ວັນອັງຄານ ທີ 12 ທັນວາ 2017

ກະຊວງວິທະຍາສາດ ແລະ ເຕັກໂນໂລຊີ ກຽມສະຫຼອງວັນວິທະຍາສາດແຫ່ງຊາດ 12 ຕຸລານີ້

ກະຊວງວິທະຍາສາດ ແລະ ເຕັກໂນໂລຊີ  ກຽມສະຫຼອງວັນວິທະຍາສາດແຫ່ງຊາດ 12 ຕຸລານີ້

ກະຊວງວິທະຍາສາດ ແລະ ເຕັກໂນໂລຊີ ກຽມສະຫຼອງວັນວິທະຍາສາດແຫ່ງຊາດ 12 ຕຸລານີ້

ເນື່ອງໃນວັນວິທະຍາສາດ ແຫ່ງຊາດ 12 ຕຸລາ 2017 ໄດ້ໝູນວຽນມາອີກວາລະໜຶ່ງ ທ່ານ ບໍ່ວຽງຄໍາ ວົງດາລາ ລັດຖະມົນຕີ ກະຊວງວິທະຍາສາດ ແລະ ເຕັກໂນ ໂລຊີ  ປະທານສະພາວິທະຍາສາດ ແຫ່ງຊາດ ໄດ້ຖະແຫຼງຂ່າວຕໍ່ສື່ມວນຊົນໃນວັນທີ 11 ຕຸລາ 2017 ທີ່ ກ່າວວ່າ: ໃນໄລຍະຜ່ານມາ ພັກແລະລັດ ໄດ້ເອົາໃຈໃສ່ຕໍ່ການພັດທະນາວຽກງານວິທະຍາສາດ ແລະ ເຕັກໂນໂລຊີ ຂອງປະເທດເຮົາຢ່າງຈົດຈໍ່ ເຊິ່ງສະແດງອອກ ໃນແນວທາງນະໂຍບາຍຂອງພັກ ບັນດາກົດໝາຍ ແລະ ແຜນພັດທະນາເສດຖະກິດ-ສັງຄົມແຫ່ງຊາດ ໃນແຕ່ລະໄລຍະນັ້ນ ໄດ້ເລັງໃສ່ການພັດທະນາຊັບພະຍາກອນມະນຸດ ແລະ ການສ້າງພື້ນຖານໂຄງລ່າງ ສໍາລັບການຄົ້ນຄວ້າ-ພັດທະນາ ແລະ ນໍາໃຊ້ຄວາມກ້າວໜ້າທາງວິທະຍາສາດ ແລະ ເຕັກໂນໂລຊີ ເພື່ອຮັບໃຊ້ການພັດທະນາ ຢູ່ປະເທດເຮົາ ອັນພົ້ນເດັ່ນທີ່ສຸດແມ່ນ ການສ້າງຕັ້ງກະຊວງວິທະຍາສາດ ແລະ ເຕັກໂນໂລຊີ ຂຶ້ນ ໃນເດືອນກັນຍາ ປີ 2011 ໄດ້ກາຍເປັນບາດກ້າວກະໂດດໃໝ່ ໃຫ້ແກ່ການສ້າງປະຖົມປັດໃຈຕົ້ນຕໍ ເພື່ອພັດທະນາວິທະຍາສາດ ແລະ ເຕັກໂນໂລຊີ ຢູ່ປະເທດເຮົາ ເລີ່ມຈາກນັ້ນເປັນຕົ້ນມາ ຄະນະພັກ ແລະ ຄະນະນຳ  ກວຕ ໄດ້ຊີ້ນຳ-ນຳພາສະມາຊິກພັກ-ພະນັກງານ ລັດຖະກອນໃນທົ່ວຂະແໜງການ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ  IX ແລະ ຄັ້ງທີ່ X ຂອງພັກຢ່າງເປັນຂະບວນຟົດຟື້ນ ​ພ້ອມກັນຜ່ານຜ່າຄວາມຫຍຸ້ງຍາກນາໆປະການ ຈັດຕັ້ງປະຕິບັດໜ້າທີ່ໃໝ່ ໜັກໜ່ວງ ແລະ ມີກຽດ ທີ່ພັກ ແລະ ລັດ ມອບໝາຍໃຫ້ ມາເຖິງປະຈຸບັນນີ້ ວຽກງານການຈັດຕັ້ງ ຂອງຂະແໜງການວິທະຍາສາດ ແລະ ເຕັກໂນໂລຊີ ແຕ່ສູນກາງ ເຖິງ ທ້ອງຖິ່ນ ໄດ້ຮັບການປັບປຸງ ແລະ ພັດທະນາຢ່າງເປັນລະບົບ ຢູ່ຂັ້ນກະຊວງ ມີ 2 ຫ້ອງການ 8 ກົມ ແລະ 4 ສະຖາບັນ ເຊິ່ງຮັບຜິດຊອບເຮັດໜ້າທີ່ການເມືອງເປັນເສນາທິການໃຫ້ລັດຖະບານ ໃນການສົ່ງເສີມນຳໃຊ້ ແລະ ຄົ້ນຄວ້າພັດທະນາ ວິທະຍາສາດ ເຕັກໂນໂລຊີ ແລະ ນະວັດຕະກຳ ຊັບສິນທາງປັນຍາ ມາດຕະຖານ ແລະ ວັດແທກໃນທົ່ວປະເທດ ຢູ່ບັນດາແຂວງ ແລະ ນະຄອນຫຼວງ ກໍ່ໄດ້ມີການປັບປຸງ ພະແນກວິທະຍາສາດ ແລະ ເຕັກໂນໂລຊີ ໃຫ້ເຂັ້ມແຂງ ໄດ້ສ້າງຕັ້ງຫ້ອງການວິທະຍາສາດ ແລະ ເຕັກໂນໂລຊີ ຢູ່ໃນບັນດາເມືອງຈຸດສຸມພັດທະນາ ທີ່ມີເງື່ອນໄຂ ຂະແໜງວິທະຍາສາດ ແລະ ເຕັກໂນໂລຊີ ໄດ້ຕັ້ງໜ້າຢ່າງຫ້າວຫັນ ປະກອບສ່ວນເຂົ້າໃນການຈັດຕັ້ງປະຕິບັດ ວຽກງານກໍ່ສ້າງຮາກຖານການເມືອງ ແລະ ວຽກງານ 3​ ສ້າງ ຕາມມະຕິ ຂອງກົມການເມືອງສູນກາງພັກ ດ້ວຍການສົ່ງໜ່ວຍງານວິຊາການລົງຊ່ວຍແຂວງ ເມືອງ ແລະ ບ້ານ ຕາມເນື້ອໃນຈິດໃຈ ຂອງວຽກງານ 3 ສ້າງ.

ກະຊວງວິທະຍາສາດ ແລະ ເຕັກໂນໂລຊີ ໄດ້ຄົ້ນຄວ້າ ສ້າງ ແລະ ປັບປຸງກົດໝາຍ 8 ສະບັບ ແລະ ນິຕິກໍາລຸ່ມກົດໝາຍ ອີກຈໍານວນໜຶ່ງ ໄດ້ດໍາເນີນກອງປະຊຸມນັກວິທະຍາສາດທໍາມະຊາດ ທົ່ວປະເທດ ຄັ້ງທີ l ເຊິ່ງເປັນຄັ້ງປະຫວັດສາດ ຂອງປະເທດເຮົາຊີ ສຳເລັດຜົນຢ່າງສະຫງ່າງາມ ໄດ້ດໍາເນີນກອງປະຊຸມວຽກງານວິທະຍາສາດ ແລະ ເຕັກໂນໂລຊີ ສຳເລັດແລ້ວ 2 ຄັ້ງ ແລະ ໄດ້ສ້າງແຜນຍຸດທະສາດການພັດທະນາວິທະຍາສາດ ແລະ ເຕັກໂນໂລຊີ ເຖິງ ປີ 2030 ເຊິ່ງເປັນແຜນຍຸດທະສາດການພັດທະນາ ທີ່ສາມາດເຊື່ອມສານກັບການພັດທະນາຂອງບັນດາກະຊວງຂະແໜງການ ກໍ່ຄືພາກພື້ນ ແລະ ສາກົນ ໃນໄລຍະໃໝ່ແຫ່ງການພັດທະນາແບບຍືນຍົງ.

ສໍາລັບການພັດທະນາດ້ານພື້ນຖານໂຄງລ່າງ ກໍໄດ້ສໍາເລັດການກໍ່ສ້າງສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ ເຊິ່ງປະກອບດ້ວຍບັນດາຫ້ອງທົດລອງທີ່ທັນສະໄໝ ສຳເລັດການສ້າງສູນຂໍ້ມູນເອເລັກໂຕຼນິກຂະໜາດໃຫຍ່ ເຖິງ 400 TB ທີ່ນຳໃຊ້ເຕັກໂນໂລຊີ ທັນສະໄໝຂອງປະເທດຢີ່ປຸ່ນ ເຊິ່ງເປັນສູນຂໍ້ມູນເອເລັກໂຕຼນິກແບບປະຫຍັດພະລັງງານ ແລະ ທັນສະໄໝທີ່ສຸດ ຢູ່ໃນປະເທດເຮົາ ກໍ່ຄືໃນພາກພື້ນອາຊີອາຄະເນ ສໍາເລັດການສ້າງສູນເຝິກອົບຮົມພະນັກງານ ຂະແໜງວຽກງານວິທະຍາສາດ ແລະ ເຕັກໂນໂລຊີ ເຊິ່ງຈະເປັນບ່ອນຍົກລະດັບ ບໍາລຸງສ້າງບຸກຄະລາກອນດ້ານວິທະຍາສາດ ແລະ ເຕັກໂນໂລຊີ ຢູ່ພາຍໃນປະເທດ ທີ່ຕິດພັນກັບການຄົ້ນຄວ້າ-ພັດທະນາ ການຖ່າຍທອດ ແລະ ການດັດປັບນໍາໃຊ້ວິທະຍາສາດ ແລະ ເຕັກໂນໂລຊີ ລວມທັງ ການສົ່ງເສີມຫົວຄິດປະດິດສ້າງສ້າງບຸກຄະລາກອນທີ່ເປັນມືອາຊີບທາງດ້ານວິຊາການ ເພື່ອສາມາດຄຸ້ມຄອງ ແລະ ຄົ້ນຄວ້າ-ພັດທະນາວິທະຍາສາດ ແລະ ເຕັກໂນໂລຊີ ໃນໄລຍະໃໝ່.

ໃນດ້ານການບໍລິການວິທະຍາສາດ ແລະ ເຕັກໂນໂລຊີ ເປັນຕົ້ນ ແມ່ນດ້ານຊັບສິນທາງປັນຍາ ມາດຕະ ຖານ ແລະ ວັດແທກກໍ່ໄດ້ຮັບການປັບປຸງຍົກລະດັບໃຫ້ດີຂຶ້ນ ເພື່ອບໍລີການແກ່ສັງຄົມຢ່າງກວ້າງຂວາງເຖິງຮາກຖານທ້ອງຖິ່ນ ໃນນັ້ນ ໄດ້ໃຫ້ຄໍາປຶກສາ ຮັບຄໍາຮ້ອງຂໍຈົດທະບຽນຊັບສິນອຸດສາຫະກໍາ ແຈ້ງຂໍ້ມູນລິຂະສິດ ແລະສິດກ່ຽວຂ້ອງກັບລິຂະສິດ ແລະ ການແກ້ໄຂຂໍ້ຂັດແຍ່ງຊັບສິນທາງປັນຍາ ໄດ້ທັງໝົດ 2.600 ກວ່າສະບັບ ໄດ້ສ້າງຕັ້ງຫ້ອງກວດສອບຄຸນນະພາບນໍ້າມັນເຊື້ອໄຟ ປະຈໍາຢູ່ບັນດາດ່ານສາກົນ ເຊິ່ງສາມາດເພີ່ມລາຍຮັບພາສີອາກອນ ນໍ້າມັນ ແລະ ຮັບປະກັນໃຫ້ສັງຄົມໄດ້ຊົມໃຊ້ນໍາມັນທີ່ມີຄຸນນະພາບ ປົກປັນຮັກສາສິ່ງແວດລ້ອມ ກວດສອບກົງເຕີ ໄຟຟ້ານໍາເຂົ້າມາໃໝ່ ຈໍານວນ 247.000 ກວ່າໜ່ວຍ ແລະ ບໍລິການອຶ່ນໆອີກ ພ້ອມກັນນັ້ນ ຍັງໄດ້ເພີ່ມທະວີ ວຽກງານໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ລັດ ກ່ຽວກັບວຽກງານວິທະຍາສາດ ແລະ ເຕັກໂນໂລຊີ ດ້ວຍຫຼາຍຮູບການ ເປັນຕົ້ນແມ່ນຈັດງານວາງສະແດງ ແລະ ສ້າງກິດຈະກໍາຕ່າງໆ ໃນໂອກາດສະເຫຼີມສະຫຼອງວັນລະນຶກທີ່ສໍາຄັນແຫ່ງຊາດ ປັບປຸງຍົກລະດັບຖານຂໍ້ມູນ ແລະ  ສ້າງເວັບໄຊທ໌ ຂອງກະຊວງ ໃຫ້ການບໍລິການຫ້ອງສະໝຸດວິທະຍາສາດ ແລະ ເຕັກໂນໂລຊີ ໜັງສືພີມ ວິທະຍາສາດ ແລະ ການພັດທະນາ ວາລະສານເຄື່ອງໝາຍການຄ້າ ອອກຮັບໃຊ້ມວນຊົນຢ່າງຕໍ່ເນື່ອງ ຈັດປະຊຸມສໍາມະນາ-ວິຊາການ ແລະ ການປາຖະກະຖາກ່ຽວກັບວິທະຍາສາດ ເຕັກໂນໂລຊີ ແລະ ນະວັດຕະກໍາ ເພື່ອເປັນຂໍ້ມູນຄວາມຮູ້ ໃຫ້ແກ່ນັກວິຊາການ ນັກຮຽນຮູ້ ປັນຍາຊົນ ແລະ ທົ່ວສັງຄົມ ຕື່ມອີກ.

ວຽກງານພົວພັນ ແລະ ຮ່ວມມື ທາງດ້ານວິທະຍາສາດ ແລະ ເຕັກໂນໂລຊີ ກັບຕ່າງປະເທດ ກໍ່ໄດ້ມີການຂະຫຍາຍຕົວຢ່າງກວ້າງຂວາງ ເປັນຕົ້ນແມ່ນ ໄດ້ມີການຮ່ວມມືສອງຝ່າຍ ລະຫວ່າງກະຊວງວິທະຍາສາດ ແລະ ເຕັກໂນໂລຊີ ສປປ ລາວ ແລະ ສສ ຫວຽດນາມ ສປ ຈີນ ໄທ ຍີ່ປຸ່ນ ກໍາປູເຈຍ ມາເລເຊຍ ແລະ ປະເທດອື່ນໆ ນອກຈາກນັ້ນ ຍັງມີການຮ່ວມມືຫຼາຍຝ່າຍໃນກອບອາຊຽນ ຮ່ວມມືກັບອົງການຄົ້ນຄວ້າ-ພັດທະນາວິທະຍາສາດຂອງພາກພື້ນອາຊີ ອົງການອຸຍແນັສໂກ ດ້ານວິທະຍາສາດທໍາມະຊາດ ແລະ ສິ່ງແວດລ້ອມ ອົງການພະລັງງານປະລໍາມະນູສາກົນ ອົງການມາດຕະຖານສາກົນ ອົງການຊັບສິນທາງປັນຍາໂລກ ເຊິ່ງເປັນການປະກອບສ່ວນ ປະຕິບັດພັນທະຂອງ ສປປ ລາວ ໃນຖານະເປັນປະເທດສະມາຊິກ ຂອງບັນດາການຈັດຕັ້ງດັ່ງກ່າວ ເພື່ອຍາດແຍ່ງເອົາການສະໜັບສະໜູນຊ່ວຍເຫຼືອ ດ້ານທຶນຮອນ ແລະ ດ້ານເຕັກນິກວິຊາການ ໃຫ້ນັບມື້ຫຼາຍຂຶ້ນ ແລະ ເປັນເຈົ້າການເຊື່ອມໂຍງເຂົ້າ ໃນວົງການວິທະຍາສາດ-ເຕັກໂນໂລຊີ ຂອງສາກົນ ໃຫ້ມີປະສິດທິຜົນ.

ຄຽງຄູ່ກັບຜົນງານຈໍານວນໜຶ່ງທີ່ກ່າວມານັ້ນ ຂະແໜງວິທະຍາສາດ ແລະ ເຕັກໂນໂລຊີ ກໍຍັງມີບັນຫາຄົງຄ້າງທ້າທາຍຈຳນວນໜຶ່ງ ທີ່ຈະຕ້ອງໄດ້ແກ້ໄຂຜ່ານຜ່າ ເປັນຕົ້ນແມ່ນຕ້ອງສືບຕໍ່ປັນປຸງການຈັດຕັ້ງ ແລະ ການພັດທະ ນາບຸກຄະລາກອນໃຫ້ເຂັ້ງແຂງ ສືບຕໍ່ນໍາໃຊ້ເຕັກໂນໂລຊີທັນສະໄໝເຂົ້າໃນການຜະລິດສິນຄ້າ ແລະ ຫັນເປັນທັນສະໄໝຢູ່ປະເທດເຮົາ ສະນັ້ນ ເພື່ອສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ໃຫ້ປະກົດຜົນເປັນຈິງຕາມທິດພັດທະນາແບບຍືນຍົງນັ້ນ ກະຊວງວິທະຍາສາດ ແລະ ເຕັກໂນໂລຊີ ຈະສືບຕໍ່ຈັດຕັ້ງປະຕິບັດແຜນຍຸດທະສາດການພັດທະນາວິທະຍາສາດ ແລະ ເຕັກໂນໂລຊີ ຂອງ ສປປ ລາວ ໄລຍະແຕ່ນີ້ ຮອດປີ 2030 ແນໃສ່ເຮັດໃຫ້ ຂະແໜງວຽກງານວິທະຍາສາດ ເຕັກໂນໂລຊີ ແລະ ນະວັດຕະກໍາ ກາຍເປັນກຳລັງແຮງຂັບເຄື່ອນໃຫ້ແກ່ການພັດທະນາປະເທດ ໄປຕາມທິດຫັນເປັນອຸດສາຫະກຳ ແລະ ທັນສະໄໝ ແບບຍືນຍົງສີຂຽວ ໃນແຜນຍຸດທະສາດການພັດທະນາດັ່ງກ່າວ ໄດ້ກໍານົດ 6 ແຜນ ງານຍຸດທະສາດ ຄື: ບຸກທະລຸດ້ານຈິນຕະນາການ ເອົາໃຈໃສ່ໂຄສະນາເຜີຍແຜ່ ສ້າງຈິດສໍານຶກດ້ານວິທະຍາສາດ ແລະ ເຕັກໂນໂລຊີ ໃຫ້ແກ່ສັງຄົົມຢ່າງກວ້າງຂວາງ ແລະ ເລິກເຊິ່ງ ບຸກທະລຸປ່ຽນແປງໃໝ່ ພື້ນຖານການຈັດຕັ້ງ ກົນ​ໄກ​ການຄຸ້ມຄອງ ແລະ ການເຄື່ອນໄຫວວຽກງານວິທະຍາສາດ ແລະ ເຕັກໂນໂລຊີ ໃຫ້ເປັນລະບົບຄົບຊຸດ ແລະ ມີປະສິດທິຜົນ ບຸກທະລຸ​ໃນການພັດທະນາຊັບພະຍາກອນມະນຸດ ດ້ານ​ວິທະຍາສາດ ​ແລະ ​ເຕັກ​ໂນ​ໂລ​ຊີ ໃຫ້ຮັບປະກັນທາງດ້ານປະລິມານ ແລະ ຄຸນນະພາບ ບຸກທະລຸຄົ້ນຄວ້ານຳໃຊ້ ແລະ ພັດທະນາວິທະຍາສາດ ເຕັກໂນໂລຊີ ​ເຂົ້າ​ສູ່ເຂດຈຸດ​ສຸມບຸລິມະສິດ ລົງ​ສູ່ຂະແໜງການ ແລະ ທ້ອງ​ຖິ່ນ ເພື່ອພັດທະນາເສດຖະກິດ-ສັງຄົມ ແລະ ລົບລ້າງຄວາມທຸກຍາກຂອງ​ປະຊາຊົນ​ລາວ​ບັນດາ​ເຜົ່າ ເອົາໃຈໃສ່ບໍລິການດ້ານວິທະຍາສາດ ແລະ ເຕັກໂນໂລຊີ ເພື່ອຮັບໃຊ້ສັງຄົມ ແລະ ປະຊາຊົນເຂດຫ່າງໄກສອກຫຼີກ ເປີດກວ້າງການພົວພັນຮ່ວມມືສາກົນ ດ້ານວິທະຍາສາດ ແລະ ເຕັກໂນໂລຊີ ຢ່າງມີຫຼັກການ ຕາມແນວທາງການຕ່າງປະເທດຂອງພັກ-ລັດ.

Advertisement Replay Ad
ເງິນໃຜ? ເຈົ້າໜ້າທີ່ດ່ານໜອງຄາຍຢຶດເງິນຈາກລົດຄົນລາວໄດ້ 98 ລ້ານບາດ ຂະນະເຊື່ອງຂ້າມແດນໄທ-ລາວ

ເງິນໃຜ? ເຈົ້າໜ້າທີ່ດ່ານໜອງຄາຍຢຶດເງິນຈາກລົດຄົນລາວໄດ້ 98 ລ້ານບາດ ຂະນະເຊື່ອງຂ້າມແດນໄທ-ລາວ

10 ພຶດຕິກຳຂອງພະນັກງານລັດ ທີ່ ສີຈິ້ນຜິງ ປະທານປະເທດ ສປ ຈີນ ບໍ່ມັກ

10 ພຶດຕິກຳຂອງພະນັກງານລັດ ທີ່ ສີຈິ້ນຜິງ ປະທານປະເທດ ສປ ຈີນ ບໍ່ມັກ

ໜຸ່ມ​ນ້ອຍ​ເລົ່າເລື່ອງ​ລາວ​ຖືກໝູ່ຂົ່ມເຫັງທັງ​ນ້ຳ​ຕາ​ ເຫຼົ່າ​ດາລາລະດັບ​ໂລກແຫ່​ໃຫ້​ກຳ​ລັງໃຈ

ໜຸ່ມ​ນ້ອຍ​ເລົ່າເລື່ອງ​ລາວ​ຖືກໝູ່ຂົ່ມເຫັງທັງ​ນ້ຳ​ຕາ​ ເຫຼົ່າ​ດາລາລະດັບ​ໂລກແຫ່​ໃຫ້​ກຳ​ລັງໃຈ

ໄຟປ່າແຄລິຟໍເນຍລາມກວ້າງໃຫຍ່ກວ່ານະຄອນນິວຢອກແລ້ວ

ໄຟປ່າແຄລິຟໍເນຍລາມກວ້າງໃຫຍ່ກວ່ານະຄອນນິວຢອກແລ້ວ

SCG ສານຕໍ່ມອບທຶນການສຶກສາ SCG Sharing the Dream ໃນລາວ ສົ່ງເສີມຄວາມກະຕັນຍູ-ສານຝັນໃຫ້ນ້ອງສູ່ອະນາຄົດທີດີ

SCG ສານຕໍ່ມອບທຶນການສຶກສາ SCG Sharing the Dream ໃນລາວ ສົ່ງເສີມຄວາມກະຕັນຍູ-ສານຝັນໃຫ້ນ້ອງສູ່ອະນາຄົດທີດີ

ທຳຄວາມເຂົ້າໃຈ ຢູເນສໂກ ຮັບຮອງ "ສຽງແຄນຂອງຄົນລາວ" ເປັນມໍລະດົກທາງພູມປັນຍາ ບໍ່ແມ່ນ "ແຄນ"

ທຳຄວາມເຂົ້າໃຈ ຢູເນສໂກ ຮັບຮອງ "ສຽງແຄນຂອງຄົນລາວ" ເປັນມໍລະດົກທາງພູມປັນຍາ ບໍ່ແມ່ນ "ແຄນ"

ພົບຊາຍ​ພະຍາຍາມ​ລະເບີດ​ຂ້າ​ຕົວ​ຕາຍ​ໃນ​ນິວ​ຢອກ​

ພົບຊາຍ​ພະຍາຍາມ​ລະເບີດ​ຂ້າ​ຕົວ​ຕາຍ​ໃນ​ນິວ​ຢອກ​

ຄະນະນຳສຶກສາທິການ ແລະ ກີລາ ຫຼວງພະບາງ ລົງເຮັດວຽກຢູ່ ມ. ຕົ້ນ ສົບພົນ ກຸ່ມນ້້ຳລວງ

ຄະນະນຳສຶກສາທິການ ແລະ ກີລາ ຫຼວງພະບາງ ລົງເຮັດວຽກຢູ່ ມ. ຕົ້ນ ສົບພົນ ກຸ່ມນ້້ຳລວງ

ບັນຫາເບ້ຍລ້ຽງນັກຮຽນອາຊີວະຕໍ່າ-ຈ່າຍຊັກຊ້າ ຍັງເປັນປະເດັນທີ່ລັດຈະຕ້ອງເລັ່ງແກ້ໄຂ

ບັນຫາເບ້ຍລ້ຽງນັກຮຽນອາຊີວະຕໍ່າ-ຈ່າຍຊັກຊ້າ ຍັງເປັນປະເດັນທີ່ລັດຈະຕ້ອງເລັ່ງແກ້ໄຂ

ພາບ​ສຸດ​ທ້າຍ​ຂອງ​ໜຸ່ມ​ນັກ​ປີນ​ຕຶກ​ມື​ເປົ່​າ ແຟນ​ໆ​ແຫ່​ໂພສໄວ້​ອາໄລ​

ພາບ​ສຸດ​ທ້າຍ​ຂອງ​ໜຸ່ມ​ນັກ​ປີນ​ຕຶກ​ມື​ເປົ່​າ ແຟນ​ໆ​ແຫ່​ໂພສໄວ້​ອາໄລ​

ສຶກສາທິການ ແລະ ກີລາ ຊີ້ແຈງບັນຫາຂາດຄູ - ການເກັບຄ່າລົງທະບຽນນໍານັກຮຽນຢູ່ບາງເຂດໃນຕ່າງແຂວງ

ສຶກສາທິການ ແລະ ກີລາ ຊີ້ແຈງບັນຫາຂາດຄູ - ການເກັບຄ່າລົງທະບຽນນໍານັກຮຽນຢູ່ບາງເຂດໃນຕ່າງແຂວງ

ສາຍທ່ຽວກຽມໄປເຊັກອິນ! ຈຸດເດັ່ນແຫ່ງໃໝ່ຂອງວັງວຽງ "ຕະຫຼາດກາງຄືນ Vangvieng Walking Street"

ສາຍທ່ຽວກຽມໄປເຊັກອິນ! ຈຸດເດັ່ນແຫ່ງໃໝ່ຂອງວັງວຽງ "ຕະຫຼາດກາງຄືນ Vangvieng Walking Street"

UNICEF ສົ່ງເສີມສ້າງໂລກອອນລາຍທີ່ປອດໄພສຳລັບເດັກນ້ອຍ

UNICEF ສົ່ງເສີມສ້າງໂລກອອນລາຍທີ່ປອດໄພສຳລັບເດັກນ້ອຍ

ໂດນັນ ທຣຳ ບອກ ນາຊາ ໃຫ້ສົ່ງຄົນໄປດວງຈັນອີກຮອບ

ໂດນັນ ທຣຳ ບອກ ນາຊາ ໃຫ້ສົ່ງຄົນໄປດວງຈັນອີກຮອບ

ເປີດນຳໃຊ້ສະຖານີບຳບັດນ້ຳເປື້ອນຈາກຄົວເຮືອນ

ເປີດນຳໃຊ້ສະຖານີບຳບັດນ້ຳເປື້ອນຈາກຄົວເຮືອນ

ອົບຮົມ​ສາທິດ​ເຫດການ​ຈໍາລອງ​ຕົວ​ຈິງ ​ໃນ​ການ​ກ້ຽມພ້ອມ​ຕອບ​ໂຕ້ພະຍາດໄຂ້ຫວັດສັດປີກ

ອົບຮົມ​ສາທິດ​ເຫດການ​ຈໍາລອງ​ຕົວ​ຈິງ ​ໃນ​ການ​ກ້ຽມພ້ອມ​ຕອບ​ໂຕ້ພະຍາດໄຂ້ຫວັດສັດປີກ

ຈັນທະບູລີ ຮັບມະຫາຊົນ ແລະ ເລື່ອນເຍົາວະຊົນເຂົ້າເປັນສະມາຊິກຊາວໜຸ່ມ

ຈັນທະບູລີ ຮັບມະຫາຊົນ ແລະ ເລື່ອນເຍົາວະຊົນເຂົ້າເປັນສະມາຊິກຊາວໜຸ່ມ

ໜຸ່ມ​ຈີນ​ນັກ​ໄຕ່​ຄວາມ​ສູງ​ດ້ວຍ​ມື​ເປົ່າ​ ເສຍ​ທ່າຕົ​ກ​ຕຶກ​ເສຍຊີວິດ​

ໜຸ່ມ​ຈີນ​ນັກ​ໄຕ່​ຄວາມ​ສູງ​ດ້ວຍ​ມື​ເປົ່າ​ ເສຍ​ທ່າຕົ​ກ​ຕຶກ​ເສຍຊີວິດ​

ອະລັງການ ນັກການເມືອງໄຕ້ຫວັນປິດຫົນທາງຈັດງານດອງ ລ້ຽງແຂກ 600 ໂຕະ ລະບຸບໍ່ຮັບຊອງເງິນ ແລະ ຂອງຂວັນ

ອະລັງການ ນັກການເມືອງໄຕ້ຫວັນປິດຫົນທາງຈັດງານດອງ ລ້ຽງແຂກ 600 ໂຕະ ລະບຸບໍ່ຮັບຊອງເງິນ ແລະ ຂອງຂວັນ

ບໍລິສັດຮັບເໝົາກໍ່ສ້າງທາງ ນານົກຂຸ້ມ-ນາໄຊ ສະເໜີໃຫ້ລັດເພີ່ມງົບປະມານ ເພື່ອໃຫ້ໂຄງການສໍາເລັດຕາມແຜນ

ບໍລິສັດຮັບເໝົາກໍ່ສ້າງທາງ ນານົກຂຸ້ມ-ນາໄຊ ສະເໜີໃຫ້ລັດເພີ່ມງົບປະມານ ເພື່ອໃຫ້ໂຄງການສໍາເລັດຕາມແຜນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ