົນ’ ໂດຍການເປັນເຈົ້າພາບ ແລະ ປະທານຂອງຟີລິບປິນ, ຊຶ່ງມີບັນດາປະມຸກລັດ, ຫົວໜ້າລັດຖະບານ ປະເທດອາຊຽນ, ລັດຖະມົນຕີຕ່າງປະເທດອາຊຽນ ແລະ ແຂກຖືກເຊີນເຂົ້າຮ່ວມ.

ພາຍຫລັງພິທີ ເປີດກອງປະຊຸມ ສຸດຍອດອາຊຽນ ຄັ້ງທີ 31, ທ່ານນາຍົກ ລັດຖະມົນຕີ ພ້ອມດ້ວຍຄະນະ ກໍໄດ້ສືບຕໍ່ເຂົ້າຮ່ວມ ກອງປະຊຸມສຸດຍອດອາຊຽນ ຄັ້ງທີ 31 ແບບຄົບຄະນະ, ເຊິ່ງ​ຜູ້ນຳ​ອາ​ຊຽນ ໄດ້ປຶກສາຫາລື ແລະ ທົບທວນຄືນ ກ່ຽວກັບການຈັດ​ຕັ້ງ​ປະຕິບັດ ວິໄສທັດປະຊາຄົມອາຊຽນ 2025 ກໍຄື ບັນດາ​​ແຜນ​ແມ່​ບົດ ​ສໍາລັບ​ສາມ​ເສົາ​ຄ້ຳ​ ປະຊາ​ຄົມ​ອາ​ຊຽນ ແລະ ທິດທາງໃນຕໍ່ໜ້າ ເພື່ອຮັດແໜ້ນ ປະຊາຄົມອາຊຽນ ໂດຍໄດ້ຊຸກຍູ້ ໃຫ້ທຸກຂະແໜງການອາຊຽນ ສືບຕໍ່ຈັດຕັ້ງປະຕິບັດ ບັນດາແຜນແມ່ບົດ ແລະ ແຜນວຽກຂອງຕົນ ໃຫ້ສໍາເລັດ ແລະ ມີປະສິດທິພາບ ເພື່ອປະກອບສ່ວນເຂົ້າໃນ ການຈັດຕັ້ງປະຕິບັດ ວິໄສທັດປະຊາຄົມອາຊຽນ 2025.

ໃນໂອກາດ ກ່າວຕໍ່ກອງປະຊຸມຄັ້ງນີ້, ທ່ານນາຍົກ ທອງລຸນ ສີສຸລິດ ໄດ້ຢໍ້າເຖິງຜົນສຳ​ເລັດ​ ຂອງ​ອາ​ຊຽນ ​ໃນ​ໄລຍະ 50 ປີ ຜ່າ​ນມາ,  ການ​ຮັດ​ແໜ້ນ ຄວາມ​ເປັນ​ແກນ​ກາງ ຂອງ​ອາ​ຊຽນ ​ແລະ ການ​ສົ່ງ​ເສີມ​ ການ​ເຂົ້າ​ເຖິງ​ແຫລ່ງທຶນ​ ຂອງ​ຈຸນ​ລະທຸ​ລະ​ກິດ, ທຸ​ລະ​ກິດ​ຂະໜາດ​ນ້ອຍ, ກາງ ​ແລະ ການຮັດແຄບຄວາມແຕກໂຕນ ດ້ານການພັດທະນາ ແລະ ການເຊື່ອມຈອດອາຊຽນ, ໂດຍຜ່ານການຈັດຕັ້ງປະຕິບັດ ແຜນວຽກຂໍ້ລິເລີ່ມ ເພື່ອການເຊື່ອມໂຍງອາຊຽນ ສະບັບທີ 3 ແລະ ຈັດຕັ້ງແຜນແມ່ບົດ ເພື່ອການເຊື່ອມຈອດອາຊຽນ 2025.

ນອກ​ນີ້, ກອງ​ປະຊຸມ ຍັງໄດ້ແລກປ່ຽນ ຄໍາຄິດຄໍາເຫັນ ກ່ຽວກັບການຮ່ວມມື ອາຊຽນກັບພາຍນອກ ແລະ ບັນຫາພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ເປັນຕົ້ນແມ່ນ ສະພາບ​ການຢູ່ຕາເວັນອອກກາງ, ແຫລມເກົາຫລີ, ການກໍ່ການຮ້າຍ, ວິກິດການຊາວອົບພະຍົບ, ທະເລຈີນໃຕ້ ແລະອື່ນໆ. ກອງປະຊຸມໄດ້ແຕ່ງຕັ້ງ ທ່ານ ດາໂຕປາດຸກາລິມຈອກຮອຍ ຈາກ ບຣູ​ໄນ ດາຣູສະ​ລາມ ເປັນ​ເລຂາທິການ​ໃຫຍ່ອາ​ຊຽນ ຄົນ​ຕໍ່​ໄປ ສຳລັບປີ 2018-2022.

ໃນ​ຕອນ​ບ່າຍ​ຂອງ​ວັນດຽວກັນ, ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ກໍໄດ້​ນຳພາ​ຄະນະ​ຜູ້​ແທນ​ລາວ ​ເຂົ້າຮ່ວມ​​ກອງ​ປະຊຸມ​ ສຸດ​ຍອດຕ່າງໆ ລະຫວ່າງ​ອາຊຽນ ກັບບັນດາຄູ່​ເຈລະ​ຈາ ​ເຊັ່ນ: ກອງປະຊຸມສຸດຍອດ ອາຊຽນ-ຈີນ ຄັ້ງທີ 20, ກອງປະຊຸມສຸດຍອດ ສະເຫລີມສະຫລອງ ການພົວພັນ ອາຊຽນ-ສະຫະລັດ ຄົບຮອບ 40 ປີ, ກອງປະຊຸມສຸດຍອດ ອາຊຽນ-ສ ເກົາຫລີ ຄັ້ງທີ 19, ກອງປະຊຸມສຸດຍອດ ອາຊຽນ-ຍີ່ປຸ່ນ ຄັ້ງທີ 20 ​ແລະ ກອງປະຊຸມສຸດຍອດ ອາຊຽນ-ສະຫະປະຊາຊາດ ຄັ້ງທີ 9.

ກອງ​ປະຊຸມ​ສຸດ​ຍອດ​ ອາຊຽນ-ຈີນ ຄັ້ງທີ 20 ໄດ້ເຫັນ​ດີ​​ໃຫ້​ເພີ່ມ​ທະວີ​​ ການຮ່ວມ​ມື​​ໃນ​ດ້ານ​ຕ່າງໆ ​ເພື່ອ​ຮັດ​ແໜ້ນການ​ພົວພັນ​ ອາຊຽນ-ຈີນ ​ໃຫ້​ນັບ​ມື້ຂະຫຍາຍຕົວ​ຍິ່ງ​ຂຶ້ນ ເປັນຕົ້ນ​ແມ່ນ​ ຈັດຕັ້ງຜັນ​ຂະຫຍາຍ ສັນຍາການ​ຄ້າ​ເສລີ ອາຊຽນ-ຈີນ ຢ່າງ​ເຕັມ​ສ່ວນ​​​ແນ​ໃສ່​ ປະກອບສ່ວນ​ເຮັດ​ໃຫ້​ ບັນລຸ​​ເປົ້າໝາຍການ​ຄ້າ ອາຊຽນ-ຈີນ ມູນ​ຄ່າ 1000 ຕື້​ໂດ​ລາ​ສະຫະລັດ ໃນ​ປີ 2020; ​ເສີມ​ຂະຫຍາຍ​ການ​ຮ່ວມ​ມື​ ດ້ານ​ການ​ເຊື່ອມ​ຈອດ ​ໂດຍ​ການ​ເຊື່ອມ​ສານ ລະຫວ່າງ​ ຂໍ້​ລິ​ເລີ່​ມໜຶ່ງ​ແລວທາງ ໜຶ່ງ​ເສັ້ນທາງຂອງ ສປ ຈີນ ​ແລະ ​ແຜນ​ແມ່​ບົດ ​ວ່າ​ດ້ວຍ​ການ​ເຊື່ອມ​ຈອດ 2025; ​ສົ່ງ​ເສີມ​ການທ່ອງ​ທ່ຽວ ​ແລະ ການ​ໄປມາຫາສູ່ ລະຫວ່າງ​ປະຊາຊົນ​​. ບັນດາ​ຜູ້ນຳ​ອາຊຽນ-ຈີນ ໄດ້​ຕົກ​ລົງ​ ຫລາຍ​ບັນ​ຫາ​ສຳ​ຄັນ​ ຄື: 1). ​ກຳ​ນົດ​ເອົາ​ຂົງ​ເຂດ ​ນະ​ວັດ​ຕະ​ກຳ ເປັນ​ຫົວ​ຂໍ້​ຈຸດ​ສຸມ​ການ​ຮ່ວມ​ມື​ ອາ​ຊຽນ-ຈີນ ໃນ​ປີ 2018, 2). ​ເຫັນ​ດີ​ຮ່າງວິໄສທັດ ການເປັນຄູ່ຮ່ວມຍຸດທະສາດ ອາ​ຊຽນ-ຈີນ ຮອດ​ປີ 2030 ​ແລະ 3). ປະກາດ​ເລີ່​ມການ​ປຶກສາ​ຫາລື ກ່ຽວກັບ​ກົດ​ແຫ່ງ​ການ​ປະ​ພຶດ ​ຂອງ​ບັນ​ດາ​ຝ່າຍ​ໃນ​ທະ​ເລ​ຈີນ​ໃຕ້ ຢ່າງ​ເປັນ​ທາງ​ການ. ນອກ​ນັ້ນ, ກໍ​ໄດ້ຕົກ​ລົງ​ຮັບຮອງ ເອົາຫລາຍ​ເອກະສານ ​​ເຊັ່ນ: 1). ຖະ​ແຫລງ​ການ​ຮ່ວມ ອາຊຽນ-ຈີນ ວ່າດ້ວຍ​ການ​ຮ່ວມ​ມື​ ດ້ານ​ການ​ທ່ອງ​ທ່ຽວ ​ແລະ 2). ຖະແຫລງການຮ່ວມ ອາຊຽນ-ຈີນ ວ່າດ້ວຍການຮັດແໜ້ນການຮ່ວມມື ດ້ານການຕ້ານການສໍ້ລາດບັງຫລວງ ແບບຮອບດ້ານ.

ໃນກອງປະຊຸມສຸດຍອດ ສະເຫລີມສະຫລອງ ການ​ພົວພັນ ​ອາຊຽນ-ສະຫະລັດ ຄົບຮອບ 40 ປີ, ຜູ້​ນຳອາ​ຊຽນ​ ​ແລະ ​ສ​ະ​ຫະ​ລັດ​ ໄດ້​ຢືນ​ຢັນຄືນຄວາ​ມໝາຍໝັ້ນ ທີ່​ຈະ​ສືບ​ຕໍ່​ຮັດ​ແໜ້ນ​ ການ​ຮ່ວມ​ມື​ໃນ​ຂົງ​ເຂດ​ຕ່າງໆ​ ທີ່​ມີ​ຜົນ​ປະ​ໂຫຍດ​ຮ່ວມ​ກັນ ​ເປັນ​ຕົ້ນ​ ດ້ານ​ຄວາມ​ໝັ້ນ​ຄົງ, ການ​ຄ້າ, ​ການ​ສຶກ​ສາ, ການ​ແລກ​ປ່ຽນ​ຊາວ​ໜຸ່ມ ແລະ ອື່ນໆ. ອາ​ຊຽນໄດ້​ສະ​ແດງ​ ຄວາມ​ຍິນ​ດີ​ທີ່​ເຫັນ​ວ່າ ສະ​ຫະ​ລັດພາຍ​ໃຕ້​ ລັດ​ຖະ​ບານ​ໃໝ່ ຍັງ​ສືບ​ຕໍ່​ໃຫ້​ຄວາມ​ສຳ​ຄັນ ​ຕໍ່​ການ​ພົວ​ພັນ​ ອາ​ຊຽນ-ສະ​ຫະ​ລັດ ແລະ ຖື​ອາ​ຊຽນ​ເປັນ​ບູ​ລິ​ມະ​ສິດ ​ໃນ​ນະ​ໂຍ​ບາຍ​ ການ​ຕ່າງ​ປະ​ເທດ​ຂອງ​ຕົນ. ໃນ​​ໂອກາດ​ນີ້, ຜູ້ນຳ​ອາຊຽນ ​ແລະ ສະຫະລັດ ກໍ​ໄດ້​ຮັບ​ຮອງ​ເອົາ ຖະ​ແຫລງ​ການຮ່ວມ​ ວ່າດ້ວຍກອງ​ປະຊຸມ​ສຸດ​ຍອດ ​ສະ​ເຫລີມສະຫລອງ ການ​ພົວພັນ​ອາຊຽນ-ສະຫະລັດ ຄົບຮອບ 40 ປີ.

ກອງ​ປະ​ຊຸມ​ສຸດຍອດ ອາ​ຊຽນ-ສ​ ເກົ​າຫລີ ຄັ້ງທີ 19 ​ໄດ້​ສະ​ແດງຄວາມຍິນດີ ຕໍ່ຄວາມ​ຄືບ​ໜ້າ​ຂອງ​ການ​ຮ່ວມ​ມື​ ອາ​ຊຽນ-ສ ເກົາ​ຫລີ ໃນ​ໄລ​ຍະ 1 ປີຜ່ານ​ມາ ລວມ​ທັງ​ການ​ ຈັດ​ຕັ້ງ​ປະ​ຕິ​ບັດ​ ປີ​ແລກ​ປ່ຽນ​ວັດ​ທະ​ນະ​ທຳ​ ອາ​ຊຽນ-ສ ເກົາ​ຫລີ ໃນ​ປີ 2017 ​ແລະ ການສ້າງຕັ້ງ ສູນວັດທະນະທໍາ ອາຊຽນ ຢູ່ແຂວງປູຊານ, ສ​ ເກົາ​ຫລີ, ຊຶ່ງໄດ້ເປີດໂຕ ຢ່າງເປັນທາງການ ໃນເດືອນກັນຍາ 2017 ຜ່ານມານີ້ແນໃສ່ສົ່ງເສີມ ການ​ແລກ​ປ່ຽນ​ດ້ານ​ ວັດ​ທະ​ນະ​ທຳ, ຍົກ​ສູງ​ຄວາມ​ຮັບ​ຮູ້ ແລະ ຄວາມ​ອົກ​ເຂົ້າ​ໃຈ ແລະ ການໄປ ມາຫາສູ່ກັນ ລະຫວ່າງ ປະຊາຊົນ ຂອງສອງພາກພື້ນ ໃຫ້ນັບມື້ນັບຫລາຍຍິ່ງຂຶ້ນ. ບັນດາ​ຜູ້ນຳ​ຍັງ​ໄດ້ຕີ​ລາຄາ​ສູງ ​ຕໍ່ການ​ຮ່ວມ​ມື​ ດ້ານການ​ຄ້າ ​ແລະ ການ​ລົງທຶນ ລະຫວ່າງ​ອາຊຽນ ​ແລະ ສ ​ເກົາຫລີ ​ແລະ ໄດ້ຢໍ້າ​ເຖິງ​ຄວາມ​ສຳຄັນ​ ໃນ​ການ​ຮ່ວມ​ມື​ ລະຫວ່າງ​ ພາກ​ທຸລະ​ກິດ ​ໂດຍ​ສະ​ເພາະ ​ແມ່ນ​ຈຸນ​ລະວິ​ສາ​ຫະກິດ ​ແລະ ວິ​ສາ​ຫະກິດ ຂະໜາດນ້ອຍ ​ແລະ ກາງ ລວມທັງ​ການສ້າງ​ຂີດ​ຄວາມ​ສາມາດ ​​​ໃຫ້​​ແກ່ພາກທຸລະກິດ ​ຂອງອາຊຽນ;  ການ​ຮ່ວມ​ມື​ເພື່ອຮັດແຄບ ຄວາມແຕກໂຕນ ດ້ານການພັດທະນາ, ການ​ເຊື່ອມ​ຈອດ ​ແລະ ອື່ນໆ​.

ໃນກອງ​ປະ​ຊຸມສຸດຍອດ​ ອາ​ຊຽນ-ຍີ່​ປຸ່ນ ຄັ້ງທີ 20, ບັນດາ​ຜູ້ນຳ​ອາຊຽນ ​ແລະ ຍີ່ປຸ່ນ ໄດ້ຢໍ້າຄືນ​ຄວາມໝາຍໝັ້ນ ທີ່​ຈະ​ເພີ່ມ​ທະວີ​ການ​ຮ່ວມ​ມື ​ໃນ​ດ້ານ​ການ​ເຊື່ອມ​ຈອດ, ການ​ຮັດ​ແຄບ​ຄວາມ​ແຕກ​ໂຕນ ​ດ້ານ​ການ​ພັດທະນາ, ການ​ສ້າງ​ຂີດ​ຄວາມ​ສາມາດ ​ແລະ ພັດທະນາ​ ຊັບພະຍາກອນ​ມະນຸດ, ການ​ແລກປ່ຽນຊາວໜຸ່ມ, ວຽກງານ​ສາທາລະນະ​ສຸກ, ການບັນ​ເທົາ​ທຸກ​ໄພພິບັດ ​ແລະ ອື່ນໆ. ກອງ​ປະຊຸມ ຍັງ​ໄດ້​ສະ​ແດງ​ຄວາມ​ຍິນ​ດີ ​ຕໍ່​ຂໍ້​ລິ​ເລີ່​ມຂອງ​ຍີ່ປຸ່ນ ​ທີ່​ຈະ​ເພີ່ມ​ທະວີ​ ການ​ຮ່ວມ​ມື​ກັບ​ອາຊຽນ ​ໃນ​ດ້ານ​ການພັດທະນາ ​ພື້ນຖານ​ໂຄງ​ລ່າງ ທີ່​ມີ​ຄຸນ​ນະພາ​ບ, ການ​ສ້າງ​ຄວາມ​ເຂັ້ມ​ແຂງ ​ໃຫ້​ແກ່​ແມ່ຍິງ, ດ້ານ​ສິ່ງ​ແວດ​ລ້ອມ, ວຽກງານ​ສາທາລະນະ​ສຸກ, ການ​ພັດທະນາ​ ວິ​ສາ​ຫະກິດ ​ຂະໜາດນ້ອຍ ​ແລະ ກາງ ​ແລະ ຂົງ​ເຂດ​ອື່ນໆ. ​

ກອງ​ປະຊຸມ​ສຸດ​ຍອດ​ ອາ​ຊຽນ-ສະຫະປະຊາ​ຊາດ (ສປຊ) ຄັ້ງ​ທີ 9 ໄດ້ສະແດງ ຄວາມໝາຍໝັ້ນ ໃນການສືບຕໍ່ຮັດແໜ້ນ ການຮ່ວມມື ລະຫວ່າງ ອາຊຽນ-ສປຊ, ແນໃສ່ສົ່ງເສີມສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາ ໃນພາກພື້ນ ແລະ ໃນໂລກ. ກອງ​ປະຊຸມ​ໄດ້​ເຫັນ​ດີໃຫ້​ ເພີ່ມ​ທະວີການປະສານງານ ລະຫວ່າງ ສອງກອງ​ເລຂາຢ່າງໃກ້ຊິດ ແລະ ເປັນລະບົບຂຶ້ນຕື່ມ ເພື່ອຮັບປະກັນ ​ໃຫ້ການຈັດຕັ້ງຜັນຂະຫຍາຍ ວິໄສທັດປະຊາຄົມອາຊຽນ 2025 ແລະ ວາລະ 2030 ເພື່ອການພັດທະນາ ແບບຍືນຍົງ ມີຄວາມກົມກຽວກັນ ​ແລະ ​ເພີ່​ມ​ເສີມ​ໃຫ້​ແກ່​ກັນ ​ແລະ ກັນ. ພ້ອນນັ້ນ, ກອງປະຊຸມ ຍັງໄດ້​ແລກປ່ຽນ ຄວາມ​ຄິດ​ເຫັນ​ ຕໍ່ບັນດາເຫດການທີ່ກໍາລັງເກີດຂຶ້ນ ໃນພາກພື້ນ ແລະ ໃນໂລກ ທີ່​ມີ​ຄວາມ​ສົນ​ໃຈ ​ແລະ ​ເປັນ​ຫ່ວງ​ຮ່ວມ​ກັນ.

ນອກນັ້ນ, ທ່ານ ທອງລຸນ ສີສຸລິດ ຍັງໄດ້ເຂົ້າຮ່ວມພົບປະ ລະຫວ່າງ ຜູ້ນຳອາຊຽນບວກສາມ ແລະ ສະພາທຸກລະກິດ ອາຊີຕາເວັນອອກ, ໂດຍກອງປະຊຸມ ໄດ້ຮັບຟັງຂໍ້ສະເໜີ ຂອງຕົວແທນພາກທຸລະກິດ ຈາກບັນດາປະເທດ ອາຊຽນບວກສາມ ກ່ຽວກັບການເພີ່ມທະວີ ການມີສ່ວນຮ່ວມ ຂອງພາກທຸລະກິດ ໃນຂະບວນການເຊື່ອມໂຍງ ເສດຖະກິດພາກພື້ນ, ໂດຍສະເພາະແມ່ນ ຂະບວນການເຈລະຈາ ສັນຍາການເປັນຄູ່ຮ່ວມ ເສດຖະກິດແບບຮອບດ້ານ ລະດັບພາກພື້ນ ຫລື ເອີ້ນວ່າ “RCEP”.

ໃນໂອກາດເຂົ້າຮ່ວມ ກອງປະຊຸມຄັ້ງນີ້, ທ່ານນາຍົກລັດຖະມົນຕີ ຍັງໄດ້ພົບປະຫາລື ການພົວ ພັນຮ່ວມມື ສອງຝ່າຍກັບຄູ່ຮ່ວມຕຳແໜ່ງ ຄື: ວັນທີ 12 ພະຈິກ 2017 ໄດ້ພົບປະກັບ ທ່ານ ສົມເດັດ ຮຸນແຊນ ນາຍົກລັດຖະມົນຕີ ແຫ່ງ ລາຊະອາຈັກກຳປູເຈຍ ແລະ ທ່ານ ດີມີຕຣີ ເມັດເວເດັບ ນາຍົກ ລັດຖະມົນຕີ ແຫ່ງ ສະຫະພັນຣັດເຊຍ ແລະ ວັນທີ 13 ພະຈິກ 2017 ໄດ້ພົບປະຫາລື ແບບບໍ່ເປັນທາງການ ກັບ ທ່ານ ຫງຽນຊວນ ຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ ແລະ ທ່ານ ແອນໂຕນິໂອ ກູເຕິເຣັດສ ເລຂາທິການໃຫຍ່ ອົງການສະຫະປະຊາຊາດ, ເຊິ່ງສອງຝ່າຍ ໄດ້ແລກປ່ຽນຄຳຄິດຄຳເຫັນ ກ່ຽວກັບການເຊື່ອມສານ ລະຫວ່າງ ວິໄສທັດອາຊຽນ 2025 ກັບວາລະ ການພັດທະນາແບບຍືນຍົງ 2030 ແລະ ບັນຫາພາກພື້ນ ແລະ ສາກົນ ທີ່ຕ່າງຝ່າຍຕ່າງມີ ຄວາມສົນໃຈຮ່ວມກັນ.

Advertisement Replay Ad

ຂໍຂອບໃຈ

ຂໍ້ມູນ : ຂ່າວສານປະເທດລາວ

ດວງພະໄທ ເມກສີທອງ ສາວງາມຜູ້ຄ້ວາມຸງກຸດ ນາງສາວລາວ 2017

ດວງພະໄທ ເມກສີທອງ ສາວງາມຜູ້ຄ້ວາມຸງກຸດ ນາງສາວລາວ 2017

ປູ​ແດງ​ນັບ​ລ້ານ​ໄຕ່​ຂົວ​ ມຸດ​ອຸ​ໂມງ​​ ຍ້າຍ​ຖິ່​ນ​ຄັ້ງ​ໃຫຍ່​ສຸດ​ໃນ​ໂລກ​

ປູ​ແດງ​ນັບ​ລ້ານ​ໄຕ່​ຂົວ​ ມຸດ​ອຸ​ໂມງ​​ ຍ້າຍ​ຖິ່​ນ​ຄັ້ງ​ໃຫຍ່​ສຸດ​ໃນ​ໂລກ​

ຕີນ​ໄຟ​! ເດັກ​ຊາຍ​ຈີນໄວ 11 ປີ​ຜູ້ເຕັ້ນ​ເຊືອກ​ໄດ້​ໄວ​ທີ່ສຸດ​ໃນ​ໂລກ

ຕີນ​ໄຟ​! ເດັກ​ຊາຍ​ຈີນໄວ 11 ປີ​ຜູ້ເຕັ້ນ​ເຊືອກ​ໄດ້​ໄວ​ທີ່ສຸດ​ໃນ​ໂລກ

ລົງ​ນ້ຳ​ແລ້ວ​! ເຮືອ​ດຳ​ນ້ຳ​ນິວເຄຼຍ​ຊັ້ນ​ Borei-A ລຳ​ທຳອິດ​ຂອງ​ຣັດ​ເຊຍ​

ລົງ​ນ້ຳ​ແລ້ວ​! ເຮືອ​ດຳ​ນ້ຳ​ນິວເຄຼຍ​ຊັ້ນ​ Borei-A ລຳ​ທຳອິດ​ຂອງ​ຣັດ​ເຊຍ​

"ທິດາພັນສາເຮືອງມາລາ" ຊຸດປະຈໍາຊາດໃໝ່ຂອງ Miss Universe Laos

"ທິດາພັນສາເຮືອງມາລາ" ຊຸດປະຈໍາຊາດໃໝ່ຂອງ Miss Universe Laos

ແຂວງວຽງຈັນກຽມພ້ອມຕອບໂຕ້ໄພພິບັດ

ແຂວງວຽງຈັນກຽມພ້ອມຕອບໂຕ້ໄພພິບັດ

ແອເອເຊຍ (AirAsia) ສະເຫຼີມສະຫຼອງຄົບຮອບ 50 ປີ ອາຊຽນ ດ້ວຍການຄືນກຳໄລໃຫ້ແກ່ພາກພື້ນ

ແອເອເຊຍ (AirAsia) ສະເຫຼີມສະຫຼອງຄົບຮອບ 50 ປີ ອາຊຽນ ດ້ວຍການຄືນກຳໄລໃຫ້ແກ່ພາກພື້ນ

ເລີ່ມສ້າງສູນຄົ້ນຄວ້າ ຢາງພາລາ ລາວ ໃນຕົ້ນປີ 2018

ເລີ່ມສ້າງສູນຄົ້ນຄວ້າ ຢາງພາລາ ລາວ ໃນຕົ້ນປີ 2018

ປາຕິຫານແຫ່ງຮັກ!!! ຊາຍເບິ່ງແຍງພັນລະຍາດົນ 6 ປີ ສຸດທ້າຍກໍ່ຟື້ນຄືນມາ

ປາຕິຫານແຫ່ງຮັກ!!! ຊາຍເບິ່ງແຍງພັນລະຍາດົນ 6 ປີ ສຸດທ້າຍກໍ່ຟື້ນຄືນມາ

ທົບທວນການປະຕິບັດແຜນງານຂອງສະມາຊິກລຸ່ມແມ່ນ້ຳຂອງ

ທົບທວນການປະຕິບັດແຜນງານຂອງສະມາຊິກລຸ່ມແມ່ນ້ຳຂອງ

ຈຳປາສັກຈະເປີດປີທ່ອງທ່ຽວພ້ອມບຸນວັດພູ

ຈຳປາສັກຈະເປີດປີທ່ອງທ່ຽວພ້ອມບຸນວັດພູ

ຕວກກີສັ່ງຫ້າມ ບໍ່ໃຫ້ຈັດເທສະການຮູບເງົາເກສັນຊາດເຢຍລະມັນ

ຕວກກີສັ່ງຫ້າມ ບໍ່ໃຫ້ຈັດເທສະການຮູບເງົາເກສັນຊາດເຢຍລະມັນ

ລໍຖ້າອີກ 25 ປີ! ມະນຸດຕ່າງດາວອາດຕອບກັບ 'ຈົດໝາຍນ້ອຍ'

ລໍຖ້າອີກ 25 ປີ! ມະນຸດຕ່າງດາວອາດຕອບກັບ 'ຈົດໝາຍນ້ອຍ'

ຈີ່ຈີ້ ຮາດິດ ນາງແບບລະດັບໂລກ ໃຫ້ທຶນສ້າງໂຮງຮຽນໃຫ້ແກ່ເດັກນ້ອຍຊົນນະບົດ ທີ່ເມືອງຫຼວງພະບາງ

ຈີ່ຈີ້ ຮາດິດ ນາງແບບລະດັບໂລກ ໃຫ້ທຶນສ້າງໂຮງຮຽນໃຫ້ແກ່ເດັກນ້ອຍຊົນນະບົດ ທີ່ເມືອງຫຼວງພະບາງ

ເຮືອ​ບິນ​ນ້ອຍ​ຕົກ​ທີ່​ລັ​ດເຊຍ​ ເດັກ​ຍິງ​ 4 ປີ​ລອດ​ປາ​ຕິ​ຫາ​ນ​ພຽງ​ຄົນ​ດຽວ​

ເຮືອ​ບິນ​ນ້ອຍ​ຕົກ​ທີ່​ລັ​ດເຊຍ​ ເດັກ​ຍິງ​ 4 ປີ​ລອດ​ປາ​ຕິ​ຫາ​ນ​ພຽງ​ຄົນ​ດຽວ​

ໝີ​ຍັກ​ໂຊ​​ “ເຕັ້ນ​ຮູດ​ເສົາ​” ກາງ​ປ່າໃນ​ຣັດ​ເຊຍ​

ໝີ​ຍັກ​ໂຊ​​ “ເຕັ້ນ​ຮູດ​ເສົາ​” ກາງ​ປ່າໃນ​ຣັດ​ເຊຍ​

ເລີ່ມໃຫ້ບໍລິການ​ປາຍ​ປີ​ນີ້! ລົດ​ໄຟ​ໃຕ້​ດິນ​ໄຮ້​ຄົນ​ຂັບ​ຂະບວນ​ທຳອິດ​ຂອງ​ປັກ​ກິ່ງ​

ເລີ່ມໃຫ້ບໍລິການ​ປາຍ​ປີ​ນີ້! ລົດ​ໄຟ​ໃຕ້​ດິນ​ໄຮ້​ຄົນ​ຂັບ​ຂະບວນ​ທຳອິດ​ຂອງ​ປັກ​ກິ່ງ​

ຊວນເບິ່ງ ປະກົດການຝົນດາວຕົກລີໂອນິດ ຄືນນີ້

ຊວນເບິ່ງ ປະກົດການຝົນດາວຕົກລີໂອນິດ ຄືນນີ້

ເຕີ໋-ຈອຍ ດາລາ ພິທີກອນດັງຂອງໄທ ເຊັກອິນຫລວງພະບາງ ຖ່າຍທໍາລາຍການທີ່ປະເທດລາວ

ເຕີ໋-ຈອຍ ດາລາ ພິທີກອນດັງຂອງໄທ ເຊັກອິນຫລວງພະບາງ ຖ່າຍທໍາລາຍການທີ່ປະເທດລາວ

ນາຕະລີ ຄວ້າລາງວັນທີ 1 ເລົ່າຄາຖາເຊົາຢາສູບ

ນາຕະລີ ຄວ້າລາງວັນທີ 1 ເລົ່າຄາຖາເຊົາຢາສູບ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ